إقتباس الرسالة الأصلية كتبت بواسطة حصوصه fff موضوع جميل .. بعد القرآءه ..توقعت اشوف اغلب الردود تكون عدم رآآضيه عن الرواتب مهما كانت الانسان مهما كان عنده دايماآآ يطمح للافضل .. بس لما شفت الردود اغلبها توافق رأيي .. الانسان يقدر يكيف نفسه ع قد الرآآتب اللي يتحصل عليه من وظيفته .. سواء كان راتب كبير او صغير .. بس الاكيد ان الحيآآآه صارت غاليه .. والله يعين اللي رواتبهم ضعيفه

هلا وغلا حصوصة
انا اوافقك الراي اذا كانت الرواتب تعيشك حياه عادية بدون اسراف ..
بس اذا راتبك ما يجي قيمة وجبة هذا صعب انك تتاقلم معة مهما تسوي ..
انا اعتراضي بالموضوع على الحد الادنى للرواتب ..
يعني رواتب هالايام ما تامن لاي شاب بيت وسيارة ومصاريف زواج ..
اذا ماكان معه شخص يساعدة ولا بيروح بديون مالها اول ولا تالي ..
وبعدين انتي قلتي ان الحياة صارت اصعب من اول ..
يعطيك الف عافية على ردك وتفاعلك بالموضوع ,,

اشكر صاحب الموضوع ( فهودي ) سميي
ولي عودة بمشيئة الله واضافة تعقيبي على الموضوع ..

وعليكم السلام ورحمة الله وبركاتهـ,

موضوع نعاني منه .,,

أمس كنا في إجتماع مع المدير وتطرقنا للنقطه هذي
فذكر جملة رائعه
أن البركه أهم شيء
وقارن بين شخص راتبه 10.000 ريال وما يكفيه حتى نصف الشهر
وآخر راتبه 3.000 ريال ولكنه مبوسط .

طبعاً المقصود أن أهم شيء البــركه
وبعدها تأتي أسباب آخرى مثل سوء التصرف في الراتب .
وإنفاقه على أشياء تافهه .,,

عذراً إن خرجت عن الموضوع ,’

الله يبارك لنا ولجميع المسلمين في أموالنا وأعمارنا وأولادنا وأهلينا .


تقديري

س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟
يااااااا انه

س / كم الراتب اللي كنت تحلم فيه ايام الدراسة ؟؟ الاحلام بلاش ..
17000 >>عسى ماتكلفت


س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
اللحين كل شي غالي وش بتزين ؟؟؟ يعني لو راتبي 17000 مايمديني اكون نفسي بدون ديون

س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل ..
بعد اذن معالي وزير العمل ههههه
3500 للثانوي
8000 للجامعي

اخواننا المصريين يقولون " اللي ما معوش ما يلزموش "

جملة دايما أكررها ولو كلنا نفكر فيها ونمشي عليها كان الكل ارتاح وعاش أحلى عيشة

واحد راتبه 2500 -3000 , ويبي يتعشى بأرقى المطاعم وما يلبس إلا ماركة
و تجي لواحد راتبه 6000 أو 7000 والا يبي يقسط له لكزس ويسافر في كل اجازة
واحد راتبه 10 أو 11 ألف ويبي يسكن بايجار سنوي بحدود 40 ألف

يعني المسألة صارت مو في الراتب لكن كيف نصرف الراتب

ياحبيبي ارضى بالقليل يجيك الكثير
انا درست وتخرجت من الكليه تخصص رياضيات والحين صاكها نوم في البيت مافي وظايف
يعني لو ربي هداني و توظفت اول ماتخرجت من الثانوي كان الحين متزوج و معي سياره و راتبي مع العلاوات مايقل عن 5000
وبعدين في الاول والاخير هذي ارزاق مايوزعها الا الرزاق سبحانه
شيل من راسك فكرة مصاريف مابعد الزواج
لأن الزواج بحد ذاته من اسباب الرزق
وبعدين 3000 حاليا تكفي اذا كان الشخص يجيد تدبير حياته و ادارتها بما يتوافق مع امكانياته
اما شخص مشلحط راتبه 3000 و يبغى يعيش عيشة 20000 هذا غبي >> بدون اعتذار
كان الرسول صلى الله عليه وسلم يقول : ( اللهم قنعني بما رزقتني وبارك لي فيه )
جزاك الله خير

إقتباس الرسالة الأصلية كتبت بواسطة وليد القحطاني ياهلا فهد والله اني مستحي منك .. والمفروض ارد عليك من اول مانزلت الموضوع بس نلاقيها من الهلال ولا من مريضنا الله يقومه بالسلامة الواحد اذا ماعنده اكثر من دخل راح يتعب في حياته ,, أنا اتكلم هنا عن المتزوجين طبعاً .. وإذا الواحد يعرف وين يودي فلوسه ويعرف وين يودي الريال ,, راح يرتاح جداً .. الف شكر فهد على موضوعك المهم فمان الله

هلا وغلا وليد
معذور حبيب قلبي
واسال الله العظيم انه يقوم مريضكم بالسلامة وكل مرضى المسلمين عاجلا غير اجل ,,
اكييد تنويع الدخل شئ ضروري حتى يقدر الشخص يعتمد على نفسه ,,
قضية انك تسال ورى كل ريال طالع وداخل رح تتعب نفسيا وبدنيا ..
بس لا اسراف ولا تقتير ..
يعطيك الف عافية وليد على ردك وتفاعلك بالموضوع ,,

إقتباس الرسالة الأصلية كتبت بواسطة الزعيم صعب المنال اشكر صاحب الموضوع ( فهودي ) سميي ولي عودة بمشيئة الله واضافة تعقيبي على الموضوع ..

هلا وغلا بالسمي
انتظر ردك وتعقيبك على الموضوع ..
مع اني اتوقع رجعتك تكون بعد ما يقفلون الموضوع ..
بس مو مشكلة ارسل لي ردك برايفت ..
يعطيك لف عافية على ردك ,,

إقتباس الرسالة الأصلية كتبت بواسطة abo_nasser هلا وغلا فهد.. جبتها عالجرح وكنك ما دريت.. دايم اسئل..بعد هالدراسه والمرمطه..كم بيكون راتبي..؟؟ الحين مع الازمه الاقتصاديه حال الرواتب في الحظيظ.. الشركات صارت تشوت الموظفين وتوظف ناس جدد برواتب قليله جداً المواطن السعودي بشكل عام راح فيها ازمة سوق الاسهم بعدها الازمه الاقتصاديه طفرت بام الشعب واحد من اخوياي ابوه مستشار بالهيئه الملكيه راتبه الاساسي 23500 ابوه راح يطلع لخويي سياره اقساط.. سئلت خويي..سلامات يا بو الشباب وش اقساطه..؟؟ قال..والله سوق الاسهم شفط ابوي.. وكل ما زاد راتب الشخص زادت مصاريفه..وهذي ضريبة الكرسي اللي جالس عليه.. ما ادري انا جاوبت ع الاسئله او لا من خلال كلامي الاول.. ابجاوب ع كل حال جـ1/مستحيل جـ2/والله ما اذكر بالضبط..الله اعلم حدود الـ 15000<---قنوع جـ3/اتوقع مو اقل من 20000.. جـ4/الثانويه..5000 الجامعات كل واحد وتخصصه..بس مو اقل 7000 سلااااااااااااااااااااااااااااااام

هلا وغلا ابو ناصر
تصدق هالسوال ما عمره خطر على بالي ايام الدراسة مع اني ما كنت دافور ,,
اغلب الديون اللي يعاني منها الموظفين بسبب ازمة الاسهم ..
والازمة الاقتصادية زادت الطين بلة .. وعطت الشركات فرصة انها تسرح موظفيها وتنقص رواتب الباقي ,,
ما ننكر ان الشخص اللي راتبه كبير انه يصرف كثير وهذي مشكلة ثانية ..
اعرف شخص راتبه فوق 25000 وعليه ديون مبالغ خيالية .. وهذا ضريبة الكرسي ,,
لكن لو فكر بيلاقي اشياء كثير ماتستاهل يدفع فيها ..
يعطيك الف عافية على ردك وتفاعلك بالموضوع ,,

إقتباس الرسالة الأصلية كتبت بواسطة هلالي من ارض اليمن تحية طيبة اخوي فهد استمتعت بموضوعك وكذلك مشاركات الأخوان والأخوات هنالك من حملوا اعلى الشهادات وادق التخصصات وقبعوا في منازلهم !! وهنالك من بالكاد تجاوزوا المرحلة الابتدائية واستطاعوا ان ينعموا على انفسهم واهلهم والكثيرين من حولهم ،،، طبعا الحديث اعلاه ليس قاعدة كما انه وارد جدا ولكن اجمالا يجب على الانسان ان يأخذ بالاسباب ويسعى نحو الأفضل مع الرضى في النفس ان التوفيق والرزق بيد المولى الكريم ،،، شكرا لك يا فهد وندعوا لك وجميع الأحبة والمسلمين ونحن معكم ان يكرمنا الله من فضله الله يعطيك العافيه

هلا وغلا استاذ طارق
كل شخص رزقه مكتوب قبل ميلاده ..
وبلا شك ان السعي له مطلوب وهي من اسبابه ,,
امييييييييييين وجميع المسلمين ..
موضوعي تشرف بردك ..
يعطيك الف عافية على ردك وتفاعلك ,,

هلا بك اخوي فهد ..


للأسف هذي المرة المليون الي ادخل فيها بنية أرد عليك , ولكن للأسف كل مرة ما أكمل الرد هالمرة قلت مااااالي شغل حتى لو كان موضوع فهد فيه لعنة أبرد

لكن أعذرني على التأخر ..



**


طرح مهم , خصوصاً في هالوقت سالفة الرواتب تقض المضاجع , الواحد ما عاد يستفيد من الراتب .. والأمور كل مالها تسوء !
ما أعرف أحط المسئولية على أحد معين في هالموضوع , لكن بإعتقادي أن غلاء الأسعار يلعب الدور الأكـبر ! يعني قبل عشر سنوات لو راتبك 3000 تسوي لك شيء , بس اللحين لا !



**


نجي للأسئلة .. ( أحب أجاوب )


س / هل الرواتب هذي بتكفل للشخص انه يتزوج ويؤمن له بيت وسيارة بدون ديون .. !!؟؟

بالطبع لا !


س / كم الراتب اللي كنت تحلم فيه ايام الدراسة ؟؟ الاحلام بلاش ..

والله تقدر تقول 30,000 وفوق هذي بعد مارح تكفي احتياجاتي , لكن اكيد قبل الترقيات وبدون المكافاءات من العمل .


س / كم الراتب اللي تشوف انه رح يخليك تعتمد على نفسك وما تحتاج مساعدة من احد ؟؟
يوووووووه يمكن 70,000 !
لكن اذا بتجميع و إهتمام بالفلوس فـ أتوقع ممكن 10,000 ريال وفوق ..


س / كم الراتب اللي تقترحة لخريجي الثانوي وخريجي الجامعات ؟؟ السؤال هذا مشاركة من وزير العمل ..

ما أعرف صراحة لأنه لازم يختلف من تخصص لآخـر سواء في المدرسة أو الجامعة .





مشكور اخوي فهد ..

يعطـــــــيكـ العـــــــافيـــــــــــــــه


ودي



صــــدى الــزعيـــــــــم