ياحليلك يا عبد العزيز شرقي - نادي الهلال السعودي - شبكة الزعيم

عاشق الثمامه · #1 16/12/2000, 09:39 AM

من شاف الخيمه فيart
ياخوان انا ماشفت القف من المدعو عبد العزيز شرقي في كل مداخلاته يحاول يخالف المجموعه حتى لوكان الموضوع ماعليه اي اختلاف ودائما يحاول التطاول على الكباروهذا ما اشهره
عموما هوحفر مدفنه البارح في الخيمه حين حاول التشكيك في بطولات الهلال وماقصروا الموجودين ومكالمه سمو الامير خالد بن طلال حين احرجه بسؤالين فقط
على العموم هذا الشرقي تمنى لو الارض انفتحت وابتلعته وانا ماني فاهم هو كان جالس جنب الامير بندر بن محمد كان اعتذر من الامير وراح بيتهم ينوم بدال ماهو جالس زي الابله
بس تبون الصدق والله يانا مبسوط على شكله البارح قابل للذب

سيف السيف · #2 16/12/2000, 10:27 AM

يخوي هذا ما عرفناله

يتغير لونه مثل الضب

مرة شرقي ومرة غربي

إلا وشلون أحرجه الأمير خالد ؟ ممكن التفاصيل

------------------
عشتم وعـاش الهـلال زعـيـما

عاشق الثمامه · #3 16/12/2000, 10:44 AM

هذا ياخوي سيف مافي وجهه شوي حيا تصور جنبه الامير بندر بن محمد وكل الموجوديين يسألون الامير بندر عن مستقبل الهلال زي كذا اسئله بس ذا اللي مايستحي مالقاله سؤال وقال لللامير ماهو دور التحكيم في بطولات الهلال بس والله انه ماتمنى انه سئل وتمنى انه ماجا اصلا ماقصروا فيه
اما سؤاليين الامير خالد قاله
ليش الحكام يساعدون الهلال؟
طبعا الشرقي مايقدر يقول بالرشاوي اوحتى الحكم هلالي
بس قال انا اقصد اغلاط تحكيميه
ثم اسئله الامير يعني مع كل الفرق؟
قال نعم طال عمرك مع كل الفرق بس انا بردان ولاعرفت اصيغ السؤال كويس يعني غير معنى سؤاله

الثمامة · #4 17/12/2000, 02:37 AM

المشكلة يااخواني ان الأخ الخميس وبعد مادافع عن الهلال وبكل واقعية خسر منصبه في مجلة المجلة بعد أن اعفاه احمد بن سلمان اليوم ووضع بدل منه واحد اسمه هاني نقشبندي (( صح السعودة ))

------------------
أولاً الهلال ،، ثم يأتي الهلال ،، وبعده الهلال !

KER-{شاكر}-SHA · #5 17/12/2000, 12:27 PM

***** الشرقي ذا لئيم ،،،،،، يعرف عن طيبة قلب الأمير بندر بن محمد واريحيته ،،،،،،،، فقام يدس السم في العسل

***** لكن عجبني مساعد الخميس لما اعترض عليه بشده
والصحفي الكبير عبد الرحمن بن سعد السماري

****** احسن عجبني لما اتصل الأمير خالد بن طلال ،،،، بغى الشرقي ينزل تحت الماسه اللي قدامه ،،،،، لا ويقول البرد مأثر طيب ليه يا اخي تهين نفسك ،،،،،،، استغفر الله العظيم

الامير خالد طالب باستضافة الصحفي الكبير الأستاذ عبد الرحمن بن سعد السماري في وجود الشرقي ،،،،،،، ليعرف الشرقي قدره صحافيا وخلقيا ايضا

------------------
انا هلالي ما ارضى بالثاني ** المركز الأول أموت وأحيا به