|
قمة الإخلاص والحب .... عبدالله الحربي لاتتجاوز الحدود السلام عليكم ورحمة الله وبركاته... ألف ألف مبروك الفوز في مباراة البارحة ولكن الفوز على الشباب هو الأهم ((الزبدة )) نجومنا في مباراة النصر كانوا في قمة المتعة نعم ليست متعة فنية بحته ولكن متعة في الإخلاص متعة في الحب والعشق لناديهم نرفع القبعة إحتراماً لهم مدرباً ولاعبين فقد قدموا كل مايملكون من أجلنا فشكراً لهم فرداً فرداً ــــــــ....ـــــــــ....ـــــــــ....ـــــــــ....ــــــــ أنا لست من الذين يحبون الإنتقاد أو الإصطياد بالماء العكر ولكن وصل السيل الزبى نعم عبدالله الحربي أفضل معلق سعودي رضي من رضي وأبى من أبى معلق يطربك ويشدك إلى أبعد درجة بإسلوب مميز <<ماركة عبدالله الحربي>> في نهائي كاس الأمير فيصل الموسم الماضي جعل النصر الفريق البطل الذي لايشق له غبار وجعل من الهلال الفريق البسيط محدود الإنجازات وفي ختام الدوري أمام الإتحاد كان وديعاً هادئاً وعند خسارة الهلال من الاتحاد بكأس الملك بالرباعية الحزينة خرج بأعلى صوته وقال الإتحاد أقوى وأفضل نادي سعودي وتفاعل مع الفوز الإتحادي عكس مع ماكان في مباراة الدوري وشاهدت اليوم مباراة النصر الأخيرة عن طريق الفيديو ( (الإ الحين أشوف المباريات فيديو ؛قددديم :d )) وشاهدت العجب العجاب والله أنها كانت هناك هجمات خطرة للهلال ومهارات لم يتنزل بالتعليق عليها حتى أنه في كبري التايب بالكويكبي كان يمجد بالنصر وحين الإعادة سكت ولم يذكر شيئاً ولاحظوا كثرة تمجيده لناديه المفضل أنا لا ألومه فلكل إنسان ميوله ولكن أن توظف ميولك في أمانة وضعت فيها فهنا لايسمح لك عبدالله لانريد أن نخسر معلق بحجمك بسبب ميول فعد لنا كما كنت والي يبغي يرد على هذي النقطة لايرد إلا إذا كان متابع للمبارة بصوت الحربي وشكراً لكم وآسف على الإطالة موعدنا الجمعة بإذن الله لبداية جني ثمار عمل شبيه الريح ..... فلنكن في الموعد |
عبدالله الحربي معروف بنصراويته منذ ان كان بالرياضيه السعوديه لكن يجب ان يفرق بين ميوله والتعليق اذا اراد ان تزداد شعبيته ويصل الى مسامع المشاهدين |
والله انا تابعت المباراه بصوت عبد الله الحربي ووجدته قمة الحياديه في تلك المباراه وعبد الله معلقي المفضل مهما كانت ميوله اتمنى منه انه يستمر على الانصاف |
إقتباس:
أختلف معك أخوي شاهد صرخته بالهجمات النصراوية مثل فاول إيلتون ومبالغته بالمدح والإطراء في آخر ربع ساعة أتمنى منك مشاهدة المباراة مره أخرى لتعرف الحقيقة مع العلم أني معجب فيه ولاتهمني ميوله تقبل وجهة نظري شكراً على مرورك |
معلق مزعج وسبب رئيسي لفقع طبله الاذن غير عيسى لا تدور هادي ومعلق متمكن ومحايد |
..,,.. الــف شــكــر لــك ..,,.. |
خله يحترم نفسه الي يقول كلاب وما كلاب عن الرومان كأنه يقصد فيها شي .. تحياتي ابوبدر |
معلق مشي حالك .. وزي ابو حربين مافية يطربك ياخي لو انة علية شطحات بس لايقة علية |
اتمنى من الحربي ان يعتذر عن تعليق المباريات القادمة للهلال او ان تتدخل قناة ارتي والمسؤلين فيها لابعاده عن مباريات الهلال وبخاصة اننا شراكه والارتي واغلب عملائها هم من الشعب الهلالي العظيم |
انا ماني حساس او مبالغ ولكن سالفة كلاب رومانيا وان رومانيا تشتهر ب3 مليون كلب لها اكثرررر من علامة استغراب يعني مثل قولت والنعم هاللي جايبينهم ترى ولاشيء ديرتهم مشهورة بالكلاب !! يعني مثل قولت لاتفزون هذا المتلقى السطحي على اقل تقدير بيفهمها كذا !:confusedw: وحتى لو قلتوا لاتصيرون حساسين ارجع اقول اصلا مال امها داعي هالمعلومه حتى لو صحيحة 0 يعني وش راح يستفيد المشاهد من هالمعلومه انا ابي الحربي يحاول يقنعنا بس وش الفايدة منها هل الفايدة ان جمعية الرفق بالحيوان تنتبه لهذا الخبر وتنشأ مستعمرات كلاب الله يعزك مدري وش يبي الاخ:ap: على الاقل كرم المشاهدين والمستمعين لكن ياجماعة ترى المثاليات مو كل مرة الا ويطيح مدعيها كما سقط الحربي تلك الليلة وارجع واقول لاتلومونه يالربع عجز وهو يرجع تلقاه قال في نفسه والله طالت الشغلة عجزنا وحنا نمدح بهالهلال مصخها:bx: |
الجمعة مبارة اتمنها تكون تليق بنهائي ولي العهد السعودي اول نهائي الموسم الحالي |
ياشباب كل اللي قلتوه عن هالمباراه يهون اللي كرهني فيه يوم اعتزال الاسطوره لما جاء لسامي بلنتي وواضح ان الاسطوره يلزم على الشلهوب يشوته .. وقام الحربي يتريق ويقول ان سامي يقول هذا يوم تكريمي وانا اللي بشوته ؟؟؟ وين حنا بوه ...!! بمدرسة ابتدائيه قمة البجاحه بالحربي محد غصبه يعلق على المباراه وشوفو الفرق بالتعليق مع اعتزال الزول ماجد احمد ..! انا كارهه من زمان والله اكتم الصوت اكثر المرات اصرف ولا عصام الشوالي |
يا جماعه تراكم كبرتوا الموضوع وعطيتوه فوق حجمه والله ما شفت معلق يتغزل بالهلال عامه والتايب خاصه مثل الحربي تبقى وجهة نظر لك احترامي |
شباب الموضوع ما يستهال والله ياخي لاتحط عبدالله الحربي وخلاص الا تدورون المشكله والله ناس فاضيه |
الله يخلي عيسي ياربي تسعدة يوم جاء هدف ولي يقول ولي ولي ولي ولي ولي ولي قوووووووووووووووووووووووووووول |
ههههههههههههههههههههههههههههههههههههههههه الفاضي والله انت ولوحة سيارتك مابقى الا رقم الجوال تحطه:bx: المشكلة ناس ماتفهم الحربي يوم يعلق على هدف ياسر القحطاني العام بنهائي الكاس قدام الاتفاق كان احلى تعليق لياسر القحطاني على الاطلاق , لكن مايمنع نقول اخطأ وهذي وجهة نظر ويالحبيب الله يعطيك العافيه على المعلومه الحلوه توي اكتشف ان فيه ميوت عن طريق شرحك الجميل والمدعم بلوحة سيارتك ههههههههههههههههههههههههههههههههه المهم ياشباب هذي حريات ووجهات نظر وكلنا اخوان وارجو من الذي يتحمس لايرد عشان مايرتفع ضغطه يخش ويرد بهدوء ولايفضي الناس على كيفه<<<<<<<<<منقهر لانه دايم مشغول ويقول عنه الاخ ناس فاضيه <<<<<مشغول يالوليد:naughty: |
مالومه الحربي ان مدح النصر ,, يحب يجبر خواطر النصراويين .. والا نسيت ابيات الشعر اللي يألفها ويقولها اذا سجل الهلال هدف !! ماعتقد ان عبدالله الحربي غير حيادي بس الضعيف دايمن الناس تحاول ترفع له ,, وهذا اللي يسويه الحربي يرفع للنصر عل وعسى ,, |
اخوي اشكر لك طرحك الراقي ورقيك بالنقد للمعلق عبد الله الحربي بصراحه وتعتبر وجهة نظر انا اشوف ان عبد الله الحربي حيادي ولاننسى ان المعلق مايركز بكلامه انا من المتابعين لعبد الله ويعجبني تعليقه نعم ممكن حماسه الزايد هو من اطاح به في هذه الهفوات ولكن استغرب من بعض الاخوه يقولون الحربين محايد اتمنى من الاشخاص اللي يمجدون الحرببين ان يشاهدو مباراة الزعيم والوحده ويعرفون من المحايد وخصوصا لما جاء الهدف بصراحه اسوء تعليق شفته في حياتي |
خلاص ولا تزعل، حط راسك ونام، وأنا بأكلمه وأقول يراعي مشاعر ذوي الحس المرهف ويقعد يطبل عشان ما يزعلون! أجل زعلان ليه ما قعد يزمر للتايب عشان كوبري؟ طيب يوم قعد يقول "هذا هو السحر الحلال، هذا من صنع الهلال" ذي ملزوم يقولها؟ وإلا هي على قولة المبزرة "يبي يسترضينا هالنصراوي عشان نعطيه وجه"؟ اكبروا بالله، إذا التعليق مو عاجبك، شف غيره (إلا إن كنت من اللي قاعد ينتظر يقراها في الجرايد بكرة لأنه مقاطع كل القنوات). وأما اللي يقول لك ليه يتكلم عن الكلاب، يا أخي 90 دقيقة الرجال يتكلم، تبيه يقعد يعلق على كل شغلة يسوونها اللعيبة؟ لازم تحشي كلامك بشوية معلومات. عدنان حمد أمس في مباراة الأرسنال وروما قعد يطلع معلومات مااااااااااااادري من وين جايبها، فان بيرسي صار "أبو سهيل" وسمير "أمه فرنسية" وحتى أسماء اللعيبة ينطقها غلط "سلفستري" و "ولشري" وهذا يهون عند "إيمانويل أبو ديابي"، وقاعد يحلل من عنده لما جاء "سونغ" بيدخل قعد يقول "أوووه، فنغر مو عاجبته النتيجة، الحين يبي يعزز الهجوم!" وبعدين اعتذر وقال أن هذا مو أديبايور، ولكنه جورو! وهذا من معلق كان يعتبر الأفضل من كم سنة، وحتى العتيبي اللي يعتبره البعض أفضل من الغول ورؤوف خليفي خربها في مباراة لفربول ومان سيتي "نبيل الزهر، الأزهر، الزهار، الزاهر". الزبدة: لا تصيرون حساسين، وإذا التعليق مو عاجبك، ففيه زر اسمه mute. |
اخوي يالطيب يالغالي عبدالله الحربي يصير ولد عم خويي بالقصيم وهو على فكره هلالي بس تعرف النثراويه قلبوا عليه واتهموه بانه هلالي وهو علشان كذا يحاول يكون شوي محايد |
انا بصراحه مااشوف فيه اللي تقولونه بالعكس وعبد الله معلقي المفضل و المميز وعلى فكره انا احسه هلالي ومستغربه انكم تقولون انه نصراوي |
فقرواي متعصب حتي ولولبس لباس الحياديه الزائف |
معلق فاشل من جد بلا مجاملات كثير الفلسفه يخليك تكتم الصوت عشان ما يزعجك ما أدري كيف يخلونه يعلق إلى الآن |
السلام عليكم .. والله معلق جيد .. مشكور أخوي على الطرح وبالتوفيق والسداد لك ، ولزعيم نصف الأرض ،،، |
اما رضى من رضى وابى من ابى تبي الناس كلها تمشي على ذوقك هذي مشكله انا اشوف الحربين والعتيبي الي في شو تايم افضل منه مليون مره |
يا اخوان انا مع كاتب الموضوع والهدف ليس انتقاص من حق الاخ عبدالله قد ماهو عتب محب له وبصراحة عبدالله ماهو مثل ماكان عليه وسالفة الكــــــ؟؟؟؟؟ب في المباراة شطحة قوية منه نرجو منه مراجعة حساباته وهو بلاشك معلق قدير وندعو له بالتوفيق وحتى ولو كان نصراوي |
افضل مذيع على الاطلاق بعده يوسف سيف انا اطرب له واللي مو عاجبه الحربي يغير القناه اي ار تي حاطه مذيعين اختار بكيفك |
والله شوف انا عندي أفضل معلق عربي عبدالله الحربي وما تدري صراحة هو هلالي ولا نصراوي باختصار هو محايد |
اقول لكاتب المقال طس انت وحربيك اللي يسمعك يقول هذا يتكلم عن رؤوف خليف ولا فارس عوض ولا عشرات اباطره التعليق العربي ... شاء من شاء وابى من ابى وبطيخ خلها لك. |
الحربي هاذا راعي ميول واصلاً تعليقه على قد حاله !! وين فهد خالد العتيبي معلق قنوات الشوتايم الرياضيه مالها الا ابو عتب او عصام الشوالي او فارس عوض وسلملي على الباقي كثير السلام وان شا لله الجمعه يتوفق الهلال ويحصد اللقب بحول الله |
سالفة كلاب رومانيا وان رومانيا تشتهر ب3 مليون كلب لها اكثرررر من علامة استغراب 000000 الرجال يقول انا فاهم حالات الشعوب ومتابع لما يجرى في اوروبا واراهنكم انه ماجت معه المباراة كما يريد حب يتفلسف شويه لان الجماعه معطينه وجه . سياسة المفلسين .اذا اردنا احسان النيه . |
..,,.. الــف شــكــر لــك ..,,.. |
انا اقترح عليكم ياللي تتابعون تعليقه انكم تغيرون لـ عيسى الحربين افضل منه بكثير اولا معلق محايد الشي الثاني على قولة واحد من اخواننا اللي ردو في نفس الموضوع انه فعلا يجيب الصداع ويفقع طبلة الاذن خصوصآ اذا كانت الكوره مع فريقه المحبب لو كانت في نصف الملعب تحصله شايل الدنيا ومقعدها يعني الله معطيكم خيارات كثيره ليه تحد نفسك على المخيس الحربي الفقراوي واذا اضطريت مره شفها على القناة الرومانيه واستمتع حتى لو ماعندك ثقافه رومانيه امزززززح بس حاولو يا اخواني تشوفونها بدون تعليق المذكور انفآ |
من يقول الحربي نصراوي انا على بالي هلالي ومتعصب احس انه الوحيد اللي يبالغ في مدحه للهلال |
الحربي شطحاته في اخر مباره واجد والليوم كاتبين عنه بجريدة الرياض ((انصرف عن الحديث عن الامور الخاصه بالمباره الهلال النصر اول من امس وتحدث عن نقاط جانبيه ليس لها علاقه بكرة القدم حتى اصبح يتغنى بعلاقه الرومان بالكلاب وتجاهل اللقاء!! اللذي فيه من الاحداث مايستحق التركيز عليها وكان يوجهه اساءه مبطنة للثنائي الروماني.................الخ)) خلوه يبرد على نفسه:bx: |
إقتباس:
|
والله انا تابعت المبارات مع عبد الله الحربي وكاان حياادي الى اعلى درجه |
إقتباس:
مع تحياتي :clapping: ......................................................................... |
مع احترامي الشديد لكم . . كم مره سأله أخوي عن ميوله ورفض وبشده الافصاح عن ميوله . . ولكن قال كلمة وحده بس . . قال (((((أنا متيم بطارق التايب ))))) وأنا مسؤال عن كلامي واللي يبي يتأكد ما عندي مانع |
عبدالله الحربي منذ صغره وهو هلالي متعصب وهو من اقرب الناس الى واحد من اقاربي |
إقتباس:
أكيد يبي يتغزل بالهلال إذا انتصر لكن لاحظ الفرق حين فوز النصر يبالغ وتحس انها طالعه من قلبه شكراً على مرورك |
إقتباس:
أنا أيضاً اتابع المباريات بتعليق الحربي واعتقد أنه يتفوق على الحربين بمراحل لكن ركز على فرحته بفوز النصر على الاتحاد بكأس الأمير فيصل بالرياض وتبي تلاحظ إن فرحته حقيقه وليست مصطنعه شكراً على مرورك |
إقتباس:
طيب أخوي وشفيك متحمس زيادة عن اللزوم ياخي يمدح التايب وفي مباراة النصر أمام الشباب يقول أفضل لاعب أجنبي إيلتون أتمنى ماتكون مندفع بردك ممكن تكون من المعجبين بالحربي وأنا أيضاً معحب فيه لكن أنا اقول رأيي وأنا حر فيه فلا تزعل من رأيي وأنا أعرف أكتم الصوت ولكن شكراً على المعلومه على العموم شكراً على مرورك |
إقتباس:
عزيزي انا ذكرت الجملة عن بالنسبة لقناعتي الشخصية يعني هذا رأيي ولن أغيره لكن كل واحد وله ذوقه وكانك فهمتها إن الناس تمشي على ذوقي فأنا آآآآآآآآآآآسف ولم يكن قصدي ذلك شكراً على مرورك |
إقتباس:
أول شي هو معلق مو مذيع ثانياً أنا أعرف إنهم حاطين معلقين غيره لكن هذا رأيي هل ممنوع أقوله ؟؟ شكراً على مرورك |
انا اشوف ان عبدالله الحربي من المعلقين المبدعين في سماء التعليق ومن المعلقين الي صعب جداً انك تحدد ميوله وبالعكس انا اشوف بعبدالله من الناس الي تحب اللعبه الحلوه والاهداف يعني اشوفه يتفاعل كثير لمى يكون في المباراه اهداف وكذلك يمتعه مهارات طارق التايب كثير يعني ما لاحظت الملاحظات الي تقولها عنه |
إقتباس:
لاوالله ماصدقت فارس عوض الافضل |
إقتباس:
رأيي بأن الحربي متميز من ناحية التعليق على الدوري السعودي لكن ليش أطس فالمنتدى مكان للجميع لطرح الرأي أتمنى أن ترتقي بألفاظك مستقبلاً مع ذلك شكراً على مرورك |
أنا أقـــولكم صــراحــــة لا تعـطـــــون موضوع عبدالله الحربي أكبر من حجمه يعني هو مسكــــيـــــن نصراوي وأنتم تشوفون بعد كورة سخيفه ويتحمس أما الهلال والله لو وش إلا قليل انا صــراحه عندي عبدالله الحربي بطل بس لو يفك حركاته ذي بس هو مسكيــــن ومشكــــــــوووووووووووور على الموضوع أخوي ولا تحرمنا من تواصلم وإبداعاتك |
إقتباس:
فارس عوض إماراتي ومو سعودي وهو معلق كبير شكراً على مرورك |
| الوقت المعتمد في المنتدى بتوقيت جرينتش +3.
الوقت الان » 02:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd