|
يــــاســـر القحطــانــي حيــــــــــاكم اسمحوا لي ان ابدأ من حيث انتهيت في موضوعي السابق وتحديدا في الجزئية الخاصة بياسر القحطاني.. وللاسف الشديد ان العاطفة احيانا ( بل دائما ) تطغى على التفكير كلنا نحب ياسر بل كلنا نعشق ياسر كنجم ( سوبر ) ليس في الهلال فقط.. بل في آسيا وكلنا نتغنّى ونتفاخر وننافح الكواكب بهذا النجم الآسر ولكن دعوني اسوق لكم هذا المشهد البسيط لتتضح الصورة : تخيّل نفسك ( أب ) وابنك لديه اختبارات نهائية وانت في قمة القلق واعصابك في حالة ترثى لها طبعا لأنّه ( ابنك ) وتهمّك مصلحته ويهمّك نجاحه وفي عز التوتر دخلت على ابنك في غرفته فوجدته لايذاكر بجديّة كيف ستكون ردّة فعلك في تلك اللحظة ؟؟ هل سوف تغلق الباب وتخرج بكل هدوء وتقول في نفسك : لازم اتركه الحين براحته.. وبعد الاختبار اذا رسب لكل حادث حديث.. الحين ماهوب وقت الهواش أم انّك سوف تنفجر غاضبا وتلعن سلسفيل ذلك الولد المتهاون في سبيل مصلحته.. ولن تتركه الا اذا رأيته قد امسك كتابه وبدأ يفترس الصفحات الواحدة تلو الاخرى ؟؟ أي الحالتين برأيكم تكمن فيها المشاعر الصادقة والحرص الايجابي ؟؟ بالعاميّة الواضحة بعد التعادل مع الشباب صار الوضع صعب وباقي لنا ثلاث مباريات وانا هنا ما اطلب من ياسر انه يسجل في كل مباراة عشرين هدف أبي منّه هدف واحد بس في كل مباراة وماراح اطالبه بأهداف مثل هدف ( الدومينو ) الشهير اللي ضد الشباب.. اللي سحب فيه اربعه مدري خمسة ولا اطالبه بهدف زي هدفه الاسطوري في القادسية ولا اطالبه بهدف اعجازي زي هدفه في الاهلي العام الماضي لا لا ابد.. انا ما ابي الا ثلاثة اهداف بس في المباريات الثلاث الباقية وبكيفه ان بغى يسجلها بركبته او بكوعه اهم شي ابي اشوف مقاتل في الملعب ابي اشوف صورة جديدة تمسح الصورة الهزيلة اللي شفتها في المباريات الاخيرة.. في الاربع مباريات الاخيرة تحديدا.. احد شاف ياسر يعدّي من مدافع بنجاح ؟؟ ولاحظوا اني ماقلت يسجّل.. قلت ( يعدّي ) مو معقولة ياياسر.. مستواك نازل مره بشكل يخوّف اداء هزيل وعدم جديّة في العطاء.. اقل اللاعبين مستوى بدون مبالغة مباراة الوحدة حسمها مدافع والنهائيه قدام الشباب حسمها مدافع وبينهن مباراة النصر ومع انّك المتخصص في التسجيل اول مره ترحم الشباك الصفراء وبعدها مباراة الشباب في الدوري.. سجلت لنا هدف التعادل بعد ما طلعت ارواحنا وحنّا ننتظر منك هدف الفوز ننتظر منك جهد اكبر ياياسر ننتظر منك عطاء اكثر بعض الاخوان اللي تحكمهم العاطفة يقولون لاتلومه.. هذي خطّة المدرب والمدرب يطلب منه انه يرجع ورى ويسحب معه المدافعين على راسي من فوق لكن ياترى المدرب هو اللي يقول لياسر.. كل مامسكت كوره ودخل عليك مدافع ( طيّح ) نفسك وابحث عن البلنتيات والفاولات ؟؟ وياترى المدرب هو اللي يقول لياسر اذا انفردت بالمرمى ( امزع ) الكوره بسرعة ولاتحاول تعدّي من الحارس وتسجلها هدف بكل سلاسة ؟؟ وبعض الاخوان يجيك مطفّي النور ويقول : وش رايك تلعب بداله احسن ؟؟ ياجماعة الخير انا هنا اتكلّم من محبّة الاثنين.. الهلال وياسر ولمّا ننتقد ياسر.. كلامنا نابع من محبّة وعشق لهذا النجم اللي طالما صفّقنا له والانتقاد مايعني بالضرورة الانتقاص من قيمة الشخص بالعكس تماما انا ما انتقدت ياسر الا لأني واثق انّه يمتلك اكبر من هالمستوى بكثير |
كـلامـكـ صحيـح...! ياسر القحطـاني حنـا نحبك ونموت فيكـ ياسر ملاحـظ فيه الأستهتار صـراحه تحياتي على كلامك الروعه يالصخرهـ |
هو امس شرح الوضع وعن سبب نزول مستواه.. عندما قال اني اصبت اول الموسم ورجت وانا مكتمل علاجي وتكررت معه لاكن لانه ياسر نتعجب هذا المستوى الضعيف... المباريات القادمه تتطلب جهد اضافي و خرافي وياسر انت قدها... |
ياسر كبير و سيعود كبير...! وتذكروا...ياسر بيسجل يوم الثلاثاء...! |
كلام صحيح والكابتن ياسر اسطورة جديده للكرة السعوديه بعد الكابتن سامي |
أخي الكريم سأرد بالمثال الذي أتيت به نفسه.... إن كان الإبن لايذاكر...سوف أبحث عن السبب...لعله مرهق..لعله مريض..لعله تسلل إلى نفسه الملل..من ضغط المذاكرة لابد مو وجود سبب........؟ عندها سوف أحاول إيجاد الحلول بكل عقلانية...قد يحتاج الى قليل من الراحة...قد يحتاج الى بعض الترفيه والترويح عن النفس...سوف أتعامل معه بشكل نفسي راقي جدا...لكي يستطيع المواصلة والعطاء تحياتي |
يلعب وهومصاب ويضحي لاجلك وانت تنتقد وفي وقت غبي !!!!!! آآآآآه ياياسر صاح الجبل وردد الوادي يا هلال.. صاح الجبل وردد الوادي يا هلال.. صاح الجبل وردد الوادي يا هلال.. |
ياسر إن كان يبغى إنجاز شخصي عليه بـ فرض نفسه المقاتله في كل كورة عودة ياسر الحقيقي لن تأتي إلا في اسيا عوافي يا بطل |
ولله انك صادق بكل كلمه قلتها .. وللاسف جمهورنا عاطفي مره ..~ وكل ماقلنا ياسر تغير قالو توه جاي من اصابه ومدري ايش ومن هالاعذار ..~ ان شاء الله يرجع لنا ياسر الي نعرفه ..~ بالتوفيق للزعيم يوم الثلاثاء ..~ |
والله كلامك عين العقل .... واللي يقول ان ياسر مرهق وعالاصابه اثرت عليه ... عزيز جته اصابه وماشاء الله مافيه احسن منه ونفس المستوا... ياسر لاعب كبير ولاكن الي يحب الهلال لايجامل .... ياسر يلعب من غير حماس لأنه ضامن أنه مافيه أمل يجلس احتياط ..مهماكان .. لأنه عارف ماعندك أحد بالاحتياط ... وأن شاء الله ينتبه لنفسه ويرجع ياسر اللي نعرفه ... |
لايهمونك يابو سعيد ورد عليهم بالملعب انت تلعب مصاب وتضحي والناس تنتقد ولاهمها شي ولاكأن فيه مباراة بعد بكرا ! |
كلام ماله داعي وزي ما قالوا الاخوان اكيد فيه سبب |
انا رديت لكـن الرد الظاهر انه انحذف :cry: لكــن اقولها وبالفم المليان ياسر مستواه متدني وكلام الصخره لا غبار عليه :rose: وبعدين يا خوان ترى النقد مافيه شي ليه بعض الاخوان زعلانين يوم ننتقد لا عبنا المضل :smilie47: تكفى يا بوسعيد تكفىىىىىىىىى ترى ناقوس الخطر دق خلاااااااااااااااااااااااااص |
كلآآآمك في الصميييييييييييم ...:clapping: ياسر مانبي منه يسجل:yes: نبي منه شئ واحد اللي هو : الإجتهاد وبس..! نبيه يقدم كل ماعنده نبيه يسوي خطورة وقت الهدف يسجل وقت التمرير يمرر وبس..! اتمنى انه ايضا يبتعد عن الفلسفة شوي وهذا الشئ هو اللي خرب الفريدي.!! يعني بعض المرات مايمرر يحب يعدي من بين اكثر من مددافع وثم تنقطع منه الكورة لأنه بطيئ.!! فهد :smilie47: وفقت في الموضوع.!!:rose: |
والله ياخوفك تصير الهزوه نزوه ياأخي الصخرة في شهراني طيحني,,, ياسر مو في الفورمه من النهائي مع شباب البلطان ,,,, النجم يشاهد نفسه في المباريات واتنمى من النجم ياسر يراجع نفسه ,,, الاسيويه هي الحلم حتى لو صار الدوري بروفا او تدريب جدي لها ,,,, ابو سعيد راح يكون قد المسؤليه إن شاء الله كل عاده موبدع يا ايها الصخرة,,, بمواضيعك تقبلـــــــــــــــــــ وديـــــــ ومروريـــــــــــــــ |
| الوقت المعتمد في المنتدى بتوقيت جرينتش +3.
الوقت الان » 02:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd