بسم الله الرحمن الرحيم


بعد التحية ...

اول شي هاردلك على الهزيمة بس ان شاء الله الوعد الرياض


---------------------------------

بعد المباراة دخلت للمنتدى وللاسف ان اغلب الشباب حاطين حيلهم بالتمياط وحسن العتيبي يا اخوان واللله الشباب ما قصروا ( انا كنت متوقعها ثلاثة او اكثر )

فريق بدون رئيس
بدون رواتب
بدون اعداد جيد وبدون مدرب الى ما قبل المباراة باسبوع تقريبا
بدون 5 من اهم لاعبيه الاساسيين

بصراحة الفريق قدم اللي عليه في ظل الظروف السابق ذكرها

--------------------------

نواف التمياط ( انت لحالك مشكلة خل نخليك بعدين )

---------------------------

حسن العتيبي والله ما قصر رغم الهدف اللي ما دري وشلون دخل




-------------------------

اجمالا الفريق الهلالي كان مستواه مقنع وسط الظروف التي يمر بها بس الوعد استاد الملك فهد ان شاء الله ولن يتم الفوز الا بشي واحد فقط

تبي تعرفه انزل...
























,,













نبي الملعب مليااااان ما نبي 80 الف نبي 50 او 60 الف يكفى
واعتقد ان جماهير الهلال معروفة في وقت الحسم



-----------------

نرجع لموضوع نواف التمياط اللي اشغلكم كثير حتى اني قريت موضوع هنا يقول ليش كاتب على الفنيلة نواف وما كتب التمياط

نواف اليوم لم يكن هو نواف اللي نعرفه بس ما اعتقد انه كان سيئ لهذي الدرجة

( اناني - مغرور - متعالي على الكرة - ما يبغى الهلال - الخ )
كل هذي صفات نواف التمياط
للاسف الشديد هذا حال ( بعض) جماهير الهلال وليس جماهير المملكة

تذكروا نواف اللي يا كثر ما فرحكم بالبطولات الحين صار مغرور

------------------------------

على عجل ...


- ماتورانا يوجل اخذ حقوقه ليسدد رواتب الاعبين ( للاسف لقد وصلنا لهذا الحال )

- رئيس الهلال يتصل بالبعثة للاطمئنان على الاعبين ( اخيرا بينت )

- نواف ينتقل الى نانت الفرنسي ( اتمنى ان تتم الصفقة باسرع وقت )

- سامي لم يتسلم مقدم منذ 5 سنوات ( مخلص والله يا سامي )

- فيصل الصالح ( تذكروا هذا الاعب )

- الهلال سيفوز بمباراة الاياب برجوع الثنيان والدعيع ان شاء الله

- بعد نهائي دوري خادم الحرمين الشريفين اتذكر ان الامير سعود قال ( ترقبوا اجنبي الهلال بالسوبر )




اسف على الاطالة.....

نواف لم يقدم اي شيء في مباراة سامسونج

ناقد رياضي / مشكور على الرد


انا معك ان نواف لم يقدم مستواه بس ابسالك سوأل؟

هل كل لاعب لم يكن بمستواه يكون مغرور ومتعالي و.. و..

والاعب معرض لانخفاض المستوى

نعم انا اوافق الفتى الذهبي في الرأي نعم حتى ان جميع اعضاء المنتدى كانوا يتوقغون الخسارة في جميع المواضيع بهدفين او اكثر
مع ذلك ان اغلب لاعبيي سامسونج في المنتخب الكوري ورأينا ماذا فعل الكوريون في المانيا


والهلال ناقص ويمر بضروف صعبه



وشكراً

يا جماعة حراااااااااام عليكم نواف مهما قدم مقبول منه
يكفي التعب الي اصابه يا ناس ارحمو الولد تراه
بشر مثلكم الاعب مسكين ما له الى يومين جاي من اليابان
يرجع ثانيه لكوريا ياليت المسافه ساعة او ساعتين لا 13 ساعه
بعدين نواف الشوط الاول ممتاز وبعدين نشوف نواف يعطي هذا
الي اسمه (( حسين العلي )) <<<<<< سئ للغاية
نواف يعطي حسين الشوط الاول والعلي ما يتحرك ولا متر قدام
نواف طبعا مل يتعب بالكورة وهذا ابسط ما يكون يضيعها
وبعدين اذا كنت حبيبي ناقد رياضي بتنقد اي لاعب تأكد من مسيرته في المبارات كلها الجميع شاهد اداء حسين العلي ولعبة السئ ولم يقدم اي ملاحظة اما اذا جاء نواف او غير نواف قطعتوا جلده ارجو السماح ان كنت قد اطلت عليكم ومشكور حبيبي الفتى الذهبي

مبروك البطوله للهلال

مشكوووووور اخوي الفتي


والله المواضيع كثرت على نواف وكنه منزل من السماء واي مباره يلعبها لازم يسجل هدف انا اقول نواف يمر بضروف صعبه وانتضروه في الاياب

تبون اصراحة نواف لم يقدم الا تمريرات كلها غلط.
اما النجم الذى راهنت علية قبل اعشرة ايام فهو تيجانا الكرة السعودية فيصل الصالح وسلاامتكم.فهو مكسب للكرة السعودية قبل الهلالية.

لا تلعب على نفسك وتدافع عن واحد همه وشغله الشاغل وين يحترف؟؟
هذا وجهي اذا احترف في نانت هذا كله نفخ اعلامي.. كالعاده يعني؟؟
اما فيصل الصالح فهذا نجم الهلال الجديد وان شاء الله ماينغر مثل صاحبنا ..... ؟؟؟

بسم الله الرحمن الرحيم
أولا أذا كان نواف التمياط لميضهر في مستواه فهذا له أسباب عده أولا السفر لا ننسى أن نواف ذهب لليبان وخاض مباريات فبها وكان الأميز من بين الاعبين ورجع للرياض
ثم ذهب لكوريا فكل هذا يسببب أرهاق للاعب
ثانيا أنضر ألى الاعبين الذين لعبوا مع المنتخب فأكثرهم غاأبون أو لم يلعبوا المباراة فهذا يدل على الأرهاق للاعبين
في المنخب فنواف قدم للجماهير السعوديه بطولات كثيره
وأنجازات والكل يشهد له باموهبه وأولهم رئيس نادي النصر نواف نجم لايختلف عليه ثنان وأذا ذكر المنتخب ذكر نواف
فيجب علينا كمشجعين للهلال عدم تحطيم الاعب بل يجب علينا أن نزرع لهم الأمل للنجاح لا قتل المواهب

وشكرا............

اذا أتتك مذمتي من ناقصا فهي شهادتا منه بأن كاملو

شعر يردده كل هلالي للحاقدين على الزعيــــــــــــم
وكل من يحاول زعزعة الكيان الهلالي المتين

لا اعتقد انه من المنطق ان نتهم كل لاعب لم يقدم مستوى جيد بمثل تلك الاوصاف وللاسف ان هناك اناس انفعاليون فعندما يبدع نواف يمتعونا باجمل الكلمات وعندما يخفق يشككون بكل شئ

فنواف مثله مثل اي لاعب مستواه متذبذب ولكنه في الاخير من اميز الاعبين لدينا ومازلنا نعول عليه الكثير وخاصة في مباراة الاياب باذن الله

مزيدا من التعقل .. مزيدا من الواقعية

هلا الفتى الذهبي

زين اللي فتحت الموضوع لان الشباب كلهم حاطين على التمياط كانهم حاقدين عليه اللي يشوفهم يقول اللي كاتب هالكلام يقول هذولا من جماهير النصر
بس هنا حبيت اوضح اسباب عدم ظهور نواف التمياط بمستواه

1_ الحاله النفسيه بعد كاس العالم والنتايج اللي كانت على الكيف
وعدم احترافه وهذا حق من حقوقه وهذا اكبر شي اثر عليه

2_ اللعب في مركز غير مركزه والا نواف يلعب راس حربه وهمي ماعمرها صارت !!!!!!!!

3_ الرقابه اللي كانت عليه ولايخفى عليك ان ان المطر يؤثر على لاعب
المهارات اما اللاعب الذي لايملك مهارات فلا يتاثر بنفس التاثير





على العموم انا واثق ان الزعيم لن يقف في طريقه احد ولن يمنعه احد
من الصعود الى المنصه لاستلام الكاس ( كاس السوبر الاسيويه)






تقبل تحياتي

بصراحة انا اايد اخوي(مشكلني حبك يا سامي)

لا تنسوا الحسم في الرياض0000000

بس الله يعافيكم يا اعضاء الشبكة000000
خلااااااااااااااااااص00
لا تجرحون في اللاعبين
ارفعوا معنوياتهم
و انسوا مباراة الذهاب
و حنا عيال اليوم
و ان شاء الله
ان شاء الله
ان شاء الله
االكاس هلالية
قولوا000000آآآآآآآآآميييييييييييييين