::عندي لكم صوره اخليكم تستانسون عليهـا وتفرحون:: - نادي الهلال السعودي - شبكة الزعيم

البايسـن · #1 17/03/2009, 10:15 PM

..

كيفكم زعمـآء.؟ كيفكم زعيمـآت..؟

هاردلكم واحد واحد...وطبعآ الكل يشوف المباره على شكل هزيمه للهلال واخص المستوى ومو النتيجه..

واذا كانت على النتيجه عالاقل حلوه دامها على ملعبهم وبين ارضهم..وبين الجمهور الي ماسكت طول المباره واهنيهم انـآ..
بس الغريب مافي احد شايل شال النادي او علم ناديهم

ماعلينا من الكلام هذا...

انا بعد المباره خرجت من البيت لشوية اشغال وكنت متضايق من المستوى
الي كان من الاعبين..وخاصه [ سول ] رغم انه في بعض التحركات الي تنفعنا من لمسه واحده..

واكيد كل نادي فريقه يكون مستواه متدني او ضعيف..تشوف الانتقادات في كل مجال.
من الاعلام ومن المنتديات ومن المدرب او اعضاء الشرف ويمكن توصل لرئيس..

وانا مثل ما قلت اقصد الانتقاد مو التجريح...

انتم تعرفون ان التجريح راحو فيها ضحـآيا

وراحو فيها لاعبين والسبب التجريح
والمشكلة ما نعرف عنهم اكثر واكثر..يكون عندهم ابداع وفن ومهاره ومستغبل..
بس من خلال مباره حطمو مستغبله ومشاعره في نفس الوقت..

انا ما ابغى اطلع برى الموضوع انا راح اتكلم عن فريقي الزعيم..
يعني فريق خسارته في السنه الواحد قليله جدآ..وما تفرق عن هدف ..ومستوا كل مباره رائع
ويعطينا حافز للمباريات القادمه ولمستغبل الزعيم نفس الوقت..

واكيد في هذا ما راح نكون متعودين على الخساره..واي خساره راح نكون متضايقين
وعتابنا كله على النادي..ونشوف اي نقطه يوقف فيها الهلال..ونخليها نقطه تحفز للمرات القادمه..

اما احنا لكل خساره او تدني مستوى..واركز اكثر على نقطه المستوى والي هي دليل لمباره اليوم...
يعني اليوم الفريق لعب مباره مع فريق قوي وفي ارضه وبين جمهوره..

ويخرج الزعيم للتعادل ومستوى كابدايه للبطوله..ومدرب هلالي كان مساعد مدرب..
وما كان متوقع ابدآ انه راح يكون يوم من الايام مدرب لفريق...يعني فرق كبير بين مساعد مدرب..ومدرب..مثل الفرق بين الممرض وبين الدكتور..

يعني اشوف كلام جاء من الاعضاء جارح جارح جارح بشكل ما تتصور...احس اني ماني مصدق بالكلام الي شفته...
انا طيب معكم بأن المستوى كان متدني وما كان طموح الهلالين لبطولة اسياء..والي كان بين ايدينا..

بس نفكر بالانتقاد ونكتب سوا ونتاقش عليه وفي اخر الكلام نقول وندعي للفريق للمرات المقبله...
اما نجتمع ع التجريح...ونبي الفريق دايم مستواه عالي وماندري على الضروف وعلى نفسيات اللاعبين..

وخذوها مني بأن الفريق دام هذا مستواه في بدايات البطولة راح تشوفون كيف راح يكون مستواه بعدين...
ومعروف في كره القدم واظن الكل عارف..اي فريق قوي ويدخل بطوله وكانت له..
وفي البدايه كان مستواه ضعيف..راح يكون بطل في النهايه وانا اراهن على هذا..

واذا ماحد اقتنع في كلامي راح اوريكم صوره يمكن تقتنعون وتركدون شوي يا حبايبي ونفكر بالشي الصح...
واشوف الاعضاء الي دايم اشوفهم مستانسين مع فوز الفريق...
..........................دايم اشوفهم مستانسين مع فوز الفريق
..........................دايم اشوفهم مستانسين مع فوز الفريق

والله يا حبايبي ما كتبت كل هذا..الى عشان ما نكون مثل جمهور الجار..
نبي كل ما كان مستوى الفريق متدني عالاقل ننتقد ولا نجرح...وانتم عارفين كيف
الي [ يحلموون ] كيف كانو يجرحون لاعبينهم...والحين كيف صارت نفسياتهم من خساره لخساره..

يالله خلونا نصفق للاعبين وننتقد بشكل افضل ياحبايبي..والجيات احسن لاحسن..
وانا متفائل بالفريق..وانتم حبايب قلبي والله..

البـآيسـن

صقر الحزم الهلالي · #2 17/03/2009, 10:19 PM

والله انك وسعت صدري عقب المباراة
لازم ناقف مع الهلال لأنه في أمس الحاجة لنا
والبطاقة الأولى إن شاء الله لنا

أنا الهلالي والنعم · #3 17/03/2009, 10:21 PM

شكرا لك .. و بأذن الله هلالنا سيفرحنا آسيويا مثل ما أفرحنا محليا .

شمآلي هلآلي · #4 17/03/2009, 10:25 PM

والله ياخي نفوسنا ضايقه ، والله اليوم حسيت حالي اشجع فريق ضعيف مو الهلال اللي تعودنا عليه،،

يعني مباراة سابا باتري الايراني ماشي 900 كم واخر شي تعادل .. والله قمة القهر ..

لكن القلب وما يهوى وراح نبقى مع الفريق للااااااااخر ..

حمـ(الهلالي)ــد · #5 17/03/2009, 10:26 PM

يابعدي والله

هذي المواضيع اللي تشجع الفريق وتزيد من قوته

افضل مواضيع طلاب الإبتدائي

عاشقkaka22 · #6 17/03/2009, 10:26 PM

يا اخوان والله اني أنا مع الزعيم

وان شاء الله يبيض الوجه

بس أبغى اللاعبين يحسوا اننا نحن معاهم معاهم معاهم معاهم معاهم معاهم معاهم معاهم

محمد اللهبي · #7 17/03/2009, 10:29 PM

ترون هلالنا بيض الوجه اليوم
في اسوأ حالاته يتعادل كثر الف خيره
غيره اكلها ومشى

البايسـن · #8 17/03/2009, 10:33 PM

إقتباس

الرسالة الأصلية كتبت بواسطة حمـ(الهلالي)ــد


	يابعدي والله هذي المواضيع اللي تشجع الفريق وتزيد من قوته افضل مواضيع طلاب الإبتدائي

هلا حبيبي..

وتواجدك اسعدني..
وعندي استفهام على كلامك طلاب الابتدائي

<<مو فاهم..

Qppot · #9 17/03/2009, 10:34 PM

من ناحيتي .....

انا ضاق صدري يوم شفت الفنايل اللي لابسينها اللاعبين ... ذكرتني بكوووووزمين

و اشكركـ على الموضوع المتعوب عليهـ

(((أخلاق سامي))) · #10 17/03/2009, 10:34 PM

إقتباس


	يالله خلونا نصفق للاعبين وننتقد بشكل افضل ياحبايبي..والجيات احسن لاحسن.. وانا متفائل بالفريق..وانتم حبايب قلبي والله..

والله كلام سليم 100% ...

المفروض ما نجرح ننتقد نقد بناء وباذن الله الزعيم قادر على تصدر المجموعة والتاهل بالمركز الاول كعادته...

الف شكر لك اخوي

ياويلهم · #11 17/03/2009, 10:41 PM

ايه كذا التشجيع وراح نحفز اللاعبين
وانشاء الله المبارة القادمه 3 نقاط معنا

بنت الوليد · #12 17/03/2009, 10:41 PM

لــــــــــن تـــــــمــــــــتشـــــــــــــــــــــي وحـــــــــــــــــــــيدآياهـــــــــــــــــــــــــــــــــــــلال

حمـ(الهلالي)ــد · #13 17/03/2009, 10:44 PM

إقتباس

الرسالة الأصلية كتبت بواسطة البايسـن


	هلا حبيبي.. وتواجدك اسعدني.. وعندي استفهام على كلامك طلاب الابتدائي<<مو فاهم..

بعض الاعضاء هداهم الله مافي لاعب مو فاشل

مواضيعهم تغث وتضيق البال

الـزعـيـم الاسـيـوي · #14 17/03/2009, 10:46 PM

تسـلم هـ الانـآمـل وآللهـ ..

هذآ كـلام العقـلاء ..

صحيح كآن في ضغط على المرمى الهلآلي ..

لآكن الخـروج بنقطـه آمآم آقوى الفرق في المجموعه وفي ملعبه وبين جمهوره ..،

تعتبــر نقطـــه مهـمه جدآآ ..

وإن شـآء اللـه رآح نكـون متصدرين المجموعه ونلعب دور الـ 16 في إستـاد الملك فهـد ..

بـ إذن اللـه ..،

ـآلف شكـر لك يـ البــآيـــسن ..،

..،

سعود الفيفي · #15 17/03/2009, 10:48 PM

إقتباس

الرسالة الأصلية كتبت بواسطة حمـ(الهلالي)ــد


	بعض الاعضاء هداهم الله مافي لاعب مو فاشل مواضيعهم تغث وتضيق البال

وكأن في تصفية حسابات جارية بين اعضاء المنتدى

لا تعليق