مواقف للبناات.... - نادي الهلال السعودي - شبكة الزعيم

مجنونـ بسـ حنونـ · #1 26/02/2009, 08:02 AM

بسم الله الرحمن الرحيم

السلام عليكم ورحمة الله وبركاته

هذي مواقف مضحكه مع البنات عند الخطبه:-

1- وحده جا خطيبها يشوفها وطبعا هي خجولة جداً .. وفيها حيا كثييير ....!!!
المهم دخلت عليه وابوها كان موجود فجأة دخل خالها وبعدين عمها
وشوي يدخلون خوانها كلهم ( يا حبيبي ) صار المجلس مليان ناس وكلهم
عيونهم عليها ومن يوم شافتهم المسيكينة متجمعين وكان يغمى عليها ...!!

2- وحده جات بتخطب صديقتها لاخوها عزمتها في بيتهم وقالت لاخوها
طل عليها من الشباك وشفها اذا اعجبتك نخطبها لك .. وافق اخونا ما كذب خبر
ولما جات البنت عطتها شوكولاته والبنت رفضت تاخذها وهذي تلزم عليها
والبنت مصرة ما تاخذ . ولما طلعت الأخت تسأل اخوها عن رأيه في البنت .. !!
الاخ شاف البنت وهي تخش الشوكولاتة في شنطتها ..
ولما سألته اخته وش رايك .....؟ قال موافق على طول وتم الزواج ....؟؟؟
وفي ليلة العرس يسأل الزوج البنت : وين الشوكولاتة اللي خذيتيها من بيتنا .....؟؟
" ما ترضين واحد ياخذ من بيتكم شي وما يستأذن " .......!!!

3- واحد في ليلة عرسه جالس في زاوية وزوجته في زاوية يكلمها
وهي مستحية وتطالع الارض .. ينطل (يعني يقول) نكتة (يستهبل) عليها ....
البنت ماش تطالع في الارض ولا كن فيه احد جالس جنبها ......!!
الولد من كثر ما يكلم نفسه وبنت الناس ساكته .. قال ياولد خلني اطنش واسكت شوي ..
فجأة اصدقاء الرجل قالوا لازم ننكد عليه ليلة زواجة (والله الغثاثة)
ونحرجه قدام زوجته .. المهم قام واحد منهم وأخذ حصاة وحذف بها الشباك ...
عاد تخيلوا البيت يعمه الهدؤ + سكون البنت وصمتها وصوت ضربة الشباك ( قوية )
كانت مفاجأة للبنت اللي يوم سمعت الصوت ومن الخوف والرعب طمرت ( نطت )
وضمت زوجها من الخوف ...الرجال استانس واعجبته الحركة ( ياســـلام )
ترك البنت على جنب وطالع من الشباك لقاهم اصدقائه صاح لهم وقال :
مرة ثانية شباب لو سمحتوا .... مرة ثانية تكفون ......؟؟؟؟؟
الا وحدة حصاة بالغلط تصيب في رأس العريس ... ويا ليل ما اطولك ....وصارت البنت
هي اللي تداويه ذيك الليلة وتنظف جروحه راح الحيا وراح الخجل .. والسبب حصاة....!!!

4-وحده اول مره بتشوف الي خطبها ويوم قالها ابوها يالله ادخلي المجلس
دخلت ومن قوة الحيا دخلت وسلمت على اخوها ......!!!

-واحد وده يتزوج وقال لامه دوري لي وحده دلوعه وشكلها
بيبي فيس وجسمها صغيير وشعرها طويل واهم شي مو دبة
وكل مرة يروح ويشوف البنات ما يعجبه الشكل , وفي يوم لقت الام وحده
وقالت له روح وشوفها يوم راح ودخل المجلس جلس على الكنب
وقال ابو العروسة لبنته يالله ادخلي يوم دخلت وجلست على الكنبه الي جنبه
وشافها من قوة الفرحه وانها طلعت زي مايتمنى اخونا ماقصر قام وباس البنت قدام ابوها

تحياااااتي لكم

اخوكم مجنونـ بسـ حنونـ

دمي ازرق واحب الابيض · #2 26/02/2009, 10:13 AM

ههههههههههههههههههههههههههههههههههههههههههههههههههههه
اوما حقت الحصااه مساكين
مشكوور اخوي مجنوون بس حنوون
تقبل مرووري

BEST_01 · #3 26/02/2009, 10:28 AM

ههههههههههههههههههههههههههههههههههههههههه

مشكور اخوي حنون
وعندي اضافة ممكن ... شكرا <<< ادري انك ما راح تردها في خاطري

واحد من اخوياي راح يخطب وحده <<< اجل واحد
ويوم جت النظرة ... قال له اخوها تراها تستحي مرة ... وانه تعذب مع خواتها اللي قبل في النظرة
المهم ... يقول كنت جالس في المجلس انتظرها تدخل هي واخوها ... جلس ساعة عشان يدخلها
المهم يوم دخلت بعد طول عنا .... ناظرتها لين طفشت ... بس هي ابد ما رفعت عينها علي
واخوها يقول لها : شوفيه لا تقولين بعدين فيه عيب ولا شي ... وهو يحاول فيها زعق خوينا على اخوها
وقال : افااااا ياابو فلان ما اتفقنا على كذا ... هي خافت حتى اخوها خاف
قال خوينا : ما قلت لها ان عيني منفقعة ولا عندي الا عين وحده ... الا وشوي والبنت تنط تناظر فيه .....وتقلبه حبه حبه تبي تشوف العين المنفقعة
اخوها انفجر عليها ضحك

... وهي بعد صارت تضحك وطلعت تسرع يوم درت انه يلعب عليها
وبسسسسسسسسسسسسسسسسسسسسسسسسسسسسسس

وتقبل مروري الطويل

.

bazbozy · #4 26/02/2009, 11:18 AM

ههههههههههههههههههههه

والله و نعم المواقف

جوري الربيع · #5 26/02/2009, 12:21 PM

يآاالله والله مواقف بجد صعبة..
الله لا يجعلني أمرّ بمثل هالأزمات.. وأخواتي الزعيمات

هنادي الهلاليه · #6 26/02/2009, 02:25 PM

ههههههههههههههه

تسلم على المواقف

Hilalih 4ever · #7 26/02/2009, 03:11 PM

ههههههههههههه من جد احراج الله لايلومهم

اعجبتني القصص اما العيون المفقعه <<<<أحلى طريقه والله انه فنان

مجنونـ بسـ حنونـ · #8 26/02/2009, 04:39 PM

اشكركم على المرور والتعليق الراائع

تحيااااتي للجميع

كلي على بعظي هلالي · #9 26/02/2009, 05:04 PM

إقتباس

الرسالة الأصلية كتبت بواسطة best_01


	ههههههههههههههههههههههههههههههههههههههههه مشكور اخوي حنون وعندي اضافة ممكن ... شكرا <<< ادري انك ما راح تردها في خاطري واحد من اخوياي راح يخطب وحده <<< اجل واحد ويوم جت النظرة ... قال له اخوها تراها تستحي مرة ... وانه تعذب مع خواتها اللي قبل في النظرة المهم ... يقول كنت جالس في المجلس انتظرها تدخل هي واخوها ... جلس ساعة عشان يدخلها المهم يوم دخلت بعد طول عنا .... ناظرتها لين طفشت ... بس هي ابد ما رفعت عينها علي واخوها يقول لها : شوفيه لا تقولين بعدين فيه عيب ولا شي ... وهو يحاول فيها زعق خوينا على اخوها وقال : افااااا ياابو فلان ما اتفقنا على كذا ... هي خافت حتى اخوها خاف قال خوينا : ما قلت لها ان عيني منفقعة ولا عندي الا عين وحده ... الا وشوي والبنت تنط تناظر فيه .....وتقلبه حبه حبه تبي تشوف العين المنفقعة اخوها انفجر عليها ضحك ... وهي بعد صارت تضحك وطلعت تسرع يوم درت انه يلعب عليها وبسسسسسسسسسسسسسسسسسسسسسسسسسسسسسس وتقبل مروري الطويل .

طيب مرورك طووويل بس رائع طيب علمنا بالنهايه شصار تزوجو ولا لا حب استطلاع يعني لقافه

شوق الكويت · #10 26/02/2009, 05:10 PM

إقتباس

الرسالة الأصلية كتبت بواسطة best_01


	ههههههههههههههههههههههههههههههههههههههههه مشكور اخوي حنون وعندي اضافة ممكن ... شكرا <<< ادري انك ما راح تردها في خاطري واحد من اخوياي راح يخطب وحده <<< اجل واحد ويوم جت النظرة ... قال له اخوها تراها تستحي مرة ... وانه تعذب مع خواتها اللي قبل في النظرة المهم ... يقول كنت جالس في المجلس انتظرها تدخل هي واخوها ... جلس ساعة عشان يدخلها المهم يوم دخلت بعد طول عنا .... ناظرتها لين طفشت ... بس هي ابد ما رفعت عينها علي واخوها يقول لها : شوفيه لا تقولين بعدين فيه عيب ولا شي ... وهو يحاول فيها زعق خوينا على اخوها وقال : افااااا ياابو فلان ما اتفقنا على كذا ... هي خافت حتى اخوها خاف قال خوينا : ما قلت لها ان عيني منفقعة ولا عندي الا عين وحده ... الا وشوي والبنت تنط تناظر فيه .....وتقلبه حبه حبه تبي تشوف العين المنفقعة اخوها انفجر عليها ضحك ... وهي بعد صارت تضحك وطلعت تسرع يوم درت انه يلعب عليها وبسسسسسسسسسسسسسسسسسسسسسسسسسسسسسس وتقبل مروري الطويل .

خطييييره الطريقه والله حركه حلوه وتسلم صاحب الموضوع قصصك اروع

مجنونـ بسـ حنونـ · #11 26/02/2009, 08:00 PM

\\اشكركم على المرور العطر\\

نسج الخيال · #12 27/02/2009, 12:41 AM

هههههههههههههههههه

والله بجد مواقف محرجه

مشكور ع الموضوع

وتقبل مروري

BEST_01 · #13 27/02/2009, 10:51 AM

لا .... ابشركم راح يتملك قريب ان شاء الله

وعلى فكرة ...

حقوق الحركة محفوظة

يعني لا احد يسويها ولا ينشرها ولا يكتب منقول للامانة

.

مجنونـ بسـ حنونـ · #14 28/02/2009, 09:55 AM

اشكركم على مروركم الراائع

manu4ever · #15 01/03/2009, 06:53 AM

إقتباس


	4-وحده اول مره بتشوف الي خطبها ويوم قالها ابوها يالله ادخلي المجلس دخلت ومن قوة الحيا دخلت وسلمت على اخوها ......!!!

ههههههههههههههههههههههههههههههههههههههههههه ... يعطيك آلف عافيهـ ..