#1  
قديم 22/03/2009, 03:19 PM
زعيــم متواصــل
تاريخ التسجيل: 21/12/2008
مشاركات: 62
حكايتى مع (شلة الأنس)

الموقف (1)

إيمان: ايه رأيكم يا بنات أنا بفكر البس الحجاب



سلمى :نعم ! تلبسى ايه؟!!!



إيمان : البس الحجاااااب ايه المشكلة؟؟



دعاء: اممممم وده بمناسبة ايه بأة؟؟



إيمان : أصلى بسمع قصص كتير اليومين دول عن موت الفجأة و شباب فى سن صغيرة جداا و بصراحة أنا خايفة و حاسة إنى مقصرة جدااا فى حق الله

وبعدين يا جماعة الحجاب فرض أنا عرفت أنه فرض واللى احنا فيه ده مينفعش




منى : آه ابتدينا بأة الأسطوانة دى



سلمى : يا بنتى احنا لسة صغيرين على الكلام ده و بعدين الحجاب ده بيكبر أوى و بيقيد حرية الواحد

كبرى دماغك بأة و خلينا نشوف حنروح فين النهاردة




إيمان : طيب يللا بينا



*

*



الموقف (2)



حسام : مساء الخير يا أحمد إيه أخبارك؟



أحمد : الحمد لله كويس



حسام : بقولك ايه شكلك كدة مش عاجبنى مالك؟



أحمد : لا مفيش بس شديت مع والدى شوية




حسام : طب بقولك إيه ما تاخد السيجارة دى عشان تروق كدة



أحمد : لا يا عم سجاير إيه أنا ماليش فى الكلام ده



حسام : ايه يابنى انت خايف من والدك ولا إيه؟



أحمد : لا لا مش خايف و لا حاجة



حسام : أنت يابنى مش كبرت و بقيت راجل؟؟؟



أحمد : أيوة طبعا بقيت راجل, هات هات السيجارة



*

*



الموقف (3)



مروة : صباح الخير يا بنات عاملين إيه؟؟



أمنية : الحمد لله بخير




مروة : إيه ده يا آلاء مال حواجبك عاملة كدة ليه؟؟



ألاء : أنا بطلت آخذ منهم خلاص سمعت حديث يشيب عن لعن النامصة و المتنمصة



مروة: يا بنتى لأ ده المقصود اللى بتشيلهم خالص و ترسمهم من أول و جديد بس لما تظبطيهم شوية مفيهاش حاجة


أمنية : أيوة يا ألاء مروة عندها حق




ألاء: أنتوا شايفين كدة يعنى؟؟ طيب خلاص حبأة أظبطهم تانى

*

*



الموقف (4)



سالم و محمود فى المول بيشتروا حاجات

سالم : بقولك إيه يا محمود المغرب أذن يللا نروح نصلى عشان نلحق الجماعة



محمود : استنى بس شوية نخلص المحل ده و نروح وقت المغرب مفتوح



سالم : طيب يللا بسرعة




ويمر الوقت فى المحل و معاينة البضائع

وفجأة.....آذان العشاء




سالم : مش قولتلك يا محمود أهى صلاة المغرب ضاعت علينا



محمود : معلش الوقت أخذنا و بعدين ربنا غفور رحيم حنصليها مع العشاء ان شاء الله



*

*









هي دي بقى شلة الأنس اللى احنا بنسمع عنها

أو اللي بعضنا بيتمناها

أو ممكن نقول أن بعضنا شايف أن هي دي صحبة العـــــمـــــــــــــــــــــــــر !!!!





هي دي بجد صحبة العمر؟؟؟؟؟؟!!!!!!!!

هي دي بجد الصحبه اللى هتدخلنا الجنه ؟؟؟؟؟؟!!!!!!!!!


في مقوله للعرب بتقول " الصاحب ساحب "



أنت ....



أيوه أنت ...



شوف صاحبك هيسحبك على فين ؟؟؟





دي كانت مواقف لشلة الأنس

ومواقف تانيه هنشوفها في الحوار الشبابي مع فضيلة الشيخ / هاني حلمي

و

شلة الأنس



المصدر : حلقة "شلة الأنس" / برنامج من هنا التغيير / لفضيلة الشيخ : هاني حلمي/ قناة الناس

لمشاهده الحلقه وتحميلها
من أجمل ما سمعت



شلة الانس-قناة الناس- 12-2-2009

للتحميل


جودة متوسطة
ـــــــــــــــــــــــــ
اضافة رد مع اقتباس
  #2  
قديم 26/03/2009, 12:44 PM
زعيــم متواصــل
تاريخ التسجيل: 21/12/2008
مشاركات: 62


معنى جميل أوى

كل واحده محتاج لصديق .. لأخ ..
يسانده
يقف جنبه
يكون معاه خطوه بخطوه
*
*
*
طيب ليه احنا بننتظر الصديق هو اللى يقرب مننا ويمسك فينا

ليه احنا منبدأش بالخطوه الأولى
*
*
*
الأخوه الايمانيه .. الأخوه في الله
معنى جميل أوي
كلنا في بداية الإلتزام محتاجين نحس ان فيه صديق جنبنا
أيده بادينا
أيه رأيك
تروح لأخوك في الله وتقوله

" خليك جنبي "
أنا محتاجلك
أنا عاوز اكون رفيقك للجنه
*
*
*
دي دعوه مني

*_* خليك جنبي *_*
لمشاهدة المقطع وتحميله


*
*
*

المصدر : حلقة "شلة الأنس"

ــــــــــــــــــــــــــــــــــ
اضافة رد مع اقتباس
  #3  
قديم 26/03/2009, 02:43 PM
زعيــم فعــال
تاريخ التسجيل: 11/11/2005
المكان: نجد
مشاركات: 296
جزاك الله خير اخوي ..
والله يجعله بموازين حسناتك ..
اضافة رد مع اقتباس
  #4  
قديم 26/03/2009, 08:13 PM
الصورة الرمزية الخاصة بـ ع ـبـووود !
زعيــم متألــق
تاريخ التسجيل: 12/09/2007
المكان: Ĉamp ИŐύ
مشاركات: 1,490
الله يجزاك الف خير ماقصرت
اضافة رد مع اقتباس
   


إضافة رد

أدوات الموضوع
طريقة عرض الموضوع

قوانين المشاركة
غير مصرّح لك بنشر موضوع جديد
غير مصرّح لك بنشر ردود
غير مصرّح لك برفع مرفقات
غير مصرّح لك بتعديل مشاركاتك

وسوم vB : مسموح
[IMG] كود الـ مسموح
كود الـ HTML غير مسموح
Trackbacks are مسموح
Pingbacks are مسموح
Refbacks are مسموح



الوقت المعتمد في المنتدى بتوقيت جرينتش +3.
الوقت الان » 01:30 PM.

جميع الآراء و المشاركات المنشورة تمثل وجهة نظر كاتبها فقط , و لا تمثل بأي حال من الأحوال وجهة نظر النادي و مسؤوليه ولا إدارة الموقع و مسؤوليه.


Powered by: vBulletin Version 3.8.7
Copyright ©2000 - 2024, Jelsoft Enterprises Ltd

Google Plus   Facebook  twitter  youtube