يـآآآسـر إحـذر ..!! فـ ( طلق المحيـآ قـآدمـ ) - نادي الهلال السعودي - شبكة الزعيم

عاشق روزيسكي · #1 09/03/2009, 01:45 PM

السلام عليكم ورحمة الله وبركاته ..

مساكم الله بكل خير.

شخباركم ان شاء الله بخير ؟؟

المهم باخش بالموضوع دغري

الموضوع يخص اللاعب الجماهيري الأول بالمملكه العربيه السعودية

والكل عارف اني اقصد ياسر بن سعيد القحطاني << القناص

المهم

كلنا شفنا ياسر في الفتره الأخيره كيف نازل مستواه بشكل ملحووووظ

حتى عمر الغامدي قالها ببرنامج كل الرياضه

قال اول كنا مانفرح اذا سجل ياسر الهدف زي الحين

لاننا متعودين انه مو غريبه على ياسر

لكن الحين نبغى بس نشوف ياسر يسجل بس

انا بصراحه ودي اعرف وش السبب << مو معنى هذا السؤال انه يجيني كم واحد من الجمهور ويتكهن ويتوقع مابي توقعات

انا ابي اعرف السبب من ياسر شخصياً اتمنى انه يوضح الشئ هذا للجمهور

ياسر حنا كلنا نحب ونموت فيك

ولولا محبتك ماقسينا عليك بالشكل هذا

شوف نواف التمياط الله يذكره بالخير يوم نزل مستواه شسوينا فيه

شوف محمد الشلهوب نزل مستواه مع ان عنده اعذار اكبر من اعذارك يا ياسر مهما كانت

ومع ذلك قسينا على ابو بندر

وحنا قساوتنا ورب البيت طالعه من الحب الكبير اللي بالقلب

ياسر انا اذا جلست مع الشباب نجلس نناقش مستواك

فالاغلب اجمع على انك في الوقت هذا

ماتبحث عن الهدف مهما كان

ولكن تبحث عن اهداف استعراضيه جميله

ماعليه يا ياسر

كلنا نبغى نشوفك تسجل اجمل الاهداف بالدوري

ولكن ليس على حساب الهلال

انت كذا تضر بفريقك وتضر بـ 10 لاعبين جالسين يبذلون مجهود

وخاصه لاعبين المحاور والدفاع

يعني يشتغلون شغل بخاناتهم

ولما توصلك الكوره بكل استهتار تضيع منك الكوره

وايضا لاحظت عليك كثرة السقوط مع اي احتكاك وهذا اللي ماعهدناه عليك يا ياسر

في مباراة الشباب كان هناك تسرع واضح من ياسر في اغلب كراته

انا كنت بالمدرجات

وكنت اسمع الجمهور يصفق لك ويهتف باسمك << وش معناه الشئ هذا

اكيد انهم يحبونك

ولكن اتمنى انك ترد عليهم وتهدي لهم الاهداف

مع الصرخات اللي يطلقونها بالتحيه لك

** نقاط جماهيريه :

- اتمنى من جمهور مباراة الغد انه مايجلس ساكت طوال الوقت , اتمنى من نزول اللاعبين الى ارضية الملعب ان الجمهور يهز الملعب هز ومايسكت ابد

منها اننا نزرع الحماس في نفوس اللاعبين ومنها اننا نربك الخصم في اول الدقايق.

- جمهور مباراة الغد اتمنى من الجميع انه يتفاعل مع مجلس الجمهور لان هذا بالاول والاخير في مصلحة الفريق

- على كثر ماحضرت مباريات اجد اغلب الحضور يسب في محمد غندر كل ماشال اهزوجه ويقولون تراك صجيتنا ياخي .؟؟

طيب سؤال موجه للاشكال هذي :

انت ليه حاضر بالملعب ؟؟ عشان تسكت وتمخمخ على المباراة ؟

الله لايهينك اجلس في بيتكم ماعندنا جمهور يسكت نبي جمهور يهز الملعب هز

- محمد غندر كل الشكر على الجهود اللي تبذلها

ونعلم انك تقدم ماتستطيع لارضاء الجميع واصل وماعليك من احد ولكن اتمنى منك انه يكون فيه حماس شويه.

- بما ان المباراة القادمه ممنوعه فيها المايكات اتمنى من الرابطه عدم احضار الطيران والطبول

والتفرغ للتشجيع الاوربي والمعروف لدى الجميع

وهو افضل من تشجيع الطرب وحفلات الشكشكه .

** قفله **

اللي ما أعجبه كلامي والا موضوعي

رجاءاً لايرد عليه

واذا فيه احد بيناقش اتمنى انه يكون يعرف اسلوب الحوار زين عشان مايصير فيه سب زي ماحنا نشوفه بالمنتدى بكثره من صغار السن

إن أصبت فمن الله وإن أخطأت فمن نفسي والشيطان ..

بالتوفيق للزعيم الهلالي في كل المحافل

هلالي 1977 · #2 09/03/2009, 02:03 PM

بالعكس كلامك عين العقل

ياسر لاعب نجم وطبيعي يمر بفترات يتذبذب مستواه

من طلوع ونزول لكن الغير طبيعي ان يستمر بالنزول

ياسر مستواه نازل وكاد ان يسجل على نفسه هدف مع الشباب

طبعا طبيعي ان يخطئ لاعب ويسجل في مرماه

لكن ياسر كبيره في حقه خاصة انه مهاجم

يجب على ياسر ان يحاسب نفسه

ويجتهد ويثابر

هو افضل مهاجم سعودي بلا ريب

لكن لو جاء المحياني وبرز واصبح افضل منه فهذا

طبيعي جدا ولكل مجتهد نصيب

ولعب المحياني مع الوحدة لن يكون كلعبه مع الزعيم

وسيتطور مستواه حتما

بالتوفيق لياسر وعيسى

عاشق روزيسكي · #3 09/03/2009, 02:06 PM

88888

صدقت

وكلامك على العين والراس يابعدي

مشكور على مرورك

عاشق روزيسكي · #4 09/03/2009, 06:30 PM

حبيت ابين توضيح للجميع بخصوص الموضوع

ليس معنى انه جا عيسى يعني ياسر بيروح من بالنا

لا اتمنى ماحد يفكر التفكير هذا

وان شاء الله يتنافسون على المركز وهذا بالطبع مفيد للهلال ان شاء الله

وبالتوفيق للجميع

saad_20 · #5 09/03/2009, 06:56 PM

لازم وخذها قاعدهـ اي لاعب كبير او اي لاعب في العالم لازم ينزل مستووواهـ
الشلهوووب عاد وبقوهـ
والله يوفق الهلال في كل مكان

only.z3eem · #6 09/03/2009, 07:04 PM

.

آيـه نعـم .. يآّسر نآّزل مستـوآّه بـشكل خطـير جدآّ ..
آنآ مآكنت آتمنـىآّ موضوعـك ينـزّل هالـوقت بالتـحديد مفروض ينـزل بعد نهآّيه جمـيع البطولآّت ..

بـس آّن شآْء الله /, يآسـر يبهرنآّ فـ دوري آبطآّل آّسيآ ..

يعـطيك العآآّفيه ..

.

زعيمه ليس إلا · #7 09/03/2009, 08:03 PM

بصرآحه كلآمك كللللللله صح وأتمنى أتمنى أن يآسر يشوف هالموضوع

بس يآسر ذكر في برنآمج كل الريآضه تبرير بسيط لهالنقطه وهو أنه ( بمجرد مآ أنه يتعآفى من أصآبه مآيخذ فترة نقآهه يعني فترة يريح فيهآ شوي يعني على قولته أول مآ يصير يقدر يوقف على رجليه ويشوت الكورة دخلوه فالتشكيله بشكل أسآسي سوآءآ الهلآل أو المنتخب )

نتمنى أن ينظر لهالنقطه ونتمنى من يآسر أن يشد حيله شوي < مسكين تقطع حيله من كثرر مآشده

> بس يشده شوي بعد لين مآنلقى البديل ونخليه ترتآح شوي

يعطيك العآآآآآآآآفيه ع الموضوع

الزعيم ابو تركي · #8 09/03/2009, 08:05 PM

انتبه ياياسر عيسى جايك والدكه تبغى واحد منكم انت وعيسى

تركي الزعيم2008 · #9 09/03/2009, 08:11 PM

بارك الله فيك على الموضوع

وبالنسبة لياسر

والله مو محصل مهاجم ينافسه بالفريق

لكن اتوقع اذا جا المحياني بيزيد الحماس بينهم

ولو اني اتوقع في المحياني اكثر من ياسر ,,,,,,توقع!!

على العموم هذي مهمة الاسطورة سامي الجابر

هو اللي يحذره ويناقشه في هالموضوع

ألف شكر للجميع

وبالتوفيق للزعيم

تحيتي

عاشق روزيسكي · #10 09/03/2009, 08:18 PM

إقتباس

الرسالة الأصلية كتبت بواسطة saad_20


	لازم وخذها قاعدهـ اي لاعب كبير او اي لاعب في العالم لازم ينزل مستووواهـ الشلهوووب عاد وبقوهـ والله يوفق الهلال في كل مكان

اوك وانا اتفق معك على هالنقطه

لكن مو يستمر مستواه نازل للفتره هذي

الا اذا فيه اسباب

واسباب قويه بعد

اتمنى من الكابتن ياسر يراجع نفسه

مشكورين على مشاركتكم جميعا