04/03/2009, 11:23 PM
|
| زعيــم مميــز | | تاريخ التسجيل: 04/07/2008 المكان: KUWAIT
مشاركات: 5,948
| |
موضة رجال و4 حريم ؟؟؟؟ السلام عليكم ورحمة الله وبركاته
تعودت بمنتدى الزعيم اذا بكتب موضوع على طول افتح موضوع جديد واكتب اللي بخاطري لان ماحب اكتب بورقه او ببرنامج ورود بعدين نسخ او تعديل لان حلات الكلام يطلع من القلب علشان يدخل القلب على طول
ترى هذه مقدمه ومتعوب عليها بعد
اليوم كنت اشوف بالتلفزيون وافرفر بين المحطات ولا يطلع بويهي (بوجهي) مسلسل طاش ماطاش حلقه ماعرف اسم الممثل هو سعودي وزوجته زينب العسكري المهم وتزوج عليها وهي مو مقصره معه بس لانها مو مهتمه بشكلها ومو متعلمه
وبعد ماخلص المسلسل اقعدت امي تقولنا اشلون يدي (جدي) تزوج على يدتي (جدتي) ايام قبل وهي استقبلت شريكتها حضرت لها العشاء والهدايه ومعاها امها بعد ؟؟؟؟؟ وصاروا صديقات ويحبون بعض وامي تقولنا لازم الحرمه تصير صديقه لشريكتها وهي تبتسم وتنصح
قلتلها يمه انا صراحه لو زوجي بالمستقبل يدخل علي مع زوجته الثانيه ادفنه هو معها بالصاله >>> اطلعت دفشه البنت
بس هذي الصراحه تخيلوا يالبنات كل وحده فيكم لاسمح الله لاسمح الله تكون بهالموقف والله ممكن تموت من القهر ...
تتوقعون شنو اللي يخلي الريال ( الرجال ) يتزوج على حرمته لاتقولون الشرع حل لاربع احنا عارفين ومؤمنين بهالشي لكن اذا كانت الحرمه كامله او فيها عيب بسيط ماله داعي يتهور الريال ويتزوج عليها ......
ممكن اختلاف بالتعليم او عدم اهتمام بالشكل او او او .... بس تخيلو البنت تقدر تتزوج 4 مااتوقع البنات بيتزوجون اكثر من شخص مره وحده مدري ليش جذي احساس لان احنا وفيات مع ازواجنا >> احم احم
بنظرة الدين ان الرجل من حقه يتزوج 4 نساء لان بطبيعه المرأه تدخل في فتره الدوره الشهريه في كل شهر مره والرجل بطبيعته يحب ممارسة الجنس يوميا والاسلام يراعي ظروف الرجل فحلل زواج الرجل من 4 نساء وممكن تكون الشريكه صديقه وخليله للزوجه الاولى والثانيه والثالثه وهذا اللي تعلمنا بأيام المدرسه وارجع اقول احنا ندري ونؤمن ان الرجل له حق بالزواج من 4 ولانختلف مع دينه الحنيف لان الاسلام يعرف ويقدر حق المرأه ولا يظلمها ابدا
ولاتنسون ان السيده خديجه رضي الله عنها والسيده عائشه رضي الله عنها وجميع زوجات الرسول عليه الصلاه والسلام كانوا يغارون من بعض وهذه بطبيعه الحرمه لكن العدل واجب
بس تتوقعون شنو سبب زواج الرجل من اكثر من حرمه ؟؟؟؟؟؟ اختكم شوق الكويت |