أهــازيــج سمعــتها للمنتخب السعودي واستغربت ...!!؟؟ - نادي الهلال السعودي - شبكة الزعيم

رفسني الشوووق · #1 02/04/2009, 03:00 AM

السلام عليكم شباب ..

اول شي احب ابارك لكم هذا الفوز العظيم وعقبال ما نتأهل للمونديال ..

بصراحه يا شباب حبيت اتكلم معكم عن موضوع .. اعجبني صراحه ..!!

ابي اسألكم سؤال .؟

من سمع الاهازيج اللي جت بالشوط الثاني تقريباً بالدقيقة 75 ..؟؟

والله يا شباب اني جالس بالاستراحه مع الشباب يوم سمعنا الاهازيج هذي سكتوا الشباب وكلنا مستغربين !؟

كأنك تشاهد الدوري الأوروبي .؟؟

اهازيج اول مره اسمعها بالملاعب السعوديه حتى اني استغربت .. منهو اللي نضم الاهازيج هذي

والغريب يا شباب انها مو باللغه العربيه ..؟؟ الظاهر انها باللغه الانجليزية ؟؟

انا صراحه يوم سمعتها جاني شي من الحماس مادري ليش ؟؟!

الله يرحم والديكم اللي عنده المباراة كامله بالكمبيوتر حقه يحاول انه يجيب المقطع ..

المقطع تقريبا اللي انا سمعته حوالي دقيقه .. صدقوني لو تسمعونه راح يعجبكم ..

انا اتمنى بالمباراة القادمة ضد كوريا الشمالية ان الجمهور السعودي ينظم لنا اهازيج حلوة زي كذا

ياخي قسم بالله ملينا من قدور المطابخ اللي يجيبونها كل مباراة ماغير طق وحبيبنا انتا ومادري ايش

ملينا من واحد يجيك مسوي صوته حلو وما غير يثاغي بالمايك

جيبو لنا شي جديد شي يعجبنا شي يخلي اللعيبه يشدون من ازرهم شوي

ارعبوا الخصم سوو شي تكفون يالربع ..

ماهو جايين بس تنقيم فسفس وتنقيش خشوم ..

سوو شي يرعب الخصم يهزه هز .. يخليه يرتبك ..

تكفون يالجمهور السعودي تكفون المباراة الجاية ..

وحبيت اتكلم عن ملاحظة ..

ابي الحلوين اللي فشلونا اليوم يتخانقون على الشعار < اوه يا سعودي >

اول شي قالبينه وكلن " يمعطه مع جهة " ..؟؟!!

المفروض اللي جايبين هالشعار يسوون تنظيم شوي عشان يطلع بالصوره الصحيحه ..

فيه قنوات اجنبيه تنقل هالمباريات يعني حاولوا تطلعون بصوره حلوه قدر الأمكان ..

..

المهم انا انتظر واحد ينتّق لي هالمقطع

ابيكم تسمعونه ..

لأن انا ماعندي استطاعة والله ...

تحياتي وتقديري واحترامي ..

ال عاطف · #2 02/04/2009, 04:04 AM

لم اشاهد المبارة بعد بس تراك حمستني

لووووووووول

رفسني الشوووق · #3 02/04/2009, 04:19 AM

ياشباب بالله دبروا لنا المقطع ..

وبعدين وين الردود الله يهديكم ؟

رفسني الشوووق · #4 02/04/2009, 04:40 AM

ياشباب بالله دبروا لنا المقطع ..

وبعدين وين الردود الله يهديكم ؟

abu jory · #5 02/04/2009, 04:45 AM

انا انخميت مثلك بس كانت الحركة في بداية المباراة
أنت أكيد تابعت المباراة على الجزيرة الرياضية

تراهم حاطين أهازيج مركبة

رفسني الشوووق · #6 02/04/2009, 04:49 AM

^^^

ماهي معقوله ..؟؟

الأهازيج واضح انه داخل الملعب وش مركبه ..؟؟؟

aboody29 · #7 02/04/2009, 04:54 AM

انا حاضر الملعب ، اهازيج الجمهور عاديه وتقليديه جدا ً في كل مباراة نسمعها ما سمعنا ولا اهزوجه جديده أو باللغه الإنجليزيه ..!

رفسني الشوووق · #8 02/04/2009, 04:57 AM

^^
^^
^^

ياخي الكريم اذا انت حاظر المباراة وما سمعتها اجل ماعندك سالفه

انا سامعها باذوني ..؟؟!!

يعني اصدقك واكذب اذوني ؟؟

شنيور1 · #9 02/04/2009, 05:05 AM

سمعت الاهزوجه وكانت حلوه حيل وياليت تكرر في الاقاءات القادمه

رفسني الشوووق · #10 02/04/2009, 05:06 AM

^^^

^^^

هذا واحد سمعها ..

شباب وين القى المباراة كاملة ابي احملها عشان اقتص المقطع واسمعكم

آلـبـرنـس · #11 02/04/2009, 05:07 AM

وراكم باردين وين المبدعين جيبوا لنا المقطع ياهووووووووو

لا انبرش عليكم مثل اسامه المولد على سمعه ...>>> والله برد قليبي فيه ..

رفسني الشوووق · #12 02/04/2009, 05:10 AM

^^^^

^^^^

ههههههههههههههههههههههههههههههههههههههههههههه

بالله يا شباب افزعوا لنا ..

a2zmix · #13 02/04/2009, 05:10 AM

قبل نهاية المباره

شغلو اغاني والمباره مستمره

من متى جماهيرنا تشجع زي اوربا

رفسني الشوووق · #14 02/04/2009, 05:12 AM

^^^^

^^^^

يارجال سمع اذني ...

اعو ذ بالله ..؟؟

انتم وش فيكم ؟

اللي يقول لي تركيب واللي يقول مادري ايش ..؟؟

آلـبـرنـس · #15 02/04/2009, 05:18 AM

عاد انت ياعزيز مكس الخبره كلها >>>

لاترد الرجال تكفى ....>>