|
اعيدوا ابويعقوب وسامي ولو بنص رجل + جمهور الرياض ؟!!! بسم الله الرحمن الرحيم هارد لكم يا شباب على التعادل اللي بطعم الخساره :cry: من عام 2002 لم نحقق اي بطوله خارجيه من بعد اعتزال الثنائي يوسف الثنيان وسامي الجابر لم نذق طعم البطولات الخارجيه بالامس لاعبين يسحبون رجليهم في الملعب قسم بالله كأنهم مغصوبين وهم يلعبون وين الروح اللي كنا نشوفها ايام اول مع انه ماكان فيه محفزات مثل الحين بس كان فيه حب للشعار واللي يسمع كلام لاعبينا قبل المباراه بس يقول ذولا مابينهم وبين كاس العالم شي وبمجرد انها تبدا المباراه تحس ان كلامهم تبخر مستوى سئ خصوصا الشوط الثاني انتهاء المخزون اللياقي بإنتهاء الشوط الاول !!! يلعبون كأنهم اول مره يلعبون مع بعض مناولات خااااااااطئه ...احتفاظ زائد بالكره ... لعب فردي !!! لو نظرنا الى تشكيلة الهلال اللي حقق فيها كاس اسياء 2002 ونظرنا الى تشكيلتنا حاليا عناصريا التشكيله الحاليه افضل ولكن ما السبب في عدم تقديم مستوى مشرف !!! في استاد الملك فهد وتعادلنا بفضل الله وش بنسوي في ايران وطشقد ؟؟؟!!! اتمنى من الادراه معاقبة اللاعبين مثل ماتتم مكافأتهم على الفوز الدعيع لعب امس وكأنه حارس مبتدئ مستواااه مهزوز جدا هوساوي مصدر الثقه لكل الهلاليين المرشدي من بعد كأس الخليج ومستواه كل شوي ينزل الزوري قدم شوط اول جيد ولكن الشوط الثاني !!!!!! نامي لم يختبر امس خالد عزيز + رادوي = صفر عالشمال التايب + ويلي الشوط الاول افضل لاعبين اما الشوط الثاني التايب انتهت لياقته وويلي تفرغ لاستعراض المهارات التي لا يجيدها !!! اما الفريدي عليه مراجعة نفسه فهو في بداية الطريق الشلهوب اتمنى من كل قلبي انه يرجع مثل اول وهذا ما اتوقعه سول - ما ادري هل هم كانوا جادين في البحث عن الاجنبي الرابع يوم تعاقدوا معاه ام انه عن قولت ماتعاقدوا !!!! ياسر وما ادراك ما ياسر :no: مستواه ناااازل جدا - كل ما صار شي داخل منطقة الجزاء طالب ببلنتي !!! استغرب وين قتالية ياسر عالكره !! وين مهارات ياسر وين وين وين عني شخصيا لا احمل ياسر مسؤولية انخفاض مستواه بل احمل الاداره اللي تفرغت للبحث عن المحاور والاجنحه وتركت ياسر وحيدا يعاني في خط الهجوم !!!! تقريبا اكثر من موسمين وياسر يلعب لحاله في خط الهجوم !!! عجبي !!! فريق حاط كل اهتمامه على بطولة اسيا وماعنده الا مهاجم واحد !!! :alzaeem: قد يأتي احد ويقول تونا في بداية المشوار نعم صحيح فنحن في بداية المشوار ولكن المستوى لا يأهلنا حتى للتأهل للدور الثاني ( لو هي بتمطر تبين من عصاريها ) ولكن نتمنى وندعوا الله بالتوفيق لهلالنا s13s . . . اتمنى من جميع اللاعبين الاقتداء بلاعبين الاتحاد في اللعب بروووح وحب للشعار امس طلعت من الملعب ورحت المقهى اتابع مباراة الاتحاد وشفت الشوط الثاني وانا اتحسر على مستوى فريقنا !! الاتحاد لعب الشوط الثاني باب واحد على فريق الاستقلال ( متصدر الدوري الايراني ) ومن هجمه واحد سجل الاستقلال هدف التقدم لم يستسلم لاعبي الاتحاد بل زادوا من جهودهم وتحققت امانيهم بالفوز بـهدفين سجلت في اخر الدقائق !!! الف مبرووووك لاشقائنا في نادي الاتحاد :yes: وكم تمنيت ان لدينا في الهلال لاعبين بروح محمد نور - وبوشا :cry: -------------------- جمهور الرياض ما يستاهلون النادي اللي عندهم !!! لو ينقلون الملعب جده والا الشرقيه والا القصيم احسن !!!! كلام تعودنا عليه بعد كل مباراه للهلال وكأنهم هم وحدهم من يحبون الهلال !! للاسف بعض الجماهير من صغار العقول يترك الكلام عن مستوى اللاعبين ويتجه للجماهير بعد كل مباراه امس الجمهور جيد جدا ولكن بعض الناس مايعجبهم العجب ولا الصيام في رجب تقريبا 40000 مشجع ولاهم عاجبينهم من متى واحنا نسمع جمهور الرياض وجمهور الشرقيه والجنوبيه وجده ؟؟؟؟ نحن جمهور الهلال ولسنا جماهير الرياض s13s يعني الانديه الثانيه مايجيهم الهلال الا مره في السنه وفي ملعب ما يشيل مثل مدرج واحد من مدرجات استاد الملك فهد لا ويمنون علينا بحضورهم ياخي انت بتحضر لتشجيع الهلال مو علشان تقول شوفونا ملينا الملعب !!! وغير كذا كلنا شاهدنا مباراه الهلال والاتحاد الدور الاول في جده وانا رحت لجده لحضور المباراه وطلعت من قبل العصر وانا خايف ما الاقي مكان اجلس فيه ولكن تفاجأت بأن مدرج الاتحاد امتلئ عن بكرة ابيه ومدرج الهلال ما زال فارغ ( واجهة الملعب ) وانتظروا الى قبل المباراه بساعه وشوي وفتحوا باقي مدرج الهلال لجماهير الاتحاد !!! هل شفنا احد تكلم عن جمهور جده !!! هل احد انتقد جمهور جده علما بأن الهلال مايروح عندهم الا في السنه مرتين !!! وبعدين للاسف شي اعتدننا اننا نشوفه اذا امتلى الملعب يخافون اللاعبين !!!! مباراة الهلال - الكويت الكويتي 1/1 الهلال - الوحده الاماراتي 1/1 الهلال / ساباباتري 1/1 يعني انا اروح الملعب وصوتي يروح واخر شي اتفاجأ بمستوى متهاااالك لا وتبوننا نحضر بعد !!!! ------------------ قفله : آلا ليت الزمان يرجع ,,, ورا والا الليالي تعوود :cry: http://www.alnemr.com/attachment.php...1&d=1182012256 هذه وجة نظري فأن اصبت فمن الله وان اخطأت فمن نفسي والشيطان !! تحياتي لكم بالتوفيق للزعيم في باقي البطوله |
إقتباس:
اذا ما قريت الموضوع ليش ترد تحياتي لك |
ألفاظك قاسية جدا يا عزيزي وقد نجد لك العذر لمحبتك وغيرتك على الهلال أما سامي ويوسف فلن يظهر لهما مثيل في القرن هذا أو اللي بعده ولكن الثقة موجودة في اللاعبين الحاليين |
ياحبيبي حضور جماهيري 40 الف اي يساوي مدرجات جميع ملاعب مدن الممكله ؟ ألا لاعبيينا ما يستحون ولا يحسون فينا وما عندهم دمممم ؟ |
انا علمتك ليه رديت انا ناصح لك ما قصدي ارد على موضوعك عز يزي:) |
بصرراحه كلامك في الصميم الدعيع امس مهزوز عزيز ورادوي كانهم اول مره يلعبون مع بعض ياسر بس يرفع يده يدور ضربات جزاء يا اخي العب على الصافره وخالك من رفع اليدين تمنيت اشراك الشلهوب بداية الشووط الثاني الهلال يسير نحو الهاااويه هل اثر كوزمين على الاعبين ام ماذا ياليت الزمان يعزدا يوما مثل ما قال اخوناا الزعيم ايام التمياط والثنيان والجابر ت |
والله حــراام عليــكم هــذي اوول مبــارااة وهــذا كــلامــكم عن اللعيبـــه؟؟؟؟؟؟؟؟؟؟!!!!!!!!! |
!!!!!!!!!!!!!!!!!!!!!!!!!!!!!!!!!!!! اذهبوا الى الجحيم ههههه استاذ الملك فهد 75 الف متفرج يعني لو تجمع ملا عب المملكه كلها مايجن نصه بس اللعبين والله ماقدروا اللي حظروا الاختلاف في الراي لا يفسد في الود قضيه |
إقتباس:
مادري اذا ما حضرت انت و بقية الجمهور من اللي بيحضر من اللي بيشجع الزعيم مو يقولون معاك يا زعيم على الحلوه و المره وين راح هالكلام اخوي التوقيت هذ1 المفروض نرفع من معنويات اللاعبين و الجماهير بعد |
مع العلم اللي حظروا المبارات يقدرون بنحو 38 الف تقريبا يعني لو بنحطهم بجده ولا الشرقيه كان نصهم مادخلو :yes: ومكشور على الموضوع :rose: |
مشكور اخوي على الموضوع فعلا كلامك سليم مافي مستوى ولا روح قتاليه بالذات المرشدي ما كان في مستواه بس انشاءالله كبوت جواد ويرجع مثل اول واللي اجتذبني في الموضوع اننا صرنا نسمع جمهور الرياض وجمهور الشرقيه وجده والقصيم ووو .. الخ حبيت اقول ان معك حق في هذي النقطه بذات .. ترى كلنا جمهور الهلال واتمنا اننا ما نسمع هذي الكلمه من الجماهير مره ثانيه بس اعتب عليك بعنوان الموضوع ( جمهور الرياض اذهبوا الى الجحيم ) اعتقد انها نقطه سودا في موضوعك . والاخير اتمنى من الجماهير اطلاق حمله عدم الاساءه لاي لاعب هلاالي مهما كان واتمنالك التوفيق |
الجمهور ماله دخل المشكلة ان لاعبين الهلال يلعبون بلا رووووووووووح يلعبون |
اول شي اتمنى محد يرد الا وهو قاري الموضوع !!! إقتباس:
والله ياخوك لو المستوى زين وتحس ان اللاعبين يلعبون بروح وبقتاليه والله لاحضر لو ينهزمون 10/0 اما اني احضر واخر شي لعب بااارد بدون حماس وبدون اي تقدير للي يحترقون في المدرجات هذي اللي ما ارضاها |
كلامك صحيييييييييحم من الاول الا الاخر وجه نظرك عجبتني بس حبيت اقولك انو الحضور فيي مبارات امس ما يتدعدى 35الف |
إقتباس:
برافو عليك |
| الوقت المعتمد في المنتدى بتوقيت جرينتش +3.
الوقت الان » 05:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd