إلحـق عمـرك.. وقـص تذكـرتـك.. مفـاجـأة كبـرى بتشـوفـهـا بالاستـاد - نادي الهلال السعودي - شبكة الزعيم

Fahad Al Sudais · #1 21/02/2009, 08:57 PM

حيــــــــــاكم

هلا والله

يالله حيّهم كلّن باسمه

فصّلتوا ثياب بيضاء والا توّكم

ترى الصيف جاء.. لايهمكم اللي يقول ( بيّاع الخبل عباته )

ياحبّي للمكيف بس

الموهيييم

قبل اخوووش في الموضوع

عندي لكم فكرة جوهنمييييه خوقاقييييه

هماهـ ( حقّـون ) الملعب ناشبين بحلوقنا عند الشالات والاعلام

وش رايكم نقهرهم ونفصّل ثياب ( زرق )

<< لاعاد تقترح

.
.
.

نخوووش في الموضوع

البارح ياجماعة الربع

إتّصلت على واحد قوي مره

قوي بكل ماتحمله الكلمة من معنى

هلالي أبا عن جد

يموت بشي اسمه هلال

دمّه ازرق وعروقه بيضاء

بس مشكلته انّه عايش بالكويت

اكثر واحد يخلّيك تمسك بطنك من الضحك

عرفتوووه

7

سألني :

وش اخبارك ياعبدالرزاق

.. وش اخبار جماهير الرياض

قلت له :

هلا هلا.. انا فهد

.. والله الاوضاع ماهيب اللي انت تبي بالحيل

قال :

افا.. ماهيب هي والله ياعبدالستّار

قلت له :

الشكوى لله.. بس ترى اسمي فهد

قال :

طيب وش فيهم جماهير الرياض مايجون للملعب يا توفيق

قلت له :

ياخي فهد .. فهد.. اقسم بالله اسمي فهد

قال :

عفوا عفوا... لا تواخذني الكبر شين يا مصطفى

قلت له :

جماهير الرياض صايرة تطفش من الحضور... ماعاد جو الملعب يونّسها

قال :

اذا السالفة كذا... ابشروا بعزّكم وانا ابوعدنان

قلت له :

وش عندك ... وش ناوي عليه

قال :

باجيكم وباحضر معكم مباراة الاثنين مع فريق وفاق سطيف الموريتاني

قلت له :

والله من الدجّه الكرويه يابوعدنان

.. اجل وفاق سطيف.. وموريتاني بعد

قال :

هههههههههههه لاتدقق واجد يا حمزة

قلت له :

فهد فهد فهههههههههههههههههههههههد

قال :

خلاص خلاص.. اللي تبي.. بس المهم تراي جايّكم للملعب

وناوي اقلبها هستره بالمدرج.. وباستلم الجماهير واحد واحد

اللي ودّه يضحك ويستانس يجي

.

وش رايكم يازعماء ؟؟

مابقى الا هي ترى... نجيب لكم ابوعدنان

بالعربي الفصيح :

تراها مباراة كؤوس.. خروج مغلوب.. وقدّام الجار ( ديربي )

يعني اذا ماجيتوا ولا مليتوا المدرج بهالمباراة.. لاتجون ابد

جماهير الديربي الماضي بكل صراحة... تفشّل

والعشم فيكم اكبر

اتركوا عنكم عبدالله الحربي وفارس عوض.. وتعالوا فلّوها مع التنديل

العالم اللي ماسكه عجرا وتدوّر المحارش.. ارجوا قراءة الكلام المشفّر
7
7

ملاحظة / ترى كل مافات مجرّد خرط فاضي لا اكثر.. لا يجيني احد مطفّي النور ويقول نصّاب

The Black Wolf · #2 21/02/2009, 09:10 PM

صراااااااااحة كنفرزايشن حلو <<

ويا ليت الجمهووور يقدر تعب الزعيم ..

عالعمووم شبيه الريح صرح وصرح الأسطورة سااام6 والأمير نواف .. وللأسف ما عندك أحد ..

لكن الشكوى لله

عسل سدير · #3 21/02/2009, 09:11 PM

يعطيك العافيه على الطرح الحلو مثلك

وان شاء الله من اول الحاضرين يوم الاثنين وبالتوفيق للزعيم

زعيم سدير7 · #4 21/02/2009, 09:12 PM

من جدك يبي يجي

الله... اجل انا ابحضر

!! المسكت !! · #5 21/02/2009, 09:15 PM

جمـآآهـير الزعـيـم فيهم الخـيـر والبركة وصدقني لو ما عملي وااني بعيد عن العاصمة كنت اول واحد بالملعب ولكن عشمي في جماهير الزعيم وان شاء الله نشوف يوم الاثنين جمهور ما عمره حصل بس تفاءل بالخير وانا اخووكـ

تقـبـل تحيـآآتي

" أَبُو لارا " · #6 21/02/2009, 09:15 PM

ســـم طال عمرك

... الجمـــاهير حاضرة طـــال عمرك

وش بغيت طــال عمرك !!
تبيهم يلبسوا ثــياب زرق ....تأمر أمـــر طــال عمــركــ

أقهــروا رجـــال الأمـــن ياجمــاهــير الزززعــيم

.
بــس هــذا نقــد فني طــال عمرك

>>خاشــه عــرض

.
الحــضور ..الحـــضور يــ جمــاهــير الــرياض

.
والــفوز هــلالي بإذن الله وبــهدفين والعلم عند الله >> صاير محمد البــكر

مشكور يــ مدحـــت على المــوضوع الأكــثر من رائــع

alzaeeeem · #7 21/02/2009, 09:16 PM

كيف الحااااااااااااااااااااااااااااااال ..

عاد جاي يوسف الثنيان

جنون الهلآل · #8 21/02/2009, 09:16 PM

موضوعك حــلو
ولوني بالرياض والله لااجي
بس حسافه بالدمام بعــيد مشواااار

Maha` · #9 21/02/2009, 09:17 PM

هههههه حلووه مقدمتك

ومعك حق اذا ما حضر الشعب الهلالي في

هالمباراة متى بيحضر خاصه انها في اجاازه

يعني مالهم عذر

ومباراة تأهل للنهائي اتمنى محد يعتمد على غيره في الحضور

وبالتوفيق لنااادي القرن

والله يعطيك العافيه اخووي الصخره

سر البطولات · #10 21/02/2009, 09:23 PM

واللي يرحم والديك وش دخل ابو عدنان

عاشق 19 ميسي · #11 21/02/2009, 09:26 PM

× ×

.. [ السلام عليكم ورحمة الله وبركاته ] ..

.. يعطيك ألف عافيه أخوي فهد ..

.. الله يعين جمهور الرياض .. حتى لو جبت لهم عادل امام .. ماضنيت يحضرون ..

..

.. لكن يعجبني الموضوع .. تحفيز + فرفشه قصدي .. بربره ..

..
؛
؛
؛

.. لكن المباراة القادمه أمام النصر .. لنكن يدا واحده مع الزعيم ..

يجب الحضور من كل المناطق .. من لديه القدره با الحضور .. يجب أن يحضر ..

اذا ماحضرنا المباراة القادمه .. متى سنحضر .. مباراة خروج مغلوب .. وتعتبر مباراة البطوله ..

؛
؛
؛

وباذن الله .. البطوله هلاليه .. من بوابة النصر ..

.. تحياتي لك .. عاشق 19 ميسي ..

..

.. با التوفيق للزعييم ..

..

.. عوافي ..

..

× ×

هلالي كونكت · #12 21/02/2009, 09:27 PM

مشكــــــــــــــــــور

وان شاء الله يحضرون بكثافة

والفوز هـــلآلـــي

تحياتي

حاكم مملكة الزعيم · #13 21/02/2009, 09:28 PM

ههههههههههههههههههههههههه

موتني من الضحك الله يرج ابليس عدوك

باذن الله راح امشي من المدينة المنورة يوم الاحد الساعة 8 بعد صلاة العشاء

جايي للرياض جايك ياهلال لعيونك يازعيم

ولكن خايف اضيع مادل بالرياض زين ولا اعرفها زين

بس لعيون الهلال يبشر اجيه لو مشي

موادع T3 · #14 21/02/2009, 09:30 PM

يا شيخ انت احسن من ابو عدنان..

قطع بطني من الضحك وهو بالكويت ..!!!!!!

عالعموم الف الف الف شكر عالموضوع الخفيف الدم ..

وا نشالله الحضور بيكون زين..

نزيه المشاعر · #15 21/02/2009, 09:32 PM

ان شاء الله يقدرون الجمهور هالمواضيع الطيبه ويجون

................................