إقتباس الرسالة الأصلية كتبت بواسطة Webmaster أفهم من كلامك أن مبارياتنا بنخسر فيها لمجرد أنها خارج أرضنا؟ يعني دام الجمهور ما يمديه يحضر خلاص، ما على اللعيبة عتب؟ ما أقول إلا سلم لي على الأرسنال بس ... فريق فعلاً الظروف ضده، وفي مباراة حاسمة خارج أرضه يفوز! وناس عندهم إذا ما حضر 70 ألف فتراك أنت السبب ليه الدعيع ما عرف يمسك كورة الإيراني! أجل نوقف مع اللعيبة؟ رفع ضغط وأعصاب وحضور فعلاً لا يستهان به (قارنه بحضور الفرق الأخرى) ولعيبة عالميين ودعم مادي كبير وإدارة متفهمة ... وش ناقصهم؟ شابورة وترمس شاهي؟ عقود بالملايين وفي الأخير اللاعب يلعب وكأن ما له نفس! اللي يقهر أن ما فيه إلا لاعبين ثلاثة هم اللي حرقوا أعصابي بهالمباراة ... لكن هالتطبيل لهم وللبقية (واللي ما أدوا لهالدرجة) يخليك تحس أن الدعوة بس عناد ... طبل وإلا تراك ما تدعم الهلال!

طيب اخوي بقولك شيء .. اترك التشجيع ولاتحرق اعصابك فريق يجيب لك بطوله قبل اسبوعين ومن تعادل تقلب عليه انت ماتصلح تشجع كوره .. ووضح على كلامك انك تدس السم في العسل

الريال خسر في ارضه وامام جمهوره وخسر بـ اربعه خارج ارضه ( ركز على اسم الفريق ) ورح شف مباراتهم الجايه السبت وشوف الحظور الجماهيري ...

عشان تعرف ليه صاحب الموضوع كتبت الموضوع الجميل



نحن لسنا ضد النقد لكن نحن ضد دس السم في العسل و الإصطياد في الماء العكر


شكرا يا صاحب الموضوع .. موضوعك ع الجرح

إقتباس الرسالة الأصلية كتبت بواسطة Webmaster بالله ما تسمع نفسك؟ تبيني أقول لك: ايه، يحق لك تزعجني "وقف مع فريقك، احضر المباريات، بس يا ويلك تنتقده" بس لأنه بزعمك تكرم علي بفوز على الرائد وأبها والوطني وأشباه الفرق ذي؟ لا كثر الله خيرهم! من سنين مزعجينا، الآسيوية والآسيوية، ويوم جاء دوري الأبطال (وذي حط تحتها ألف خط) تقول لي كثر الله خير الهلال اللي تعادل بين "أرضه وجمهوره" قدام فريق ترتيبه "السادس" في الدوري الإيراني؟ هالعقلية هي اللي خلتك تضيع وقت قدام الوحدة الإماراتي يوم كوزمن فيه (عشان ما تقعد تحتج بسالفة طرد كوزمن). وش ناقصهم؟ النادي نادي بطولات، يعني اللعيبة مرتاحين مو كأنهم يلعبون مع نادي سكة، وجماهريته تجاوزت حدود المنطقة، ومدعوم بما يقارب الميتين مليون، ويقف وراه أعضاء شرف ما يتهاونون عن القيام بما ينفع النادي، وتشكيلته مطعمة بنجوم دوليين ... وتجي تقول "ارفقوا عليه الضعيف"؟ وإذا على ضرب الأمثلة، فممكن أذكر لك نفس القصة اللي صارت مع مليون نادي، تعرضوا لظروف وانتصروا ... يعني لا تقعد تتكلم وكأن الفريق ما كان مطالب بغير التعادل! إذا خسر قدام الاستقلال، قدام صبهان، قدام برسوبلس، بأقول لك أوكي يمكن! (ولو أني مو مقتنع خصوصاً لا صرت تلعب بأرضك) بس قدام فريق من أندية الوسط وما تأسس إلا قبل أقل من 8 سنوات؟ والله خلاص، ملينا من أسطوانة كوزمن، ورانا مليون شغلة أهم، يعني بتفهموننا أننا لازم نتنازل عن كلش بس لأن كوزمن راح؟ راح باكيتا اللي كانوا يسمونه "الداهية" والبطولات ما تزال في الجيب، وإذا على سالفة أن اللعيبة متأثرين برحيل كوزمن ... فبصراحة ذي ينلامون عليها مليون مرة! ذا لاعب محترف، قاعد معك بعقد، مو فريق حواري جايين يفرقون وكل واحد يروح مع خويه! لامبارد توفت والدته وقاعد يقدم أفضل عرض له من سنين، ودروغبا من سيء لأسوأ بس لأن عقله لا يزال معلق بمورينيو. كأس دوري الأبطال طعمه ما راح يصير أمر لمجرد أن كوزمن مو جنبك يا اللاعب عشان تشيله، فأرجو أن يتم التركيز على الأهم ويتم تلافي الأخطاء في أقرب فرصة ممكنة عشان لا نقعد نعزي أنفسنا بكؤوس مثل "كأس الأمير فيصل" و "كأس ولي العهد" و "الدورة التنشيطية لمهرجان رجال ألمع" ... ومن ثم نجي وبكل سفاقة عشان نقول: "حنا زعمااااااااااااااء نصف الأرض" هزلت ...

تسلم يدينك وربي اول رد اقراه يتكلم بواقعيه وبكل صراحه

الزعيم باذن الله سوف يظهر بالوقت المناسب
لأنه الزعيم مايعشق الا الطريق الصعب

وان متفائله وان شاء الله الأيام تثبت كلامي
الجمهور ماقصر لكن كان اقل من المتوقع
اول المباراه كان يشجع بحماااااااس واللاعبين اشتغلوا وتحمسوا
لكن الشوط2 الجمهور نااايم وبرودته أثرت على اللاعبين
الف شكر لكل من حضر وأزر الزعيم
نبي الجاي يكون اكثر

المدرب اخطأ بأدخاله الصويلح كان المفروض العنبر
كمان ليت الشلهوووب دخل من بداية الشوط2
الفريدي الشوط 1كان تايه ومو مركز لكن الشوط2 بدأ يتحرك

افشل جمهور جماهير الرياض

ياعيني على جماهير جدة تهز الملعب هز


وينك ياهلال تعال العب عندنا وشوف كيف تفوز

الحمد لله اني هلالي .. واشكر الزعماء على التفاعل

اهنيك اخوي مشجع معتدل
كلامك عين العقل
انا باعتقادي ان هناك اسباب كثيره خلف التعادل الاخير
منها الارهاق الواضح على اللاعبين
وايضا التنظيم الدفاعي الرهيب للفريق الايراني
ايضا تحميل ياسر القحطاني اكثر من ما يحتمل سواء من الجمهور او الاعلام !!
انا فقط اقول للاعلام والجمهور ( خفوا على ياسر شوي وشوفوا كيف بيصير مستواه )


اعتقد الجمهور اللذي انتقد اللاعبين بحدة هو جمهور عاطفي
واعتقد ان هذا الانتقاد كان متواجدا ايضا بعد مباراة نجران في نجران !!