آهلآ بـ رعبوبه الزعيــم

اتفـق معك في عـده نقـآط وآختلف معك في بعض النقـآط

الي اتفـق معك آن مجتمعـنآ لآ ينسى آخطآء المرآءه و ينسى آخطآء الرجل

ولكـن آنتي اوضحتـي من موضوعك آن الرجل كآلظآلم والمرآءه المظلومـه !

صباح الخير


اتفق معك باشياء كثيرة


دايم ندخل في نقاش من ناحية العقوبة الي يفرضها المجتمع عالبنت وتغاضيه عن الولد مع ان الشرع مافرق بين الذكر والانثى في الثواب والعقاب


((‏وَالسَّارِقُ وَالسَّارِقَةُ فَاقْطَعُوا أَيْدِيَهُمَا جَزَاءً بِمَا كَسَبَا نَكَالاً مِنْ اللَّهِ‏))

((والزَّانِيَةُ وَالزَّانِي فَاجْلِدُوا كُلَّ وَاحِدٍ مِّنْهُمَا مِئَةَ جَلْدَةٍ ..))


هذا من ناحية العقاب


(( مَنْ عَمِلَ صَالِحًا مِنْ ذَكَرٍ أَوْ أُنثَى وَهُوَ مُؤْمِنٌ فَلَنُحْيِيَنَّهُ حَيَاةً طَيِّبَةً وَلَنَجْزِيَنَّهُمْ أَجْرَهُمْ بِأَحْسَنِ مَا كَانُوا يَعْمَلُونَ ))

هذا من ناحية الثواب ..

والادلة كثييييرة


بس مع الاسف في النهاية هي امور فرضها المجتمع ماانزل الله بها من سلطان ،، نحاول احنا نصلحها لما نربي اولادنا وبناتنا عالمساواة ..


انا ماقصد بالمساواة اني اعطي للبنت الحرية المتوفرة الحين للولد .. بس زي ماعاقب البنت اعاقب الولد



من ناحية القصص الي ذكرتيها - بعض - الرجال مايعرف لاصلاة ولاصيام او تلقينه متهاون فيهم

بس حافظ من القرآن (( .. مثنى وثلاث ورباع .. )) .. مايدري ان تكملتها ((فإن خفتم ألا تعدلوا فواحدة ..))

وبعضهم فاهم القوامة غلط .. يحسبها بالتسلط وفرد العضلات
مايدري عن عياله وين راحو ووين جو ولايوفر لهم حاجاتهم الضرورية .. كل مسؤولياتهم عالام ..

هي تربي وهي تدرس وهي تودي المستشفى وهي تصرف

مثل هالنوعية حتى صفت رجولة مايستاهلونها


مانبي نطالب الرجال بتحرير المرأة زي الغرب


نبي بسسس حقوقنا الي فرضها لنا الدين الاسلامي وضيعها _ بعض _ الرجال



رعبوبة طرح مميز يعطيك ربي الف عافية

هـلا وسهـلا ..

أمام موضوع كهذا متكامل من كل النواحي , أتوه وأضيع وأغرق وأحاول العبور بدون نتيجة وفايدة الى مرسى الكتابة

هل تعرفين لماذا يا ابنة العرب ؟!

لأنكِ بارك الله فيك لم تتركي مجالاً لي , فـ افسحي الطريق في المرة القادمة

حسناً .. "نجي الجد عاد "

شوفي يا أختي , المرأة بمجتمعنا ضحية "جبروت " الرجل .. لكن الرجال نوعين
يا واحد جبار ما يرحم , وع قولتك فاهم الرجولة خطأ !

أو واحد حنون وهادي ولطيف .. ويحب كل الناس , وهذا بالتالي الحريم يودونه ويجبونه ع كيفهم .. الا من رحم ربي !

يعني ما عندنا نوعية وسط المهم ماعليك من كلامي لأن مب انا الي اقرر اصلا

لكن نجي عند دور المرأة .. والله اذا شافت نفسها مظلومة المفروض تدافع عن نفسها وتأخذ حقها كامل ومكمل بعد ! خوش والله الحياة مصخرة ولا ايش بالضبط ؟!

ولا يوقف بوجهها مليون رجال .. لأن بعضهم ترى خرطي ماعندهم سالفة

والحريم ترى مب هينات .. أعرف لك وحدة عمرها اللحين فوق الـ 60 سنة , عاد تسولف عن ايام دخول الفرنسيين لـ سوريا تقول أنهم مسكوا ابوها ودخلوه السجن .. كانت هي بسن صغيرة , وجت للضابط الفرنسي الكبير وطلعت فوق طاولته وعطته ذاك الكف
ع الأقل تبرد حرتها .. الصدق أنه ما سوى له شيء وقعد يضحك !
طبيعي ! كنه يقول عادي ترى ولا الصدق ان الفشلة قطعته


الخلاصة .. أن المرأة لازم تأخذ حقها بيدها من اي رجال يواجهها في الحياة .. حتى لو كان هو المسئول الأول عنها.

والله خير مُعين .


مشكورة على الطرح الجميل , موفقة يا الغلا ..

وعليكم السلام
هلا والله وغلا بهيونه
عاش من شافك في الشبكه وش هالقطاعه
<< من الي يتكلم الي يشوفني يقول مسنتره بالشبكه ورود
نخش بموضوعك

إقتباس ((الرجال شايل عيبه)) ((أنا رجاااال وانتي مره))

الرجال شايل عيبه <<حفظتها مثل اسمي ومن طلعت من بطن أمي
ماكنها كبيره
وعلمتنا الحياه (( البنت مثل الزجاجه اي خدش يؤثر فيها ))
هذا حكم الزمن علينا ((حكم الزمن يحير بعض الظروف تغير ))<<برااااااااا طربانه

إقتباس مو كل مره يكون الضرب الحل الأمثل .. والضرب يرجع بشي سلبي على البنت تصير نتيجة (عكسيه) يمكن تعاند وتعاند .. وهنا ماراح يستفيدون شي !!

على طاري الضرب من مده ومش بعيده كان الساعه تقريباً ثتين ليلاً وتونا داخلين حارتنا أنا وخيو..!
الا فيه شاب يجلد بنت وبيده في الشارع ومعه شاب ثاني سيارتين كانو موقفه,, خيو تلقائياً وقف سيارته وبينزل ماتحمل يشوف بنت تضرب قدامه قلته ماعليكم منهم بحريقه خفت يصير شيء فيه نزل وماسمع كلامي طبعاً وتفهم منهم وش القصه صار الي يضربها
اخوها مسويه البنت شيء غلط عاد يقول خيو لوك والله مو معاي علمتك وش اسوي فيه يعرف يمد يده عليها
وصار بعدها تجمهر عليهم عاد نحن شعب بسم الله علينا لانعشق التجمهر في هالأمور
ولانعشقها بتاتاً الجمهره الزبده مثل هالقصه الي ذكرتها(( الحل للغلط الي سوته البنت)) يكون بالضرب ورفعة اليد !!!
الحل يكون قدام خلق الله بعد الله لايفضحنا هذي أختك سترك وغطاءك تفضحها قدام خلق الله !!!
عندنا عقليات صراحه يبليه ( فرمته )
والله لايزرقنا مثل هالعقليات يارب ولامن يرفع يده جعل ايده الكسر يارب ماكني تحمست واندفعت

إقتباس بعض الرجال يعند بسبب أن العصمة بيده .. يقول لا (بعلقكـ) وماراح أطلقكـ

مااقول الا الله يعافيهم ممن ابتلاهم فاهمين العصمه خطأ
والضحيه في النهايه البنت أعرف وحده له اربعه سنوات الآن معلقه
والسبب زوجها كان يحبها موت وحبه تحول غيره وبقوه والغيره دخل فيها الشك والوسواس..!
انقلبت حالته الى امراض نفسيه الله يشفيه طلبت الطلاق منه وذهبت لبيت أهلها ومو راضي الى الآن يطلقها
يقول أنا أحبك ماراح اطلقك واحلمي اني اطلقك البنت وش ذنبها هي وتوها بعمر الزهور الآن 22 عام ..!
هذي ضحيه من ضحايا التعليق ومن خفي من هالمشاكل في المجتمع كان اعظم ..!

إقتباس قلت لأمي معقوله فيه رجال بهالوقت يحب زوجته كل هالحب ؟! قالت هذا حب رجال اول مافي الحين هالنوعيه من الرجال .. قلت في قلبي ( الله يرزقنااا )

آآآآآآآآآآآآآآآآآآآآآآآآآآآآآآآآآآآآآآمين والمسلمين<<اتوقع سمعو دعوتي كل الي متواجدين بالشبكه
هذا رجل عاطفي جداً ..أو بالأصح يسمى رجل بعقليه امرأه
انا نفسك ماكنت متوقعه فيه رجال تكون العاطفه تغلب العقلانيه عندهم واكتشفت
يوجد وفي نسبه تتمثل 15%رجال عقليتهم تكون العاطفه غالبه عليهم في نسبه التفكير من العقل
((يعني رجال بعقليات نساء )) وبرضو في نسبه تتمثل 15% من عقليات النساء العقلانيه والعمليه تغلب العاطفه عليهم(( أي نساء بعقليات رجال ))
هاللأحصائيه طرحت في برنامج هو وهي عفواً هي وهو
<< تذكرت هوشتهم في نطق اسم البرنامج


رعبوبه موضوعك جداً راقي ياراقي أنتا من ذوقك وميولك نقول راقيه
(( من مستوى ذوقه تحدد ميوله ))
<<ومازال فرحه الفوز مأثره فيها
يعطيك ربي ألف عافيه ع هالموضوع وبدون مجامله من أفضل المواضيع الي قرأتها
اسلوب بسيط شفاف وقصص ولااروع لذلك اعذرني ع هالرد الطويل لانك آثرتي أشجاني في بعض النقاط
وآثرتي (قريحتي القصيصيه) قريحه قصص تجي فانفتح بن شرهان

دمتي لمن تحبين
فنووون

انا بصراحة لو ما اعرف عن الحاريم اي شي وقريت موضوعك يعني يمكن اول شي اسويه اسل سيفي
واروح اذبح اي رجال اشوفه قدامي من دون اي سبب بس لاني قريت موضوعك


وبعدين وبكل صراحة وحتى لو كل الحاريم يزعلون على الليي بقوله ما علي ((رضى النساء والله لو تموت ما ادركته ))
لانه وبكل صراحه النساء من مشى في شورهم ضاع لكن لانه كل شي تبيه على كيفها والمصيبه انه تروح ضحايا من
ورى هالمزاج المصدي

لكن ما انكر ان ان النساء فيهم من يخاف الله وتناظر لربها ورضى زوجها لانه بالحديث من ماتت وزوجها راضي عنها دخلت الجنه

عاد في كلمة مكنونه في خاطري وبصراحة ما قلتها لأحد ابد من قبل والحين بقولها بالفم المليان ليش كثييييييييييير من الشباب يوم يتزوجون كلها كم يوم وتلقاه يرجع علاقته المحرمة السابقه ويقول يا اخي السعوديات ما ينفعون وجع قسمن بالله كرهت الزواج من كثر هالنماذج مو واحد ولا اثنين ولا عشر قسمن بالله اللي اعرفهم كثير من اللي تزوجو والله ما يكملون شهر شهرين بالكثير ويصير كأنه مو متزوج ولا هم يحزنون مدري ليه ؟؟؟ اموت واعرف



واخر شي يا عزيزتي العضوه الموقره دقيقة ابطلع اشوف يوزرك ايه رعبوبه لا تناظرين لنماذج سيئه وتقولين الرجال فيهم وفيهم والحاريم يا حرام يكسرون الخاطر والله والله اني فيهم ناس يسوى اكثر من وزنة ذهب مثلي طبعاً

لكن اذا صار امامك كوب في نصفه ماء لا تقولين نصفه فارغ من الماء وانماء قولي نصفه ممتلئ بالماء

والله احس اني بذلت مجهود بهالرد ومشكوره على الحش والتقطيع بالرجال قصدي موضوعك

أهلــن رعبوبه..


كلامك معظمه عين الصواب


المشكله تكمن في ان الرجل ماحس بالحب والحنان عند اهله. وصار اذا تزوج عادي يسب ويشتم ويهاوش

وكان الوضع عادي عنده.. لئنه متعود


اشكرك على هييك موضوع

الله يهديهم ياخذون الشيء اللي شرعه الله لهم ويستخدمونه الإستخدام الخاطئ..حتى يمكن يبتدعون أشياء جديده ويحللونها على كيفهم.. ويحرمون الأشياء اللي مايبونها على كيفهم ...>>>

((والصلاة مايصلي)):

>>لله درّك يـا فتـــــــااااااااااااااااااااااااااهـ..وربببببببببببببببببببببببببي كل اللي بخاطري قلتيه..فديت عينك رعبوبه
واحب اسأل واضيف معلومه..للأخوان اللي فاهمين الرجولة والقوام غلط..
هل في نظرك قوامك ورجوولتك..انك تمد يدك على مره..؟..وتبخل عليها وتمنعها من ابسط حقوقها...؟؟؟؟؟؟
الله سبحانه وتعالى..عندما قال..ان الرجال قوامون على النساء..معناته..انك تحميها وتصونها وتصرف عليها
وتمنعها من الغلط ومعصية الله>>اللي موعارف تمنع نفسك انت عنه بالأول..مو ع الطالعة والنازلة(الرجال قوامون على النساء)..
ياخي افهم أبعاد الجملة وبعدين قولها..لاواغلبهم سامعها سمعه ولاقد قراها بالقرآن..
وفي مقولة بعد اكثر منها انتشاراً وقلة فهم..وهي(النساء ناقصات عقل ودين):
بأختصار المعنى..((ناقصات عقل))..أي انهم عاطفيات اكثر من انهم عقلانيات ويأخذون الأمور بعاطفية اكثر احياناً لأن ربي خلقها كذى
رهيفه وهذا الشي معروووووف منذ الجاهلية...
و((دين))لأنها شهرياً يجيها إجازة من رب العالمين وتتوقف عن الصلاة لمدة مايقارب اسبوع..أو... إلخ..

صباح الخير

معليش ع التـأخر بـ الرد بس ظروف خارجه عن الإراده ..

أولاً ..
موضوعي مو علشاني متحامله على الرجـال او حاقده عليهم .. بالعكس الرجل
نصف المرأهـ والمرأهـ المكمله للرجل ..
ولكن!
أنا جبت نماذج من بعض "المشاهد" المتكرره في مجتمعنـا..

ثانياً..
أنا مؤمنه أنه مهمـا كان فيه " أشباه" رجال أكيد فيه رجال يخاف ربه ..والدليل إني جبت نمودج عن رجل ماخاف ربه في زوجته ..
ورجل آخر وفى لزوجته حتى آخر يوم بحياتـه ..

وكل مجتمع فيه (الزين والشين) ..
وهالشيئ ينطبق على الحرمه بعد ..

وحتى لو كـانت المرأهـ قويه .. قوتها ماتجاري قوة رجل صار المجتمع كله معاه
كلها سنه او سنتين راح تضعف لأنها ماتقدر تتحمل أكثر من طاقتها




الهنوووف

هـلا بتوأمي
الرجـال مهما انرفض لازم بيلقى الوحده اللي ترضى فيه وبالمواصفات اللي يبيها ,,

الله يعافيكـ يالغاليه
وانـا سعيدهـ بـ ردك



nor alshams

هـلا وغلا فيكـ يالغاليه
والله هالقطاعه موب مني .. كانت غصبن علي ,,
والا الدفره والدراسه كثيري منها <حملت ماده
الله يذكرهـ بالخير الكناري ..
وردكـ عادي عبري عن رايك وطولي الموضوع موضوعكـ ..

إضافه حلوة للموضوع ..

والله يعطيك العافيه ..
وان شالله محد يقاطع مره ثانيه ..

هيوونتي الوعه هناا
هيوونتي الدووبه منزله موضوع
هيونتي حبيبتي رجعت
يا مرحبا يامررحبااا >> كيف الاستقبال
والله ونوور المجلس يالغلا .. وهـ بس فديت هالطله الحلوة

شوفي تعليق ع الموضوع مني معلقه لاني قريته مرة ومافيني ارجع اقرى واقتبس
وغير كدا عارفه هيونتي وش تكتب وعارفه انو كل ابو موضوعها حلو مايحتاج اقعد ارد

يلا خلاص كفايه بربره حبيت ارحب فيكِ ياقلبي

وين الوفى والتضحية .. وينك رفيق ..
وبتجمع أوراق السنين ..
لا تنسى تجمع جروحي .. ودمعي .. وآهـاتي معــك ..
وقلبي بعد ما قتلته ..
يا رفيقي .. ما عاد يقدر يمنعك ..


يمكن ...][ هلالي الخبر ][... قال اللي كان ودي اقوله ..

بس حبيت اوضح ان فيه اشخاص اوفياء بالزمن هذا ..
هذي قصة لشخص عندما تزوج امرأة وسط رفض الكثيرين للزواج هذا بداعي الغيرة ..
طبعا الرجل يحب زوجته وهي تبادله نفس الشعور .. وعاشوا حياتهم ولا فكروا بالناس الحاقدين ..
مرت عدة سنين بدون ما تنجب زوجته وقرروا انهم يتعالجون .. ولما حللوا كانت فحوصاتهم سليمة وما في احد منهم فيه مشكلة ..!!
طبعا بعد روحات وجيات للقراء واستخدام الرقية الشرعية عرفوا انهم مسحورين ولا يمكن ينجبوا ..!!
الحل كان اما بفك السحر .. وهم ما يعرفون مكانه او الشخص اللي سحرهم ..
او الطلاق وكل واحد يروح بطريقه ..والخيار هذا كان اصعب من اللي قبله ..
الرجل ضحى بالولد اللي يحمل اسمه بعد مماته وقرر انه ما راح يفارق زوجته الا لقبره ..!!
والمرأة ضحت بحلم حياتها وكلمة ماما اللي تتمناها كل ام وقررت ان تستمر معه الى اخر يوم بحايتها ..!!
واليوم اعمارهم تتجاوز الخمسين وماعندهم اولاد لكن عندهم الحب اللي يجمعهم ..

يعطيك العافية رعبوبة الزعيم على الموضوع ,,

هلا وغلا رعبوبه

مسألة ان الولد شايل عيبه المجتمع الأغلبيه فيه تفكيرهم كذا
صحيح انه تفكير بعيد عن المنطق لأن الغلط واحد لرجل والا لأمرأة
لكن هذا المجتمع وهذا نظرته انها مثل الزجاجه واي خدش يأثر فيها
وان شاء الله انها تكون محافظه على نفسها وماتعرضها لأي شي يخدشها او يكسرها
عموماً هذا هو المجتمع يعني مستحيل تتغير نظرته..
بالنسبه للطلاق مدري ليه يتكلمون عنها كأنها بطلاقها اجرمت بحق نفسها وبحق اللي حولها
المطلقه مو شرط انها تطلقت لعيب فيها ممكن منه هو ماخاف الله فيها او لأي سبب كان
هم مايناظرون اسبابها لا يناظرون انها سوت شي غلط وبس طيب هي مارضت
بالطلاق اللي عمره ماكان سهل الا لشي اكيد انه كبير يعني كفايه عليها وضعها
يجون يزيدونها بكلامهم اللي ماله داعي
والوفاء يوه قصتك مره تحزن الله يرحمهم
الأكيد ان الزوجه اوفى بكثير بحكم طبيعتها وماننكر بوجود رجال تشهد لهم افعالهم بوفائهم
بس المرأه معروفه بتضحيتها وحنانها عشان كذا وفاءها اكبر
وبالنسبه للإنجاب كثير قصص نسمعها إذا كانت الزوجه ماتنجب هي اللي تقنع زوجها
انه يتزوج عاد بعضهم مايستاهل مايجلس كم شهر الا هو ناسيها
والبعض تعرف انه ماينجب وعندها استعداد انها تعيش بدون اطفال بس اهم شي انها ماتتركه يعني وفاء لاحدود له

سوري رعبوبه كثرت حكي

يعطيك العااااافيه على هالموضوع الحلوو ولاتحرمينا من حضورك

أهــلاً رعـبـوبـة .. وعــودة مــوفـقــة بـيـن أخــوانـك وأخواتـك ..

اولا .. حاب اهنيكِ على فكرك الراقي وقلمك الرائع ..

قلما نجد مثل هذه المواضيع الهادفة هذه الأيام ... الله يوفقك دنيا وآخرة ..


ثانيا .. اوافقك الرأي الولد اذا سوا شيء غلط .. قد تمرر ,, لكن البنت الله يعينها ..

بس ترا صدق .. لا تحسبين انها تمر دايم .. ترا في بعضهم ما في وحدة تقبلبهم .. بسبب كلام الناس عنهم ووش سووا ..


ثالثاً .. القصة الي قلتيها الأولى[ خيانة بلا ذنب ] .. !! تحزن القلب ويذرف الدمع لها ..

اما القصة الثانية عن الوفاء فقمة في الروعة .. والله يرزقك برجل الحلال الي يسعدك دنيا وآخرة ويكون مثل الي في القصة وأحسن ..

وأخيراً .. لا تحرمينا من جديدك .. وأحب اهنيكي على الكلامات الرائعة في توقيعك ..

اجمل تحية مني تقبليها /

د.هدف ..

طرح رااااااااقي وراائع


لاعدمناكـ