السلام عليكم و رحمة الله و بركاته

طبعا يا أخوان في ذا الموضوع

أبغى كل واحد يحط رأيه في لاعبينا الأجانب و منها نشوف مدى رضى الجماهير عن اللاعبين

و صفقات الأمير عبدالرحمن بالنسبة للاعبين الأجانب

أنا اخترت لاعبينا الأجانب لأنهم هم بياخذوا مبالغ أكثر فنحن بنشوف هل هم يستحقوا هالمبالغ ولا لا

هناك 4 خيارات للتقيم

ممتاز جيد عادي سيئ

طبعا التقييم من بداية قدوم اللاعب إلى الآن

أنا أبدأ

بالنسبة

لطارق التايب ممتاز

لاعب صانع لعب من طراز عالي و يقدر يصنع لك فرصة هدف في أي لحظة و نحن شفنا تمريراته

باص عيون و استمر للموسم الثالث على التوالي مع الهلال بس اللي يعيبه كثرة الإصابات

و اللياقة ما تساعده

ويلي جيد

أنا صراحة هذا اللاعب يعجبني انه يقدم أدوار دفاعية وهجومية و يساند محمد نامي في الدفاع حتى في

الهجوم و شكل جبهة ممتازة مع محمد نامي من اليمين بس اللي يعيبه انه يجيك يوم يلعب زين ويوم

يلعب شين و أحيانا ما يناول يبغى يعدي كثير و ما أنسى لقافته في تسديد البلنتيات و يضيعها

رادوي ممتاز

أنا والله لما سمعت ان هذا اللاعب جاي و مركزه في المحور قلت صفقة غير موفقة نحن عندنا محاور

بالهبل لكن مع أول مباراة مع النادي الجار ( شوفوا هدفه في توقيعي) قلت هذا اللاعب صفقة ناجحة

و بعد ما لعب مدافع بعد طرد المرشدي أيقنت 100% انه صفقة ناجحة و فرحت لما عرفت انه موقع

معنا ل4 سنوات و ايضا عنده صفات القائد و يوجه اللاعبين داخل الملعب و اتمنى انكم لاحظتوا هالشي

وما أنسى عنده تسديدات قوية

لكن صراحة اللاعب تأثر بعد رحيل كوزمين مو تأثر يعني مستواه نزل بس الخشونة زادت عنده

سيول سيئ

لاعب صراحة إلى الآن ما قدم المستوى المأمول منه مدري وش مركزه بس أنا وخوويي اتفقنا

انه مخرب الهجمات اي كورة تجيه يتباطأ فيها و تنقطع منه

الله يخارجنا منه بس


و في الناهية أتمنى كل واحد يحط وجهة نظره في لاعبينا الأجانب

وشكرا