قمّة التحدي انك تروح تنعّم عند باكستاني

تطلع من عنده و (خارطة الطريق) تدّهر في وجهك

وكلّه كووووم واذا جاء يحدد لك السكسوكة كووووم

او الملتحي اللي مثلي اذا بغى يحدد العوارض

رحلة دموية بكل معنى الكلمة

هذا غير المحل اللي كأنّه محل بنشر مطوّر

ومكيف واحد بدون وجه... وعليه صوت تقل ماطور بنزين

لا وتلقاه صاف خمسين علبة كلينكس فاضيه فوق الدولاب << مسوّي ديكور

سبحان اللي خلق وفرق بينه وبين الفلبيني

الباكستاني ماعنده وقت ولا يتفاهم

قبل أي شي لازم يسوّي حركتهم اللي ما احد يسوّيها في العالم

يغرق الموس بالكولونيا.. ثم يشب فيه بالولاعه.. ثم مشهد زي هذاك اللي ينفخ النار في السيرك

ثم يمسك الموس بيده اليمين

و (يمعط) راسك بيده اليسار علشان يضبط الوزنيه

وانتبه تغلط وتحط عينك في عينه

قسم ان تخاف وتقوم وهو ما كمّل لك الحلاقه ههههههههههههههه

ياخي ماتركب الشغله ابد على الباكستاني

تبيه مبلّط.. مليّس.. يكسّر جدران.. يبني ويشيل بلك... خذ رجّال

اووما حلاق... من جنبها وبقووووة هههههههههههههه

الحلاق لازم يكون رقيق لطيف ناعم اليدين

يمرر الموس بلطف وحنيّه وذوق على بشرتك

شف كيف الفلبينيين

تدخل المحل.. انواع الرومانسية

الجدران مصبوغة تعتيق.. والجبس والديكورات على ارقى مستوى

والتكييف كلّه LG سبيليت

واول ماتجلس يسوّي لك مساج رايق.. مو الباكستاني هو و يده اللي كنّها مرزبّه

وكل شغله فن وذوق وتكتكه

يشتغل بهدوء وراحه ودقّه

صح ان بعضهم ( طووووووووووط )

بس ماعلينا منهم... اهم شي الاخلاق والحلاقه

وياسلام اذا خلّص من حلاقتك

وحط ذيك الفوطه الساخنه على وجهك

ثم بدا بشغل الكريمات والنيفيا << ابو فيلبّو مايخلّون حركاتهم

وبعدين حلاة الفلبيني انه بدون ماتقول له يحدد لك شعر الراس.. فاهم شغله

لكن ( ابو بكس ) لو بتقول له حدد الراس.. جاب المكينه نمره واحد وأعدم الدنيا

الاتراك احلى حلاقين

لكن مايعرفون للتنعيم مثل الفلبيني... قصّات شعر وبس

ومشكلتهم اذا خلّص من حلاقتك.. قص ظهرك بذاك السعر

مايتعاملون الا بالخمس وعشرين والثلاثين للحلاقة

وغير كذا ينشب لك علشان تشتري من عنده ( عدّة ) خاصه لك << مقص ومشط ومكينة

وبعدين بربرتهم واجدة وكلهم يشبهون مهند

باقي الحلاقين الهنود.. مساكين وعلى قد حالهم

ومستواهم متذبذب.. فيهم الممتاز وفيهم المتوسط

وطبعا ماراح اجيب طاري الحلاقين البنغاليين احتراما للذوق العام
.
.



شطحة

اللي عنده روح التحدي ويعشق المغامرة

انصحه يروح لحلاق باكستاني شايب عندنا بحي الروابي

اختبر رجولتك ومدى قدرة تحمّلك للحلاقة بدون بنج

بس بشرط انك تصوّر نفسك قبل تدخل عنده.. علشان ماتضيع ملامحك

للجادين فقط... اللي يبي الوصف يراسلني على الخاص