مدرب الهلال القادم - نادي الهلال السعودي - شبكة الزعيم

مضارب · #1 15/03/2009, 12:37 AM

ما تلاحظون انو كثر الحديث من التي اهواها اقصد من مدرب الهلال القادم ؟؟؟؟

وبصراحه انا قررت ارشح نفسي لتدريب الزعيم

يا جماعه الهلال ما يبي مدرب

يبي واحد مثلي حاط رجل على رجل ويقول للعيبه

يعطيكم العافيه يا شباب

او على قوله الجوهر يالله يا عيال

بس عيب في رجال الهلال ينقال لهم يا عيال

بقولهم يالله يا زعماء

وقسمن بالله اذا حسوا بالمسئولية تلاقيهم هم المدربين والمحلللين والابطال اكيد

يعني خلونا نحسبها بحسبة بسيطه منهو كندينيو قبل الزعيم

مهو ابوراس قبل الزعيم

منهو باكيتا قبل الزعيم

منهو منهو منهو

كثير والله ما كانوا شئ قبل الزعيم وهو الللي اضطرهم وابرزهم

هو صحيح كوزمين يشق قلبي نصين ااذا تذكرته وما انسى دمعتي يوم طلع الخبر وكن احد ميت لي بسم الله عليهم بس تعبني فراقه مثلكم بس وش نقول لبو الشباب

هو دايم ابخص مننا وكل شئ عنده مهووس مدري مدروس مدري ملحوس

بس عاد الله اقوى وان طاعك الزمان والا طعه

جايبها من واحد من الشباب

المهم يكفي يا جماعه الهلال فريق جاهز وما يبي الا واحد يدعمه نفسيا فقط والا فنيا قاضينن منها منذ مبطي

فعاد اذا ملزمين اكون المدرب القادم تراي ابي راتب 10000 يورو وبيت كوزمين حتى لوهو في العريجا يكفيني ريحته

ومابي سياره معي سيارتي

وابي مغاط مساعد مدرب والا اقول لكم ابيه مدرب لياقه يمغطهم شوي

مضارب · #2 15/03/2009, 07:13 PM

وش قلت يا مغاط موافق والا نزيد الراتب شوي

king missi hilal · #3 15/03/2009, 07:16 PM

الهلال محتاج وقفة الجمهووووووووووووووور

كاتالين اعطوه الثقه

أزرق متعالي · #4 15/03/2009, 07:18 PM

والله تستاهل تكون مدرب وأتوقع لك النجاح لان لاعبي الزعيم هم من يصنعون ويشهرون المدربين وليس العكسهاهاهاهاهاهاهاها

هلاليـ وافتخر · #5 15/03/2009, 07:18 PM

يعطيك العافيه ..

ان شاء الله انقله بـ موقعي

مضارب · #6 15/03/2009, 07:20 PM

إقتباس

الرسالة الأصلية كتبت بواسطة هلاليـ وافتخر


	يعطيك العافيه .. ان شاء الله انقله بـ موقعي

يفداك يا بعدي بس وش موقعك خلنا نكون معك

ابودانـه · #7 15/03/2009, 07:25 PM

10000 مره وحده انا مانيب قاااااط معكم راتبك غالي يامضارب

وش رايك تدرب الهلال هالموسم بدون راتب واذا تأهل للاسيويه واخذ الدوري

انا اللي بجمع القطه وبعطيك اللي يفيض معي ههههههههههههه

عزتي في سمو ذاتي · #8 15/03/2009, 07:28 PM

صح فريقنا كبير , وفريقنا يصنع مدربين
وعندنا لاعبين على مستوى عالي

لكن الهلال حاليا محتاج لـ مدرب كبير ,
أجل بلاهي معجبكم كاتالين وتبديلاته الغريبه

الهلال بحاجه كبيره لـ مدرب فاهم ومميز الفتره الجايه
واتمنى لو يتعاقدون معه لـ موسمين او ثلاثه

ويمسك الفريق من الحين ,

بالتوفيق لـ هلالنا

مضارب · #9 15/03/2009, 07:37 PM

إقتباس

الرسالة الأصلية كتبت بواسطة k15656


	10000 مره وحده انا مانيب قاااااط معكم راتبك غالي يامضارب وش رايك تدرب الهلال هالموسم بدون راتب واذا تأهل للاسيويه واخذ الدوري انا اللي بجمع القطه وبعطيك اللي يفيض معي ههههههههههههه

تدري ... والله ما اردك

تم تم تم تم

انشتاين · #10 15/03/2009, 09:12 PM

أيــــه زأنـــــــــت عـــــــــلـــــومكـــ

هكتور · #11 15/03/2009, 09:30 PM

انا ماعندي اي مانع تدرب الفريق وتبدى من الليله ( مسوي رئيس النادي) بس بشرط واحد نبيك تفكنا من 4-5-1 ونبي الهجوم ثم الهجوم جتى لو تهاجم بالدعيع مافيه مانع حرام الهلال عنده كله هالاسلحه الهجوميه ويدافع

$الشفق الأزرق$ · #12 15/03/2009, 11:31 PM

إذا كان الهلال يصنع المدربين ليش نتعب حالنا ونجيب مدربين معروفين نجيب أي مدرب وحنا الي ننجحه

ياجماعه المسأله مشتركه اللاعبين يشيلون المدرب والعكس

a7sn wa7d · #13 15/03/2009, 11:52 PM

مضآرب

خل عنك خويك مغاط شكله جايه عرض احسن من عرضك

انا ابصير بمكانه ومالك الا اذا كرشوك الاتحاد السعودي امشي على خطتك ولك نص الراتب وش قلت

مضارب · #14 16/03/2009, 02:06 PM

إقتباس

الرسالة الأصلية كتبت بواسطة a7sn wa7d


	مضآرب خل عنك خويك مغاط شكله جايه عرض احسن من عرضك انا ابصير بمكانه ومالك الا اذا كرشوك الاتحاد السعودي امشي على خطتك ولك نص الراتب وش قلت

عاد والله انهم بيبلشون بي وين بيبعدوني

تتوقع يودوني موزنبيق مثلا ..؟؟؟؟؟؟

اما اذا فيه كزه على بوخاريست ماعنديش مانع

مضارب · #15 16/03/2009, 02:17 PM

وش يبي ابو الشباب مدري راعي الشباب

ما وده يضم بعد احمد بخيت لمنتخب القدم الفاشل؟؟؟؟؟؟؟؟؟؟؟؟

والحين لو ادرب الهلال وافوز على الوحده تهقون يطلبوني ادرب المنتخب واذا قلت لا مابيكم

بيستقعدون لي ؟؟؟؟؟؟؟

اجل الحل اني ادرب بسروال سنه وبس واللي يصير يصير

الهيئه ومقدور عليهم لكن ذا الهرش وش السواة به