|
خلاص.....يا كوري يا جنوبي الزم الاحتياط!!!! ضاقت الجماهير الهلالية ذرعاً بهذا اللاعب الكوري الجنوبي "سول" بعد ان كان احد جهابذة الكرة الكورية قبل ثمان سنوات ولكن "كان" لم تشفع له في إرضاء غرور جماهير الزعيم فالجماهير لا تبحث الا عن المتميز خصوصاً اذا كان يتشرف بشعار الزعيم لن نحاسب الذين تعاقدوا معه لانه بالفعل احد اكبر الكوارث الهلالية على مر التاريخ ولكن تعاقده يزداد مرارة بهذا الوقت لسببين الاول منها انها جاءت بوقت حساس جداً وكثر ة مشاركات للزعيم ومشاركته المهمه في كأس اسيا الحلم الهلالي والثاني من الاسباب ان هذا التعاقد جاء في وقت كانت الميزانية مفتوحة للتعاقد مع لاعب جاهز فنياً وبدنياً ونتفاجأ بلاعب من النوع اللامبالي وكأنه حقق مبتغاه وأتي للفسحه فقط الآن وبعد ان أخذ "سول" جميع الفرص وعلى حساب لاعبين هم أحق منه بكثير في ارتداء شعار الزعيم. آن الآوان بأن نقول يا "سول" استرح احتياطياً والله لا يعوزنا لك ولكن لا نعلم كيف تأتي الظروف فالظروف كشرت عن انيابها تجاه الزعيم خلال الايام الماضية والله يستر من الباقي. ارجو رجاء من المسؤلين عن الزعيم ان لا يكابروا فالشخص الذي يفهم الف باء كره يقول ان "سول" ليس بلاعب يعول عليه الزعيم كثيراً يعني مقولة"نعطيه فرصة" أنتهت فالوقت قد لا يسعفنا يوم لا ينفع الندم لكم تحياتي يا زعماء |
انا اشوف انه بآخر مباراتين كان مستواه جيد ومتحرك واحسن بكثير من بعض اللاعبين .. وبصراحه فات الفوت ياخوي اي لاعب دام انه صار هلالي راح نسانده حتى اخر مباراه يلعبها معنا .. |
بالعكس سول بدأ بتقديم مستويات جيده وفي مباراة الوحده صنع كورتين اهداف واضاعها ياسر سول سيكون رهاننا الرابح بالمباريات القادمة |
لا والله يالغالي ماأتوقع ان الوقت مناسب لركنه في الاحتياط لاننا صبرنا عليه كثير ومستواه بداء يتحسن يمكن ياسر يصاب او يوقف يكون هو البديل له مشكور اخوي وتقبل مروري |
أسمحلي هو الاعب الوحيد الي أخر مباراتين كان مقدم مستوى حلو الدعيع ماكان الدعيع قدام بختاكور ولكن كان الدعيع امام الوحده ياسر ماكان ياسر أمام بختاكور ولا أمام الوحده (( لحد يجيني طاير ومطفي النور ويقول ياسر صنع لك الهدف )) الي نبيه من ياسر أكبر من كذا بكثير صحيح أن سيول أتضح انه مارح يخدم الهلال زي ما يتمنون جمهوره وإدارة ناديه ولكن مو عيب أن الاعب الأجنبي يفشل يكفي أن أدارتنا تملك الشجاعه الكافيه وجابت لاعب شرق أسيوي للدوري السعودي غيرنا يلعبون على المضمون وخايفين راحوا لعمان وللكويت بالتوفيق للزعيم في حله وترحاله يارب وياشباب ترى بهالفتره ماللهلال الا حنا لازم ندعمه وزي ماقال سامي أرجوكم أرجوكم أرجوكم أدعموا الهلال ولاعبينه بهالمباريات المتبقيه وإن شاء الله بنردد زفوا البطوله لأبطالها ترى مالها الا هلالهاا |
حسبي الله ونعم على الوكيل على هالاعب وعلى الي جابه لنا |
مالك حق اخر مبارتين كان مزعج ومأدي مباراة جميلة حتى انا من بعد مباراة الوحدة رجعت الاندومي للبيت بعد ماكنت مقاطعه بسبب سول يعني والله انه كان يصنع فرص بس ياسر مايسجل |
وجهة نظرك تحترم ولكن غير مبنية على اسس فنيه |
إقتباس:
|
تستهبل انت شكلك ماتتابع المباريات اخر مبارتيين مبدع وصنع كذا هجمه بس ياسر الله يسامحه ما فرحنا بها |
أقول كيف الحال متأكد أنك تابعت المبارة ولا لا سيول أفضل لاعب في مبارة الوحدة ليش ما تكتب موضوع عن ياسر و عن توليفه في المبريات السابقه |
اشكرك اخي kask وف انا اتفق معك فيما قلت وارى ان هناك اخطاء يجب ان تقع ونحن البشر ليسوا معصومين من الخطأ ولكن الاستمرار في الخطأ هو المشكلة انا اعلم لماذا يصر المدربين علي اشراكه .. قد تكون لهم وجهة نظر .. ولكن صدقوني عشانه محترف تم اشراكة فلو كان احد ابناء البلد بهذا المستوى كان تصلب علي الاحتياط .. ولكن عشانه محترف فيتوقع المدربين منه اي شئ في اي وقت نرجوا الله التوفيق في التعاقدات القادمة |
شوف هالكوري ابو عيون عنده امكانيات بس ماطلعها الاعب شكله ماهو مرتاح بالهلال حتى علاقته بالاعبين ماهي ذاك الزود سول لو يلعب بحماس وبروح بيقدم شي تذكرون تصريحه في الموقع الاتحاد الاسيوي لما قال انا متشوف لاظهر كل ماعندي باسيا شفنا مستوا قدام باختكور وكان افضل لاعب بالهلال صحيح عطيناه فرصته بالمشاركه والى الان ماقدم المستوا المامول بس بنظر سول عنده الشي الكثير الي يقدمه |
يااسر هو اللي بيلزم الاحتياط وليس سوول يااشيخ ياسر بارد مباارة الوحدة .. كم فرصه ضيعهاا مااقول الا ماشاء الله ع سوول .. |
و الله مبدع سول لكن ما وجد التشجيع منا |
سيول في آخر مباريتين مرتفع مستواه الرجال قاعد يبذل جهد ومتحمس:smilie47: .. أقل شي أحسن من ياسر اللي ماغير ترفعون فيه .. و ياسر مؤكد بيوقفونه .. شلون تبيهم يركنونه في الأحتياط .. |
أفضل لاعب في المبارتين الوحدة والاوزبكي والدعيع مع الوحدة وأتوقع يحسم البطولة للهلال أحس بدأ يتأقلم |
صدقني انه لاعب فنان و عنده كثير بس وين التشجيع ولا ماتعرفون الا يااسر و طااارق وسول اخر مبرتين بدأ يتحرك و مع الوقت بتشووفه زي ولي واخر مباراه اظنه صنع لنا كم هجمه بس مين الي ينهيها ! واتمنى ياسر يكون احتياطي لفتره مع احترامي له و العنبر ينزل |
إقتباس:
لا وبعد يبغونه يبدع انتم تحطمون تحطيم الفلبيني السواق |
هو افضل لعب في المبارتان الاخير هو و الدعيع بس في بعض الجمهور خلاص اذا اللعب ماقدم مستوى من او 10 مباريات خلاص فااااااشل واذا سجل هدف حاااسم قالو هو الافضل مثل اسد الهجوم محمد العنبر اخوي اعد المبارتان الاخير وركز فيه لعبين لولولو مايقدم شي قالو مستوه نازل وماعليه مثل ياسر |
بالعكس اشوف انه مقدم مستويات ممتازه في اخر مباراتين سرعه عرضيات حلوه تحرك |
سول في آخر مبارتين كان متحرك صحيح غير محظوظ أمام المرمى ولكن كان أكثر فاعليه من البقيه بالأمس كنا ننتقده بسبب مستواه الهابط واليوم نشيد به لمستواه المتصاعد ع العموم هي كلها كم مباراة وبعدها تقدر تحكم عليه بالإستمرار أوالرحيل يعطيك العافيه أخوي تحياتي |
مشكور اخوي على الموضوع الرائع جدا واللي جا في وقته لان الهلال يمر بمرحله حساسه ولا يريد التفريط بأي نقطه على حساب مجامالة الكوري والفريدي ... اعتقد انه جاء الوقت الذي لابد ان يكون الشلهوب اساسيا بجانب التايب وويلي .................. . . . ** يكفي رفعة ظغط ( فكونا من سول ) حسبي الله عليه ** |
إقتباس:
لاتدعي عليهم ماقصرو وبيض الله وجههم والكوري جيد وليس سيء وتفائلو بالخير تجدوه |
سول يحتاج الى التشجيع فقط واخر مبارتين كانت الدليل على ان سول كان في جو المبارة ارجو من جماهير الزعيم تشجيعه لكي يعطينا اهادفه الحاسمه واذا كانت الادارة الهلاليه واثقه منه لازم نثق فيه |
بصراحه كلامك غير منطقي وغير مقنع ويؤسفني ان اخبرك بانك لم تتابع مباريات الزعيم الاخيره جيدا لماذا ؟ اولا : سول تسبب في ركلة جزاء امام باختكور وكان الهدف 70 % منه هذه ناحيه . وثانيا : مبارات الهلال ضد الوحدة صنع لياسر الكاسر اكثر من اربع فرص محققه واهدرها ياسر . وثالثا : انا اقول والكل يقول انه قدم في اخر مباراتان مالم يقدمه ياسر والفريدي والتايب عزيز الكاتب بكل ادب واحترام وتقدير مني لك اتمنى منك ان تشجع الزعيم باكمله لا لاعب من الزعيم حب الزعيم لا يقف على لاعب بل على الكل واتمنى ان تترك التجريح في اللاعب سول فهو لاعب قد لا تعرفه جيدا اتمنى منك ان تراجع ملفات سول وترى ان كان لاعب يستحق الاحتياط اولا تحياتي لك وبالتوفيق للجميع اخوك الصغير |
سيول والله يلعب بس السبب الي ماخلاه يبدع انه جاى في اخر الموسم انا اعتقد لو ولهامسون جاي في نصف الموسم قدم المستوى اللي قدمه في اول مبارياته والله انتقلون حرام يلعب في السعودية |
سول افضل لاعب في اخر مبارتين وياسر افشل لاعب في اخر مبارتين .. |
سووول في اخر امبارتين كان اكثر تفاعل من اوول يعني لاحظنا التسديده على حارس نادي الوحده كانت قويه لكن ممكن انه يتقدم اكثر لكن رجاءا من جمهور الزعيم انه يكفي من جلد ذات سيوول لانه راح يكون باذن لله نجم نفتخر فيه مع النادي مشكوور يالغلا على الموضوع دمت |
سيول بدى يقدم مستوى احسن من اول |
انا اشوف انه بآخر مباراتين كان مستواه جيد ومتحرك واحسن بكثير من بعض اللاعبين .. |
إقتباس:
|
. بصرآحة و على بلآطة .. اللآعب الكوري [ سيول ] أثبت فشله و بتميز .. مع التفنن و الزخرفه و بالجدارة .. أتوقع لو يبقى في دكة الإحتياط أفضل .. و إعطاء العنبر فرصة أو غيره .. لأنه بصرآحة لآعب ثقيل و عكسيات خاطئة .. و إنفرادات ضائعة و هجمات مقطوعة .. يعني ينكب الفريق بكل ما تعنيه الكلمة .. و غعطاء غيره الفرصة راح يكون أفيد للفريق .. خصوصاً في هالفترة لأنها حسم و يجب السرعة و التهديف .. . |
ياخي سول بدا يحسن لعبه زي ويلهامسون أول ما لعب مع الهلال كان لعبه مثل لعب سول والحين ما شاء الله |
ياخي ليش يلزم الاحتياط خله ينلع الله يقلعه |
ياخي ليش يلزم الاحتياط خله ينقلع الله يقلعه |
سول انا مقتنع منه من قبل مباراة باختاكوووور .. انتظرووه بس وبيكون مهم جدا" بالفريق سرعة كنترووول رفعاات صح |
والله آخر مبارتين كان مبدع فيــهــآ ،، وبعدين يوم صبرنـآ عليه بدآ يتحسن ،، |
لا والله يا كوري يا جنوبي الزم (((( الباب )))) |
إقتباس:
|
باذن الله رااح يستعيد مستوياته السابقه ويتاقلم بعد الاجازه التي منحت له لزياره اهله وو ان شااء الله يتووفق مع الزعيم |
بالعكس سول بدأ بتقديم مستويات جيده وفي مباراة الوحده صنع كورتين اهداف واضاعها ياسر سول سيكون رهاننا الرابح بالمباريات القادمة انا معك بالكلام الذي ذكرته |
لاعب فااااشل ومقلب ولايهون الاشقر بعد آآآآه ياطارق بس |
ياليــــت بس تعرفووون الصبر يا اخوااان ..!!! سيؤول ماقصــر "خصوصاً باخر مباراتين ..!!! واذا تتكلمون بآخر فرصتين ماسجلهـــا "امام باختاكور والوحده" فأنــا اقولكم : الفرصهـ اللي امام باختاكور بصراحهـ مالها غير كذا "يعني انه يحط رجله بالكوورة " وبالنهايهـ الحظ يلعب دوور .... اما فرصه الوحــدهـ فانا اعتقد انها "براعه حارس" اكثر من كونهــا رعونه مهاجم .!! لان اللاعب ركنها بالزاوية وبقوة مناسبــهـ ..!!! مشكلهـ بعض الجماهير انها تستمع لاحاديث جماهير الانديه الاخرى وتعليقاتهم على اللاعب مما يشكل لديها عدم رغبه فيهـ ... حتى لا تسمع تعليقات سخريه اخرى !!!!!! على الرغم من انهـ يمر بمرحله تطور بالمستوى ..!!! اتمنى انكم تصبرون وانا متأكد من ان هاللاعب هو اللي راح يكون سبب اساسي في حصولنا على البطولة الاسيويه والدوري ..."بعد الله طبعا " ولكمـ تحياتي .. |
من وجهة نظري بدأ يتأقلم مع الفريق وبالعكس والله انه كان كويس وخصوصا اما بختاكور اتمنى يكون اساسي في المباراة القادمة واذا لم يقدم المأمول ان شاء الله يكون احتياطيا اما الاتحاد تحياتي وتقبل مروري |
أن الاعب الكوري سيول أفضل بكثير في المباريتين الاخيرتين من حيث التحركات مما تسبب في أحتساب ركلة جزاء للهلال أمام بختاكور والعرضيات التي قد تسببت خطورة على الفريق المنافس |
والله الرجال اخر مباريتن كان الافضل وبوجهة نظري ان نعطيه الى نهاية الموسم ونشوف والادراة ابخص مننا في الامور الي زي كذا على العموم مشكور اخوي على الموضوع تقبل مروري |
والله مدري وش بيرضيكم ..! سول أفضل لاعب بمباراة الوحده وطشقند ..!! ولا تكثرون الهرج اللي ماله سنع !! |
بكل صراحه قدم مباراه رائعه امام باحتاكور والوحده وان شاء يجيب لنا بطولة الدوري حتى نحلل ال 5 مليون |
بالعــكس سيوول فنـان في مبارة الوحدة و مبارة باختكور |
حسبي الله ونعم على الوكيل حسبي الله ونعم على الوكيل حسبي الله ونعم على الوكيل |
إقتباس:
|
الكوري والله مبدع وخاصة بأخر مبارتين صلح كورتين لياسر ولا احلى لكن ياسر ما تعامل معه بشكل صيحيح بس لو الجمهور يعقل ويخلي صافرات الإستهجان .. للأسف سول من المغضوب عليهم ضيّع كورة وحدة بس .. أما ياسر ضيع كم هجمه مضمونه ولا سمعنا صافرات ولا شي سوول لعبه جيد جداً مع الوحدة ومع باختور ظهر لأنه ابتعد عن الجمهور للأسف |
سيول في آخر مبآرتين بدى يظهر مستوآهـ وأحس إن عندهـ المزيد وخصوصا إن الحسيني يحاول يشجعه والكل لاحظ الحسيني يتكلم مع سيول بعد مباراة الوحدهـ . يآسر بدى يتكابر على الكورهـ وعلى الجمهور . نتمنى إن يرآجع نفسه يآسر . |
شبيــه الريــح : هذه المــــرحلة .. مــــرحلة حســــــــم ... 7 7 7 7 لازم نــــــــدعم جميـــع اللاعبين سواء السعوديين أو المحترفين الأجانب .. و مع العـلم إنه قدم مستوى [ جيّـــد ] في آخر مبارتين .. :yes: |
بصرااااحه لاعب فاااشل لو يقعد احتيااط احسن |
مبدع سووول احسن لاعب في مباراة الوحدة وسيفعل الكثير للهلال ويبي يغطي على ياسر بس لو شوي تشجع رآآآآآآآآآآح تشوفون السحر والابداع سؤال بالله الحين الواحد اذا مافعل المطلوب منه لازم نشجعة ونوقف معآآآه ولا نقلب علية ونحبطة ؟؟؟؟؟؟؟؟؟؟؟ يالله ردو |
ليش ما تكتب موضوع عن ياسر و عن توليفه في المبريات السابقه |
سيول بالعكس اخر مباريتين كان مبدع واكبر خطأ اخراجه من مباراه الوحده وعلى فكرة تراه صلح كورتين لياسر القحطاني لو لاعب مبتدأ كان جابهم اهداف بس ياسر بعيد عن المستوى |
كلامك سليم بس لاحيات لمن تنادي |
| الوقت المعتمد في المنتدى بتوقيت جرينتش +3.
الوقت الان » 02:09 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd