|
يــــاســـر القحطــانــي حيــــــــــاكم اسمحوا لي ان ابدأ من حيث انتهيت في موضوعي السابق وتحديدا في الجزئية الخاصة بياسر القحطاني.. وللاسف الشديد ان العاطفة احيانا ( بل دائما ) تطغى على التفكير كلنا نحب ياسر بل كلنا نعشق ياسر كنجم ( سوبر ) ليس في الهلال فقط.. بل في آسيا وكلنا نتغنّى ونتفاخر وننافح الكواكب بهذا النجم الآسر ولكن دعوني اسوق لكم هذا المشهد البسيط لتتضح الصورة : تخيّل نفسك ( أب ) وابنك لديه اختبارات نهائية وانت في قمة القلق واعصابك في حالة ترثى لها طبعا لأنّه ( ابنك ) وتهمّك مصلحته ويهمّك نجاحه وفي عز التوتر دخلت على ابنك في غرفته فوجدته لايذاكر بجديّة كيف ستكون ردّة فعلك في تلك اللحظة ؟؟ هل سوف تغلق الباب وتخرج بكل هدوء وتقول في نفسك : لازم اتركه الحين براحته.. وبعد الاختبار اذا رسب لكل حادث حديث.. الحين ماهوب وقت الهواش أم انّك سوف تنفجر غاضبا وتلعن سلسفيل ذلك الولد المتهاون في سبيل مصلحته.. ولن تتركه الا اذا رأيته قد امسك كتابه وبدأ يفترس الصفحات الواحدة تلو الاخرى ؟؟ أي الحالتين برأيكم تكمن فيها المشاعر الصادقة والحرص الايجابي ؟؟ بالعاميّة الواضحة بعد التعادل مع الشباب صار الوضع صعب وباقي لنا ثلاث مباريات وانا هنا ما اطلب من ياسر انه يسجل في كل مباراة عشرين هدف أبي منّه هدف واحد بس في كل مباراة وماراح اطالبه بأهداف مثل هدف ( الدومينو ) الشهير اللي ضد الشباب.. اللي سحب فيه اربعه مدري خمسة ولا اطالبه بهدف زي هدفه الاسطوري في القادسية ولا اطالبه بهدف اعجازي زي هدفه في الاهلي العام الماضي لا لا ابد.. انا ما ابي الا ثلاثة اهداف بس في المباريات الثلاث الباقية وبكيفه ان بغى يسجلها بركبته او بكوعه اهم شي ابي اشوف مقاتل في الملعب ابي اشوف صورة جديدة تمسح الصورة الهزيلة اللي شفتها في المباريات الاخيرة.. في الاربع مباريات الاخيرة تحديدا.. احد شاف ياسر يعدّي من مدافع بنجاح ؟؟ ولاحظوا اني ماقلت يسجّل.. قلت ( يعدّي ) مو معقولة ياياسر.. مستواك نازل مره بشكل يخوّف اداء هزيل وعدم جديّة في العطاء.. اقل اللاعبين مستوى بدون مبالغة مباراة الوحدة حسمها مدافع والنهائيه قدام الشباب حسمها مدافع وبينهن مباراة النصر ومع انّك المتخصص في التسجيل اول مره ترحم الشباك الصفراء وبعدها مباراة الشباب في الدوري.. سجلت لنا هدف التعادل بعد ما طلعت ارواحنا وحنّا ننتظر منك هدف الفوز ننتظر منك جهد اكبر ياياسر ننتظر منك عطاء اكثر بعض الاخوان اللي تحكمهم العاطفة يقولون لاتلومه.. هذي خطّة المدرب والمدرب يطلب منه انه يرجع ورى ويسحب معه المدافعين على راسي من فوق لكن ياترى المدرب هو اللي يقول لياسر.. كل مامسكت كوره ودخل عليك مدافع ( طيّح ) نفسك وابحث عن البلنتيات والفاولات ؟؟ وياترى المدرب هو اللي يقول لياسر اذا انفردت بالمرمى ( امزع ) الكوره بسرعة ولاتحاول تعدّي من الحارس وتسجلها هدف بكل سلاسة ؟؟ وبعض الاخوان يجيك مطفّي النور ويقول : وش رايك تلعب بداله احسن ؟؟ ياجماعة الخير انا هنا اتكلّم من محبّة الاثنين.. الهلال وياسر ولمّا ننتقد ياسر.. كلامنا نابع من محبّة وعشق لهذا النجم اللي طالما صفّقنا له والانتقاد مايعني بالضرورة الانتقاص من قيمة الشخص بالعكس تماما انا ما انتقدت ياسر الا لأني واثق انّه يمتلك اكبر من هالمستوى بكثير |
كـلامـكـ صحيـح...! ياسر القحطـاني حنـا نحبك ونموت فيكـ ياسر ملاحـظ فيه الأستهتار صـراحه تحياتي على كلامك الروعه يالصخرهـ |
هو امس شرح الوضع وعن سبب نزول مستواه.. عندما قال اني اصبت اول الموسم ورجت وانا مكتمل علاجي وتكررت معه لاكن لانه ياسر نتعجب هذا المستوى الضعيف... المباريات القادمه تتطلب جهد اضافي و خرافي وياسر انت قدها... |
ياسر كبير و سيعود كبير...! وتذكروا...ياسر بيسجل يوم الثلاثاء...! |
كلام صحيح والكابتن ياسر اسطورة جديده للكرة السعوديه بعد الكابتن سامي |
أخي الكريم سأرد بالمثال الذي أتيت به نفسه.... إن كان الإبن لايذاكر...سوف أبحث عن السبب...لعله مرهق..لعله مريض..لعله تسلل إلى نفسه الملل..من ضغط المذاكرة لابد مو وجود سبب........؟ عندها سوف أحاول إيجاد الحلول بكل عقلانية...قد يحتاج الى قليل من الراحة...قد يحتاج الى بعض الترفيه والترويح عن النفس...سوف أتعامل معه بشكل نفسي راقي جدا...لكي يستطيع المواصلة والعطاء تحياتي |
يلعب وهومصاب ويضحي لاجلك وانت تنتقد وفي وقت غبي !!!!!! آآآآآه ياياسر صاح الجبل وردد الوادي يا هلال.. صاح الجبل وردد الوادي يا هلال.. صاح الجبل وردد الوادي يا هلال.. |
ياسر إن كان يبغى إنجاز شخصي عليه بـ فرض نفسه المقاتله في كل كورة عودة ياسر الحقيقي لن تأتي إلا في اسيا عوافي يا بطل |
ولله انك صادق بكل كلمه قلتها .. وللاسف جمهورنا عاطفي مره ..~ وكل ماقلنا ياسر تغير قالو توه جاي من اصابه ومدري ايش ومن هالاعذار ..~ ان شاء الله يرجع لنا ياسر الي نعرفه ..~ بالتوفيق للزعيم يوم الثلاثاء ..~ |
والله كلامك عين العقل .... واللي يقول ان ياسر مرهق وعالاصابه اثرت عليه ... عزيز جته اصابه وماشاء الله مافيه احسن منه ونفس المستوا... ياسر لاعب كبير ولاكن الي يحب الهلال لايجامل .... ياسر يلعب من غير حماس لأنه ضامن أنه مافيه أمل يجلس احتياط ..مهماكان .. لأنه عارف ماعندك أحد بالاحتياط ... وأن شاء الله ينتبه لنفسه ويرجع ياسر اللي نعرفه ... |
لايهمونك يابو سعيد ورد عليهم بالملعب انت تلعب مصاب وتضحي والناس تنتقد ولاهمها شي ولاكأن فيه مباراة بعد بكرا ! |
كلام ماله داعي وزي ما قالوا الاخوان اكيد فيه سبب |
انا رديت لكـن الرد الظاهر انه انحذف :cry: لكــن اقولها وبالفم المليان ياسر مستواه متدني وكلام الصخره لا غبار عليه :rose: وبعدين يا خوان ترى النقد مافيه شي ليه بعض الاخوان زعلانين يوم ننتقد لا عبنا المضل :smilie47: تكفى يا بوسعيد تكفىىىىىىىىى ترى ناقوس الخطر دق خلاااااااااااااااااااااااااص |
كلآآآمك في الصميييييييييييم ...:clapping: ياسر مانبي منه يسجل:yes: نبي منه شئ واحد اللي هو : الإجتهاد وبس..! نبيه يقدم كل ماعنده نبيه يسوي خطورة وقت الهدف يسجل وقت التمرير يمرر وبس..! اتمنى انه ايضا يبتعد عن الفلسفة شوي وهذا الشئ هو اللي خرب الفريدي.!! يعني بعض المرات مايمرر يحب يعدي من بين اكثر من مددافع وثم تنقطع منه الكورة لأنه بطيئ.!! فهد :smilie47: وفقت في الموضوع.!!:rose: |
والله ياخوفك تصير الهزوه نزوه ياأخي الصخرة في شهراني طيحني,,, ياسر مو في الفورمه من النهائي مع شباب البلطان ,,,, النجم يشاهد نفسه في المباريات واتنمى من النجم ياسر يراجع نفسه ,,, الاسيويه هي الحلم حتى لو صار الدوري بروفا او تدريب جدي لها ,,,, ابو سعيد راح يكون قد المسؤليه إن شاء الله كل عاده موبدع يا ايها الصخرة,,, بمواضيعك تقبلـــــــــــــــــــ وديـــــــ ومروريـــــــــــــــ |
قالها عمر الغامدي وقالها سامي الجابر عمر يقول مستواه مو زي اول وسامي يقول انتظروا سترونه ينفجر ..! وبالتوفيق لزعيمنا .! |
انت صادق بكل شي لاكن لازم يطيح عشان فاولات او بلنتيات مو يسير غبي زي هزازي الاتحاد وشوي شوي عليه ارفق لاتعصب انشاء الله رح يرجع مستواه زي اول |
إقتباس:
طايح فيها ابو سعيد مادري ليه لا كن راح يبيضها في القادم ان شاء الله |
كلام صحيح والكابتن ياسر اسطورة جديده للكرة السعوديه بعد الكابتن سامي |
فللللللللللللللللللللله الرد رقم 20 على رقم القنااااص :) يا شباب.... ضغط المباريات والاصابه ما هي عذر والشواهد كثيرة! ياسر لاعب دولي, وزيه في الهلال خمسة, يعني ضغط المباريات ماهو عليه بالحاله... الاصابه ... اكثر من لاعب اصيب ورجع لمستواه.... علة ياسر الوحيده 7 7 7 7 7 يبغى يسوي من كل هجمه او هدف SHOW يعني ما ادري يا ابو سعيد وش تبغى تثبت لنا؟؟!! مهاري؟؟ عارفين فنان؟؟ دارين كنترول؟؟ ابصم لك بس ان شاء الله لا جاء وقت الجد القناص راح يبرد الكبد تقبل مروري بالتوفيق للزعيم |
كلام سليم ياسر مو ياسر اللي نعرفه بس اللي اعرف ان ياسر ما يذخر جهد او يبخل على الهلال بأي شي لذا اقول انها ظغوط المباريات والارهاق البدني والذهني |
شكراً لك أخي العزيز الصخرة.. كلامك يتضح أنه نابع من قلب محب.. ياسر بإذن الله سيكون على الموعد.. و سيحضر في الوقت المناسب لياسر.. و الوقت الذي يستدعي حضور ياسر.. لكن اسمح لي.. هناك بعض الكلمات.. إن استبدلتها بكلمات أدق تعبيراً فهو أفضل.. إقتباس:
|
صورة مع التحيه الى الكابتن ياسر القحطاني للأحاطه والأطلاع والله يوفقه ويعود مثل ماكان وافضل والله الموفق |
شكـل الحـلاقـة مـافـيـها خــيــر |
بالعكس تماما انا ما انتقدت ياسر الا لأني واثق انّه يمتلك اكبر من هالمستوى بكثير |
ياحبي لهذا اللاعب ولكن اتمنى منه ان يبتعد عن (الطيح) يعني ياياسركل كورة مولازم تطيح وتبغى بلنتي !!!! مانبغى تصير مثل مهاجم الجار الشقيق (طيحني) ----الله لايبلانا---- شاكر ومقدر لك اخوي على طرحك للموضوع |
إقتباس:
الف شكر |
كلامك صحيح في كرات تجي لياسر أنا متأكد أن يقدر يجيبها بسهوله بس يتفلسف أو أحيانا يبي يجيب هدف مو أي هدف على أنه بالنسبة لي أي هدف من ياسر حلو يعني على سبيل لازم يجيب على وليد في النهائي هدف من اللي أنتوا خابرين |
يااااااااااااااسر الله الله في المبارة القادمه ..~~ اذا كنـــت منفرد امزززع ابوهــــا ..~~ وبالتوفيـــق لزعيــــمنـــا العالميــ..~~ |
كلام سليم وجد في لحضة جد وفعلا ياسر نازل مستواه ومشكور على الموضوع يعني لازم احد يشحذ بعض الناس عشان يكتب موضوع دمت بودs13s:rose: |
ياسر لاعب كبير لكن يعاب على ياسر انه يسحب واجد مايخلص لك الكوره ( لازم يجيب هدف تسحيب ولا مايجيب ) بوجود عيسى المحياني سوف تكون هناك منافسه شريفه تحيــــــــــــــــــــــــــــــــــــــــــــــاتي |
كـلام واقعـي ونـابع عـن حبـك ليـاسر والهـلال ..،// صـراااحــه يـاسر مستـواهـ يخـوف مـررررهـ ../ عـدم الـجديه والحمـاس ../ أحسـه يعـتبـر نفــسه تكمـلة عـدد لا أقل ولا أكـثر ..// بس إن شاء الله يـاسر يــراااجـع حســااااباتـه ..// خـاصة باخر المــوسم محتــاجين أهـدافه ..// لحسـم المبـارياااات ..// الـصخـرهـ دمــت بحــب كــيااااان الــزعيـم ...// |
انشالله ابو سعدي راح يرجع مثل اول واحسن |
ننتظر من ياسر افضل من هالمستويات وبإذن الله يقدم لنا الآسيوية بقنصآته |
علي الملازيم انك صادق في كلمه قلتها وياسر الان سليم ومافيه شي نهائيا وهو قاله بنفسه ولياقته توب التوب بس اللي فيه هو الخوف من الاصابه عشان كذا تشوفونه مايعدي كثير ولا يشارك في الكرات الصعبه |
شآكرلـك يالصخــــرره موضوع شجآع..خصوصآ بتتحمممـل ( الرد اللا مسؤل.) من جمآهير ياسـر.. ويستاهل ياسـر.. اتفق معـاك .. وياسر لاعب واعي واكيـد عآرف بـ هالشيء.. وان شاء الله عن قريب يرجـع القنآصّ... كمآعهدنآه. لك ارق التحآيآ |
ياسر يلعب مباراه الشباب وكأنه ضامن يجيب قوول وهو كان يقدر ينهيها من اول |
بصراحه انا ما راح اضيف لكلام الشباب شي لان ياسر ملاحظ غييييييييير عن اول مع كل احترامي الشديد لياسر الكاسر <<<< فديته + الله يخليه للهلال مشكورين لطرح هذا الموضوع وياليت ياسر يقراة ويشتط بالمباراة الجايه تراها ايران مو اي كلام على قول البنات ياسر من تزوج خق |
* * * * * كلآمكـ سليم و يآ عيني على المشجعين اللي مثلكـ , , http://www.r-mbd3.com/vb/images/smil...lies2/e014.gif :smilie47: بإذن الله يآسر رآح يرد علينآ في الملعب يوم الثلآثاء و يجيب أكثر من هدف , , http://www.r-mbd3.com/vb/images/smil...eper_20060.gif و بإذن الله كل المباريآت الجآية نشوف ياسر القحطآني اللي نعرفه , , http://www.r-mbd3.com/vb/images/smil.../coolgleam.gif مشكور يالصخرة دآئما مميز ما شاء الله عليكـ , , http://www.r-mbd3.com/vb/images/smil...2005092721.gif تحيآتي ... :rose:| ~ Qnas Sudeer 20 * * * * * |
لله يحييك أهنيك على جرأتك وبادرتك في فتح هالموضوع في الفتره الأخيره الكل انشغل في سالفة كوزمين لدرجة انا بعدنا عن امور أهم منها المشكله اللي طرحتهــا مو انت اللي لاحظت هالشي حتى امس عمر الغامدي تكلم في كل االرياضه حنا نعتب على ياسر وعتب المحب مانبي مهارات زايده في منطقه الجزاء اللعب للأضمن نريد هدف في كل مبااراة كم تسعدنـــا عندما تسجل هدف في مرمى الخصوم فهل ترضى ان تختفي هذه السعـاده ؟! كل الشكر لك الصخره تحياتي لك |
والله كلام مليان وعين العقل وياسلام عليك يالصخره فعلا ياسر يحتاج مثل هاذي النصائح الى الامام يابطل تحياتي |
الرد بالملعب ياكابتن؟؟؟؟؟؟؟؟؟؟؟؟؟؟؟؟؟؟؟ |
كلامكـ صحيح .............. ............. |
لايهمونك يابو سعيد ورد عليهم بالملعب |
بعض الأعضاء عندهم عاطفه كلنا نحتاج للنقد .. ياسر مستواه منخفض , وإن شاء الله مع المحياني كلام ثاني لهجوم الهلال .. |
كلام سليم100% وياسر الله يهديه يستعجل كثير في شوت الكوره لازم يشوف الوضع قبل ويركز |
نتمنى من ياسر الرجوع إلى مستواة والجدية في الهجوم |
ولله انك صادق بكل كلمه قلتها .. وللاسف جمهورنا عاطفي مره |
| الوقت المعتمد في المنتدى بتوقيت جرينتش +3.
الوقت الان » 09:55 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd