نتائج البطاله بالسعوديه .. ][ بالصور ][ .. - نادي الهلال السعودي - شبكة الزعيم

&هلالي حايلي& · #1 30/03/2009, 12:01 AM

وهل هناك من يعنيه هذا الأمر ؟
أم هل هناك من (يريد) فعلاًإيقاف هذه المهزلة ؟
لاأظن

إلى كل مسؤول ومتسبب !!! عن ما حل بنا وما سيحل في المستقبل القريب الذي أصبح بعبعاً مخيفاً لنا خافوا من الله وين بتروحون يوم القيامة , وش قاعدين تسوون في شباب البلد شباب بالآلاف يبحث عن فرصة ولا يجدها كيف ستكون الحال بعد 10 سنوات مثلاً ما الذي تريدونه حقاً هل تريدون هذا الزحام ؟؟؟

أم معارك ولا توجد وظائف تكفي لـ3% من المتقدمين ؟؟؟

أم زحمة لا تطاق لقتل الطموح والأحلام قبل أن تبدأ ؟؟؟

أم أشلاء شمغ وعقل وبقايا كرامه إنسانية ؟؟؟

أم نار ساعات الظهيرة وتواجد من قبل صلاة الفجر ؟؟؟

أم طوابير إلى ما لا وظيفة (نهاية) ؟؟؟

أم صرخة يقتلها رجال الأمن من رجل صريح وعاطل يجهر بالحق ؟؟؟

أم مدمناً قضى عليه المخدر بعد تهميش المجتمع له ولأحلامه ؟؟
أم تريدون موته مستلقياً بعد كل المعاناة من بحث عن فرصة ؟؟؟

أم تريدونه نزيلاً مستديماً في مستشفى الصحة النفسية (مستشفى العراة ) ؟؟؟

أم تريدونه سارقاً محترفاً في سرقة المصارف ؟؟؟

أم تريدونه مستسلماً كهذا الشاب ويكون عموداً في أحد جرائدكم تقرءونها مع قهوة الصباح ؟؟؟

أم تحكمون عليه بالبقاء خلف القضبان ليدفع ثمن جريمتكم في حقه ؟؟؟

لا بد من ترك النفاق واختلاق الأعذار ، وقول كلمة الحق

السكوت وعدم إبداء ردة الفعل ولو كانت كلاماً أو كتابةً يدل على رضانا بما يدور حولنا فلماذا هذا الصمت الذي بدأنا نجني ثماره كما ترون

:::همسه:::

كلكم قرأ أو سمع ما أعلنه وزير العمل الإماراتي عن الحاجة لمليون ( سعودي ) للعمل بالإمارات
من منكم يفسر لي هذا الإعلان وما هو الموقف الحكومي من هكذا إعلان

ارجو من الجميع نشرها حتى تصل الى من يعنيه الامر ويوقف هذه المهزله!

منقول

ارجوا ان تعذروني فأن
حتي الصبر ملي مني

& هــ÷ــلآلــ÷ــي حـــ÷ـــايــلــي &

ذآيب · #2 30/03/2009, 12:24 AM

هـٌلآ بـٌك آخـٌوٍي هلآلـٌي حآيلـٌي ,,

مـٌوٍضـٌوٍع رٍآئـٌع كآلعـٌآدهـ ,,

فـٌي وٍجهـٌة نظرٍي آلمـٌـتوٍآضعـٌة ,,
هـٌذآ آفضـٌل حـٌل ,,

الشباب السعوديين والعمل في القطاع الخاص.. الى متى الجدل البيزنطي والنظرة القاصرة ؟؟

مــٌوٍدتيّ ,,

بريماكس · #3 30/03/2009, 12:26 AM

لو يسالني احد عن اكثر موضوع ينقل هنا .. اجيبه باختصار .. هذا الموضوع هههههههههههههههههههههههههههههههههه

عموماً يعطيك العافيه اخوي

والله يكون بعوننا جميعاً ..

شكراً ..

اللورد يوسف · #4 30/03/2009, 12:53 AM

شوف بما ان موضوعك منقول فاتوقع المشرفين بيودونه لصيد النت

بس اتمنى منهم الإبقاء عليه لأنها بالفعل قضيه خطيره وفيه شغله ثانيه بقولها قلة الرواتب يجيك مستأجر وابوعيال وفواتير ومصاريف وديون واقساط والراتب اربع الاف

الجرح الخالد !! · #5 30/03/2009, 01:03 AM

الحل بيد كل عااطل
بس هو يبي يتوضف في مكتب ومكيف ويبي يدّلع ..
مايبي يسهر ويكد من عرق جبينه حتى يوووصل .. ويصير
بدل مااحد يعطيه راتب هو يعطي للناس رواتب !!
بس من يفهم ويستوووعب
الله المستعان
والمدمن والمنتحر ماراح ياخذوون وزراة العمل اثمه
لأنه كل واحد مسؤول عن نفسه ..

فهد الهلالي 2 · #6 30/03/2009, 01:21 AM

البطالة او العطالة عن العمل

لها ناتج سئء على الشباب الله يكفيهم شرها

نسج الخيال · #7 30/03/2009, 01:37 AM

إقتباس

الرسالة الأصلية كتبت بواسطة الجرح الخالد !!


	الحل بيد كل عااطل بس هو يبي يتوضف في مكتب ومكيف ويبي يدّلع .. مايبي يسهر ويكد من عرق جبينه حتى يوووصل .. ويصير بدل مااحد يعطيه راتب هو يعطي للناس رواتب !! بس من يفهم ويستوووعب الله المستعان والمدمن والمنتحر ماراح ياخذوون وزراة العمل اثمه لأنه كل واحد مسؤول عن نفسه ..

قول الله لايبلانا ياخوي واحمد ربك اذا كنت موظف
الدلع هذا كان زمان,, هالحين سارو يشتغلون بالمطاعم و الكوفي شوب
ماكنا نسمعها ولا نشوفها

جرسون سعودي,, كاشير سعودي,, وبكباين الإتصالات,,وبياعين بالأسواق

والله يكسرون الخاطر,, بالله كم رواتبهم توصل؟
حتى ماتكفيه مصروف,, مو عاد اللي بيتزوج ويفتح له بيت
الله يرزقهم ويحفظهم من الأنحراف

&هلالي حايلي& مشكور ع الموضوع والصور اللي تقطع القلب

غيمة عطش · #8 30/03/2009, 02:04 AM

رغم نقله , إلا أنني أرى أنه يستحق مسمار التثبيت , شكراً على النقل و حسن الإختيار .

أحلـى هلاليه · #9 30/03/2009, 02:20 AM

هلا بك اخوي هلالي
موضوعك قضية من القضايا اللي للحين مالقوا لها حل
وشو حلها ماادري

إقتباس

الرسالة الأصلية كتبت بواسطة نسج الخيال


	الدلع هذا كان زمان,, هالحين سارو يشتغلون بالمطاعم و الكوفي شوب ماكنا نسمعها ولا نشوفها جرسون سعودي,, كاشير سعودي,, وبكباين الإتصالات,,وبياعين بالأسواق والله يكسرون الخاطر,, بالله كم رواتبهم توصل؟ حتى ماتكفيه مصروف,, مو عاد اللي بيتزوج ويفتح له بيت الله يرزقهم ويحفظهم من الأنحراف

اختي اللي عندهم شهادات جامعيه مالقوا شغل تبين اللي عنده شهاده ثانويه يشتغل بوظيفه مرموقه

Mя.βάĐeя · #10 30/03/2009, 02:28 AM

الظــآهر اني برسب مايحتاج اتخرج من الجامــعه ..

بوقف ع الجامعه واضمن لي مكافئات افضل ,,

وانا ناوي اتزوج بعد الثانوي ..

< انتظر ياحمار لين يجيك الربيع ,,

لاهنت ع الموضوع ,,

الجرح الخالد !! · #11 30/03/2009, 02:33 AM

إقتباس

الرسالة الأصلية كتبت بواسطة نسج الخيال


	قول الله لايبلانا ياخوي واحمد ربك اذا كنت موظف الدلع هذا كان زمان,, هالحين سارو يشتغلون بالمطاعم و الكوفي شوب ماكنا نسمعها ولا نشوفها جرسون سعودي,, كاشير سعودي,, وبكباين الإتصالات,,وبياعين بالأسواق والله يكسرون الخاطر,, بالله كم رواتبهم توصل؟ حتى ماتكفيه مصروف,, مو عاد اللي بيتزوج ويفتح له بيت الله يرزقهم ويحفظهم من الأنحراف &هلالي حايلي& مشكور ع الموضوع والصور اللي تقطع القلب

طيب وين المشلكة بهل الشغل
مو ازين من انه يشحذ مثلاً !!
الواحد لازم يكد ويتعب اول عمرهـ
مو ينتظر ببيته الا ماتجيه الوظيفة
بالعكس الكاشير دامه سعودي يرفع الراس
حتى لو رواتبهم ضعيفة ماراح يجلس طوول عمرهـ بهل الوظيفة
منها يشغل وقته ومنها يكسب خبرهـ
واللي تجرأ واشتغل كذا راح يطلع ويطلع الا مايوصل اللي تمناهـ
بعكس اللي يكبر وسادته وينام وينتظر الوظيفة
!

نسج الخيال · #12 30/03/2009, 02:54 AM

إقتباس

الرسالة الأصلية كتبت بواسطة أحلا هلاليه


	اختي اللي عندهم شهادات جامعيه مالقوا شغل تبين اللي عنده شهاده ثانويه يشتغل بوظيفه مرموقه

انا ماقلت كذا
اقول لأخوي اللي قال عنهم مدلعين ان زمن الدلع ولا وراح
وهالحين الواحد يدور اي وظيفه تجيب له راتب يمشي حاله
هذا اللي اقصده

وانا ماحددت ثانوي ولا جامعي

نسج الخيال · #13 30/03/2009, 03:03 AM

إقتباس

الرسالة الأصلية كتبت بواسطة الجرح الخالد !!


	طيب وين المشلكة بهل الشغل مو ازين من انه يشحذ مثلاً !! الواحد لازم يكد ويتعب اول عمرهـ مو ينتظر ببيته الا ماتجيه الوظيفة بالعكس الكاشير دامه سعودي يرفع الراس حتى لو رواتبهم ضعيفة ماراح يجلس طوول عمرهـ بهل الوظيفة منها يشغل وقته ومنها يكسب خبرهـ واللي تجرأ واشتغل كذا راح يطلع ويطلع الا مايوصل اللي تمناهـ بعكس اللي يكبر وسادته وينام وينتظر الوظيفة !

وهذا اللي اقوله,, ان الآن الشباب سار يقبل بأي وظيفه وما يستنى بالبيت
حتى لو كان راتبها بسيط,, يعني مو زي قبل يشوفون هالشغله عيب ولا شي
ولا يستنون الوظايف بالمكاتب
يعني اقضد ان الدلع اللي تقول عليه راح
جامعيين يشتغلون بالوظائف اللي ذكرتها,,
الله يوفقهم ويرزق الجميع.

التميمي 2 · #14 30/03/2009, 03:03 AM

الله يبرد خاطرك ازين موضوع
يتكلم عن واقع ......

ملينا عطاله...

... شهادة جامعية كل يوم اتوسدة وانام...

انا معك نبي حلول وسريعه....

فجر الرياض · #15 30/03/2009, 03:37 AM

الله يرحم الحال ويعينهم