اييييييييييييييه الله يعين

قلة الوظايف وندرتها الحين بشكل مقزز للأسف


ماراح نفتح الموضوع بشكل كامل وكبير وان المجتمع والدولة اقتصادياً وبلا بلا بلا لأن كل هالكلام لا بيودي ولابيجيب


من بغى الدح ماقال أح

القحماني

كان بيدك تكمل دراستك .. كمل ماستر .. وان حصل دكتوراه لاتقول لا


الوفاء دين

قلتها قبل وانا خالتس

من بغى الدح ماقال اح

اشتغلي في مدرسة خصوصية ان حصل لك بـ 1200 ريال ولاتجلسين بالبيت وتقولين مليت

الوالد يقدر يدفع لك 50 الف على مدى سنتين ونص ؟؟ بخمس اقساط ؟

المعاهد الصحية الأهلية كثر التراب

والوظايف الصحية للنساء اكثر من التراب

خذي اي تخصص تبينه .. وانتي بالترم الاول هاتي اثبات بدراستك اجيب لك توقيع بمباشرتك بالمستشفى او المستوصف اللي تبينه

ادخلي مجال الصحة .. وكانك تقولين الإختلاط وغيره .. فيه مليون شغلة في المجال الصحي مافيها اختلاط

والبنات ؟؟ ههههههههههه قسم بالله بالصحة يدورونكم دوراة يبون يوظفونهم


احمد .. هلالي موت .. العسكري , الحرس , التخصصي

يبي يضفونك سنة تحت التدريب ويرسلونك تكمل ماستر

لاتقرب لوزارة الكحة لابارك الله فيهم من وزارة


بالتوفيق للجميع


سي يو

إقتباس الرسالة الأصلية كتبت بواسطة الـوفـا ديـــنــ سؤال وجيه : وش تحس فيه ؟!!! شكلك و الله ما تدري وش الدنيا عليه اجل كلمة اكبر مني وش رايك بصديقتي اللي طلب منها موظف بإحدى إدارات التعليم مبلغ عشرة آلاف عشان يوظفها طبعاً تغير مسماها من رشوه إلى سعي!!!! و بعدين اللي تقول يبون وظيفه عند بيتهم و ما يبون يدرسون بقرى اجل ما تسمع عن حوادث المعلمات و تقطيع الخطوط بالفجور !!! و بعدين من قالك إني رحت للإدارة و قلت لهم اختي تقول !! مدري يمكن عندك قصور في الإدراك و من قالك اني جاتني فرصه ما استغليتها ها لا تكون بس تعلم الغيب إذا كنت تعلم تكفى نورني !!! عموماً الله يعين

سلآم

إقتباس الرسالة الأصلية كتبت بواسطة رائدة الزعيم بالنسبة للفساد الإداري موجود وفي أكثر القطاعات وفية أشخاص كثير قالوا نوفر لكم الوظيفة لكن برشوة وطبعا ما أرضى آكل حرام مثل غيري الا بأسألك في قطاع التعليم وظيفة بمسمى كاتبه ومراقبه كل اللي في هالوظيفة مامعهم الا متوسط أو ثانوي أنا مستعده أشتغل هالشغلة لكن هالوظيفة منشئه خصيصا لأقارب العاملين في الوزارة وليس خريجي معهد الإداره وأنا أعرف كثير يشغلون هالوظيفة وما معهم شهادات مثل اللي معنا وش نسمي هالشي عن نفسي أنا مابحثت عن وظيفة لأني ما أحب العمل والإلتزام وأعترف بهالشي ولا راح أتوظف في قرية وأعرض نفسي لأمور كثير أنا بنت كيف بأروح بدون محرم ولو أستأجرت باص ممكن أموت في الخط بسم الله علي كله عشان كم ريال ماتسوى مادمت آكله شاربه نايمة وكل اللي أطلبة أحصل عليه ليش أعرض نفسي لهالأمور انا أشوف العمل إثبات وجود إن توفر الحمدلله ماتوفر ما أطلبه بواسطه أو رشوة أو مكان خارج مدينتي الله يعوضني بخير منه أسلوبك في الحديث عن صاحبة الموضوع وكأنك عارف نيتها على فكرة حتى الوظائف برى المدينة صارت لها شروط وصارت بواسطه هذا لو ماتدري القطاع فيه خلل وخلل كبير على عدة مستويات ومافيني من يعرض نقاط كل ابو دايم أعرضها بالنسبة لو كنت صاحبة منصب هل أبدي أهلي بأقولك لاء وأعرف ناس كثير ما يقبلون الواسطه حتى لعيالهم لكن للأسف ينعدون باليد الوحدة نحترم رأيك لكن أحنا عايشين الوضع واللي يده بالنار مش مثل اللي يده بالماء بالحب والإشراق

احلى هلالي بالوجود
انت شكلك قاعد في بيتكم ، والوالد الله يعطيه الصحة ينزل بحسابك شهرياً هالمبلغ الحلو الله يبارك لك فيه ، وكل سنتين سيارة شكل الله يستر عليك ويبارك لك ، وما تدري وش صاير بالدنيا ..
سالفة ( العشر آلاف ) و ( أول راتب ) ، كلها منتشرة ..
ويا كثر المتخرجين وملحطين ببيوتهم ..
وبهالوقت الناس ماعندهم مانع يشتغلون أي شغلة ..
لدرجة ان السعودي اللي كان مستحيل يلمس شي بالسيارة صار يتخصص ميكانيكة ويتعين ميكانيكي ( وأنا لا أعيب هذا العمل بل هو من أفضل الأعمال ، لكن الحاجة دعت الشباب لتفتيح عويناتهم ) ..
ومافيه عاطل معجبه وضعه ، أكيد الكل دور ليل نهار ومحد هالوقت ينتظر الوظيفة تجيه ..

اقول كل واحده على مطبخها نبي عشاء سنع