بسم الله الرحمن الرحيم ..

اولا تعرفون ان الجمهور هو حلاوة الكرة ...
ومايحتاج اني ادخل في متاهات كثيرة ...

لكن موضوعي هو الارتقاء بمستوى جمهور الهلال للعااااااالي ...
ودي برأيكم افضل شي للجمهور الهلالي وشو ؟؟

انا اقول اننا لو نساير الجماهير العالميه بان جميع الملعب يكتسون باللون الازرق في يوم المباراة راح تكون حلوة جدا خصوصا مع هتافات ترج الملعب ...

واظنكم لاحضتوا الملعب في مباراة الذهاب كيف كانت الاهازيج تنطلق من الاذاعه الداخليه للملعب ... طيب حنا ليش مانسوي زيهم مثلا ... بدل ماتباع الاعلام الزرقاء يباع معها فنايل زرقاء بسعر رمزي ... وكذلك لاحظت حاجه انه في اي مباراة مهمه للهلال او المنتخب يكون في الملعب اكثر من رابطة تشجيع متفرقين في الدرجة الاولى والدرجه الثانية في جميع اطراف الملعب الشرقيه والغربية والشماليه والجنوبيه
اتمنى فعلا انه يبدأ عندنا التفكير لتطوير الجمهور لكي تتطور الكرة .. واكبر مثال عندنا في السعودية اول ماتبدأ المباراة تشوف الجمهور على رأسه الطير حتى يجيء الهدف وبعد مايجي الهدف ( يزاعقون شوي ثم يسكتون )

ليش ماتكون الهتافات موحدة علشان الجميع يشعر بانها مباراة حماسيه وكذلك اهم شي هو شعور اللاعب بهذا الشعور ..

على العموم اتمنى تصويتكم على بيع الفنائل الزرقاء مع الاعلام ( او كبدايه توزع مجانيه حتى تتسع الفكرة ) ويتقبلها المشجع السعودي لأن روسنا يابسه بصراحه واقصد جميع السعوديين مانقتنع الا بعد زماااااااااااااااااااااان

وشاكر للجميع تصويتهم ..

انا معاك

كل الهلالين معاك

وانشاء الله ياخذو بفكرتك

ويطبقوها في مبارة الاياب

وفكره ممتازه وأتمنى لها النجاح

صح لسانك

ياخوي وشلون تفكر الله يهديك بس

إقتباس المشاركة الأصلية كتبت بواسطة زرقاء هلالية كل الهلالين معاك وانشاء الله ياخذو بفكرتك ويطبقوها في مبارة الاياب

والله الفكره حلوه

بس تطبيقها صعب

والله الفكره ممتازه.......

بس انت تقول يبيعون الفنايل الزرقا عند الملعب...يعني الجمهور يجون بسراويل سنه

وفنايل علاقي.... بعدين يشترون الفنايل ويلبسونها عند مدخل الملعب

اكثر الجمهور يجون بثياب يعني يلبسون الفنيله فوق الثوب؟؟؟؟



على العموم مشكور على الفكره وانا ادعو الجمهور العلالي من هلحين يروحون يم الاسواق يشرون فنايل الهلال عشان المباراه..............

قال عند الملعب قال الله يرجك

ولاتزعل ياالغالي...........

انا معاك أخوي

وهذا هو مربط الفرس ...
الجمهور ...الجمهور ...ثم الجمهور ...

فكره حلوه

والله شي حلووووو مررره بس من يسمع

فكره رائعة اخوي
وانا من زمان قبل كل مباراة للزعيم اطالب بنفس اللي تطالب فيه ولكن
ما الاقي اي استجابة
اصلا جماهيرنا ما تحضر الملعب الا في السنة مرتين ثلاث بس
يا اخوان ليه ما نتعلم من جمهور الاتحاد حبها لفريقها وتشجيعه لها في كل مباراة لهم
جماهير الاتحاد مو احسن مننا في شي احنا الاكثر واولى منهم

عاشق الكيان الازرق