اهم المشاهير اللي قابلتهم في حياتك..... - صفحة رقم 2 - نادي الهلال السعودي - شبكة الزعيم

شبوط · #16 09/03/2009, 02:43 PM

عام 2006 م سلمت على الشيخ خليفة بن زايد ال نهيان

رئيس الامارات العربية المتحدة وقد ظهرت عليه علامات الكبر
ماهو مثل التلفزيون تحسب شكله باقي شباب الله يرحمنا برحمته

حكر المنحكر · #17 09/03/2009, 02:50 PM

قابلت كثير من من يعملون بالوسط الرياضي كلاعبين او إعلاميين او مسئوليين

بس أشهرهم لاعبين فالنسيا ولاعبين مانشيستر بزيارتهم لرياض

وبيني وبينك ايام ماكنت صغير اشوف اللاعب او الرياضي اطير من الفرحه وافكر فيه ايام لكن في الوقت الحالي يمر من عندي ولا أفكر في السلام عليه

شكراً لك

crash991 · #18 09/03/2009, 03:06 PM

إقتباس

الرسالة الأصلية كتبت بواسطة متآبعه بصمت


	فرمضان شفت الشيخ راشد الزهراني في ساحة الحرم بمكة والممثل فهد الحيان بسيارته فالرياض والوليد بن طلال مره كان عندنا فبيتنا وصراحه عورني راسي أبي أتذكر بس دااايخه وتعبانه وبعدين المفروض تسأل من اللي تكرمت عليه وخليته يقابلك

اوووخص والله منتي هينه
والله إالى الآن بصفة اني انسان مرموق ولي مكانه بالمجتع>>>>>مكانه طل

crash991 · #19 09/03/2009, 03:07 PM

إقتباس

الرسالة الأصلية كتبت بواسطة سيد الملوك


	اما بالنسبة لي أنا كثير مره لاعبين الهلال كلهم ولاعبين الاندية الثانية بعد تقريبآ أغلب لاعبين الدوري > من كثر الحظور للهلال وللمنتخب ولاعبين ثانين لاعبين مانشستر يونايتد .. كلهم المشايخ الجبرين وأبو زقم الأمراء : الامير سلمان بن عبدالعزيز والملك بس من بعيد الممثلين : عبدالله السدحان والعيسى والكنهل وفهد الحيان وبعض نجوم طاش ماطاش ماعرف اساميهم والله وأمنيتي أقابله شخصيآ وأسلم عليه الملك عبدالله ..’ وترا كل اللي فوق أو أغلبهم ماسلمت عليهم بس أشوفهم قدامي يعطيك العافية كراش ع الموضوع الحلو ياحلو وتقبل مروري

يعافيك ربي نورت الصفحه
ولايهون الباقين

crash991 · #20 09/03/2009, 03:10 PM

إقتباس

الرسالة الأصلية كتبت بواسطة شبوط


	عام 2006 م سلمت على الشيخ خليفة بن زايد ال نهيان رئيس الامارات العربية المتحدة وقد ظهرت عليه علامات الكبر ماهو مثل التلفزيون تحسب شكله باقي شباب الله يرحمنا برحمته

الشيخ خليفه من خيار الناس ويتشرف اي واحد بالسلام عليه
احلا مين قدك انا اقل شي ودي اسلم على اسماعيل مطر

جرح يشكي · #21 09/03/2009, 03:18 PM

كنت مع الوالد في عشاء رسمييييي .. حق كاشااات .. من بينهم الامير متعب بن عبدالعزيز والجريسي ...في قصر الشيخ محمد بن سلطان ابن حميد

يوم مباراة الهلال والشباب ع كاس ولي العهد العصر كنت في مستشفى الحمادي وقابلت ماجد عبدالله .. ابو عبدالله طاق القميص اللي حتى العمال ما يلبسونه ما تدري لونه رصاصي والا بيج

لا ولابس كاب كحلي .. بس السيااارة الييييييييييييمه .

وقفت عند اشارة جامعة الملك سعود " كوبري الملك عبدالله " في رمضان بعد اذان الفجر .. التفتت يمين وبعدها دزيت اوم السيارة .. كان واقف جنبي الامير مشعل بن عبدالعزيز مع سواقة ع جيب لكزس ابيض

واللي يبي يشوف تواضع الامير السامر .. " يا حبي له " يروح يصلي الفجر في مسجده اللي جنب بيته .. في عرقة " قلوووب "

الهاديو · #22 09/03/2009, 03:23 PM

هلا وغلا ،،

أشهر واحد قابلته هو :

ماجد مقبل ، ماجد مقبل ، ماجد مقبل ،،

المرة الأولى كان عضو عادي ،،
والمرة ثانية كان مشرف في موقع آخر ،،
والمرة الثالثة بعد ماصار مشرف هنا << وتغير وصار مغرور

<< بيتصفق

شكراً لك ،،

الهاديو ،،

LBa your heart · #23 09/03/2009, 03:26 PM

إقتباس

الرسالة الأصلية كتبت بواسطة متآبعه بصمت


	والوليد بن طلال مره كان عندنا فبيتنا

اكيد جاي يتسلف من ابوك ؟؟

الســفيرة · #24 09/03/2009, 03:31 PM

واجد شخصيات قابلتها سياسية وفنية ورياضية

رفيق الحريري الله يرحمه بالحرم برمضان كان جمب المسعى حوله حرس وشيخ يقول ادعية ويردد وراه او شي كذا

والممثلين اتذكر فهد الحيان بالبحرين مع عايلته وفرقة ميامي بالكويت وحسن البلام شفته بمدينه العاب برا ومنى شداد ومحمود بوشهري وباسم عبدالامير كانو يتمشون سوا بمجمع السيف

الظاهر عندهم مسرحية او شي كذا

خلاص تعبت

[ رحــال ] · #25 09/03/2009, 03:31 PM

متى يجي اليوم اللي الناس يتمنون يشوفوني

..

انا والله شفت اكثر من لاعب .. كان عرس اخوي بفندق راديسون ساس .. و بحكم
لقافتي قلت خلني اشطف الفندق و رحت في المقهى و القى ياسر المسيليم جنبي

و طلعت و لقيت ياسر طالع من غرفة مدري وش تصير و نزلت ادور سيارته

و
لقيت سيارة لكزس لوحتها سعد .. قلت شكله سعد الحارثي و طلع هو ويّا عبده عطيف
ثم جيت بأرقى و لقيت نايف القاضي

.. بعد قد شفت الأمير سطام الله يحفظه

و شفت ابو زقم و توبو .. و صليت ورى الشيخ ياسر الدوسري الله يحفظه

..
بعد قد صبيت القهوة للأمير متعب الله يحفظه

كان معزوم عندنا

كاشات من قدنا

و اذكر مرة موكب الملك عبدالله ايام ما كان امير مر جنبنا .. لإني كنت راكب لكزس
و الظاهر انهم يحسبوننا تبع الموكب

و ناظرني واحد اظن انه الامير عبدالله و خفت
و ناظرت قدام

ثم قلت ليش اخاف خلني اناظره مرة ثانية بس انه ما التفت لي

بعد قد شفت الشيخ بن جبرين الله يحفظه

.. و من الممثلين عبدالإله السناني و
السناني الصغيّر ذاك

.. و ذاك الممثل السااامج اللي يسوي دعايات بعض الاحيان
و طبعًا شخص لازم اي انسان يشوفه

الفريان

امنيتي صراحة اقابل الشيخ محمد العريفي

و الله يجمعنا فيه مع الرسول تحت ظله يوم لا ظل إلا ظله

زعيم المجمعه · #26 09/03/2009, 03:36 PM

انا قابلت ناس مشهورين كثير
من المدربين قابلت
خالد القروني
سعيد غراب
محمد الخراشي

ومن الاعبين
قابلت كثير
او بالصح لعبت معهم
هم محمد الشلهوب
ايام كان يلعب في ناشين الهلال
ولعبت ضد خاليو سيزار لعب النصر المحترف البوليفي
ومحمد الخوجلي ومحسن الحارثي
وناصر الحلوي
وعبدالعزيز الجنوبي
وقابلت نجوم الهلال حقين الاباتشي
اللعب الفذ البحريني
محمد رضا
ويوسف فلاته
ومبارك عيد
وبس
هذا الي اذكره

د.هدف · #27 09/03/2009, 03:49 PM

مــــاجد عــبدالله ..

في الخطوط ..

R.o.N.a.L.D.o.9 · #28 09/03/2009, 04:08 PM

الشيخ : سعود الشريم

الله يحفظه إمام وخطيب الحرم المكي وعميد كليـّـة الشريعة بجامعة أم القرى

كان في مناسبة تكريم للطلاب المتفوقين في كلية الشريعة في جامعة أم القرى ..

وعلى طووووول ركظ من كلية الهندسة الى كلية الشريعة ... وشفته الين شبعت

والشيخ قمة في التواضع والأدب

شكراً جزيلاً