|
الله يسقي قبل الرابطة والخرابيط حقتهم .. الجمهور كان مثل الجماهير الاوروبية كلهم يغنون بدون مكرفونات وقلق .. وكانوا كلهم يغنون ويتابعون المباراة بنفس الوقت .. مو مثل الرابطة حاليا هجمة خطيرة على الهلال وهم يغنون !! اتمنى تلغى الرابطة لاني غسلت ايدي منها بعد ما شفت حق الاهلي جاي عندنا !! يعني وش السالفة احتراف حتى عند المشجعين ؟؟ نبي ناس تشجع الهلال لانها تحبه .. مو قلق واغاني ورقص على الفاضي ولو سألت غندر عن المباراة قال ما ادري !! |
جمهور الرياض صعب وفي نفس الوقت فيهم حماس لكن ما يطلع أنا ألاحظ الجميع يقولون : ياخي المكان هذا ميت ..... والمشكلة االكل هذا رأيهم ولكن ما في أحد يحركهم ..... يعني نحتاج تنظيم فقط .... لأني لاحظت تشجيع ملعب الملز أفضل من ملعب الملك فهد. |
هع هع بس بيني وبينك فللــه .. وبعدين معروووف إن الرآآبطه اللي يجي عندهـآ مآ رآآح يجللس ... وبعديين يقهروون المبآرآة بآديه لها ربع سآعه ولآ الحبآيب حقين الرآبطه يقولون ؟؟؟ الأمآآكن محجوووزهـ !!! والمشكله بعد ... ترووح تصلي وترجع إلآ يجونك العسكرر يقولون فل فل خلاص تقول خويآي حآجزين مكآني يقعد يهآيط ... ؟ بس انت لو تبي الجلووس والرآآحه روح للوآجهه بس فوووق مررررررهـ .. والله هنآك تشووف كل شي وآضح مآ ينآقزوون إلآ يوووم جآ الهدف ولآ جت هجمه بس ... |
ياناس يا ادارة تكفون فكونا من شي اسمه رابطه "طق" ... نبي رابطه تنظم الجمهور صح وننظم ونرسم لوحات خياليه! لكن للاسف ما ظنيت! الاداره ماهي حاسه باللي صاير فينا.... خلونا بس نرجع ل "ياهلال عزك عزنا"...يا هلال..... |
كلآلآمك صحيح ,, بحيث ان اغلب الجماهير الى بيتفرجون حقين كوره بيجلسوون بالواججهة واول شي يدوووروون عليه الواجهة اما الرااابطة لو تروح عند المنصه احسن بكثير منها نفتك منهها ,, ونفتك من رئيس الرااابطة الكبير محمد غندر ,, ابي افـهم ,,وش معنآآة كلمة ( عآآآآآآآآآآآآآآآآآآآآآآآآآآآآآآآآآآليييييييهم ) انا الى اعرفه عليهم عليهم ,, مو يمدها لي ,, وثانثا لو تروح الرابطة هناااك , على الاقل تشوف الملعب مليان بس اللهم ورااء المرامي ,, ما قصرت اخوي ,, |
انظمة الاتحاد الاسيوي ان الرابطه تكون في الواجهه ... |
والله حرام كل هاالجماهير ومافيه رابطة زي الناس بيض الله وجه غندر لكن ماأعجبنا s13s |
قسم بالله انك صآدق يآخوي .. آمس صآرلي موقف قسم بالله قعدت اضحك قدآم اللي سألني :) لبقت السيارهـ تقريبآ الساعة 4 ولابس ازرق × ازرق <~ بتفهون ليش قلت كذا :razz: المهم وانا امشي ومعي اخوياي مرت سياره نوع <~ آموت انا عالكلام خخخخخخخخ المهم نوعها ددسن والله من زين السيارهـ هههههههه :ap: فتح الدريشة وقالي السلام ومن هالكلام <~ يحب الاختصار :) قالي فيه مباراه اليوم يعني بالله جمهور يمشي بالشارع رايح للملعب وش بيصير فيه :) المهم <~ ياكثر مااقولها خخخخخخخخخخخ آلمهم :bx: قلتله وش تشوف قالي مدري المهم :) إني سلكتله قلت وش بغيت قالي الدخول مجاني قلت لا بفلوس قال بكم الدخول قلتله بـ 40 لعبت عليه :to: لاني ماحب هالاشكال اللي تجي عشان تدخل مجآني وترقص بس عالفاضي لا فايده ولاشي زين ... انا ماقلت هالموقف الا لانه فيه تشابه كبير مع موضوعك يآكويسّ :clapping: يعطيك آلعافية عالموضوع ,, " |
ماقصرو جمهوووووووووور الزعيم |
اغسل يدينك امس اسمع غندر يغني نحمد الله تشجعنا عوايدنا .. والاغنية الثانيه يالله ياوالي تنصر ملكنا .. لعنبو دارك هالاغنيه من عهد الملك فيصل نبي شيء جديد شيء يحمس .. شوف رابطة الاتحاد والاهلي إحترافيه وكل يوم اغنيه جديدة حتى تحس الجمهور يتفاعل معك معروفه رابطة الهلال من زمان ماعندك احد .. |
مطاوعة الهلال مظلومين دائما الفديوا كلبات للهلال اغاني ودائما الاهاجيز بها اغاني طيب وين الهلال والنشيد الاسلامي يوم راح كوزمين كل الفديوا كلبات اغاني وين النشيد الاسلامي ليش تحرمونا من الاستماع |
غنــــدر الطــــرب.!!!!!أنت قائد ملوك المدرجات الزعماء هل تفقة ذالك..؟ السلام عليكم اتمنى من مشرفين المنتدى أو إدارة المنتدى السماح لي بتعتبيري وجهة نظري بغندر . ماقصرت ياغندر .بس كفاية . الغندر بالأمس بمشاهدتي المباراة بالملعب رائيت غندر رقص وطرب ياناس نريد رابطة تزيد من حماااس اللاعبين بالأول والأخير بالأمس كل ماحظر طارق عند الجمهور يريد منهم الحماس والتشجيع اسمع يالرقص طارق مايقولك ياغندر ارقص أنت والي فشلونا بكل قناة يعرضونهم وكل مواقع العرب يظحكون على جماهير الهلال يتوقعون أن الجماهير الراقصة من جماهير الهلال لايعلمون هذولاء يئتون للرقص والمتعة من بعد ذالك يخرجون من الملعب ولو الهلال مهزوم عشرين صفر تلقاهم برا يرقصون .والعالم حزينة نريد من إدارة الهلال رابطة مثل الأتحاد مثل الأهلي والله ياحماس يدخلونة باللاعبين كلهم بيد واحدة وبتصفيق حار طول المباراة وحتى الرابطة يتابعون المباراة ام رابطتنا العزيزة كل شخص يناظر الثاني يقول انت فنان بالرقص والله ان فلة ياغندر تكفى خلها تجي منك وقدم استقالتك وروح للجار تنفعلهم وينفعولك كمل المغنية حقوية. ياعالم أمس الجمهور أكثر من العشرات يريد المشكلة مع الغندر بسبب المايكات التالفة والمكبرات الراقصة ووالله تعبنا ونحن نردد نريد رابطة مع الجمهور فقط تزيد من حماس الجمهور ليزيد من حماس اللاعبين بعد توفيق من الله عزوجل نريد رابطة نريد رابطة فعالة تشعل المدرجات تشعل ملوك المدرجات الزعماء تشعل من هو خلف الشاشات ليستمتع ويعرف ماهي قيمة الزعيم بجمهور بلاعبين بجهاز فني بكل شي ليكتمل الزعيم بمدرب عالمي بإذن الله والكامل وجة الله. *أعضاء شرف الهلال يجب عليكم الإلتفات حول زعيمكم وزعيمنا يجب عليكم الوقوف وقفة صادقة. *يجب على إداراة الهلال التعاقد مع مدرب قبل فوات الأوان. *نتمنى من إدارة الهلال التركيز بوضع الموهوب الغريب حبيس الأحتياط ومستوياتة ممتازة. *أتمنى من الجمهور الوقوف الان وبشدة بجميع مباريات الهلال ولنحظر يازعماء جميع مباريات الهلال بوقفة صادقة مع هلالنا وزعيمنا وزعيم أسيا. *يجب على الفريدي وياسر التركيز أكثر داخل الملعب ولايفكرون كثيراَ وهم داخل الميدان . *******اتمنى من إدارة الهلال أن تراجع نفسها بالمثالية الزائدة والله تتعبون من المثالية يجب على رئيس الهلال أن يتصدى على كل متتطاول على نادي الهلال اتمنى من كل قلبي واذا عجزو فيسلمون المهمه للأسد بندر بن محمد. |
يا اخواني فكونا من فرقة حسب الله وين الجماهير زمان ايام الثنيان 1415 بدون مايكات والله العظيم ازعاج ولا تقول محمد عبده شغالين موالات اللاعبين يبون حماس مو طربه تقول مسافرين |
إقتباس:
وثانيا حنا والله ما ندري وش نقول وتشوف الشباب اغلبهم مهب راضين على الرابطه |
تعبنا وحنا نصارخ الرابطه مالها داااااعي الرابطه عندنا مفهومه غلط ترى رابطه الجماهير مهيب انك تجي وتجيب معك ميكروفونات وتزعج الجماهير بأغاني ولعلعه ورقص شوفو الجماهير الاوروبيه ياليت تتغير الرابطه برابطه متحضره شوي وترسل لمباريات اوروبيه كبيره عشان يتعلمون طرق تنظيم الجمهور الصحيح اما تجي وتغني ومعك شله مكونه من 50 ولا 40 واحد وجالسين جنب بعض وترقصون ولا همتكم المباراه هذا اسمه تشويش على الجماهير مهوب تحفيز للفريق واكبر دليل على كلامي شوفو الاتحاد الاسيوي منع الميكرفونات في المباريات الاسيويه وهذا حنا مانترك الشي الغلط الا اذا جانا منع ولا تهديد على الطاري وشلون دخلوا المكرفونات امس وكيف استخدموها ماقالوا ممنوع استخدامها في بطوله اسيا .. ؟؟؟؟ |
| الوقت المعتمد في المنتدى بتوقيت جرينتش +3.
الوقت الان » 12:15 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd