08/03/2009, 04:37 PM
|
| زعيــم جديــد | | تاريخ التسجيل: 12/09/2007 المكان: Somewhere ..
مشاركات: 39
| |
|
تكفووووووووووون .. تكفووووووووووووووووون .. وينكم :(
السسلام عليكم مالكم بالطويله مهوب من عادتي اكتب مواضيع بس استغربت الوضع اللي عليه الجماهيرر هاليومين الهلال بكرره عنده مباراه هامه جدا ً وفي بطوله هي هدفنا الرئيسي لا بطولة ولي عهد ولا دوري والجمهور قل تفاعله وقل حضوره ولا صار يهتم وحتى بالردود والمواضيع خف عن اول سلامات .!! يعني وقفت على مدرب والا عشان الفريق تعادل والا وش السالفه ودي اعرف انا ؟ الدعوه هياط يعني عشانهم قالوا اقل جمهور لا نبي نعاندهم ونجي عشانهم طردوا المدرب لا نبي نعاندهم ونوريهم ان حنا قويين ولا فكرتوا بالفريق انه بحاجتكم خصوصا ً بهالوقت بالذات محتاجين دعم نفسي ومحتاجين وقفه صادقه وقفة محب وقفة عاشق وقفة اوادم يحبون الفريق ويبونه يفوز ويهمهم .. الفريق مقبل على مباراه هامه وانا ما اشوف الا الصرامي قال والدويش قال والنصراويين يقولون والا البلطان سوا وفعل والرومانيين كتبوا كذا وكذا .. ما فيه مواضيع حماسيه للجمهور ولا فيه مواضيع هادفه ومواضيع تفيد .. يا شباب حتى لو قلت وهاوشت صدقوني والله لاهو هياط ولا شي بس ودي والله العظيم ان حنا ندعم فريقنا اللي هو بحاجتنا ونشوف الجمهور متحمس .. ما فيه الا كم موضوع ولا هيب واجد اللي عن المباراه .. نبي نشششوف الملعب (مصطك) نبي ندعم الفريق نبي نحسس فريقنا ان وراه رجال وراه ناس يدعمونه ويحبونهم بكل حال وبكل وضع بهزيمه والا بفوز ندعم .. نبي نرعب الفريق الخصم نبي نعلمهم قوة فريقنا وقوة جمهورنا يا كثر ما نسسمع ان الهلال قوي خصوصا ً على ارضه .. واذا صارت المباراه في الاستاد بس اقسسم بالله ان احساسي يقول وبتشوفون ان الله احياكم ان الجمهور اللي بيحضر ما يتعدا عشرره الالف يعني تبي تقنعني ان المقهى فله .؟ يا شيخ طيرر لا رحت المقهى تطمر من المغرب تدور جلسسه وان كانك مشبك هندي .. كليتها في لحيتك مهوب دايم تزين لك يمكن يحجر له السوري والا المصري وتروح عليك  ثم يالله رح دور لك جلسسه .. دايم تجي بعصات المزاج ذي اطمر مثل الذيب واشتر لك علم .. وارسل لي رساله اقسم بالله ان ارسل لك العشره ريال حقته ان كانها قالتن عليك وشجع .. منها رياضه تحرك يدينك اللي ما تحرك الا جيت تعشق موترك والا لا جيت تفرك راسك وانت تروش تكفووون يا صناديد الزعيم تكفوون يا جماهيرر الزعيم نبي نهزز الملعب < اقسسم بالله ينخاكم من قلب ويتكلم من قلب والله ما تاخذ من وقتك المباراه الا ساعات بسيطه ووش متعتها عاد وانت طالع ومع اخوياك وفايز .. فايز على الظروف الفنيه والظروف النفسيه للاعبين وظروف المباريات الاولى في البطوله الاسيويه وفايز في البطوله الاسيويه وناجح في اول خطوه للوصول للكاس .. وش احلى منها لامن الهلال اخذ الكاس السابع الاسيوي وعزز زعامته الاسيويه وسكرر فم كم خنفس من خنافس ربيعنا هنا والظلم اللي جاي وفايز بعد الظروف القاسيه ولعب في كاس العالم .. شف كيف الشهره والقوه وكيف انت ترررفع راسك زود ماهو مرفوع الحين وتقول زعيم غصب بتحكيم بظلم بمدرب بدون مدرب نفووز برى وداخل يا جمهوووور الهلال بحاجتنا خلونا نصيح بصوت واحد ونقول هلاااااااااااااااااااااااااال يا حلوها من ذكريات ايام جابيلو وايام شيمزو كيف كانت المباريات هذيك والبطولات الاسيويه والظروف اللي صارت وكيف فزنا خلونا سوا نعيدها نعيد الاحتفالات ونعيد الافراح صدقوني لو نفوز على سابا باتري الايراني وبعده على الاوزبكي .. شوفوا كيف الروح المعنويه للاعبين وكيف الدوري نجيه بقوووووه وبقهررر وبعزيمه ومدفوعين بفوزين في الاسيويه يعني مرتاحين نفسيا ً نبي بطولات بسسسس وخلهم يحفروون لإنفسهم ويطيحون فيها وحنا الله يرزقنا على نياتنا الوعد الملعب ادعمووووا يا شباب نبي دعم نبي رجال نبي اوادم ينسند عليها ويعتمد عليها نبي زحول رجال ما يكوده دعم الهلال لانه يحبه صادق يا كم فرحنا ويا كم افتخرنا به نبي حملات يا شباب نبي دعم والله اني تعبت وانا اكتب ولا اعرف اكتب بس من حرقه ومن احساسي ان الجمهور مهوب جاي واللي بيجي قليل واللي يبي يجي حتى بيجلس تقول جالس يتفرج في فلم .. شاري له فصفص وظهر اللي قدامه تقول خريطه ويسولف مع اللي جنبه ولا صاح الجمهور طمر يشوف جاء هدف والا رجع .. دعم دعم < راح صوته عآد تخيلوو ايرآني ويفوز عليك ما افتكيت منهم في المنتخب يجيك في الهلال يدق خشمك يا شينها .. ولا رحت لهم في ديرتهم تلقى جمهورهم مالي الملعب واللي بعد يعرف يحمسس احس مني يكتب له موضوع ترى ببلاشش .. يمكن يبعث اللي مدري وشو هذاك شمسه اللي يخليهم يشجعون يالله .. ان بغيت تسجل حضور مدري وش المهم سو اللي تبي وان بغيت ترد وان بغيت تكتب موضوع المهم ادعم وبسس دعواتكم للزعيم  ارفع الموضوع لا هنت غدي يجي احد مصفوق يهديه الله ويروح الملعب برب |
الوضع الشجري
