السلام عليكم ورحمه الله وبركاته
مساكم / صبحكم الله بالخير

الحمد لله على الفوز الذي جاء بشق الأنفس ولكن أهم شيئ أنه يسمى فووز
عندي تعليق على بعض اللاعبين الشباب
اللي اعمارهم ما وصلت 22 سنة
يعني يعتبر ما اكتسب خبرة كافية
وأولهم :-
1- أحمد الفريدي :لاعب واعد ولكن ضمه للمنتخب الموسم الماضي كان خطأ من المدرب اللي ضمه واستعجل بالحكم عليه
وانا اشوووف انه انغر بسرعة ومن بعدها انحدر مستواه قليلاً
ولكن إن شاء الله مباراة الاتفاق راح يسوي شيئ
وتذكروا كلامي عمر اللاعب>>>(21 سنة )
2-عبدالعزيز الدوسري : لاعب واعد سريع مهاري يجيد اللعب السريع
وعمره لايتجاوز 21 سنة
3- سلطان البيشي : لا تعلييق ؟؟؟ من مباراة إلى آخرى سوف يثبت أنه الأفضل في هذه الخانة ولا تستعجلوا بالحكم عليه (ولاترفعون فيه مثل الفريدي أول ما طلع )
4- حسن خيرات : أفضل لاعب في مباراة الأمس بعد الكابتن أبو عبدالعزيز
5-صالح الدوسري : لاعب صغير في السن يمتلك مهارات ويجيد تنفيذ الضربات الثابتة واتمنى إعارته إلى فريق يحتاج محاور لصقل موهبته
6- سلمان الفرج :لاعب واعد 20 سنة بس ارفقوا عليه شوي
7- نواف العابد :لاعب يمتلك مهارات خيالية ولديه سرعة في المراوغة والانطلاقات ويجيد الضربات الثابتة باتقان وهداف من الدرجة الأولى وعلى فكرة هو هداف الدوري الموسم الماضي وهذا الموسم العمر (19 سنة ) يلعب في شباب الهلال
طبعاً مركزه مهاجم ثاني ويلعب في خانة الجناح الايسر يعني اذا لعب في الفريق الاول راح ينسيكم شيئ اسمه مهاجم اجنبي
،،،
،،،
وطبعا كانت عندي بعض الملاحظات على بعض الاساسين
مثل نامي ولكن مستواه تحسن والمرشدي واتمنى يعود إلى مستواه مثل بداية الموسم

موضوعنا الثاني عن الاعضاء
اللي يجيك حاط عنوان الموضوع سب أو انتقاص من بعض اللاعبين
نعم نحن لانملك أفضل لاعبين في العالم ولكن نحن نرحب بالنقد البناء المبني على معطيات
مو يجيك واحد ما يدري وين الله قاطه يسب فلان وفلان داج مايعرف يثبت كووورة
والمدرب رايح فيها
ولا يجيك واحد يتكلم عن نادي ثاني
ويقوول النادي الفلاني سو كذا وحنا ليه ما نسوي كذا وكذا
يا بوي خلاص إذا هي على البطولات
الهلال :-
الرسمية (48)
وجميعها (مع البطولات الودية ) 97
وقفلوا الموضوع
بعدين وش يفيدنا التاريخ
والله فيه فرق تلعب ما تفكر في مباراة أمس تبيهم يفكرو قبل 20 سنة
ولكن أنا لا أتنقص من تاريخ الهلال المليئ بالانجازات والبطولات والكوؤوس
ولكن احنا عارفين بطولاتنا
طيب خلاص حنا مو أكثر فريق بطولات فيه فرق بالعاصمة لديها أكثر من
ما ابغى اذكر اسماء لكن أعتقد أنها معروفه
واذا صار لهم 100000 بطولة واذا كلها رسمية وش علينا منهم
خلونا في هلالنا وزعيمنا
الموضوع الآخر هو
المباريات المتبقية لنا في هذا الموسم في جميع البطولات وهي كالتالي :-
(الدوري) الهلال × الاتفاق في الرياض 4/4/2009 السبت
(ابطال آسيا )الهلال × الأهلي الأماراتي في الرياض 8/4/2009 الثلاثاء
(الدوري) الهلال × الاتحاد في الرياض 12/4/2009 الاحد
( أبطال أسيا ) الاهلي الاماراتي × الهلال في دبي 22/4/2009 الاربعاء
(أبطال آسيا ) الهلال × باختكور في الرياض 6/5/2009
(أبطال أسيا ) صبا باتري ×الهلال في ايران 20/5/2009
طيب فيه نقطه مهمة ممكن تكون في صالحنا في المحافظة على لقب الدوري وهي :-
الاتحاد مباراته القادمه في الدوري مع الوحدة في مكة في 4/4
ثم يذهب إلى الإمارات لملاقاة الجزيرة هناك في 7/4
ثم يأتي إلى الرياض لملاقاة الهلال في 12/4
وقبلها كان قادم من نجران في تلك المواجهة يعني سوف ياتون إلى الرياض وهم يالله يمشون يعني تعبانين ولاتنسون ملعب الملك كبير ولاهو صغير مثل ملعب جدة
وثاني شيئ بيجون إلا وجماهير الهلال فل ( إن شاء الله )
وهذه راح تكون في صالح الزعيم إن شاء الله

نقاط من مباراة الأمس :-
*قبل المباراة كان فيه تصريح عن مدرب سوف يعلن عنه الامير عبدالرحمن بن مساعد الساعة الحاديه عشره ولم يعلن عنه ..لماذا ؟؟
*سيول كي هون يبدو أنه بدا ينسجم مع الفريق من مباراة إلى آخرى وربما يكون عكس ليلو الذي بدع في أول مبارتين فقط وثم دج ؟؟؟
*يبدو ان عبداللطيف الحسيني لديه الجرأة الكافية للعب أمام الاتفاق بمهاجمين
* محمد العنبر سجل هدف كهدف ليلو بالحزم حينما جاء الهدف قبل نهاية الدوري بجولتين وفي نهاية المباراة وكانت كلتا المباريتين لا قدر الله وخسر الهلال فيها كان سيخرج بنسبة 80 %
................................................................
لا إله إلا أنت سبحانك أستغفرك واتوب إليك
والسلام عليكم .....