إلحـق عمـرك.. وقـص تذكـرتـك.. مفـاجـأة كبـرى بتشـوفـهـا بالاستـاد - نادي الهلال السعودي - شبكة الزعيم

Fahad Al Sudais · #1 21/02/2009, 08:57 PM

حيــــــــــاكم

هلا والله

يالله حيّهم كلّن باسمه

فصّلتوا ثياب بيضاء والا توّكم

ترى الصيف جاء.. لايهمكم اللي يقول ( بيّاع الخبل عباته )

ياحبّي للمكيف بس

الموهيييم

قبل اخوووش في الموضوع

عندي لكم فكرة جوهنمييييه خوقاقييييه

هماهـ ( حقّـون ) الملعب ناشبين بحلوقنا عند الشالات والاعلام

وش رايكم نقهرهم ونفصّل ثياب ( زرق )

<< لاعاد تقترح

.
.
.

نخوووش في الموضوع

البارح ياجماعة الربع

إتّصلت على واحد قوي مره

قوي بكل ماتحمله الكلمة من معنى

هلالي أبا عن جد

يموت بشي اسمه هلال

دمّه ازرق وعروقه بيضاء

بس مشكلته انّه عايش بالكويت

اكثر واحد يخلّيك تمسك بطنك من الضحك

عرفتوووه

7

سألني :

وش اخبارك ياعبدالرزاق

.. وش اخبار جماهير الرياض

قلت له :

هلا هلا.. انا فهد

.. والله الاوضاع ماهيب اللي انت تبي بالحيل

قال :

افا.. ماهيب هي والله ياعبدالستّار

قلت له :

الشكوى لله.. بس ترى اسمي فهد

قال :

طيب وش فيهم جماهير الرياض مايجون للملعب يا توفيق

قلت له :

ياخي فهد .. فهد.. اقسم بالله اسمي فهد

قال :

عفوا عفوا... لا تواخذني الكبر شين يا مصطفى

قلت له :

جماهير الرياض صايرة تطفش من الحضور... ماعاد جو الملعب يونّسها

قال :

اذا السالفة كذا... ابشروا بعزّكم وانا ابوعدنان

قلت له :

وش عندك ... وش ناوي عليه

قال :

باجيكم وباحضر معكم مباراة الاثنين مع فريق وفاق سطيف الموريتاني

قلت له :

والله من الدجّه الكرويه يابوعدنان

.. اجل وفاق سطيف.. وموريتاني بعد

قال :

هههههههههههه لاتدقق واجد يا حمزة

قلت له :

فهد فهد فهههههههههههههههههههههههد

قال :

خلاص خلاص.. اللي تبي.. بس المهم تراي جايّكم للملعب

وناوي اقلبها هستره بالمدرج.. وباستلم الجماهير واحد واحد

اللي ودّه يضحك ويستانس يجي

.

وش رايكم يازعماء ؟؟

مابقى الا هي ترى... نجيب لكم ابوعدنان

بالعربي الفصيح :

تراها مباراة كؤوس.. خروج مغلوب.. وقدّام الجار ( ديربي )

يعني اذا ماجيتوا ولا مليتوا المدرج بهالمباراة.. لاتجون ابد

جماهير الديربي الماضي بكل صراحة... تفشّل

والعشم فيكم اكبر

اتركوا عنكم عبدالله الحربي وفارس عوض.. وتعالوا فلّوها مع التنديل

العالم اللي ماسكه عجرا وتدوّر المحارش.. ارجوا قراءة الكلام المشفّر
7
7

ملاحظة / ترى كل مافات مجرّد خرط فاضي لا اكثر.. لا يجيني احد مطفّي النور ويقول نصّاب

The Black Wolf · #2 21/02/2009, 09:10 PM

صراااااااااحة كنفرزايشن حلو <<

ويا ليت الجمهووور يقدر تعب الزعيم ..

عالعمووم شبيه الريح صرح وصرح الأسطورة سااام6 والأمير نواف .. وللأسف ما عندك أحد ..

لكن الشكوى لله

Fahad Al Sudais · #3 21/02/2009, 11:00 PM

إقتباس

الرسالة الأصلية كتبت بواسطة The Black Wolf


	صراااااااااحة كنفرزايشن حلو << ويا ليت الجمهووور يقدر تعب الزعيم .. عالعمووم شبيه الريح صرح وصرح الأسطورة سااام6 والأمير نواف .. وللأسف ما عندك أحد .. لكن الشكوى لله

اجل كنفرزايشن

على كذا.. الله يوفق الهلال في الكومبتيشن

ومانشوف اشياء غريبة في السيتيويشن

والله يوفقني انا واشتري فورد اكسبديشن

وانت منور ياعسليشن

عسل سدير · #4 21/02/2009, 09:11 PM

يعطيك العافيه على الطرح الحلو مثلك

وان شاء الله من اول الحاضرين يوم الاثنين وبالتوفيق للزعيم

Fahad Al Sudais · #5 21/02/2009, 11:02 PM

إقتباس

الرسالة الأصلية كتبت بواسطة عسل سدير


	يعطيك العافيه على الطرح الحلو مثلك وان شاء الله من اول الحاضرين يوم الاثنين وبالتوفيق للزعيم

الله يعافيك

عيونك الحلوة حبيبي

الف شكر يالغالي

زعيم سدير7 · #6 21/02/2009, 09:12 PM

من جدك يبي يجي

الله... اجل انا ابحضر

Maha` · #7 21/02/2009, 09:17 PM

هههههه حلووه مقدمتك

ومعك حق اذا ما حضر الشعب الهلالي في

هالمباراة متى بيحضر خاصه انها في اجاازه

يعني مالهم عذر

ومباراة تأهل للنهائي اتمنى محد يعتمد على غيره في الحضور

وبالتوفيق لنااادي القرن

والله يعطيك العافيه اخووي الصخره

Fahad Al Sudais · #8 22/02/2009, 07:30 AM

إقتباس

الرسالة الأصلية كتبت بواسطة مجنونتك9 ياهلال


	هههههه حلووه مقدمتك ومعك حق اذا ما حضر الشعب الهلالي في هالمباراة متى بيحضر خاصه انها في اجاازه يعني مالهم عذر ومباراة تأهل للنهائي اتمنى محد يعتمد على غيره في الحضور وبالتوفيق لنااادي القرن والله يعطيك العافيه اخووي الصخره

الله يديم الابتسامة اختي

وهالمباراة هي المحك الرئيسي للحضور الجماهيري... ومالنا عذر ابدا

ديربي.. واجازة.. وخروج المغلوب

الف شكر لمرورك

حاكم مملكة الزعيم · #9 21/02/2009, 09:28 PM

ههههههههههههههههههههههههه

موتني من الضحك الله يرج ابليس عدوك

باذن الله راح امشي من المدينة المنورة يوم الاحد الساعة 8 بعد صلاة العشاء

جايي للرياض جايك ياهلال لعيونك يازعيم

ولكن خايف اضيع مادل بالرياض زين ولا اعرفها زين

بس لعيون الهلال يبشر اجيه لو مشي

Fahad Al Sudais · #10 21/02/2009, 11:03 PM

إقتباس

الرسالة الأصلية كتبت بواسطة زعيم سدير14


	من جدك يبي يجي الله... اجل انا ابحضر

دامك بتجي..

ايه انا صادز... وتراه بيجلس جنبي

منور يالغالي

الصقر الازرق 9 · #11 22/02/2009, 01:02 AM

إقتباس

الرسالة الأصلية كتبت بواسطة زعيم سدير14


	من جدك يبي يجي الله... اجل انا ابحضر

مع احترامي لك انت تحظر للهلال ولا لعشان ممثل اتمنى ماشوف احد يقول بحظر عشان ديربي بأحضر عشان التايب عشان الخ

!! المسكت !! · #12 21/02/2009, 09:15 PM

جمـآآهـير الزعـيـم فيهم الخـيـر والبركة وصدقني لو ما عملي وااني بعيد عن العاصمة كنت اول واحد بالملعب ولكن عشمي في جماهير الزعيم وان شاء الله نشوف يوم الاثنين جمهور ما عمره حصل بس تفاءل بالخير وانا اخووكـ

تقـبـل تحيـآآتي

Fahad Al Sudais · #13 22/02/2009, 07:23 AM

إقتباس

الرسالة الأصلية كتبت بواسطة !! المسكت !!


	جمـآآهـير الزعـيـم فيهم الخـيـر والبركة وصدقني لو ما عملي وااني بعيد عن العاصمة كنت اول واحد بالملعب ولكن عشمي في جماهير الزعيم وان شاء الله نشوف يوم الاثنين جمهور ما عمره حصل بس تفاءل بالخير وانا اخووكـ تقـبـل تحيـآآتي

وجهك ابيض يالغالي وماقصرت

والجماهير بإذن الله ماراح تقصر

الف شكر اخوي

" أَبُو لارا " · #14 21/02/2009, 09:15 PM

ســـم طال عمرك

... الجمـــاهير حاضرة طـــال عمرك

وش بغيت طــال عمرك !!
تبيهم يلبسوا ثــياب زرق ....تأمر أمـــر طــال عمــركــ

أقهــروا رجـــال الأمـــن ياجمــاهــير الزززعــيم

.
بــس هــذا نقــد فني طــال عمرك

>>خاشــه عــرض

.
الحــضور ..الحـــضور يــ جمــاهــير الــرياض

.
والــفوز هــلالي بإذن الله وبــهدفين والعلم عند الله >> صاير محمد البــكر

مشكور يــ مدحـــت على المــوضوع الأكــثر من رائــع

Fahad Al Sudais · #15 22/02/2009, 07:26 AM

إقتباس

الرسالة الأصلية كتبت بواسطة أبو لارا@


	ســـم طال عمرك ... الجمـــاهير حاضرة طـــال عمرك وش بغيت طــال عمرك !! تبيهم يلبسوا ثــياب زرق ....تأمر أمـــر طــال عمــركــ أقهــروا رجـــال الأمـــن ياجمــاهــير الزززعــيم . بــس هــذا نقــد فني طــال عمرك >>خاشــه عــرض. الحــضور ..الحـــضور يــ جمــاهــير الــرياض . والــفوز هــلالي بإذن الله وبــهدفين والعلم عند الله >> صاير محمد البــكر مشكور يــ مدحـــت على المــوضوع الأكــثر من رائــع

هلا والله شوقي

وانت وراك ماتمغط الموتر وتشرفنا طال عمرك

ترى الزلفي قريبة.... حذفة حصاة

يالله نحتريك بالاستاد... ولك مني الحكم مايسنتر الا اذا جيت انت