نايف :
جيت ابنخى حرف شعري للهلال __ وارتقى بي لونه اللي ضمنا

الزعيم :
قال عندي يابعد عمري تعال __ فضفض لمغليك عن سر العنا

نايف :
قلت اشوف الحرب لعيونك زلال __ شلة <ن> صارت تحالف ضدنا
يكــذبون ويوصفونك بالــــدلال __ كل ذنب الناس يصبــــــــــح ذنبنا
القضايــا الثانيه تصبح عــــــدال __ واكبر انواع العـــــــــــداله ظلمنا

الزعيم :
قال وقف لايهمك مايقال ـــــــ والعداله ترتجى من ربنا
عجزهم خلى حكاويهم خيال ــــ والملاعب هي حقيقة ردنا
يبطي النبّاح ينبح ماينال ـــــ من سحاب <ن> صار فوقه وانثنى
ماخذينا هالزعامه بارتجال ـــــ دق خشم وعز الازرق عزنا
قادني للعز صنديد الرجال ـــــــ من يقوده يبشر بعز وهنا
الامير الذرب مقبول القبال ــــــ بس لله دنق الراس وحنى
ونائبه نواف محمود الخصال ـــــ احمد الله جيته كانت منى
بالنهايه لي طلب ماهو محال ــــــ احُـضروا لجلي واخلّيهم فنا
لوحوا بالشمغ واطراف العقال ــــــ واتركوا دق المناخر لي انا

و بما اني اكتب الشعر ,, و بما اني ايضا اعشق الهلال ,, خرجت مني هذه :



بسم رب اللي خلق شمخ الجبال ,, ربـنا يـا ربـنا يـا ربـنا
و اجتمعنا كلنا بعز الهلال ,, الزعيم اللي بفنه عَزنا
يا ولد شمر ولد عز الرجال ,, و الف نعم و يا هلابك بيننا
شِعرك اللي صال بالعزه و جال ,, كل كمله فيه يحكي عننا
و صوتك اللي جمّع الصدق الخيال ,, يعلم الله كيف متّع سمعنا
زان وصفك في الهلال و لا يزال ,, حب دايم ساكنٍ في قلوبنا
زاد حبه زاد من فنه وصاااااال ,, زاد شوق و زاد عز هلالنا
دام ابو فيصل معانا في الهلال ,, البطوله شي طبيعي عندنا
و هذا نواف الوفي زين الخصال ,, تاركٍ خلفه كثير و جا لنا
و كوزمين و لاعبينٍ للثقال ,, شالوا حمل الفوز لجل أفراحنا
بس باقي حاجةٍ وحده تقال ,, البطوله تكتمل بحضورنا