إقتباس الرسالة الأصلية كتبت بواسطة الهنوووف اتركوني على هذا الرجال حرام عليك اذا انا ماعاد تشوفني انت وش نقول عنك بس فترة الاختبارات الي انقطعت والا تواجدي مستمر بالمواضيع يمكن ضعت مع زحمة الناس دورني وتلاقيني بكل مووضووع بسم الله علي وطرح المواضيع من زمان بخيلة فية محد ياخذني من المجلس الهنوووف هي هي بس شكل الدراسة بتاخذني هاليومين وقبل تعاتبوني انتم وينكم بعد حتى عطائي اكيد بيتاثر بغيابكم شوي مو كثير

ههههههههههههههههههههههههههههههههههههههههههههههههههههههههههههههه

هذي هي الهنوووف
انا متواجد يومياً .. بس وش اسوي طفش في طفش

انا بـ اتكلم عن نقطة تكلموا عنها الاعضاء .. اللي هي المواضيع المنقوله ..

صك العضو اللي ينقل المواضيع للمجلس وحذف الموضوع .. ملينا من هـ العينه اللي همها زيادة المشاركات .. لو يتغير قسم صيد الانترنت ويكون " قسم المواضيع المنقوله المفيدهـ او الهامه " احسن من ان يكون عام كذا .

طارق

يمكن اني رميت الكلمه وقرقعت في قلوبكم .. اللي اقصدهـ ان ( س ) كتب موضوع ورد عليه ( ص ) .. و ( س ) ما رد ع الردود اللي في موضوعه .. بعد فتره (س ) نزل موضوع .. ( ص ) موب راد عليه لانه ما رد على رده في الموضوع السابق .

انا عندي شلليه بـ السالب .. اذا شفت خويي منزل موضوع ما ارد عليه موب ع انه عاجبني او موب عاجبني .. بس احس اني اجامله فيه .

فيصل انا ارسلت لك دعوة مسن ويمكن ما وصلتك من حدود شهر .. وايميلك موجود عندي في المسن .. انا لي عنك حدود الـ 3 شهور .. تذكر يوم تروح للوكالة تجيب سيارة جدك الظهر .. هذي اخر محادثه بيني وبينك

الكلاسيكي
اخذتوهم مننا الله لا يحطني مكانهم .. شدعوهـ ما فيه اجازة ولا خميس وجمعه . كلش دوام في داوم

خلاصة الكلام /

فيه خلال واضح بين الاعضاء .. وكثرة الاعضاء الجدد اللي همهم عدد المشاركات ..

بـ صراحه .. لو كنت مكان الاشراف .. لـ وقفت مرفوع الايدي ..

أهلين وسهلين أبوحاتم
وولكم باك باسكن روبنز وجميع من عاد بعد غيبة وما شفت رده
ما يمديني أقرا الردود الحين .. لكن أبكتب رأيي وان شاء الله ما يكون تكرر ..!

بصراحة شوي؟ .. هالمرة حسيت أن الأعضاء لهم أهمية كبيرة بالمجلس .. تدري ليه؟ لأنها أول مرة أشوف تصريح بأهمية الأعضاء في إعادة إحياء المجلس بعد المقولة السابقة " المجلس ما ياقف على أحد " ..!

صحيح المجلس ما ياقف ولا راح ياقف على أحد .. وصحيح أن لكل زمن دولة ورجال .. وأعضاء يروحون وأعضاء يجون وهذي سنة المنتديات ..!
لكن ليش المكابرة والتفريط؟
الهلال مثلاً .. ما راح ياقف على ياسر أو الدعيع أو غيرهم .. لكن الزعيم مستحيل يفرط فيهم لأنهم مهمين .. وهذا بالضبط المفروض ينطبق على المجلس ..
ما أقول اننا نترجاهم لا يطلعون من مجلسهم .. لكن على الأقل نحسسهم بأهميتهم للمجلس ..!

أيضاً فيه نقطة مهمة في رأيي .. ألا وهي الشتشتة ..!
فيه شتشتة مهضومة وفيه شتشتة يستحق أصحابها العقوبة ,
لو كان فيه تساهل في الشتشتة الخفيفة والمهضومة بيكون هذا في صالح المجلس ..
الحين الواحد لما يكتب رد في موضوع , خلاص يطلع ولا يرجع يشوف اذا أحد رد عليه والا لا .. وحتى لو رجع وشاف رد على رده معاد يقدر يرد خايف من الإنذار ..

يعني لو كان فيه شوية تساهل في كم رد .. بتكثر الردود وبيتحمسون الأعضاء في التعليق على الردود وبيكون فيه تفاعل ..!
وإذا كان فيه تجاوز للحد , يمديكم تحذفون الردود الزايدة ..!

هذا اللي ببالي الحين وآسف على الإطالة

إقتباس الرسالة الأصلية كتبت بواسطة الـمـشـاغـب بصراحة شوي؟ .. هالمرة حسيت أن الأعضاء لهم أهمية كبيرة بالمجلس .. تدري ليه؟ لأنها أول مرة أشوف تصريح بأهمية الأعضاء في إعادة إحياء المجلس بعد المقولة السابقة " المجلس ما ياقف على أحد " ..! صحيح المجلس ما ياقف ولا راح ياقف على أحد .. وصحيح أن لكل زمن دولة ورجال .. وأعضاء يروحون وأعضاء يجون وهذي سنة المنتديات ..! لكن ليش المكابرة والتفريط؟ الهلال مثلاً .. ما راح ياقف على ياسر أو الدعيع أو غيرهم .. لكن الزعيم مستحيل يفرط فيهم لأنهم مهمين .. وهذا بالضبط المفروض ينطبق على المجلس .. ما أقول اننا نترجاهم لا يطلعون من مجلسهم .. لكن على الأقل نحسسهم بأهميتهم للمجلس ..!

أتفق كثيرا معك في هالجزئية

إقتصار المجلس على فئة معينة ومحاربة الفئة الأخرى ومصادرت آرائها ليست حلاً

الأسماء العملاقة رحلت لأنها للأسف لم تجد من يحترمها ويحترم السنين اللي أمضتها في المجلس

ولم تجد من أفرادة الا العقوق والجحود فلديها أمور أكثر أهمية من كتابتها في مكان يساء بهم الظن فقط لأنهم مبدعين


التنوع في المواضيع جميل وهو سر مجلسنا فمتى ما سيطر فكر واحد على المجلس فقد رونقة وسحرة

يعطيك كل العافية أخوي سلطان وأول مرة نتفق في وجهة نظرنا مية بالمية أتفق معك في كل حروفك

نختلف قريباً أخوي سلطان

بالحب والإشراق