انسحبوا من الاسيوية واهدوه الاتحاد الدوري - نادي الهلال السعودي - شبكة الزعيم

MoDeY · #1 13/03/2009, 12:05 AM

السلام عليكم ورحمة الله وبركاته

مقدمـــــــــــه /

شاهدنا كثير من الاعضاء ينتقدون ويجرحون في اللاعبين وكل واحد يقول هذا مايعرف وهذا مغرور وهذا مايعرف يسجل وهذا مايعرف يمرر وهذا مايعرف يسدد وهذا مايعرف يخلص وهذا مايعرف يتمركز وهذا بطيئه وهذا مستعجل وغير السب والاهانات لبعض اللاعبين .

ملاحظه / مشكلة الجمهور اذا فاز الفريق جلستوا تمدحون واذا خسر الفريق بديتوا تسبون وتجرحون خلونا واقعيين وهذي الكره فوز وخساره ومثل ماتتقبل الفوز لازم تقتنع بالخساره ومافي فريق بالعالم كله يفوز لاكن في حالة الخساره مانبي تجريحات خلونا ندعمهمـ ونساندهمـ وننتقد انتقاد بناء عشان يستفيد الفريق .
بعض النقاط /

1- جميع من سب وانتقد انتقاد غير هادف وجرح بالاعبين يسمحلي اقول هذا ليس من جماهير الزعيم وهؤلاء هم مندسون ولاكن عتبي على الي يؤيده من جماهير الزعيمـ .

2- الان المباراه انتهت وراحت ونسيناها وش راح نستفيد اذا تستمرينا في انتقادات غير هادفه وتجريحات بالاعبين ؟

3- علينا ان نفكر الان بالجاي وننسى الي فات لانه ماراح يفيد الفريق بالعكس اذا ستمرينا على النقد والتجريح راح يسبب ضغوطات على الاعبين وكافي الضغوطات الي عليهمـ مانبي نزيدهم اكثر .

4- لاتزيدوا الطين بله الاعبين الي فيهم كافيهمـ لاتنسون انهمـ مروا بضروف صعبه جدا من ضمنها طرد المدرب .

5- كيف تبون الفريق ياخذ الدوري ويحقق الاسيوية وانتوا كل نقد وتجريحات صدقوني خصوصا بهذه الفتره خلونا ندعمهم لكي يحققوا مانريده لان اذا زدنا من التجريح والانتقاد ماراح نستفيد شي وراح يضيع علينا الدوري والاسيويه ( لاسمح الله )

6- جماهير الزعيمـ لاتقسوا على اللاعبين كثيرا خلونا نساندهمـ واذا انتقدنا خلونا ننتقد انتقادات بنائه لانها راح تفيد اللاعبين وخلونا نؤازرهم ونشجعهمـ عشان نعطيهمـ دفعه معنوية وباذن الله راح يعود الزعيم لمكانه الطبيعي .

وقفــــــــــــــــه

جمااااااااااااااااااااااهيـــــــــــــــــــر الزعيـــــــــــــــــمـ خلوناااااااااااااااااا ندعم الفريق ومن الان ورايح اي احد ينتقد انتقاد مو هادف او تجريح خلونا نقف ضده لا احد يؤيده في تجريحاته وانتقاداته

وتحيااااااااااااااااااااااااااااااااااتي لكمـــــــــــــــــــــــــــــــــــ

MoDeY · #2 13/03/2009, 01:06 AM

وشدعــــوه شاهدوا الموضوع كثير من الاعضاء وماشفت ولا رد

هل الموضوع ماعجبكمـ او مــــــاذا بالتحديد ؟

هلالي دووووووم · #3 13/03/2009, 01:08 AM

غثيتونا بذا الكلام
نبغى نشوف شغل بالملعب

قلب الزعيم النابض9 · #4 13/03/2009, 02:03 AM

غثيتونا بذا الكلام
نبغى نشوف شغل بالملعب

استثنائي · #5 13/03/2009, 02:11 AM

أخوي أنتقدنا إنتقاد بناء ,, ويا غافلين لكم الله ,,

اللاعبين لازم تجيهم قرصة من أبن مساعد ومن كبار الأعضاء ..

بالله عاجبك المستوى الي قدموه في آخر 5 مباريات .؟؟؟؟

لو تلاحظ بدينا بداية عادية جدا مع فرق ضعيفة في كأس ولي العهد ..
قابلنا النصر جبنا هدف بعدها كل المباراة بيد النصراوية رايحين جايين علينا وهنأ بعد الطرد هجمة ولا هجمتين لنا بالكثير ..

قابلنا الشباب وما فزنا إلأا بشق الأنفس وفي الشوط الإضافي الثاني

...

قابلنا الشباب في الدوري وكانت خلاص خسارة لولا توفيق الله وهدف ياسر ولا هنا دخلنا وكان طموحنا الفوز ...

وآخرتها مباراتنا مع سابا ,,,

أخوي اللاعبين لازم يجيهم كم كلمة تعورهم من المسؤلين بالنادي ,,

ياأخي خل الفريدي إحتياط ودخله الشوط الثاني .. دخل الشلهوب وخلن نشوف يمكن يكون يملك شئ ...

على أني أشوف الفريدي هو رأس مالنا شفناه يوم طلع كل الفريق تسدح بالملعب يوم مباراتنا مع سابا

..

asfir · #6 13/03/2009, 02:18 AM

والله ياخوي بنسبه لي...

كذا مباراة الهلال خسار واتعادل فيها ولكن قدم مستوى رائع وماحد تكلم سب ومادري ايه زي الحين

لكن المباراة الاخير ة المفروض اكثر من كذا لان الاعيبه ماقدمو لامستوى ولانتيجه

وكاد الفريق الايرانيي ان يحرز الهدف الثاني

لازم نتكلم لازم نصحيهم....!!

رهــــــــ 15 ــيب · #7 13/03/2009, 02:19 AM

هدوووووو يا شبااااب نعم لابد من الانتقااد وان شااااء الله وصلت الرساله والاعبين عاقيدن العزم علي تغيرر الصووره باذن الله فننسي المااضي

ونبدا معهم ونشجعهم في مبارتهم مع الاوزبكي وان شااء الله عندي احساااااس ان شااء الله الفوز هلالي

وسن الهلالية · #8 13/03/2009, 02:21 AM

اخوي نحن ما ننتقد
إلا حبا وخوفا على الزعيم
يعني ماهو كرها في اللاعبين

كريزي · #9 13/03/2009, 02:23 AM

الفوز والخساره هذا وارد بكرة لقدم يعني تخسر تفوز عاادي عااادي بس انك تلعب وانت ماتبي تفوز لا ياحبيبي هذي تفررق تررررررررررررررررررررفق ياسر متكي عند حارس ايران مابقي الا نجيب له شاهي وقهوه

شمالي كول · #10 13/03/2009, 02:24 AM

من جد لازم ندعم الفريق
والله أبوفيصل ماقصر مع الفريق ومحتاج مساندة الجمهوور
والله يوفق الزعيم

ابو غسان2009 · #11 13/03/2009, 02:28 AM

اؤيدك تماما على هذا الطرح الهادف والراقي
وهذا والله هو التشجيع الواعي لأنصار الزعيم
فشكرا يأخي يوسف والله يسعدك .

فيصل1488 · #12 13/03/2009, 02:34 AM

والله من فاضي يقرا < امزح >

والله اخوي انا معك في كلامك

ابوراكان الهلالي · #13 13/03/2009, 02:41 AM

صراحه الفريق ماقصر قدم مستوى جيد واضاع الكثير من الفرص
بسبب عدم التركيز وسوء الحظ....ولكن ليس هذا مستوى الهلال
الحقيقي المعروف عنه ويلاحظ على بعض الاعبين عدم الجماعيه
واللعب الفردي كياسر القحطاني والتائب والفريدي وانخفاض مستوياتهم
المعروفه عنهم واتمنى يراجعو حساباتهم ويرجعو نجوم كما كانو

الانتقاد البناء مطلوب اخوي يوسف ولابد منه فيجب على اللاعبين
اللعب بروح قتاليه واخلاص وترك البرود

وانا اتفق تماما مع كلام اخوي استثنائي بكل مافيه

وتقبل مروري ومشكور على الموضوع

MoDeY · #14 13/03/2009, 10:21 PM

اولا / احب اشكر الجميع على مرورهمـ وتعليقاتهمـ

ثانيا / احب ارد على الي قول غثتونا والي يقول لازم ننتقدهم ياخي انا ماقلت لاتنتقد بس انتقد انتقاد هادف مو جارح والي يقول غثتونا طيب اذا هذا الكلام يغث اجل السب والتجريح في الاعبين هذا الي يفيد بنظرك

الي راح راح ماراح يعيد شي لوتكلمنا فيه وجرحنا بسكم كفاية خلونا نساندهم وباذن الله نحن القادم افضل