12/03/2009, 06:48 PM
|
 | زعيــم فعــال | | تاريخ التسجيل: 19/09/2008
مشاركات: 231
| |
لكل محب للكيان الأزرق...
بسم الله الرحمن الرحيم السلام عليكم ورحمة الله وبركاته
من عنوان هذا الموضوع أكيد بيعرف الكل أن هالرساله أو هالموضوع موجه للجمهور الهلالي
والي بصراحه مشكور جزيل الشكر على حضوره للمباريات في الآونه الأخيره وتفاعله مع الفريق ,
صحيح أننا تعادلنا مع الفريق الإيراني وهو على أرضنا وبين جمهورنا وهذا يعتبر خساره لنا
لكن الي حبيت أقوله أنه لا تفقدون الأمل باقي أحنا في بداية المشوار وهذا الشي الجميع عارفينه وموقنين به
بس الي يغضب أغلب الجمهور هو أطراف ثانيه والي أقصده (مشجعي الفرق الأخرى) يجيك الواحد يقولك كلمه من المفترض انك ماتعطيها اي اهتمام بس بعض الجمهور الله يهديهم بسرعه يتنرفز من أقل كلمه والمشكله الكبرى الي لاحظتها وانا متواجد في استاد الملك فهد في مباراة الهلال وساباب باتري أنه بعض الجمهور الهلالي إذا ضاعت هجمه أو أي لاعب يتباطأ في الكوره يقوم يسب ويشتم وهو في نهاية الأمر بتنحسب له سيئات <<ياخي أنت في مباراه مع فريق خارجي يعني الهلال هو ممثل الوطن في هالمباراه يعني يمكن فيه جماهير من فرق أخرى بجمبك تتوقع وش يقولون اذا سمعو هالكلام منك ... أدري انه يمكن يقولون نفس الشي للاعبين فرقهم بس مو قدام الجماهير الأخرى .
وزبدة موضوعي هذا انه أقول للجمهور الهلالي أحضروا للمباريات بغض النظر عن النتائج ولا تخلون الفرق الاخرى تتشمت في فريقنا من ناحية الجماهيريه .... يعني انا مره سمعت من أحد مشجعي الفرق الاخرى يقول (قال ايش قال الاكثر جماهيريه .. وينهم عنه في المباريات مفروض يسمونه جمهور مقاهي )
أنا أقولكم وواثق تمام الثقه في كلامي أنه إن شاء الله بعد مباراتنا مع الفريق الأوزبكي بنستقبل الفريق بفرحة الفوز في المطار  وعندي أحساس أن الهلال بينتفض في المباريات الجايه أنتفاضه قويه وخصوصا الي خارج أرضنا .
كم أعشق هذا الفريق حتى النخاع
وكم أسعد إذا عدت من الملعب وشاهدت المباراه إعاده وأرى كل المدرجات زرقاء وحماسيه
أقول في نفسي أنتم تشوفون دورينا يا رومانيين .؟؟ وبالاخص تشوفون فريقنا ..؟؟
وأخيرا ( الحمد لله على كل حال)
آسف على الأطاله
مودتي
ملاحظه : (كم تمنيت أن تكون الهجمه الأخيره للكوري سيول في رجل ويلي أو ياسر أو رادوي)
(ويلي الهلالي) |
الوضع الشجري
