ودي بس , مثل ما تنتقدون أخطاء الهيئة عشان تتصلح ! ,

انتقدوا أخطاء المرور - انتقدوا اخطاء الشرطة - انتقدوا أخطاء الجوازات !

ليه بس على الهيئة ؟ إلا هالدرجة وصل فينا اننا ما نحب الدين ؟

والله يا أخوان مرة كنت في محل تصوير جت الجوازات تفتش العاملين , دخل ظابط الجوازات

ويجي عند العمال وينافخ عليهم ويصارخ قسم بالله أقل شي تقوله انهم عبيد عنده

يقول للعامل طلع الإقامة , العامل دخل يده في مخباته يطلع الإقامه وهو قام يزاعق

(( يله بسرعه ما تفهم انت ))

العامل الثاني عنده إقامه لكن ما عنده تصريح عمل في المحل وش سوا ؟

قام قدام الناس اللي في المحل ويجره مع يده بأقوى قوته ويزاعق في وجهه ويدفه على الباب

خذوه معهم وركبوه في السيارة !

وش سوا العامل الأول ؟ ماقال الا ( حسبي الله ونعم الوكيل )

-----------------------------------

ليه مثل هذي الأفعال اللي تصير من رجال الجوازات - الأمن - المرور ما يشهر بها في الجرايد ؟

يعني كل هذي الأجهزة المذكورة معجبكم شغلهم ؟

فقط الهيئة اللي ما أعجبكم شغلهم وقاعدين تنشرون أخطائهم !

-----------------

اللهم وفق كل من يقوم بالأمر بالمعروف والنهي عن المنكر وفق الكتاب الكريم والسنة المطهرة .

اللهم آمين ,

-----------------------------

أما بخصوص القصة المذكورة , فالكل يعلم مدى كذب الكتاب المحسوبين على الدين ,

لا أقول الا حسبي الله ونعم الوكيل , فهؤلاء الكتاب بشوهون صورة الإسلام بأبشع تشويه

لكي ؟ (( يصلوا إلى شهواتهم ))

----------------

قال رسول الله صلى الله عليه وسلم :

(( كل بن آدم خطآء وخير الخطاؤون التوابين )) صدق رسول الله صلى الله عليه وسلم


-------------------------

إن كان الخبر صحيح , هذا الرجل الذي فعل مثل هذا الفعل , غير محسوب على الهيئة ,

وهو غير مخطئ , إنما الخطأ على من إختارهـ وجعله من ضمن العاملين في هذا الجهاز المبارك

-------------

اللهم صلي وسلم على نبينا محمد .