اهم المشاهير اللي قابلتهم في حياتك..... - صفحة رقم 5 - نادي الهلال السعودي - شبكة الزعيم

وجــدان · #61 10/03/2009, 08:39 AM

.,

موضوع يفتح مجال أوسع للهياط

ابهايط حالي حال غيري

قابلت انتصار الشراح

جد قابلتها جتنا بحايل بمنتزه نسائي يسألونها البنات
أزعجوها كل أسألتهم وش يقرب لك داوود حسين وش بينك وبين داوود حسين

آخر شيء ملت من تكرار هالسؤال
قالت : بقرب لي ان انا وياه حجمنا واحد

من اللاعبين شفت لاعب الهلال محمد الشلهوب كان بمطار حايل بعد

حلفت على عيال عمي الصغار يروحون يصورون معه
ماقصر هو أخلاقه عاليه وتحمل بثارتهم وله أجر ان شاء الله

امممممم
وأذكر يوم كنا بجده كأني لمحت محمد أمين لاعب الاتحاد ماكنت متأكده انه هو بس يشبه له مرررره

وقلت لأخوي اني شفته قال : والله !! قلت : ايه
دق على ربعه وعلمهم انه بجده وهو اللي شاف محمد أمين لا وبعدصور معه وشربوا كوفي مع بعض

وقعد يملّح السالفه
هالكلام كان المغرب
نفس اليوم بالليل كان فيه مباراة للإتحاد والاتفاق بالشرقيه كان اخوي يتابعها
إلا هذا محمد أمين يركض ورى الكوره .. ألتفت لي اخوي شوي شوي مثل افلام الرعب

انا لميت نفسي وركض على الغرفه وسكرت الباب وميته ضحك عليه

ربعه كل شوي داق عليه واحد أجل صورت مع محمد امين هاه

آخر شي قفل جواله
يستاهل محد قاله يكذب

.,

مَاهِينُورْ · #62 10/03/2009, 08:56 AM

^
^

~> على رد وجدان وردود الاعضاء

ياحليله أخوك ياوجدان متشفق يشوف احد مشهور

سالفة انتصار الشراح

وش جايبها لحايل ؟

ودي أقابل ممثلة عشان أسئلها كيف عايشة مرتاحة ولا لا
الحمد لله والشكر مادري كيف عيشتهن أحسها هم وغم

الله لايبلانا

~~> عذرا على هالشطحة

..
المشهورين اللي قابلتهم
ماحد

كيف أقابلهم مستحيل

لكن أذكر وانا بالابتدائي شفت الامير سلطان الله يشفيه ويعافيه
كان جاي يفتتح مشاريع عندنا

وشفته يلوح بيده الكريمه من بعييييييييييييييد

..
ومدري كم مرة شفت أمير القصيم مع الموكب الشخصي
بعد من بعيد شفته بس أقرب من الامير سلطان

..
من بعد شفت ؟
اي شفت امرأة مشهورة اللي هي الداعية أم أحمد

مغسلة الاموات

شفتها بمحاضرة أيام المدرسة

شخصية راائعة الله يحفظها ومحاضراتها مؤثرة

..
ووبس

شكراً

نسيت اسم صاحب الموضوع

وجــدان · #63 10/03/2009, 09:13 AM

^^

ماهو متشفق بس عنده قووة هياط

ولايهمتس عطيته درس تاب بعده

انتصار الشراح

كان عندنا مهرجانات وحنا يالبنات ياعمري ماحطوا لنا شيء

كله للشباب

عشان كذا جابوا لنا انتصار الشراح يسكتونا فيها

تصدقين يانور ؟
ماتوقعتها كذا ابد ..! كان عندي قناعة ان كل الممثلات مافيهن خير ..!
بس بعد ماشفتها تغيرت نظرتي عنهن
والله بعضهن فيهن خير كثير بس مالله هداهن للحين
دمها عسسسل وأخلاقها عاليه وروحها مرحه

على طاري الروح المرحه جتني مكالمه برب

ايه وش كنت أقول ..!

والله فيه ممثلات احسن منا بصلاتهن وصيامهن بس نظرتنا لهن من شان الأشياء الظاهره لنا
مانشوف الا تمثيلهن ونحكم عليهن من خلاله

والله ظلم الانسانه اللي جلست معها أحس فيها خير مو طبيعي

ماشاء الله عليها والله يهديها

شكراً صاحب الموضوع

.,

مَاهِينُورْ · #64 10/03/2009, 09:38 AM

إقتباس


	ماهو متشفق بس عنده قووة هياط ولايهمتس عطيته درس تاب بعده

بعدي والله

..
..

إقتباس


	انتصار الشراح كان عندنا مهرجانات وحنا يالبنات ياعمري ماحطوا لنا شيء كله للشباب عشان كذا جابوا لنا انتصار الشراح يسكتونا فيها

عاد يجبون لكم ممثلة

..
غريب أمرهم

لا وجايبين وحدة من برى كان جابوا مريم الغامدي ولا سلوى شاكر أقرب وارخص

سعوديات منا وفينا

..

إقتباس


	تصدقين يانور ؟ ماتوقعتها كذا ابد ..! كان عندي قناعة ان كل الممثلات مافيهن خير ..! بس بعد ماشفتها تغيرت نظرتي عنهن والله بعضهن فيهن خير كثير بس مالله هداهن للحين دمها عسسسل وأخلاقها عاليه وروحها مرحه

أنا ما أحكم عليها وأقول ان مافيهن خير
الله يغفر لنا ويغفر لهم

اللي أقصده
كيف حياتهن كيف عايشات مرتاحات ولا لا
قدامنا سعيدات ونشوفهم أسعد نساء العالم , لكن ببيوتهن كيف حياتهم ؟
كيف تربيتها لعيالها
هذا اذا كانت متزوجة
مثلا أذكر كانوا يقولون لي ان حياة الفهد ماتزوجت للان !!

وحدة كبر جدتي وعايشة بدون زوج ولا أولاد طول حياته وهمها كله التمثيل
كيف بتكون حياتَه ؟
..

إقتباس


	على طاري الروح المرحه جتني مكالمه برب

تيت

..

إقتباس


	ايه وش كنت أقول ..! والله فيه ممثلات احسن منا بصلاتهن وصيامهن بس نظرتنا لهن من شان الأشياء الظاهره لنا مانشوف الا تمثيلهن ونحكم عليهن من خلاله والله ظلم الانسانه اللي جلست معها أحس فيها خير مو طبيعي ماشاء الله عليها والله يهديها

وانا اقولك ما أتكلمت عن أعمالهن
كافينا ذنوبنا ليش نناظر ذنوب غيرنا

بالنسبة لانتصار
أنا مااشوف مسلسلات كثيروالحمد لله

لكن من يوم ماتحجبت المرة وانا اقول ان شاء الله ببترك التمثيل

امين الله يهديها ويثبتها
وش تبي بالتمثيل عقب هالعمر

..
أقوول ماتبينا نسوي موضوع عن حياة الممثلات

ْ~> دائما أفكرر بهالموضوع وكان عندي نية زماان أنزل عنه موضوع

لكن بحثت عنه لكن للاسف مالقيت احد قد كتب عنه وهونت

..

أعتذر من صاحب الموضوع إن كاننا أزعجناكم

..

وجــدان · #65 10/03/2009, 09:56 AM

^^

ههههههههههههههههههههههههههههههههه
مريم الغامدي !!
لاشوكرن هونّا مانبي مهرجان

مدري ليه جايبين ممثله بالذات .! اي والله تصدقين مافكرت بوقتها ليه ممثله !
يمكن لأن الشاعرات غاليات وربعنا يدورون الرخص

وأنا معك في كل كلامك من ناحية الحكم عليهم أو لا
بس ترى حياة الفهد متزوجه لبناني اذا كنتي ماتدرين

بس مدري هي اشاعه ولا صدز

إقتباس


	أقوول ماتبينا نسوي موضوع عن حياة الممثلات ْ~> دائما أفكرر بهالموضوع وكان عندي نية زماان أنزل عنه موضوع لكن بحثت عنه لكن للاسف مالقيت احد قد كتب عنه وهونت

قداااااااام
هو انتي بس طرى لتس فكره !!

لايردتس الا ايقونة اضافة موضوع

اغدينا نشوف لتس موضوع مثبت غير الأخبار

لصاحب الموضوع ..

AL -QANAS · #66 10/03/2009, 10:42 AM

تحـوولـت للـشتشتـة . !

الزبــدة .. قآبلت انا يوسـف الثنيآن .. ، و رضآ تكر . !

الهلالي دائماً · #67 10/03/2009, 10:57 AM

واضح ان الدعوة قوة هياط وقوة شتشته

نسييتت اقولكم تراني قابلت الملك عبد الله وانا صغير وصليت وراه

طبعا يوم كان ولي العهد حتى اني علمت عليه ابو ي لانه ما فصخ الجزمة وصلى فيها

عاد اخر شخصية قابلته الشاعر فهد المساعد لقيته الجمعة الماضية في القرية النجدية

بغيت اسوي معه لقاء للمجلس العام بس حسيت الجو غير مهيأ بالمره

بسرعة هايطو قبل ما نقفل الموضوع

crash991 · #68 10/03/2009, 11:33 AM

إقتباس

الرسالة الأصلية كتبت بواسطة ماجد مقبل


	واضح ان الدعوة قوة هياط وقوة شتشته نسييتت اقولكم تراني قابلت الملك عبد الله وانا صغير وصليت وراه طبعا يوم كان ولي العهد حتى اني علمت عليه ابو ي لانه ما فصخ الجزمة وصلى فيها عاد اخر شخصية قابلته الشاعر فهد المساعد لقيته الجمعة الماضية في القرية النجدية بغيت اسوي معه لقاء للمجلس العام بس حسيت الجو غير مهيأ بالمره بسرعة هايطو قبل ما نقفل الموضوع

تبي تقفل قفل عادي>>>>قهرتك
دامك انت رديت على الموضوع ماعاد ابي شي
ولايهون بقية الاعضاء
دع الهايط واستمتع بالردود
اكرر شكري يااخ ماجد

الابنوي · #69 10/03/2009, 11:42 AM

قابلت كل لاعبين الهلال في فندق كان في معسكر .... وايضا قابلت الاعب فهد الغشيان .... يوسف الثنيان ......
ومن العلماء الشيخ عبدالله المطلق والشيخ محمد العريفي والشيخ عائض القرني .
وكثير بس نسيت والله .

شبوط · #70 10/03/2009, 01:36 PM

كمان قابلت ملك الفلاشات ابراهيم الفريان

تخيلو سلمت عليه وبدون اي مقدمات
قالي انت نصراوي

قلت وين يالحبيب
معك هلالي

الله يسلمك الكلام هذا
قبل اسبوعين في الرياض

القلم الذهبي · #71 10/03/2009, 01:37 PM

يعطيك العافية ياراعي الموضوع

أخوكم في الله شالهـ الشيخ عايض القرني أيام الطفولة

طبعا كنت صغير وما أذكر شي

المهم

قابلت كذلك طارق التويجري بمكهـ

شقة جدي وشقة جده بنفس الدور

كانت جدتهم متوفيه بعد صلاة القيام

قابلت سعيد الهلال مذيع أبوظبي بمطعم وبالمقبره

بعد فيهـ ذاك الشاعر فلاح القرقاح بهايبر بنده

الدكتور ميسره طاهر بمطار جده

الشيخ المنجد

تربطني بإبنه صداقة منذ الطفولة

عبدالخالق الغانم بمطار جده

وبسسس