نادي الهلال السعودي - شبكة الزعيم - الموقع الرسمي - قمة الإخلاص والحب .... عبدالله الحربي لاتتجاوز الحدود

- منتدى الجمهور الهلالي (http://vb.alhilal.com/forumdisplay.php?f=28)

سالفة كلاب رومانيا وان رومانيا تشتهر ب3 مليون كلب لها اكثرررر من علامة استغراب
000000
الرجال يقول انا فاهم حالات الشعوب ومتابع لما يجرى في اوروبا واراهنكم انه ماجت معه المباراة كما يريد حب يتفلسف شويه لان الجماعه معطينه وجه .
سياسة المفلسين
.اذا اردنا احسان النيه .

..,,.. الــف شــكــر لــك ..,,..

انا اقترح عليكم ياللي تتابعون تعليقه انكم تغيرون لـ عيسى الحربين افضل منه بكثير
اولا معلق محايد الشي الثاني على قولة واحد من اخواننا اللي ردو في نفس الموضوع انه فعلا يجيب الصداع
ويفقع طبلة الاذن خصوصآ اذا كانت الكوره مع فريقه المحبب لو كانت في نصف الملعب تحصله شايل الدنيا ومقعدها
يعني الله معطيكم خيارات كثيره ليه تحد نفسك على المخيس الحربي الفقراوي
واذا اضطريت مره شفها على القناة الرومانيه واستمتع حتى لو ماعندك ثقافه رومانيه امزززززح
بس حاولو يا اخواني تشوفونها بدون تعليق المذكور انفآ

من يقول الحربي نصراوي

انا على بالي هلالي ومتعصب

احس انه الوحيد اللي يبالغ في مدحه للهلال

الحربي شطحاته في اخر مباره واجد
والليوم كاتبين عنه بجريدة الرياض ((انصرف عن الحديث عن الامور الخاصه بالمباره الهلال النصر اول من امس وتحدث عن نقاط جانبيه ليس لها علاقه بكرة القدم حتى اصبح يتغنى بعلاقه الرومان بالكلاب وتجاهل اللقاء!! اللذي فيه من الاحداث مايستحق التركيز عليها وكان يوجهه اساءه مبطنة للثنائي الروماني.................الخ))
خلوه يبرد على نفسه:bx:

إقتباس:

الرسالة الأصلية كتبت بواسطة بقايا الذيب (مشاركة 11193842)

عبدالله الحربي معروف بنصراويته منذ ان كان بالرياضيه السعوديه لكن يجب ان يفرق بين ميوله والتعليق
اذا اراد ان تزداد شعبيته ويصل الى مسامع المشاهدين

لا ازود على كلمك:clapping::clapping:

والله انا تابعت المبارات مع عبد الله الحربي

وكاان حياادي الى اعلى درجه

إقتباس:

الرسالة الأصلية كتبت بواسطة الرّحال الأزرق (مشاركة 11194970)

انا ماني حساس او مبالغ ولكن سالفة كلاب رومانيا وان رومانيا تشتهر ب3 مليون كلب لها اكثرررر من علامة استغراب

يعني مثل قولت والنعم هاللي جايبينهم ترى ولاشيء ديرتهم مشهورة بالكلاب !!
يعني مثل قولت لاتفزون هذا المتلقى السطحي على اقل تقدير بيفهمها كذا !:confusedw:
وحتى لو قلتوا لاتصيرون حساسين ارجع اقول اصلا مال امها داعي هالمعلومه حتى لو صحيحة 0

يعني وش راح يستفيد المشاهد من هالمعلومه انا ابي الحربي يحاول يقنعنا بس وش الفايدة منها هل الفايدة ان جمعية الرفق بالحيوان تنتبه لهذا الخبر وتنشأ مستعمرات كلاب الله يعزك مدري وش يبي الاخ:ap:
على الاقل كرم المشاهدين والمستمعين لكن ياجماعة ترى المثاليات مو كل مرة الا ويطيح مدعيها كما سقط الحربي تلك الليلة وارجع واقول لاتلومونه يالربع عجز وهو يرجع تلقاه قال في نفسه والله طالت الشغلة عجزنا وحنا نمدح بهالهلال مصخها:bx:

مع تحياتي :clapping: .........................................................................

مع احترامي الشديد لكم . . كم مره سأله أخوي عن ميوله ورفض وبشده الافصاح عن ميوله . . ولكن قال كلمة وحده بس . . قال (((((أنا متيم بطارق التايب ))))) وأنا مسؤال عن كلامي واللي يبي يتأكد ما عندي مانع

عبدالله الحربي منذ صغره وهو هلالي متعصب وهو من اقرب الناس الى واحد من اقاربي

إقتباس:

الرسالة الأصلية كتبت بواسطة حربي والهلال حبي (مشاركة 11195286)

يا جماعه تراكم كبرتوا الموضوع وعطيتوه فوق حجمه

والله ما شفت معلق يتغزل بالهلال عامه والتايب خاصه مثل الحربي

تبقى وجهة نظر

لك احترامي

أكيد يبي يتغزل بالهلال إذا انتصر

لكن لاحظ الفرق حين فوز النصر

يبالغ وتحس انها طالعه من قلبه

شكراً على مرورك

إقتباس:

الرسالة الأصلية كتبت بواسطة ياااســــــــــر (مشاركة 11195598)

اخوي اشكر لك طرحك الراقي ورقيك بالنقد للمعلق عبد الله الحربي

بصراحه وتعتبر وجهة نظر انا اشوف ان عبد الله الحربي حيادي ولاننسى ان المعلق مايركز بكلامه

انا من المتابعين لعبد الله ويعجبني تعليقه نعم ممكن حماسه الزايد هو من اطاح به في هذه الهفوات

ولكن استغرب من بعض الاخوه يقولون الحربين محايد اتمنى من الاشخاص اللي يمجدون الحرببين ان يشاهدو مباراة

الزعيم والوحده ويعرفون من المحايد وخصوصا لما جاء الهدف بصراحه اسوء تعليق شفته في حياتي

أنا أيضاً اتابع المباريات بتعليق الحربي

واعتقد أنه يتفوق على الحربين بمراحل

لكن ركز على فرحته بفوز النصر على الاتحاد بكأس الأمير فيصل بالرياض

وتبي تلاحظ إن فرحته حقيقه وليست مصطنعه

شكراً على مرورك

إقتباس:

الرسالة الأصلية كتبت بواسطة Webmaster (مشاركة 11195599)

خلاص ولا تزعل، حط راسك ونام، وأنا بأكلمه وأقول يراعي مشاعر ذوي الحس المرهف ويقعد يطبل عشان ما يزعلون!

أجل زعلان ليه ما قعد يزمر للتايب عشان كوبري؟ طيب يوم قعد يقول "هذا هو السحر الحلال، هذا من صنع الهلال" ذي ملزوم يقولها؟ وإلا هي على قولة المبزرة "يبي يسترضينا هالنصراوي عشان نعطيه وجه"؟

اكبروا بالله، إذا التعليق مو عاجبك، شف غيره (إلا إن كنت من اللي قاعد ينتظر يقراها في الجرايد بكرة لأنه مقاطع كل القنوات).

وأما اللي يقول لك ليه يتكلم عن الكلاب، يا أخي 90 دقيقة الرجال يتكلم، تبيه يقعد يعلق على كل شغلة يسوونها اللعيبة؟ لازم تحشي كلامك بشوية معلومات.

عدنان حمد أمس في مباراة الأرسنال وروما قعد يطلع معلومات مااااااااااااادري من وين جايبها، فان بيرسي صار "أبو سهيل" وسمير "أمه فرنسية" وحتى أسماء اللعيبة ينطقها غلط "سلفستري" و "ولشري" وهذا يهون عند "إيمانويل أبو ديابي"، وقاعد يحلل من عنده لما جاء "سونغ" بيدخل قعد يقول "أوووه، فنغر مو عاجبته النتيجة، الحين يبي يعزز الهجوم!" وبعدين اعتذر وقال أن هذا مو أديبايور، ولكنه جورو!

وهذا من معلق كان يعتبر الأفضل من كم سنة، وحتى العتيبي اللي يعتبره البعض أفضل من الغول ورؤوف خليفي خربها في مباراة لفربول ومان سيتي "نبيل الزهر، الأزهر، الزهار، الزاهر".

الزبدة: لا تصيرون حساسين، وإذا التعليق مو عاجبك، ففيه زر اسمه mute.

طيب أخوي وشفيك متحمس زيادة عن اللزوم

ياخي يمدح التايب وفي مباراة النصر أمام الشباب يقول أفضل لاعب أجنبي إيلتون

أتمنى ماتكون مندفع بردك ممكن تكون من المعجبين بالحربي وأنا أيضاً معحب فيه

لكن أنا اقول رأيي وأنا حر فيه فلا تزعل من رأيي

وأنا أعرف أكتم الصوت ولكن شكراً على المعلومه

على العموم شكراً على مرورك

إقتباس:

الرسالة الأصلية كتبت بواسطة w i t (مشاركة 11195930)

اما رضى من رضى وابى من ابى تبي الناس كلها تمشي على ذوقك هذي مشكله
انا اشوف الحربين والعتيبي الي في شو تايم افضل منه مليون مره

عزيزي انا ذكرت الجملة عن بالنسبة لقناعتي الشخصية

يعني هذا رأيي ولن أغيره لكن كل واحد وله ذوقه

وكانك فهمتها إن الناس تمشي على ذوقي

فأنا آآآآآآآآآآآسف ولم يكن قصدي ذلك

شكراً على مرورك

إقتباس:

الرسالة الأصلية كتبت بواسطة نزف المحاني (مشاركة 11196117)

افضل مذيع على الاطلاق بعده يوسف سيف

انا اطرب له

واللي مو عاجبه الحربي يغير القناه اي ار تي حاطه مذيعين اختار بكيفك

أول شي هو معلق مو مذيع

ثانياً أنا أعرف إنهم حاطين معلقين غيره

لكن هذا رأيي هل ممنوع أقوله ؟؟

شكراً على مرورك