والله وكبرت وصرت أب ......... ِ@ - صفحة رقم 3 - نادي الهلال السعودي - شبكة الزعيم

كان هنا · #31 10/03/2009, 05:50 PM

يا هلا وسهلا ..
أجل الغبار اللي نـمر فيه كلّــه من يوزرك

..
/،
مبروك ما جاك ويتربى بعزك والله يطعمك من خيره ويكافيك شره

..

اسمع وانا ولدك الصغير ..
سمه فيصل .. تيّمنـاً بالملك فيصل " الله يرحمه "

بعدين ترا لكـلن من اسمهِ نصيب ..
تخيل تسميه ( الوليـد ) ويجلس طول عمره بزير مثل بعض الناس

!!
بعدين فيصل " يفصل بين الحق والباطل " ..

فيصل .. فيصل ..
فيصل .. فيصل ..
فيصل .. فيصل ..
فيصل .. فيصل ..

M!ss 7up · #32 10/03/2009, 09:03 PM

الف الف مبروووووك يتربى بعزك ان شالله

اسم فيصل حلوو
ولكن اذاا تبي التميز والتكشخ سم الوليد

الســفيرة · #33 10/03/2009, 10:25 PM

مبروووووووووووووك ماجاك ويتربى بعزك

بالنسبة للاسم اشوف واجد اقترحو عليك الوليد بس احس الكنية بتكون ثقيلة

ابو الوليد

بعدين بيسمونك ابو وليد اخف

من الاسماء الثلاثة الي حطيتهم اقترح فيصل

واذا من عندي اسم فهد

ابو طـــــلال · #34 10/03/2009, 10:38 PM

إقتباس

الرسالة الأصلية كتبت بواسطة الكنز نواف


	بسم الله الرحمن الرحيم .. الحمدلله رب العالمين والصلاة والسلام على سيدنا محمد وعلى آله وصحبه ومن تبعه باحسان الى يوم الدين . __________________________________________________________________________ مساءالورد أو صباحه لكل الأعضاء [ المغبرين ] و [ المستجدين ] المغبرين : شيبان المنتدى و من عاصرني في المنتدى منذ 8 سنواات تقريبا ابتداء من جحدر ومرورا بالمزيون ابو الذهب عاشق (سئيدة) وجاج الداج وسليمان مدرس الرياضيات واختنا صمت العيون وابوسليمان حبي تيماوي والبارق الخارق للعادة و متنبي المنتدى ( القاضي ) وراشد و فيصل وابو ريمان والبرفسور وبرق الزعيم والباش مهندس الفيصل وزعيم رروووما والمشرف السابق هلالي االجووووف وقرقااااص كراني اللي مافهمت اسمه للحين وتوأم الروح و الشارد ابو سارة وتركي واسماء كثيرة يعذروني لو نسيت والمشكلة انا اعرف اساميهم الحقيقية وما اعرف القابهم وما انسى اخواتنا : الخطابة العنود و جيكرة الكويت كيفي و بنتي شهد و كادي القصمنجية و الماسة اسم على مسمى وشذى المنتديات الفيرووووووسة قاهرة كاسبر سكاي ومثقفة المنتديات نجمة الابداع وثلاثي الرجة واسيرة وووووو الخ اقسم بالله تعبت وانا احاول تذكر خصوصا ان الذاكرة ميد ان تايوان ولو نسيت احد فوالله مو تعمد بس انا امر بمرحلة نسيان المستجدين : وفيهم مبدعين كبار ولكن للاسف ارتباطاتنا كانت سبب في حرماني من متابعتهم __________________________________________________________________________ المهم واللي ابي اقوله ... انا كبرنا وصرنا شياب وبحمد الله رزقني الله بمولودي البكر وقت اذان الجمعة الماضية وكنت احترت في اسمه فيصل او الوليد او عدي و اخوي يقول اسميه جمعاااااااااااااااااااااااااااااان ابي رايكم في الاسم واسف عالاطاااالة

لك ساعة ( تبربر ) ومقدمة طويلة مالها داعي قل جاني ولد وخلاص >>>> منقهر ماشاف إسمه بينهم

خلنا من المقدمات ...

ألف الف مبروك .. ويتربى بعزك والله يرزقك بره ويصلحة ويجعله من عباده الصالحين ... وعساه يطلع أبرك من ابوه

إسم فيصل حلو

بس مستهلك ......

الوليد حلو >> بس أخاف تنطق بالمنصه لاصرت ( أبو الوليد )

جم
عان !! لو أدري إنك مسمي هالإسم .. بقطع العلاقه معك

>>> ومن متى المعرفة يابوو

ياسر حلو .......... ماجد حلووو ....... ثامر حلو ....... ريان .......

وعسى الله يحفظه لك وتشوفه ( باشمهندز ) اااااااد الدووونيا

أخوك الصغير ابو طلال

باسكن روبنز · #35 11/03/2009, 12:10 AM

مبروك ماجاك ، والله يجعله قرة عين لكما .

اسم وليد من أكثر الأسماء المحببة لدي احس انه كشخة وراقي

عندك اسم فارس كمان حلوو

الكنز نواف · #36 11/03/2009, 01:09 AM

إقتباس

الرسالة الأصلية كتبت بواسطة أحلا هلاليه


	هلا بك مبرووك ماجاك ويتربى بعزك.. وان شاء الله من مواليد السعاده ويكون نعم الولد.. فيصل بنظري احلى..

وانا بعد اشاطرك الراي
ولكن ام العيال عنيدة وراكبه راسها تخيلي تزاعلنا عشان الاسم

جزاك الله خير و الله يرزقك الذرية الصالحة

الكنز نواف · #37 11/03/2009, 01:11 AM

إقتباس

الرسالة الأصلية كتبت بواسطة فجر الرياض


	هلا الكنز مبروووك المولود الله يجعله من مواليد السعاده.. ويتربى بعزك وعز امه ان شاء الله..

هلا و غلا بالفجر البعيد

الله يزوجك ويرزقك الذرية الصااالحة وشاكرلك المرور الجميل

الكنز نواف · #38 11/03/2009, 01:14 AM

إقتباس

الرسالة الأصلية كتبت بواسطة أول العنقود


	يتربى بعزك و جعله الله من مواليد السعادة أجد الأقرب إلى النفس و الألطف و الأشيك اسم الوليد

اذا تبي الجد المنافسة الان بين الوليد وفيصل بعد تدخل الوالدة ورفضها عدي

ومحتاااار بقوة بين فيصل والوليد

شاكر مرورك والله يجزاك الجنة

الكنز نواف · #39 11/03/2009, 01:20 AM

إقتباس

الرسالة الأصلية كتبت بواسطة abo_nasser


	يالله..يعني ممكن يجي يوم واكتب موضوع مثل اخوي الكنز نواف واتذكر اعضاء جيلي واذكر المشاغب ومواصل و وليد وابومقبل وابوقلق والقيصر ومن السحالي الهنووف ورائده وشذى ونور الشمس وحت حت وفت فت والخبله(تعرف نفسها) واقول لكم يالربع جالي ولد وسميته ناصر.. المعذره على الشطحه..بس هذا اول ما جاء ببالي او ما قريت الموضوع.. هلا وغلا اخوي.. ما شاءالله تبارك الله الف مبرووووك ويتربى بعزك ان شاءالله والله يصلحه ويرزقك بره..وان شاءالله يطلع احسن ابووه.. ومثل ما قال اخوي ثامر(اول العنقود)..اسم الوليد اكشخ واحلى واتحف.. سلااااااااااااااااااااااااااااااام

انتم ياالجيل الجديد مافيكم خير

ترى ماني شايب يابو ناصبر

ولا وصلت حتى 31 سنة

اما سالفة انه يجي يوم فهذا اكيد وان شاء الله اكون اول المباركين

وتصدق عاد كنت اول ما سجلت بالمنتدى كنت اشوف الشيبان والمغبرين اذا كتبوا مواضيع وانحاش اخاف منهم

كنت استمتع بالقراااءة لكن الدنيا دوارة ......!!

وشكرا من القلب على المشاركة الرااااائعة
لاخلا ولا عدم

الكنز نواف · #40 11/03/2009, 01:25 AM

إقتباس

الرسالة الأصلية كتبت بواسطة وردة الهلال


	مآشآء الله. سمـه الوليد خلك مميز شوي فيصل وعدي لاتفكر فيهم نهآئياً وين حنا فيه عدي اجل! عراقي ولا ...! على البركه والحمد لله على سلامة امه ويتربى بعزكم إن شآء الله وجعله الله من مواليد السعآدة نص إللي ذكرتهم ماهم هنا وانا تنسآني يالجحودي

ياهلا وغلا ومن ينسى وردة المنتدى ....

اول ماشفت ردك الوان الطيف في وجهي

من الخجل

لاتشرهين علي انا قايلكم الذاكرة ميد ان تايوان

الله يذكر ايامك انتي وباقي الشلة بالخير
وكل الشباب انقطعت علاقتي فيهم انترنتيا و هاتفيا
الوحيد الي باقي اواصله جحدر الدحل

اكيد عرفتي من اقصد

بالنسبة لام العيال مافيها الا العافية مثل الحصان بسم الله عليها
والف مليوون شكر والله يجزاك خير ونشوفك عرووووووووسة ةيروقك الله الذرية الصالحة

الكنز نواف · #41 11/03/2009, 01:28 AM

إقتباس

الرسالة الأصلية كتبت بواسطة مجنون الزعيم(9)


	مبروك ماجاك ان شاءالله ويتربى بعزكم والله يجعله عبدآ صالح يعينكم على طاعه الله سمه جمعه ولا اذان دامه جا على وقت الجمعه < < برى الوليد وفيصل هم الافظل ..اما عدي بيحققون معك الامم المتحده بالتوفيق والله يكتب اللي في الصالح ان شاءالله

ما دام فيها امم متحدة اجل وش رايك اسميه اسامة خلنا نخربها مررررة وحدة

وبارك الله فيك دنيا وآخرة ياصديقي

الكنز نواف · #42 11/03/2009, 01:32 AM

إقتباس

الرسالة الأصلية كتبت بواسطة هلالية بنت هلالي,,


	مبروكـ ماجاك ويتربى في عزكـ ولله يجعلــه من حفظت كتابه واقترح تسميـته الوليد

هلا ببنت الاصول ..
والله يجزاك خير انتي وابوك الهلالي ويحفظك له ان شاء الله

واشكرك على دعواتك الطيبة يا اختي

بن منيف النهدي · #43 11/03/2009, 02:25 AM

مبروووووووووووووكـ واتمنى ان تسميه(الوليـــــد)

وردة الهلال · #44 11/03/2009, 03:07 AM

شوف. اعطيك اقتراح.بس قبل

ترا جحدر الذآكرة مثلك واردى

عطني اليوزر واذكر

الاقتراح يقول. قول لها بقانون العوآئل أول أسم للأب.ودامها تبي تسمي اسم هيثم مايصلح لأول طفل
راح تتسمى فيه طول عمرك!

هيثم ذا للدلع مايصلح اول واحد

يصلح 2 . 3 ممكن

فا اتفق معها .أن الثآني دآيركت يسمى هيثم. <وفكك من هالسآلفه

الزبدة.اول أسم لازم يصير مميز و قوي. إللي يقولون فيصل ترا مستهلك!

وحط ببالك اسم ماهو موجود عندكم بالعآئلة كا اول اسم للبكر+مايكون عند اخوانك

مع اني ناسيه اسمك

بس الوليد انصحك فيه.

ترى الغآلبية العظمى [ الوليد ]

شوف تصويت العآئله

سو قرعه بآسم الوليد وفيصل .وخل بزر يسحب 3 مرات.

بس النيه خلها مبيته

خخخخخخخخخخخخخخخخخخخخخخخ

ذكرتني بصراعنا مع ابوي يوم جا يسمي آخر العنقود كان بيسميه على الملك عبد الله ذاك الوقت كان جاي الشرقيه
وفي باله فياض رفضنا رفض قاطع

كلا الاسمين

ورشحوا اسم أسآمة بإجمآع كلي للعآئلة

لأن اسم عبد الله وش كثره عندنا.

الزبدة.

خلك على الوليد. ويمكن المدام متحديه احد

ولا نفسها بالاسم من زمان

فا انت طيب خاطرها بطقم ذهب خفيف بما انه نازل فرصتك

وصدقني بتتنازل

<شريرة مـو؟

صوره لنا عاد. مو تقول لنا بدون صورة ماينفع

بالتوفيق واعلمنا آخر المستجدآت.

هلالي ثنياني · #45 11/03/2009, 09:01 AM

عالبركة يالكنز وخذ الشور مني

إن كان ما اسمك نواف فسمه نواف
وإن مابغيت نواف فلا يردك شي عن خالد
وسمايتك عندي تثبيت موضوع في قسم التقييم

أسأل الله أن يجعله من الصالحين وينفع به دينه وأمته ووطنه وأن يبارك لك فيه ويرزقك بره ويجعله من حفظة كتاب الله الكريم ليلبسك الله به تاجا من نور يوم القيامة