][ عنـاادهم امـس كان بيضيعـهم , , , ولبـى قلبـك يآ يآسـر - صفحة رقم 4 - نادي الهلال السعودي - شبكة الزعيم

ياهلال عزك عزنا . . · #46 02/04/2009, 08:46 PM

إقتباس

الرسالة الأصلية كتبت بواسطة كاويتا


	أفضل رد في إعتقادي كان رد الملك توتي أما أغلب الباقي كانت ردودهم مثل ردود عشاق المصارعه الحرة WWE مصارعي أحسن من مصارعك شفت وش سوى مصارعي, شفت كيف سوى حركة إنزل البطيخ!! هههههههه يا أخوان إذا الموضوع عن المنتخب يا ليت تختفي شعارات الاندية ورموزها,,ياسر القحطاني أو هزازي أو أي شخص إذا قد نفسه بشكل قوي راح نكون معه في مسيرته الخضراء مع المنتخب والآن نحن هزازيين وياسريين إذا انظم ياسر للمنتخب وقدم نفسه بشكل جيد في مبارة كوريا الجنوبية في سيئول يا ليت نقفل على هالموضوع وننتبه للمباريات القادمة للهلال على المستوى المحلي والآسيوي

يا اخي العزيز محد قال شي وانا تكلمت بحياديه وقلت في الموضوع انا ما اتكلم بميولي الهلالي اذا انت قرأت الموضوع

لكن انت جاي تبي تقنعني الحين ان هزازي ولا الشمراني احسن من ياسر

بتقول مستواه سيء والله واهو سيء ا فضل منهم اذا تبي نتكلم بعقلانيه واحترافيه

اجل الامارات كانت بتهزمنا الي هازمينها في ملعبهم وفي عمان بأهداف نظيفه ومستوى

امس بالبركه فزنا

تكلم بواقعيه انت وبتعرف حنا نتكلم بواقعيه او لا

عالم من إختياري · #47 02/04/2009, 08:47 PM

الزعيم الروقي ياليت مثلك من الجماهير ملايين
كفو والله تعجبني الله يكثر من امثالك
واللي قول مندس وماني هلالي
يكون بعلمكم انا هلالي قبل مايحط ياسر رجله في نادي الهلال
انا هلالي من يومي وياسر قبل كان قدساوي

ياهلال عزك عزنا . . · #48 02/04/2009, 08:54 PM

إقتباس

الرسالة الأصلية كتبت بواسطة عالم من إختياري


	الزعيم الروقي ياليت مثلك من الجماهير ملايين كفو والله تعجبني الله يكثر من امثالك واللي قول مندس وماني هلالي يكون بعلمكم انا هلالي قبل مايحط ياسر رجله في نادي الهلال انا هلالي من يومي وياسر قبل كان قدساوي

عساك على القوه

والي على راسه بطحا يحسس عليها

عالم من إختياري · #49 02/04/2009, 09:00 PM

إقتباس

الرسالة الأصلية كتبت بواسطة ياهلال عزك عزنا . .


	عساك على القوه والي على راسه بطحا يحسس عليها

ياشين اللي مسوي انه صايدنا...............

ياهلال عزك عزنا . . · #50 02/04/2009, 09:05 PM

المنتدى للمنتخب السعودي مو للهلال

ومتوقع اراء جماهير الانديه كل لميوله يعني مافي شي غريب

وبعد مستوى المنتخب امس اتوقع انهم يحمدون ربهم انها جت على كذا

ومافيها شي اذا الواحد تراجع عن خطئه لكن العيب انه يواصل في الخطأ

وشكرآ للجميع

yasser99 · #51 02/04/2009, 09:14 PM

إقتباس


	و يحتاج جاهزية لياقية أيضاً ..!!

إذا على الجاهزيه فــ ياسر جاهز لياقيا وفنيا,,,,,ماجا من بيتهم للمعسكر...جالس يتدرب في النادي ولعب مباراه وديه وجاهز تمام الجاهزيه

لكن عنادهم ضيعهم الا شوي,,,لولا لطف الله

الملك"توتي" · #52 02/04/2009, 10:55 PM

إقتباس

الرسالة الأصلية كتبت بواسطة ياعمري ياسامي


	وش عنده سلطان بن فهد معصب على جمهور الهلال بشويش لايطق فيك عرق اجل نعلم الاتحاد السعودي الاحتراف ؟ تكفى يالاتحاد الانجليزي الاتحاد السعودي مايفهم وش الاحتراف كل اللي يفهمه خطط مهروسه وقرارات استبداديه وظالمه والظاهر هذا منتدى الزعيم مهو منتدى الاتحاد السعودي قال ايش انسجام وش انسجام اللي تتكلم عنه أجل الشمراني وهزازي هم اللي منسجمين والا المولد وصاحب العبدالله اللي منسجمين بعدين قلنا عندنا عقل ونفهم ليه ماانظم ياسر للمنتخب والبزر يفهمها قال ايش تأخر بالانضمام الله يخلي لاعب الامارات اللي سجل على حاله الهدف والا كان الحين علوم ويخلي الحكم الماليزي اللي مع أول دقيقة ضربة جزاء

هذي مشكلة اللي يفهمون زيادة عن اللزوم ..

أولاً خلنا نتفق على حاجتين ..
* أولاً .. إني أكثر واحد يكرهـ الاتحاد السعودي .. و إني اعتبره أفشل اتحاد في العالم .. ولما قلت مسوين تعلمون الاتحاد السعودي .. كنت اقصد بهالسالفة بس ..

* ثانياً .. أني اعتبر ياسر أفضل لاعب في آسيا ..

ومن غير ما أكثّر كلام ..
أنا ابغى اسأل .. هل انتم متوقعين إن الاتحاد السعودي هو الي ما ضم ياسر ؟

واذا كان هذا توقعكم .. ممكن أعرف السبب و الدليل ؟

علشان يا جماعة نتقي الله .. ولا نقعد نرمي الكلام دون أن نضع الله سبحانه نُصب أعيُننا ..!
لأن ماحد منا يعلم الغيب .. صح ؟
بانتظار إجابة ... و أتمنى تكون منك انت بالذات اخوي يا عمري ياسامي

عبدالمحسن الحقيل · #53 03/04/2009, 12:51 AM

إقتباس

الرسالة الأصلية كتبت بواسطة كابتن فريقي


	رح منتدي الحالمي اكتب فيه مافيه مشجع هلالي يكره ياسر

بني انا اكتب بإسمي الصريح والتزييف ليس له مكان لدي

انا احب الهلال واشجع الهلال ولأني لا اشجع سواه اتمنى من نجمه ياسر أن يراجع نفسه

إن لم يخرج من المعترك صلبا العود فلا حاجة له في أن يتعب نفسه

إبحث عن شخص فاهم فيمن حولك لعلك تعرف ماارمي له ياكبتن فريقك

ياهلال عزك عزنا . . · #54 03/04/2009, 06:43 AM

إقتباس

الرسالة الأصلية كتبت بواسطة الملك"توتي"


	هذي مشكلة اللي يفهمون زيادة عن اللزوم .. أولاً خلنا نتفق على حاجتين .. * أولاً .. إني أكثر واحد يكرهـ الاتحاد السعودي .. و إني اعتبره أفشل اتحاد في العالم .. ولما قلت مسوين تعلمون الاتحاد السعودي .. كنت اقصد بهالسالفة بس .. * ثانياً .. أني اعتبر ياسر أفضل لاعب في آسيا .. ومن غير ما أكثّر كلام .. أنا ابغى اسأل .. هل انتم متوقعين إن الاتحاد السعودي هو الي ما ضم ياسر ؟ واذا كان هذا توقعكم .. ممكن أعرف السبب و الدليل ؟ علشان يا جماعة نتقي الله .. ولا نقعد نرمي الكلام دون أن نضع الله سبحانه نُصب أعيُننا ..! لأن ماحد منا يعلم الغيب .. صح ؟ بانتظار إجابة ... و أتمنى تكون منك انت بالذات اخوي يا عمري ياسامي

انا شفت لك كذا رد وماحبيت اعلق لاني تكلمت في الموضوع اكثر شي من ناحية النقطه الي انت تتجادل فيها والي هي الاتحاد السعودي

وبجاوبك دامك تبغى الجواب

ياسر لا هو مصاب ولا هو راجع من اصابه هذا شي ثاني شي اذا كنت تعرف تقيم مستوى اللاعبين كان عرفت ان ياسر حتى لو قلنا الحين مستواه سيء فهو افضل من المهاجمين حاليآ

ومن ناحية المدرب ان ياسر ما دخل المعسكر وانه ماحضر عرفنا انه ما حضر وكان عنده عذره واثبته ووافقو عليه

يعني بعد مارجعو من ايران مايقدر يضم ياسر للتدريب اللين مباراة الامارات الوقت لهدرجه ما يكفي ليه هو يصنع فريق جديد او ياسر لاعب صاعد امس وقليل خبره عشان ما يتأقلم مع تكتيك المدرب او الشي الي يطلبه منه

ووجود ياسر دفعه قويه ومعنويه للاعبين ووجوده بس يغير من تكتيك المدرب الخصم ويخليه يراجع حساباته في اكثر من خطوه يخطوها في تشكيلته

يعني لو ضمه على الاقل للتدريب واشركه شوط ثاني او اي شي مااتوقع انه راح يورط المنتخب لهادرجه الي انت متصورها وتجادلنا فيهااا
وبيسيرو في تصاريحه لمح انه يحب ياسر وعارف انه المهاجم الوحيد الي يقدر يحترف برى وتربطهم علاقه وكل هذي التصاريح تبين ان القرار مو في يده

وانه وده على الاقل انه يكون في المعسكر لكن قلنالك ان فيه ناس هي الي ورا استبعاده وحنا قدامنا معطيات والله خلق لنا عقل ونميز فيه

اتمنى تكون وضحت لك الصوره

a5ok001 · #55 03/04/2009, 07:09 AM

Astree7 ma 3ndk salfah
hatha at39b 7koom

wr3aan ma 3ndkoom ma 3nd jdty

الملك"توتي" · #56 03/04/2009, 08:34 AM

إقتباس

الرسالة الأصلية كتبت بواسطة ياهلال عزك عزنا . .


	انا شفت لك كذا رد وماحبيت اعلق لاني تكلمت في الموضوع اكثر شي من ناحية النقطه الي انت تتجادل فيها والي هي الاتحاد السعودي وبجاوبك دامك تبغى الجواب ياسر لا هو مصاب ولا هو راجع من اصابه هذا شي ثاني شي اذا كنت تعرف تقيم مستوى اللاعبين كان عرفت ان ياسر حتى لو قلنا الحين مستواه سيء فهو افضل من المهاجمين حاليآ ومن ناحية المدرب ان ياسر ما دخل المعسكر وانه ماحضر عرفنا انه ما حضر وكان عنده عذره واثبته ووافقو عليه يعني بعد مارجعو من ايران مايقدر يضم ياسر للتدريب اللين مباراة الامارات الوقت لهدرجه ما يكفي ليه هو يصنع فريق جديد او ياسر لاعب صاعد امس وقليل خبره عشان ما يتأقلم مع تكتيك المدرب او الشي الي يطلبه منه ووجود ياسر دفعه قويه ومعنويه للاعبين ووجوده بس يغير من تكتيك المدرب الخصم ويخليه يراجع حساباته في اكثر من خطوه يخطوها في تشكيلته يعني لو ضمه على الاقل للتدريب واشركه شوط ثاني او اي شي مااتوقع انه راح يورط المنتخب لهادرجه الي انت متصورها وتجادلنا فيهااا وبيسيرو في تصاريحه لمح انه يحب ياسر وعارف انه المهاجم الوحيد الي يقدر يحترف برى وتربطهم علاقه وكل هذي التصاريح تبين ان القرار مو في يده وانه وده على الاقل انه يكون في المعسكر لكن قلنالك ان فيه ناس هي الي ورا استبعاده وحنا قدامنا معطيات والله خلق لنا عقل ونميز فيه اتمنى تكون وضحت لك الصوره

ياخوي .. أنا أعرف ان ياسر أفضل لاعب موجود الحين .. حتى مع انخفاض مستواه ..!!

بس يا طويل العمر .. ابيك تعرف شي في البداية ..

ترى انا ماني قاعد أدافع عن الاتحاد السعودي .. ولا بقول إني ادافع عن الحق لأنها جملة مستهلكة و لأني ما أعرف الحق يقيناً ..
ولكن أقدر أقول إني أدافع عن العقل بصراحة !!
يا جماعة .. بالله الكلام الي تقولونه .. يدخل العقل ؟
والله تذكروني بالشيعة وانتم بكرامه !!
تفكير و آراء كلها تناقضات ..
استثمروا هالعقل ولا تخلونه مزهرية بس ..

يعني بالله .. أنتم تحسون كذا إن الإتحاد السعودي بيمنع ضم ياسر ليش ؟ أبيكم تجاوبوني على هالسؤال من غير لف و دوران ..

وتراكم إلى الآن ما جاوبتوا على هالسؤال الي سألته أكثر من مرهـ ..

ليش يتعمد الاتحاد السعودي عدم ضم ياسر ؟وشو مبرركم الي خلاكم تقولون مثل هالكلام ؟!!

طبعاً هالكلام كله من ناحية العقل ..
فمالك بالك يا أخي .. من ناحية دينك ومن ناحية أمر الله سبحانه و نهيه ..

يعني عندكم هالكلام عادي تقولونه ؟
صارت المسألة عادي يعني ؟

* على فكرة .. اللي فرحانين بانخفاض مستوى ياسر .. والي يقول لازم ياسر يقعد بالاحتياط عشان يترك الغرور .. أنا بقولهم شي ما احترامي لوجهة نظرهم .. ويمكن انهم ما يعرفون هالشي .. ألا وهو إن ياسر صرح بان سبب انخفاض مستواه .. هو أنه منذ العام 2006 و بعد كأس العالم .. لم يجد الوقت الكافي لتجهيز نفسه التجهيز الأمثل .. ودائماً ما يتورط بإصابة او جدول مهروس .. و هذا أصلاً كان رأيي منذ انخفاض مستوى ياسر .. كنت أقول بأنه ما حصل وقت لحل مشكلة انخفاض مستواه من جذورها .. ولن يكون ذلك إلا بإعداد طويل .. أما الي يقول إن السبب هو الزواج

،، فاللهم لا تبتلينا بما ابتليت به بعض الخلق ..

هلاليه حدي والكل ضدي · #57 03/04/2009, 10:01 AM

الي راح راح ,

وآنتظروآ آبوو سع‘ـييييييييد بـ آلمباراه الجآإيهـ ,,!

يبي يبيضهآإ بع‘ـد قلبي

miss malkh · #58 03/04/2009, 10:49 AM

إقتباس


	الصراحه اذا جاء ياسر للمنتخب راح يكون ثنائي هو وهزازي

انا اوافق اخوي بكلامه

والكل فيهم الخير والبركه

باالتوفيق لصقورنا

يـ إني هلاليه ـلوموني · #59 03/04/2009, 12:05 PM

إقتباس


	اشفيكم انتم ؟ اقسم بالله ترفعون الضغط .. تخلون الواحد يزل عليكم غصب ..!! بيسيرو ما استدعى ياسر لانه تأخر عن المعسكر ولاعب تأخر عن المعسكر .. من الغباء انك تضمه في نص الزحمه .. لا وانتوا الي مسوين تعلّمون الاتحاد السعودي وشهو الاحتراف ؟ علموا نفسكم أوّل !! يعني من الاحتراف ان ياسر يستدعى الحين ؟ بالله ما بيحتاج انسجام .. و فهم لخطة المدرب .. و يحتاج جاهزية لياقية أيضاً ..!! و بعدين في قاعدة في كرة القدم .. الفريق الي تفوز فيه لا تغيره والمنتخب فاز على إيران في إيران و بمستوى بعد .. وتبيه يخرب ام الدنيا قبل مباراة حاسمة بثلاث أيام و 4 أيام .. يا ناس اتقوا الله .. ولتنظر نفس ما قدمت لـغد .. تاكلكم اصابعكم اذا ما اتهمتوا الناس .. ( يا أيّها اللذين آمنوا اجتنبوا كثيراً من الظن إن بعض الظن إثم ...) الآية .. ترى الإسلام مهوب انك تنطق الشهادتين وبعدها تفلها .!! استغفر الله

وانت ياصاحب الموضوع الي يقصر العمر

لاعمرك تضغط على ( موضوع جديد)

♥ N E V E S ♥ · #60 03/04/2009, 01:16 PM

ياسر تكفي هيبته...

..................