بسم الله الرحمن الرحيم

انا اليوم جاي اكتب مقال صغير عن الملعب

توجهت امس إلي الملعب الساعه 3 وجلست في الواجه موازي لخط النص وكان المكان خيالي بما تعنيه الكلمه والعالم يتهاوشون على الأماكن وكل واحد يقول ابي ودي اجلس هنا الصغير قبل الكبير


المهم الساعه 5 وشوي جت الرابطه وكانت جالسه في الواجهه شوي وجلس محمد غندر يسمعنا من الاهازيج طبعا الجمهور وقف فأطرينا اننا نوقف قلت في نفسي بس قبل المباراة وإذا بدت المباراة بيجلسون بدت المباراة والجماعه واقفين وإللي يزيد الطين بله إنهم واقيفين على الكراسي ياليت على الارض وكم شخص يقول يا جماعه اجلسو خلونا نشوف المباراة طبعا انتم تعرفون استاد الملك فهد بعض إللي يجونه يجون عشان الرقص مهب عشان مباراة والمهم كملنا ربع الشوط الاول والجماه واقفين طبعا في واحد وراي يمكن عمره 50كذا جايب عياله الصغار يبيهم يستانسون يشوفون الزعيم لكن ما يشوف لازم يوقف فوق الكرسي طبعا سحب الرجال عياله وقال امشوا نروح مكان غير هذا بدأ الشوط الثاني والوضع على ماهو عليه واقفين فوق الكرسي والله إللي ما خلفتون قدامي واحد ما يشوف المباراة يشوق ورا ويرقص مهب حق مباريات هذا طبعا تكسرت رجولنا من الوقفه .


بأصل للخلاصه انا شخص اروح الملعب من بدري عشان اخذ مكان زين واخرتها يجون حقين الرقص والغناء المشكله عندر نفسه ما يشوف المباراة والمشكله الثاني ما ندري وش يقوول كل إللي عندي اسألهم وش يقول يقولون ما ندري
يعني لا صوت ولا ريحت الجمهور

يا جماعه كلنا شفنا شلون المكاان إللي يجلس فيه غندر شلون كان فاضي يعني بالعاده يملونه إللي جاين للرقص حنا ناس نبي نستمتع بالمباراة ما جينا نسمع اهازيج ونرقص الهدف من الروحه مشاهدة الزعيم ودعمه وتشجيعه

انا اناشد الاداره الهلاليه انهم يرجعون محمد غندر كان بجوار المنصه وإللي يبي يرقص يروح هناك وإللي يبي يشوف مباراة يجي في الواجهه وإذا يبون يحمسون الاعبين دائما الحمد لله ما نفوز في الاستاد وهم بجوار المنصه

انا انقد ليش لاني محب لنادي الزيم فالعتب لا بأتي الا من محب:ga:

تقبلو تحياتي اخوكم \ عاشق الامواج الزرق

السلام عليكم ورحمة الله وبركاته:smilie47:

الرسالة الأصلية كتبت بواسطة ابوصالح222 (مشاركة 11410804) اسمح~لي .. بس الغلطه غلطتكـ يا أخوي معروف إن الرابطة بتجلس في المكان ومعروف إن الرابطة ما تجلس وش موديك هناك .. ؟ بعدين عندي ملاحظه / مكانك موب أزين مكان :D لو طالع فوق بنفس مكانك أحسن بكتيييييييير :D

لا وأزيد على كلامك أخوي ...
أمس يوم صفر الحكم نهاية المباراة الرابطة ماوقفة كان يغنون (( جايين ناخذ الكاس )) والمباراة منتهية هذا يدل على أن الرابطة في جهة والمباراة في جهة ...
الله ياربهم بين لهم أخطاءهم يا الله ...
بالتوفيق للزعيم ...

الرسالة الأصلية كتبت بواسطة نبضي الزعيم (مشاركة 11410832) ياخي الى متى شغل الطقاقااااااااات غندر و الجحلط الي معااااااااه .. راعين رقص وماهمهم الهلال والله شوف عيني الهلال مهزوم واحد والجحلط يرقصون هالاشكال مانبيها .. نبي ناس تحب الهلال مانبي حبابين .. ومحششين

الرسالة الأصلية كتبت بواسطة تـــــركـــــي 9 (مشاركة 11411937) مبسوط انت في كل موضوع القى ها الرد؟؟ لا ارضاها لنفسي ولا لغيري من اعضاء الرابطه واذا عندك كلام تبي تقوله وتبي تقول جحلط تعال بالملعب وقولها مو من ورى الشاشه ترى مليت كل ما ادخل موضوع نفس ردك وثانيا انت انسان مو متربي عشان تجي تتهمنا بالتحشيش والحبابين اذا مو عاجبك الوضع تابعها واستمتع في بيتكم وانا اعطيك 20 ريال حقت التذكره والكل شايف اللي يرقص مالهم اي علاقه بالرابطه وهذي مطالباتكم يا جمهور الزعيم بتواجد الرابطه في الواجهه وبالاخير ما شفنا شي الا ناس ترقص تحتنا وحتى الاهازيج سوينا اللي يطالب فيه الجمهور وبالاخير مافيه اي تعاون لاحركات اوروبيه ولا اهازيج والكل شاف وبرضو مانقول ان الرابطه مافيها تقصير بس داعمها الاول هم الجماهير اللي مالها اي مطالب محدده واحب اعلق على نقطه في احد الردود ذكر الخوال ياعزيزي ولا يسخر قوم من قوم يعني مبسوط بنفسك اذا انت ابيض لا فرق بين عربي ولا اعجمي ولا ابيض ولا اسود الا بالتقوى لي عوده للموضوع بعد مراسله ادارة المنتدى بربـ

يعطيك العافية على هذا الموضوع ..
أنا من رأيي أن تغيير فكر الجماهير وتثقيفهم يحتاج إلى فترة ليست بالقصيرة.. لكن بالإمكان اختصارها متى ما وجد لهذا العمل أشخاص يسخرون وقتهم وجهدهم وقيادات من النادي يدعمونهم ..
بمعنى أخر.. عقليات الجماهير ليست سواء . وليسوا جميعهم يدخلون ويقرءون مواضيع المنتدى وحتى من يدخل ويرتاد منتدى الزعيم هناك نسبة منهم لا تهتم بمثل هذه المواضيع . لذا نحتاج لوقت جهد لإيصال هذه الرسالة التثقيفية للجمهور وتغيير أسلوبهم من الغناء والصراخ والسباب أو الصمت المطبق .. إلى التشجيع والمؤازرة والدعم طوال فترات المباراة .
ومن الخطوات المهمة التي اقترحها :
1- تحويل الرابطة إلى فريق عمل لقيادة الجمهور في المباريات موزع في جنبات الملعب .. وهذا الفريق يجتمعون معا ويتدربون على الأهازيج الجماعية وتكون حماسية وهادفة وبسيطة ويستغنى عن مكبرات الصوت والميكرفونات ..ويتفقون في الملعب بطريقة ما على توقيت هذه الأهازيج والحركات.. ويكون الانضمام لهذا الفريق عن طريق النادي ويكون لهم صفة رسمية حتى يتسنى لهم التحرك في الملعب بشكل أسهل ويكون لهم تعاون مع رجال الأمن .
2- لتعريف الجمهور بالأهازيج والحركات المقترحة توضع في موضوع مثبت في المنتدى قبل كل مباراة ويكون فيه إرشادات من فريق التنظيم في الملعب موجه للجمهور الراغب في الحضور .
3- طبعا كثير من الجمهور ما يدخل المنتدى .. والحل يكون في توزيع نشرات مصغرة عند مدخل الجمهور الهلالي تكون فيه الإرشادات .. ونص الكلمات للأهازيج. (أمر مهم جدا للمساعدة على حفظها) .. لأني وقد يشاركني الكثير قد نرغب في المشاركة في الأهازيج لكن لا نحفظ ما يقال ويكون شكلك محرج وأنت تصرخ بكلمات عير مفهومه !.
4- بعد كل مباراة تعرض في المنتدى لقطات مصغرة للجمهور في المباراة ويقيم أدائهم وتؤخذ الملاحظات والإشادات بالعمل المقدم تمام مثلما حصل مع حركة (GOOOAL) . وهذا الشيء يبعث الحماس في الجمهور ويجعل لديهم الرغبة في الحضور مرة أخرى ومن لم يحضر تجده متحمس للحضور أيضا .

الرسالة الأصلية كتبت بواسطة صرخة ملك (مشاركة 11414010) انــت الـغـلـطـان .. هذا مكانهم