بسم الله الرحمن الرحيم


وش صار في مباراة باختكـور .. الفريـق قدم الي عليه وحاولو ينهـون المباراه لصـالحهم لكن كان الفرق واضح بيننا وبين باختاكور .. لاعبينـا مستعجـلين عشان الهدف ولاعبين باختاكور يلعبون بهدااوه .. ومو مستعجلين على شي يعني انتهت تعادل او فازو كلها في صالحهم ومقفلين مناطقهم وهذا الشي الي لخبط اوراق مساعد مدربنا

* لا تقـسوون على اللاعبيـن وخاصه محمد الدعيع ونامي وويلهامسون والفريدي وسيول

* الدعيع .. والله ماقصر لكن اخطأ في كرتين طلع فيها وهو لاعب حاله حال اي حارس في العالم لابد ما يكون هناك اخطاء والي يقول الهدف من خطئه فهو الي مخطأ الدعيع خلصها لكن المراقبه كانت ضعيفه والمدافعين مابين خروج من المنطقه لمصيدة التسلل ومابين مراقبة بعض اللاعبين وحصل الخطأ وتسجل الهدف

* نامي انا مااشوف انه فعل كارثه عشان التهجم الي حصل عليه والله جالس يسوي الي عليه وهذا جهده وحنا راضين فيه واتمنى نخف شويه عليه انه من يوم ما جاء الى اليوم والضغط عليه من كل جهه (( الله يكون في عونه ))


* ويلهامسون صحيح ان عطائه اليوم في تفاوت بين هجمه وهجمه لكن مو لدرجه اننا نصفه بالسيء لان لو لاحضتو اول ما توصله الكره 3 لاعبين يكونون قريب منه من الخصم ويحاول انه يعدي او يمرر وينجح ويفشل وشفنا كيف الحكم اغفل عن اعاقه له كانت في مكان خطير جدآ لكن الحكم اغفلها ويبقى ويلهامسون لاعب مميز ويفتح من جهته هجمات كثيره


* الفريدي كان واضح عليه تأثر كثير بالانتقادات ببطئه وكأنه يحاول يجتازها وصدقوني لو انه جدار ووصله الكلام الي وصل للفريدي بيتحرك والاعب مستحيل يتغير في يوم ولليله وانا من متابعتي للتحركاته اشوفه يحاول يبتعد عن البطئ ويقاتل كثير على الكره لكن كثر الضغط من الخصم والقوه الجسمانيه للاعبين باختاكور تعيقه وتعيق اكثر لاعبيننا


* سيول اليوم بس حسيت انه كان يعرف يلعب ، صراحه اول مره يقدم شيء للفريق من يوم ما جاء تحركاته مقنعه شوي وفتح كذا مره لهجمات لو استغلت صح منه وطبعا تسبب في البلنتي وعكس كورتين خطيره لياسر لكن الحظ ما حالف ياسر وتسبب في بلنتي ثاني لكن الحكم ما حسبه يعني الخطه الي وضعها المدرب اليوم سيول مهاجم ثاني وليس على الطرف ونجحت بنسبه بسيطه لو تعود من اول ما جاء على هالخانه يمكن كان كلام ثاني وشفنا كيف قوته الجسمانيه ساعدته على الاختراق في الهجمتين الي حصل منها على بلنتي وبلنتي لم يحتسب


الحاصل ان في النهايه الفريق فعل الي عليه وكان عدم وجود مدرب يقرء الخصم اثناء المباراة ويغير اثناء المباراة الامور لصالح فريقه اثرت على الفريق وعدم وجود مدرب يوجه داخل الملعب ويقدم ويأخر اللاعبين اثرت على الفريق

الامور الى الان في ايديينا ومن المفترض من جمهورنا العزيز الوقوف اكثر من الاستهجان ضد اللاعبين حراام نظلمهم وهم يقاتلون ولكن الحظ لم يحالفهم هناك كم نقطه يجب ان تتصلح وسيصلح حال الفريق واتوقع مع وجود مدرب جديد وقدير ستضح الفارق

واعتذر للاطاله .. وتذكرو ان الله ولي التوفيق