..][ إستراحــة العالميــة .. صـــور + تقريــر ][.. - صفحة رقم 4 - نادي الهلال السعودي - شبكة الزعيم

الأمبراطور · #46 05/03/2009, 02:56 AM

حي الشبااااااااب

طلعه موفقه

ملعب فلته

بالتوفيق بالطلعآت الجآية

إنت الهلالي11 نفسه

عاد شكلك مهب مهآيطي

...............

نظرة سامي تحمل أّشياء كثيره

يا ترى ماهي ؟

أسير .. يبتسم للكآميرا ..

أما ابوحمد يضحك للكاميرا

اللي يمين ( الكره الهلالية ) شايفك قبل

وين ؟؟ ذكرني ؟

طلعه موفقه ياشباب

والساعه البركه اللي شفنا هالوجيه الطلقه

تحيه لمن كآن خلف الرحله

سلآآآآآآآآآآآآآآم

"أجمل الذكريات" · #47 05/03/2009, 04:04 AM

ما شاء الله تبارك الله

فكرة جميلة الصراحة

وكم هو رائع التواصل الايجالي

بس شكل القطه 7 ريال

يرحم أم الاستراحة يا شيخ

شكل أبو غامد مستاجرها من الضمان الاجتماعي

الملعب عاد حكاية ثانيه وشلون سمحت لكم كراتمكم تلعبون فيه

لا يدري أحد من المجلس العام ثم يفضحنا

س/

سؤال من مسؤل التوثيق

الي صراحة أهنية على استعماله النظيف لجوال الباندا الي التقط فيه الصور

بالنسبة للعشا أول ما شفته أستغربت من بساطته

لكن والله إن البساطه شي طيب خصوصا في هالزمن الي كثرت فيه الرسميات والتكاليف

والله يرزقنا شكر هالنعمه

والحق يقال شكل أبوغامد ما شاء الله تحفه

ولا يهونون باقي الربع

والصراحة تحمست إني أحضر الطلعة الجايه إن شاء الله

بس أقترح نخربها شوي ونتبح بح

وتكون القطه 10

وأبو غامد الله يرحم والديك صح إني ما أمون عليك

لكن لا عاد أشوفك مستاجر استراحه

دمتم بود

محب الذئب9 · #48 05/03/2009, 05:18 AM

آبو غآمد .. دحـوووم .. آلجآيآت آكثر وآن شآء آلله نجيكم فيهــآ ..

مآسمحت لنآ آلفرصة نجيكم في كل آلطلعآت .. !

دحمـي .. بـ لله كيـف التـوقيـع ,, !! [ وآحد مآد لسآنة ]

S U L A I M A N · #49 05/03/2009, 04:33 PM

الزلايب انس وعبدالرحمن الشرهه على الي يقول كلام أكبر منكم ياسلاتيح

فشلتوا انفسكم قدام العالم يعني 2000 واحد شاف دباشتكم

احد مايدري وش معنى يخالجني

بالنسبه للاستراحه ياشباب .. فـ الي استأجرها معه حق صراحة .. ياما استأجرنا استراحات يطرد به الخيل وماجاء الا عشره

.. يوم قسمهم الله واخذوا استراحه ماتطرد به النمله جيتوا كلكم

المره الجايه بناخذ استراحه كبيره والي مايجي ياويله

اليوفي و بس · #50 05/03/2009, 06:21 PM

الحين بالله ضاق بك الفيلم ما لقيت الا ذي الصورة تنزلونها

بس فريقنا طبق بيض

اقصد طبق الكتناتشيو زين

المواهب موجوده في الفريق بس الملعب ما يساعد عور رجلينا

اما حبايبنا الكره الهلاليه و ابراهيموفيتش كبيتل بالانجليزي تم تدعيمهم بوليد لاعب روما و الذي امتحنا تسحيب

_____

الطلعه كانت حلوه بصراحة و شفت شباب كثير تشرفت بمعرفتهم

و الميلان كان يلعب في ايطاليا بس الشباب في الاستراحة كنهم في المانيا و مشجعي ميلان كانوا نفر قليل

الطلعات الجايه يا بو غامد نبي ملعب زي الناس اما شغل ساحة الدبابات الي لعبنا فيها ما تصلح

دموع رجل · #51 05/03/2009, 09:57 PM

شكرا للجميع

واتمنى لكم الوناسه << السعاده

S!R BARCA · #52 06/03/2009, 07:03 AM

إقتباس


	Tнe LeaDeя MiLaи انا اشهد انه وسيع الصدر بس يوم جت مباراة ميلان اظهر حقده الدفين على ميلان الله على هالثنائي على اليمين المتحدث والثاني المعزز

الله يسلمك يا الغلا ..

وبعدين من اللي لاعب عليك وقايل(ن) لك اني اكره الميلان ..

ياخي انا احبكم بس انتم اللي فهمتوني غلط ..

إقتباس


	أسيــ الزعيم ــر الادمي هذا حبيته تعال دايم بالله و لا يهون اللي معك هلالي كاتالوني

وربي الشعور متبادل ..

الله يخليك لنا يا مشرفنا الغالي << يسمع بالتعزيز ..

إقتباس


	هلالـــ الجنوب ـــي يزيد .. واضح انك مفهي هنا وزمباوي كمان

اجل انا المفهي ..

بالله فيه سعودي ما يحب القهوه << فيه ابو غامد ..

إقتباس


	سمو الآرسنال يالبى هالضحكه ونيس + وسيع صدر + خفيف دم = فرعنا الثاني

كل الكلام اللي قلته فيني وما كذبت ابد ..

اما انك تقول اننا فرعكم الثاني هذي قووووويه ..

ورا ما قلت اننا نعطيكم اللاعبين اللين تاهلونهم للعب مع الكبار وبعدين ناخذهم منكم ..

حبيب البي مصعب يوزرك يُعبر عنك ..

THE COACH · #53 06/03/2009, 08:32 PM

السلام عليكم

طلعة منتازة ماشاء الله ياليتي كنت معكون

والله تشرفنا بشوفة هالوجيه الطيبة والمزايين خصوصا بعض الغمازات

التي كانت متواجدة في الإستراحة

أبو عابد على هالجلسة باقي له يهيجن وتكمل

بس وش رايكم بالزين اللي على اليمين

ياحياتي يا براد بيت على هالنظرة

معليش فواز بس الشين فيك فيك لو تسوي اللي تسويه

بعد هالخشة بديت أحب برشلونة

يكفيكم إن إسمه يزيد

الشاهي الصراحة بالراس ومابه كلام لكن الله يهديه أبو حمد قضى عليه ومابقى لنا إلا بياله حق الذواقه

وشلون يابو حمد رضيت تظهر بهالصورة ... تصير بصورة وحدة مع إنتراويه

لكن الكرة الهلالية ذبحنا بكريسبو بس يستاهل إرنان

سمو الأرسنال مؤدب الله لا يضره أما عبد الله ترى يعني إني مانيب مهتم للكاميرا

لبى كل الغمازات يا عالم ودك تاكله أكل على هالطله

... لاتصدق يالدب

اللحين يا فواز طلعت مزيون لإنك طلعت بجنب ثاني أوسم شخص بالإستراحة ... طبعا الأول غمازات أبو غامد

يا شباب لا تغركم هالصورة ترى يقولون الكاميرا تضيف وزن

<<<إنهبل يوم دري إنه دب تسذا

هنا بغيت أتهاوش أنا وليفر فور إيفر عجزت أدري وش يشجع

.... أحد يحب فيورنتينا

يعطيكم العافية يا شباب على الصور وياليت تنعاد مثل هالجلسات بس بالإجازات تكفون عشان أصير بالرياض

بالتوفيق للجميع

دمـوع · #54 08/03/2009, 01:36 AM

الله يوفقكم دوماً و يجمعكم في رياض الجنة يا رب
الشكر لكل من ساهم و شارك في هذه الطلعة .. و منها للأفضل إن شاء الله

دمتم بود

Qηαs SuĐeeя · #55 10/03/2009, 01:46 AM

, ,

{...السلآمٍَ عليكـمٍَ و رحمة اللهـ و بركآتهـ ●●

وش هذآ يآ دحوم ... ؟

لو دآري ان العآلمية كذا فيهآ استراحآت كآن اشآرك كل يوم , ,

ليش ما علمتني بس كل اللي في الطلعة شيآب , ,

أنت أصغرهمـ أجل , ,

الرحله الجآيه علمني علشآن أجي معكمـ بس بشرط , ,

يجي وآحد كبري علشآن ما اصير اصغر واحد , ,

اقتبست كم صوره بعلق عليهآ , ,

يآآآآآآآآآآآآهووووووووووه يالرسمي يا وليد , ,

الله يعينكـ الحين اكيد كل البنوتآت اللي شآفوا الموآضيع خقوآ معكـ
أنا ولد و خقيت عآد وشلون البنآت , ,

الطلعه الجآية إلبس توتي

و حاول تسوي عميلة [ تشيين ]
رآعي مشاعرنآ يا زلمه , ,

يشبه ميسي , ,

أحس إنه فتيت كوره دآم لاعبه المفضل ميسي , ,

الحبيب اللي على يسآر مصدق إنه ميسي اللي قدآمه شوفوا شكله يا حليلهم , ,

حرآم عليكـ يالدحمي , ,

ليش ما صورته بكآميرا زي الناس شف الكآميرا حقتكـ خلت عنونه يصير لونهآ أحمر , ,

خلآص بعد الصوره ذي ما فيه بنت بتقبل بالزوآج منكـ , ,

<< أمزح

الله يوفقك و ان شاء الله تلاقي البنت الحلآل اللي تقبل تتزوج واحد لون عيونه حمرآء , ,

و الله يا هي لقطه ختييييييييرهـ يا الدحمي , ,

منت هين والله , ,

الكآميرا كآنون << ما يعرف الا هي

ورآه رجلكـ كذآ ... ؟

مسكين اللي ضربت فيه الكره و الله يا هي شينه في المنظقة الحساسه , ,

يا حبي لكـ يالدحمي , ,

تجنن ما شاء الله عليك , ,

والله شكل الشآهي خقآق , ,

سلمني على اللي سوآه , ,

دحوم

ثآني واحد على يمين , ,

القمر واضح ما يبيلها كلام , ,

مع إحترامي للبقية كلكم حلوين و قمرآت , ,

[ أبو حمد أم يو - أسير الزعيم - تورام - مستر قول - هلالي الجنوب - كنق ميلان - الهلالي 11 - وليد القحطاني - ذا ليدر ميلان - قولديست - ميلان ستار - على الطريقة الجابرية - أبو سعود الهلالي - الزعيم الأزرق 9 برسا 2007 - هلالي كاتالوني - خالد الشمال - الكرة الهلالية - ابراهيموفتش - كانكورد - ذا كوتش - اليوفي وبس - توتي كوم - ليونيل ميسي - سمو الآرسنال - أسير المحبه - الغزال تيري هنري - ام يو 7 - ليفر فور ايفر ]

الله يجمعكم في جنآت النعيم , ,

و الله يوفقكمـ في الدنيآ و الآخره , ,

و يالبى قلوبكمـ كلكمـ , ,

إن شاء الله الطلعه الجآية يكون اسمي من بينهم بس لازم تحقق الشروط يا دحوم , ,

تصميم ورفع الصور : هلالـــ الجنوب ـــي

تصوير : K I N G . M I L A N + هلالـــ الجنوب ـــي

عوآفي يالغآلين , ,

والله مجهود تشكورن عليه , ,

موضوع متعوب عليه , ,

وسعتوا صدرنا الله يوسع صدركمـ , ,

يا مآل العآفيه والله , ,

دمتم بود , ,

تحيآتي ...

| ~

Qnas Sudeer 20

[

]

* * * * *

K I N G . M I L A N · #56 10/03/2009, 06:46 AM

إقتباس


	Qnas Sudeer 20

ترى والله ما كنت ناوي أرد بس عشاني وعدتك لازم أوفي بوعدي

الظاهر ردك أطول من موضوعي ولا !؟

ما شاء الله يا عبود

رد ولا أحلى صراحتن

وما عليك الطلعه الجايه إن شاء الله بتتحقق الشروط وبتجي إن شاء الله

يعطيك العافيه على هالرد الجميل والمميز

][ دمتـم بـود ][

‎βαƦ¢α 4 ξνξƦ · #57 12/03/2009, 10:04 PM

السلام عليكم ورحمة الله وبركاته ....

مالكم داعي شباب وراه ماقلتوا لنا انه فيه تصوير كان ترززنا شوي

انا عارف انو حلو ولو تصورني حتى وانا نايم حلو وبغطي على سليمان ودحوم بالوسامه لكنني اطمح للأفضل دايم

خاصة اني مالاحظت اية فلاش علي ابد ابد مدري كيف صورتوا .. لهادرجه وصلتوا للأحترافيه بالتصوير يعني

يكفي ان جيتي ايماجز ماخذينها

بصراحه جمعه ولا احلى منها وتخش التاريخ كأفضل الجمعات ... وتشرفنا بشوفة الوجيه الكريمه منها اللي طفشنا منها

ومنها اللي اول مره نشوفها

ومنها اللي ماعرفناهم الا اللحين من هالموضوع وليتني عرفتهم هناك ودردشنا معهم شوية فرصة شفناهم

وياليت نشوف الكل بالجماعات الجايه باذن الله ...

ودعوه للجميع لحد ياخذ وصف من ابو حمد مره ثانيه

لأنا ضعنا ورحنا للدمام والبحرين

ورجعنا لهم هههههههـ

نجي للصور .. والله انها واجده بعد اعذرونا بنعلق على بعضها .... ###

احم احم

لحظة وصول سموي الكريم

حبي يزيد مايحتاج اعلق

....

انت ياللي على اليسار .. شكلك وبوهتك تدل على انك واحد برشلوني

كل هالحلاة ماتجي الا من برشلوني

.. ليتني عرفتك هناك ودردشت معاك ... لكن اللوم على يزيد اللي ماعرفني بك

وانا اقول هالزين موب غريب علي .. اثاريه انت يبو 99594515 ايقاف

حيآآله وليد حسافه ما امدانا نسلم عليك

هالأنسان كل يوم يزيد حبي له

لكن ياترى يدري اهو بهالشيء والا ....

دحوم خبري فيك هناك شكلك وطلتك حلوه وخوقآآق .. مدري شلون هنا صار شكلك مخيس ... خلاص كرهتك بشوف غيرك انا

صاير كنك حق حبوب وشراب على هالعيون الحمر

>>> حبوب فكس اقصد وشراب الربيع اقصد طبعا

الكلام للي على اليمين

.. توقعتك اكبر من كذا يالكره الهلاليه

لبى العرب كلهم

مادريت انك بتجي والا كان انتظرتك .. الجايات اكثر يالمملوح ...

صورة هاللي على اليسار يبي لها قص وفيس واحد للمسن وواحد للشبكه

+

نصيحة للي بالصورتين اللي فوق .. قلنا لكم بتنهزمون بتنهزمون والمفروض ماتجيبون كرت على الاقل دام اننا موجودين والا تشوف المباراة برى .. الزبده تشوف اية حل لكم ومانفع معكم .. وخسرتوا

ومن بريمن

اللي يعتبر في غير مستواه

... قال ميلان قال

ليتني قاعد وطبيت فيكم شوي بعد المباراه

ماعليه الجايات اكثر

...

انا هالصوره بحفظها عندي بالجهاز تدرون ليه

يبي لي توبيك حزين بالمسن ومعاه هالصوره

وتخيلوا المنظر عاد

...

بوغامد اتوقع جتك رسايل من عدة كافيهات تبي تشتري العقد حقك

إقتباس

الرسالة الأصلية كتبت بواسطة أسيــ الزعيم ــر


	سلام تعظيم للباشا هذا يوسف المصري مع يزيد

اجل انت اللي يشوفك تلعب كوره وترفع الثوب وتطلع سروالك البجامه وش بيقول

إقتباس


	تصميم ورفع الصور : هلالـــ الجنوب ـــي تصوير : K I N G . M I L A N + هلالـــ الجنوب ـــي

لبى قلوبكم والله ومشكوووورين بوغامد

ودحوم

شكر خاص لكل اللي حظر والله

واللي ماشفناهم نشوفه بالجايات باذن الله ...

والمرات الجايه ياليت بأستراحه اكبر من كذا .. خاصه الملعب .. انا جاي معي البوت والربطه وكل شي ومجهز العده

مادريت انه كأني بلعب في برحتنا

بتقولون مانبي ناخذ استراحه اجارها غالي و و و و .. نزلوا الموضوع بدري قبل الاستراحه بأسبوع .. وعلى اساس الردود اختاروا الاستراحه افضل والله ... والا تعالوا عندنا بديراب

وعذرا على الرد المتأخر لكن الظروف حالة بيني وبين دخول الشبكه كلها بجميع اقسامها ليس هذا الموضوع فقط

...

واسئل الله العلي القدير كما اجتمعنا هنا ان نجتمع في جنات النعيم جمبعا

سلامووووو