بسم الله الرحمن الرحيم .. وبعد :

كان بالامكان افضل مما كان يااداره شبكة الزعيم:
اخواني انا ابي افهم ليه انتم تستبقون الاحداث ومن ثم تبدأون بالصراخ وتأزيم النفس ولا ابالغ اذا قلت [الولوله] ، يعني من بعد حادثة انتداب النجم البرازيلي Nevez سمعنا ماسمعنا من كثير من اعضائنا الاعزاء عن انه اللاعب الذي سيحل محل نجمنا المحبوب ابو نادين وانا في هاذا الموضوع حقيقةً لم الُمكم البته ..! لانه هناك مؤشرات ودلائل تعطي انطباع بشكل او باخر عن احتمالية رحيل البرنس وحلول البرازيلي بديلاً عنه منها احتمالية ايقاف التايب بداية الموسم القادم كاكمال للعقوبه المقرره عليه ومن ثم حرمانه من مشاركتنا في الاسيويه وعدم وجود مقعد شاغر للمحترفين في الزعيم الا بشرط رحيل لاعب ، لذا كان من الواجب اصلاً ان نسجل موقفنا من هاذي القصه لاننا كجماهير جزء من كيان الزعيم ، لكن بعدما رأيت مارأيت في شائعة انتقال المدرب كوزمين اولاريو اوريالا للعمل في المنتخب مديراً فنياً رأيت من واجبي ان ابدي وجهة نظري في هاذا الموضوع فكان يجب على ادارة شبكة الزعيم الموقره -ولتسمح لي- ان تضع حد لحالة الهيجان اللي صارت ومازالت مستمره في الشبكه باتصال بسيط بادارة النادي لتعرف هل وصلها عرض شفهي او جدّي في مسالة انتداب المدرب للمنتخب ومن ثم تصدير هاذا الموضوع في صدر منتدى مجلس الجمهور الهلالي لتنهي به الموضوع وتقطع دابر الشائعه واللي ماالوم فيها الجمهور اللي صرخ وابدى رفضه التام لرحيل كوزمين لاننا مقبلين على بطوله آسيويه ننتظرها بكل شغف لتحقيق لقبها ومن ثم المرور لكأس العالم للأنديه من بعدها ان شاء الله ، بينما في قصة البرنس لم يكن هناك اجراء امثل للوقوف على الحقيقه بعدما صرح الامير عبدالرحمن بن مساعد رئيس نادينا الغالي بانه سيكون هناك تقييم للاجانب نهاية الموسم الرياضي هاذا فضلاً عن غموض موقف الاعب المعني بقضية ايقافه هل سيستكمل الايقاف ام لا ..؟ هاذي وجهة نظر اتمنى ان يتسع صدر الاداره والاعضاء الكرام لها وشكراً جزيلاً

لاعب نادي الفتح وباكه الايمن رقم 16:
وفي شأن اخر انا طالعت مباراة الاهلي مع الفتح في دور الـ16 من كأس سمو ولي العهد اليوم العصر بعدما سجل فريق الفتح من الاحساء اولى المفاجآت في التاهل واخراج الاهلي النادي الكبير من البطوله ، ولكن قياساً على مستوى فريق الفتح لم يكن هناك مفاجئه حقيقةً لانه فريق يضم اكثر من لاعب ممتاز وانا شدني لاعب الفتح رقم 16 واللي يلعب باك ايمن لان مستواه ممتاز ماشا الله عليه وعذراً لاني لم اتذكر اسمه وحقيقةً اتمنى انتدابه للزعيم وعلى من لم يتابع المباراه ان يشاهدها في الاعاده او يشاهد مباراتهم المقبله مع الفائز من [ابها والشباب] في نفس المسابقه على فكره اهو اللي صنع الهدف الاول لفريقه وعلى فكره ايضاً فالهلال تنازل عن اللاعبين فيصل الجمعان وحسين الخثعمي لهاذا النادي

اسمه حسين مدري حسن جمعه نترقبه المباراة القادمه ضد الشباب ونشوفه واذا طلع تمام نتمنى من الأداره

التعاقد معه قبل مايفكر به البلوي

يعطيك العافيه

عوافي اخوي .. لكن مو كل لاعب يبدع مباراة ولا يبرز .. نبي نجيبـه ..
والاعب .. خربها معـ يوسف السالم ( مشكلجـي )

انشاء الله الاداره ماتفوت اللاعب اذا كان ممتاز

ان شاء الله الادارة تتعاقد معه

اللاعب اسمه حسين الجمعه عمره ٢٥ سنة تقريبا


قتالي جدا


وترقبوه امام الشباب يوم الاربعاء

إقتباس David Beckham_15 بخصوص نيفيز اتوقع انها مقصوده من الإداره او من الشبكه . لأسباب كثيره ومنها المزايدات والتخريب .. وبخصوص طارق التايب سوا من بقائه او عدمه . صدقني يالغالي صعب جداً التصريح في الموضوع . مثلاً : نقول الإداره قررت الأستغناء عن طارق .راح تنعكس على نفسية الاعب والجمهور والاعبين خصوصاً في الوقت هذا . لأن طارق راح يشارك في المباريات المتبقيه وهي مباريات حسم سوا من الدوري او كاس ولي العهد .. وبنسبه للاعب الفتح والله مع الآسف ماشفت المباراة لأني كنت في الدوام .. وإن شاءالله الإداره عندها القدره في جلب اي لاعب راح يفيد الكتيبه الزرقاء ..

اخوي الغالي Ң alzaeem Ң مشكور على الطله وكلامك على متمه لكني انا اصلاً عاذر الاداره في مسالة التايب انما كان حديثي عن قضية كوزمين اللي كان بالامكان اطفاء نارها بتلفون صغير على الاداره الهلاليه ممثله باي عضو فيها ، لكني لمن اوردت القضيه الاولى كنت اقصد اني اعذر الجمهور في ردة فعله تجاهها لانه جمهور عاشق وحريص على الكيان واصلاً الاداره الهلاليه لم تكتمل الصوره عندها حول هاذا الموضوع في الاساس ، شكراً جزيلاً

إقتباس اللاعب اسمه حسين الجمعه عمره ٢٥ سنة تقريبا قتالي جدا وترقبوه امام الشباب يوم الاربعاء

اخوي الغالي VIERI#32 شكراً جزيلاً على المعلومه الهامه هاذي وزين انه اللاعب صغير بالعمر بعد يارب ينتدب هاذا اللاعب لمصلحتنا

اخواني وخواتي .. الصقر الازرق 9_ هلاليexpert _ $$ zizo 10 && _هلاليه زي القمر .. لكم خالص حبي وتقديري

إقتباس لاعب نادي الفتح وباكه الايمن رقم 16: وفي شأن اخر انا طالعت مباراة الاهلي مع الفتح في دور الـ16 من كأس سمو ولي العهد اليوم العصر بعدما سجل فريق الفتح من الاحساء اولى المفاجآت في التاهل واخراج الاهلي النادي الكبير من البطوله ، ولكن قياساً على مستوى فريق الفتح لم يكن هناك مفاجئه حقيقةً لانه فريق يضم اكثر من لاعب ممتاز وانا شدني لاعب الفتح رقم 16 واللي يلعب باك ايمن لان مستواه ممتاز ماشا الله عليه وعذراً لاني لم اتذكر اسمه وحقيقةً اتمنى انتدابه للزعيم وعلى من لم يتابع المباراه ان يشاهدها في الاعاده او يشاهد مباراتهم المقبله مع الفائز من [ابها والشباب] في نفس المسابقه على فكره اهو اللي صنع الهدف الاول لفريقه وعلى فكره ايضاً فالهلال تنازل عن اللاعبين فيصل الجمعان وحسين الخثعمي لهاذا النادي

أنا من متابعي دوري الدرجة الاولى وهاللاعب مميز واسمه (حسين الجمعة)

أتمنى ان ادارة الهلال تنبه كوزمن على هاللاعب عشان نشوف رأيه به وعلى دوري الدرجة الاولى لانه فيه لاعبين مميزين وربي انه افضل من بعض لاعبي اندية الممتاز ..

وراح اجيب معلومات عن هاللاعب .......

إقتباس الرسالة الأصلية كتبت بواسطة الجنرال تيري أنا من متابعي دوري الدرجة الاولى وهاللاعب مميز واسمه (حسين الجمعة) أتمنى ان ادارة الهلال تنبه كوزمن على هاللاعب عشان نشوف رأيه به وعلى دوري الدرجة الاولى لانه فيه لاعبين مميزين وربي انه افضل من بعض لاعبي اندية الممتاز .. وراح اجيب معلومات عن هاللاعب .......

اخوي الغالي الجنرال تيري كويس والله انك من متابعي الدرجه الاولى وتايد رايي في هاذا اللاعب لاني انا حكمت عليه بس من مباراة واحده في كاس سمو ولي العهد فالحمد لله انك تايد رايي فيه وانا عرفت من احد الاخوان في احد الردود على الموضوع انه صغير يعني 25 سنه بس .. ياليت الاداره تنتبهله .. وشكرا جزيلا يالغلا

واللهي العظيم أني خاش المنتدى مطفي النور ابي اكتب عن اللاعب حسين جمعه لأن الهلال فريق متكامل لا ينقصه الا الباك اليمين ومستواه جيد بقوه وأن شاء الله يتطور مستواه مع الزعيم
ولكن سبقتني بالموضوع اتمنى من الأداره اخذ الموضوع بكل جديه
لأن هم الجمهور الأن الباك اليمين
تقبل مروري يابطل

:alzaeem
أتمنى من الادارة أو من مسؤل الاحتراف انه ينظر لاعب الفتح الظهير الايمن رقمه 16
ظهير أيمن ممتاز
سريع
عنده لمسات للكورة
ولا انسى نامي مقصرت على المجهود والى الامام,,,,,,,,,,,,,,,,,,,,,,

إقتباس الرسالة الأصلية كتبت بواسطة همس الزعيم20 :alzaeem أتمنى من الادارة أو من مسؤل الاحتراف انه ينظر لاعب الفتح الظهير الايمن رقمه 16 ظهير أيمن ممتاز سريع عنده لمسات للكورة ولا انسى نامي مقصرت على المجهود والى الامام,,,,,,,,,,,,,,,,,,,,,,

صدقت يالغلا اللاعب حسين جمعه لاعب موهوب وقتالي وحماسي جداً واهم شي كروساته ممتازه جداً ولمن صنع هدف فريقه الاول بكروس ذكرني بالدوخي والله العظيم .. ومحمد نامي لاعب كبير ونحتاجه لانه لاعبين يشغلون خانه احسن من الاعباء الكبيره اللي تلقى على لاعب في استحقاقات كثير واذا عاب نضظر لمشاركة لاعب خانه اخرى في الباك الايمن كما حصل مع مؤشر سيما وان الاداره الفنيه ماتبي تجازف مع الموهوب الصغير سلطان البيشي .. شكرا

إقتباس الرسالة الأصلية كتبت بواسطة مـلـك الـثـوانـي واللهي العظيم أني خاش المنتدى مطفي النور ابي اكتب عن اللاعب حسين جمعه لأن الهلال فريق متكامل لا ينقصه الا الباك اليمين ومستواه جيد بقوه وأن شاء الله يتطور مستواه مع الزعيم ولكن سبقتني بالموضوع اتمنى من الأداره اخذ الموضوع بكل جديه لأن هم الجمهور الأن الباك اليمين تقبل مروري يابطل

انا وانت شخص واحد يالغلا سواء كتبت انا او انت المهم اللاعب لا يطوف علينا لانه لاعب ممتاز وشكرا يالغلا

طارق ممتع ومفيد جداً للفريق ..

عنده نزعة دفاعية ممتازة ونزعة هجومية رائعة جداً ..

صنع الهدف الأول للفتح بطرقة رائعة .. بتسحيبه للاعبي الأهلي من نصف الملعب

حتى وصل لباب الأهلي ..


اتمنى التعاقد معه .. وتطوير مستواه داخل نادي الهلال ..