لو خسر الهلال فأن هذا الاعب هو السبب بعد مشيئه الله !!! - نادي الهلال السعودي - شبكة الزعيم

سلنقر · #1 11/03/2009, 02:29 PM

السلام عليكم

يقولون ان الجمهور هو الاعب رقم 12 في ناديه

لاكن بالهلال يقولون الجمهور رقم صعب صعب

تخيل لو ان الملعب مليانه بالجماهير

صدقوني راح يبدع التايب و وليهامسن و القحطاني

وتأكدوا ان الاعبين لايصلون الى مرحله الابداع الا بوجودكم انتم بعد مشيئه الله

فلاتكونوا السبب في الخساره لاقدر الله

لو خسر الهلال والجماهير ماحظرت لأشوف احد ينتقد على المباراه

لانك انت ماسويت الي عليك

وشلون تبي الاعبين يكونون ممتازين وانت ماجيت

لا احد يقول هي وقفت علي

صدقون حظور الواحد له قيمه كبيره

لا تبخل بساعتين

والله يوفقكم وتروحون وترجعون بالسلامه

____________

لصعوبه انزال موضوع الان ابي اضيف نقتين بالمباراه :

_ يكفي تحطيم بالاعبن والله هم تعبانين نفسيا اكثر مني ومنك وعارفين بأهميه المباراه لاكن انتم الله يسامحكم كل شوي واحد منزل موضوع الفريدي بارد ياسر واثق مافيه بديل له ومن الهكلام خلاص تكفون انتم كذا تشوشون عليهم وتضعفون تركيزهم بالمباراه والله لو تدعمونهم كان تركيزهم بالمباراه فقط ويعطونك كل الي عندهم بس انتم تحطمونهم ويفكرون بأشيا ثانيه تخرب لعبهم خلاص المباريات هذي حساسه يكفي تحطيم ادعمووووووووووهم
لاتضيعون علينا البطولات تكفــــــــــــــــونــــــــــــــ

والفريدي وياسر افضل الاعبين بأسيا كلها والي عنده غير الكلام معنده سالفه

_ ســــــــــــــــــــــــــــــــــولـــــــــــــــ << براااااااا
والله المبارك والشلهوب و الفرج انهم اطلق منه بمليون مره دوروله شغله ثانيه والله لو يسوي مساج للاعبين ولا طباخ لهم كان اصرف ونستفيد منه << اسف على النقطه بس والله صادق على الاقل نستفيد منه

دمتم بود

ديل بييرو الملك · #2 11/03/2009, 03:51 PM

صادق والله .....والله اتمنى اروح بس دوامي مايخلص الا بعد المغرب وساكن بالشرقية الله يوفقهم

عمرالعنزي · #3 11/03/2009, 03:55 PM

صادق وانا اخوك واذا خسر الهلال لاقدر الله فان انتم السبب ياجمـاهير الزعـــــــــيم

دلووعه الهلال · #4 11/03/2009, 03:58 PM

يلآ كلكم على الملعب تكفووون

الشريف9 · #5 11/03/2009, 04:05 PM

هذا عائد على الجماهير اللي في الرياض واللي حواليها

واللي كان عذرهم أبطال أوروبا المباراة تقدمت للساعه 6:40 دقيقه

وتنتهي 8:30 ويكون باقي على دوري الأبطال ساعتين وربع

وتقبلوا مروري

الزعيم الظاهره · #6 11/03/2009, 04:20 PM

إقتباس

الرسالة الأصلية كتبت بواسطة الشريف9


	هذا عائد على الجماهير اللي في الرياض واللي حواليها واللي كان عذرهم أبطال أوروبا المباراة تقدمت للساعه 6:40 دقيقه وتنتهي 8:30 ويكون باقي على دوري الأبطال ساعتين وربع وتقبلوا مروري

ياحبيبي والله الهلال اهم من نهائي كاس العالم هذا الزعيم والله احبك ياهلال

الزعيـ 9 ـم · #7 11/03/2009, 04:19 PM

بالتوفيييييييق للزعيييييييييييم

فايز الكاسر · #8 11/03/2009, 04:27 PM

بالتوفيق للزعيم يااااااااااااااااااااارب

جمجوووم..} · #9 11/03/2009, 04:29 PM

إن شاء الله يفوووووووووز الهلال يا رجـــل ..}

وكلنــا مع الزعيــم ..}

شبل حربي · #10 11/03/2009, 04:45 PM

ياحبيبي والله الهلال اهم من نهائي كاس العالم هذا الزعيم والله احبك ياهلال

@ فهد @ · #11 11/03/2009, 05:10 PM

والله ياشباب ان الهلال ساكن في قلبي وانا من سكان الرياض ودي احضر اي مباراة لزعيم آسياء

لكن أن تصل الدرجة للصلاة فعذراً أيها الزعيم

والله مره كنت ابي اطلع اصلي العشاء يقول العسكري ممنوع , وشلون ممنوع توقفني عن طاعة ربي وتقول ممنوع

عذراً ايها الزعيم الصلاة اهم من الكره

والله يوفق الهلال اليوم

وان شاء الله ماتكون المباراة اهم من الصلاة تكفون ياشباب حافظوا عليها في وقتها

هلا14لي · #12 11/03/2009, 05:14 PM

إقتباس

الرسالة الأصلية كتبت بواسطة @ فهد @


	والله ياشباب ان الهلال ساكن في قلبي وانا من سكان الرياض ودي احضر اي مباراة لزعيم آسياء لكن أن تصل الدرجة للصلاة فعذراً أيها الزعيم والله مره كنت ابي اطلع اصلي العشاء يقول العسكري ممنوع , وشلون ممنوع توقفني عن طاعة ربي وتقول ممنوع عذراً ايها الزعيم الصلاة اهم من الكره والله يوفق الهلال اليوم وان شاء الله ماتكون المباراة اهم من الصلاة تكفون ياشباب حافظوا عليها في وقتها

لا ياخوي
مالك عذر
اطلع للصلاة بين الشوطين
لان الشوط الأول ينتهي على وقت صلاة العشاء

azooz9595 · #13 11/03/2009, 07:35 PM

إقتباس

الرسالة الأصلية كتبت بواسطة @ فهد @


	والله ياشباب ان الهلال ساكن في قلبي وانا من سكان الرياض ودي احضر اي مباراة لزعيم آسياء لكن أن تصل الدرجة للصلاة فعذراً أيها الزعيم والله مره كنت ابي اطلع اصلي العشاء يقول العسكري ممنوع , وشلون ممنوع توقفني عن طاعة ربي وتقول ممنوع عذراً ايها الزعيم الصلاة اهم من الكره والله يوفق الهلال اليوم وان شاء الله ماتكون المباراة اهم من الصلاة تكفون ياشباب حافظوا عليها في وقتها

من قال لك ممنوع كل العالم تطلع بعد الشوط الاول او بعد قبل لا ينتهي

من ذا الي منعك لا تــــــــــــــــــــــــصرفون

يعني لو واحد بغى يروح دورة المياة وانتوا بكرامة ما يطلع من الملعب

al-zaeem 11 · #14 11/03/2009, 05:12 PM

صآآآآآآآآآآآآآآآآآآآآآآآآآدق

!عاشق و محروم! · #15 11/03/2009, 05:17 PM

انا والله ساكن بالشرقيه .. وبصراحه ودي اروح .. قلت لأمي الظاهر ابي اروح للرياض احضر المباراة .. تدرون وش قالت ؟؟ قالت ياوليدي انت اول مرة تروح خسر الهلال << تقصد يوم تعادلنا مع الشباب بمباراتنا الاخيرهـ . قالت اخاف تروح الحين ويخسر الهلال قدام ايران << فقلت انا والله براسك يالغاليه ..

يعني اخاف اروح واحضر المباراة واكون وجه نحس عليكم فديتكم كلكم من اقصاكم لادناكم

وبعدين ياخي اهل الرياض ليه مايروحون للملعب ؟ قسم بالله انهم يقهرون نصف الحضور بمباريات الهلال اللي في الرياض من الشرقيه .. عيب عليكم عاد يا اهل الرياض حسو على دمكم شوي اتمنى يوم اسمع ان اهل الرشرقيه بيروحون للملعب ويقولون خلصت التذاكر

على العموم الله يوفق الهلال يارب ..