الله يذكر ايام بلاتشي بالخير ..
خبل هكالمدرب .. من جد خبل ..
ولا ينبسط الا اذا تسجل فيه هدف !!
يقوم يطلع الاظهرة .. و يزج << احس ان الكلمة تصلح للشاهي ..
نعم يزج بمهاجمين .. و يااما الفوز .. والا الهزيمة بخمسة ..:razz
كنت انتظر لحظة ولوج الهدف بالهلال .. حتى ينتفض ذلك الخبل ( أو ينهبل ) و لا تدري من اللي يبي يطلع ولا من اللي يبي يلعب ..
انسان فلسفته الهزيمة بهدف مثل الهزيمة بعشرة اهداف ..
مهبول لدرجة تحس بالخوف منه وانت بالمدرجات !!
فما بالك باللاعبين ..
بس من كان يلعب وقتها معاه؟
يوسف .. نواف ..... سااااااااااااااامي .. التيما .. الشلهوب .. سيرجيو ..
رحل وجاء الجنرال .. صائد البطولات .. واخذه اللي مايتسماش للمنتخب ..
و جاء باكيتا .. وبدأ الهلال مرحلة حديدة .. اسمها ( ألعـ.. ابوكم لو يجي فيكم هدف ) .. و ماخلا ولابطولة الا واخذها ..الا ماسقط عنه سهوا .. وبرضو اخذه اللي مايتسمااش
و جاء مدرب مايتسماش اسمه العجلاني .. لارحم ذاك الوجه .. ابو خمسات .. ولا اخذه اللي مايتسماش .. للاسف
كان الهلال مدحدر نحو الهاوية ..
ولكن الزعيم يظل زعيما ..
جاء مدرب ما ادري وش يبي اسمه اديموس .. من جد ذاك المدرب احس انه نصراوي ويحب اسطورتهم لانه كان يحاول تدمير الذيب سامي .. والحمد لله طس .. والا هو كان لاصق كنه علك ابوسهم بشعر عبده

المهم وشلكم بالطويلة ..
جاء الداهية كوزمين .. ورحله اللي مايتسماش
و قبلها رحل جيل الاباطرة .. من اللاعبين ..
و بدأ يبني و يخطط .. خطط خمسيه .. يعني اتوقع ان وزارة التخطيط كاتبتها مع الخطط الخمسية للدولة .. ولكن هيهات .. قدّر الله و ماشاء فعل ..
من منا وقف يرقب البدر .. وهو يتحول الى محاق .. ثم هلال .. ثم يسطع بدرا ..
ياسادة .. الدورات الاقتصادية تأخذ خمس الى سبع سنوات .. بين هبوط وارتفاع .. << فال راعين الاسهم
لكن دورة الهلال بين الهبوط والسقوط لاتزيد عن عشرة ايام .. لينتفض .. و ينفض الغبار في وجوه من هم امامه .. كمارد انشقت الارض عنه .. ليعانق السماء .. ليضيء الوجوه .. و يكشح العالي في وجوه كارهيه السود اء..
انه الهلال ..انه البدر .. فلا تيأسوا .. سيبقى الهلال زعيما ..
***
ربما سبب التعادل الهزيمة اليوم هو محاولة استنساخ المساعد من شيرت الذل الذي نزعه الداهية ..
اين انتم ياللي ماتتسموش عن مدربنا اللي مايتسماش خذوه ..
واتركوا سامي يدرب ..
وهاتوا الصيني يرفع من معنويات اللاعبين فقد كانت تجربة رائعة حينما استعانت به الادارة ..
**
اين انت يابلاتشي ..؟
اين انت يامجنون .. يامن لا يمكن ان نتوقع ماذا ستفعل؟

اعذروني احبتي ..
فأنا أهذي ..
و الدليل .. ترتيب المدربين ..

إقتباس الرسالة الأصلية كتبت بواسطة الزعيم007 معذور ياللي تموتبالزعيم معذور وانا هم مثلك أهذي ولا ادري وش الحل وش اللا معقول ,, الزعيم يحتاج الى أعادة ترتيب اوراق بعد رحيل الداهيه ,, ولكن حسبنا الله ونعم الوكيل على من كان السبب

هم ارادونا ان نتوه .. و نهذي ..
هم من ظلمنا .. و لكن ..
ايها الوجوه الكالحة .. حذارى انه الزعيم الجريح ..
انتظروا الهلال باذن الله .. فسينصف الله كل مظلوم ..
لنعتبرها بطولة النوايا الحسنة .. و فوقها الدوري باذن اللي ماتنام عينه ..
لاتقسوا على اللاعبين .. لاتقسوا على احد .. فقد بذلوا مابوسعهم ..
ولكن لم يكتبها الله لنا اليوم ..
تحيتي لك اخي ..

ااااااااااااااااااااااهـ يابـــلاتــشي بس

إقتباس الرسالة الأصلية كتبت بواسطة ســـــMـــــاوي ااااااااااااااااااااااهـ يابـــلاتــشي بس

اين انت يابلاتشي ..؟
اين انت يامجنون .. يامن لا يمكن ان نتوقع ماذا ستفعل؟

عجزت اعرف وش تبي انت بالظبط

جالس تتكلم عن بلاتشي والا تبي تورينا انك تعرف التاريخ ؟؟

عموماً .. بلاتشي ومورينهو ..

الفريييييييييييييييييييييييييييييييييييييييق سيء .. وعناصرياً اسوء واسوء

إقتباس الرسالة الأصلية كتبت بواسطة motaim عجزت اعرف وش تبي انت بالظبط جالس تتكلم عن بلاتشي والا تبي تورينا انك تعرف التاريخ ؟؟ عموماً .. بلاتشي ومورينهو .. الفريييييييييييييييييييييييييييييييييييييييق سيء .. وعناصرياً اسوء واسوء

اخي انا قلت اني اهذي ..
يعني مهبوووووووووول .. وانت تبي تدري وش ابي بالضبط ؟ غرييييييبة !!
لايكون تحسب اني احد اللاعبين وتقوم تشب فيني ..
يا متيم اصلحك الله .. لا ادعي اني اعرف التاريخ .. ولكني متأكد من اني احببت الهلال قبل ان تولد ..
و الفريق ليس سيئا .. و لكن الله لم يكتبها لنا اليوم ..
بس ودي اعرف يالطيب .. وش الفرق بين كلمة الفريييييييييييييق سيء .. وعناصريا اسوء ..

إقتباس الرسالة الأصلية كتبت بواسطة motaim عجزت اعرف وش تبي انت بالظبط جالس تتكلم عن بلاتشي والا تبي تورينا انك تعرف التاريخ ؟؟ عموماً .. بلاتشي ومورينهو .. الفريييييييييييييييييييييييييييييييييييييييق سيء .. وعناصرياً اسوء واسوء

<<<انا بعد مثلك واختصرها بكلمتين ان الكلام مشتت مثل اذاهان لاعبينا المشتته

إقتباس الرسالة الأصلية كتبت بواسطة آ ح ب9999 <<<انا بعد مثلك واختصرها بكلمتين ان الكلام مشتت مثل اذاهان لاعبينا المشتته

اجل يمكن اني لاعب .. وجاء ينثر هذيانه هنا ..
تحيتي

مشكور اخوي
وعادي اهذي على كيفك كفايه انك ذكرتنا ايام بيلاتشي
وانا ماادري وش الحل تعبنا من التفكير
بس اللي انا متأكده منه ان الزعيم وراه رجال ماراح يخلونه
ونحن ايضا مالراح نترك الزعيم وراح نوقف معاه للنهايه
اللهم انصر الزعيم فوق كل ارض وتحت كل سماء
ويعطيك العافيه

إقتباس الرسالة الأصلية كتبت بواسطة عصفوره الثلج مشكور اخوي وعادي اهذي على كيفك كفايه انك ذكرتنا ايام بيلاتشي وانا ماادري وش الحل تعبنا من التفكير بس اللي انا متأكده منه ان الزعيم وراه رجال ماراح يخلونه ونحن ايضا مالراح نترك الزعيم وراح نوقف معاه للنهايه اللهم انصر الزعيم فوق كل ارض وتحت كل سماء ويعطيك العافيه

هذا الكلام السنع يابنت الاجواد ..
الله يعطيك العافية ..

الهلال في حاجه ماسه لمدرب قدير جديد صراحه كاتلين مو في المستوى الاعبين يلعبون بدون تكتيك واضح الصويلح توه جاي من اصابه يلعبه في مباراه مهمه والله مشكله اما الظاهر الجديده في ملاعب السعوديه الكوري سيول جعل السيل يجي ويشيله والله العنبرعلى غبائه ارحم منه اه لو كوزمين فيه كان الفريق شكل ثاني الله يرحمنا برحمته

كوزمين ستبقى في قلوبنا للابد
وحسبي على من كان السبب

إقتباس الرسالة الأصلية كتبت بواسطة زعيم مهاجر الهلال في حاجه ماسه لمدرب قدير جديد صراحه كاتلين مو في المستوى الاعبين يلعبون بدون تكتيك واضح الصويلح توه جاي من اصابه يلعبه في مباراه مهمه والله مشكله اما الظاهر الجديده في ملاعب السعوديه الكوري سيول جعل السيل يجي ويشيله والله العنبرعلى غبائه ارحم منه اه لو كوزمين فيه كان الفريق شكل ثاني الله يرحمنا برحمته كوزمين ستبقى في قلوبنا للابد وحسبي على من كان السبب

يا خيي يازعيم مهاجر .. اتفق معك ان الهلال بحاجة لمدرب ..
لكن مالا اتفق معك فيه هو تجريحك للاعبين ..
العنبر ياما فرحك .. ولاتنسى هذا ..
و الصويلح تعرف انه لاعب مقاتل ..
لنبتسم .. فلم نخسر كثيرا ..
والاصايل تلحق تالي ..

إقتباس الرسالة الأصلية كتبت بواسطة زعيم مهاجر الهلال في حاجه ماسه لمدرب قدير جديد صراحه كاتلين مو في المستوى الاعبين يلعبون بدون تكتيك واضح الصويلح توه جاي من اصابه يلعبه في مباراه مهمه والله مشكله اما الظاهر الجديده في ملاعب السعوديه الكوري سيول جعل السيل يجي ويشيله والله العنبرعلى غبائه ارحم منه اه لو كوزمين فيه كان الفريق شكل ثاني الله يرحمنا برحمته كوزمين ستبقى في قلوبنا للابد وحسبي على من كان السبب

الحمد لله ولاحول ولا قوة إلا بالله

أخوي أحترم الفاظك ولاتغلط على العنبر أو أحد لاعبين الهلال ,,

مهما كان مستواه سيء مالك حق توصفه بهذا الوصف ,,

أرجوا أن تفرق بين النقد والتجريح ,,

أعذرني على القسوه معك لكن حط نفسك مكان اللاعب ,,

ومشكور صاحب الهذيان ,, عفوا صاحب الموضوع ,,

إقتباس الرسالة الأصلية كتبت بواسطة %% هــجــولــه %% الحمد لله ولاحول ولا قوة إلا بالله أخوي أحترم الفاظك ولاتغلط على العنبر أو أحد لاعبين الهلال ,, مهما كان مستواه سيء مالك حق توصفه بهذا الوصف ,, أرجوا أن تفرق بين النقد والتجريح ,, أعذرني على القسوه معك لكن حط نفسك مكان اللاعب ,, ومشكور صاحب الهذيان ,, عفوا صاحب الموضوع ,,

عشت وانا اخوك ..
اتمنى ممن قام بكتابة هذا الرد الذي قمت بالرد عليه يا اخي هجولة ان يراجع نفسه اليوم ..
سيندم كثيرا ..
لانه غلط على احد لاعبين الزعيم ..
و قبل هذا على انسان مسلم ..
فليستغفر الله .. فيكفي انه اغتاب ..