بعون الله تعالى نحن الفريق اول مضلى حارس امن ابو الذهب
قررنا اخذ الاعضاء فى رحله لاستكشاف الربع الخالى بناء
على طلب مقدم من العضوة المملكه ضايق صدرها
اولا: استأجر سياره جمس ونيت موديل 75 مصدومه مع الوجه
ثانيا: على كل عضو دفع مبلغ رمزى وقدره 10000 ريال
ثالثا: احضار ملابس للسباحه والغوص
رابعا: موافقه خطيه من ولى امره واذا كان مهوب فيه ترا السواق يكفى
خامسا : ممنوع اصطحاب المكسرات ماعد القريض والسيسبان
سادسا: ممنوع اصطحاب الجولات فيه كبينه متنقله بأقل تكلفه الدقيقه
بعشره ريال ( يابلاش )
سابعا: ترا اى واحد بيصيح ويقول ابى امى
ترا بأرسله لجاج
وانتم عارفينه مايتفاهم الا بالملاقيط
ثامنا : توضع جميع التبرعات قصدى جميع دراهمكم فى حساب رقم 0000 فى
جميع انحاء العالم
والسفر انشاء الله اليوم الموافق 35/ 13 / 1466 م ه
الحمد لله تم تجمع كل الاعضاء وفى مقدمتهم جاج متعنقط فى الدرقسون
وجنبه ابو سليمان والبارق وكل الاعضاء ومعهم حبى تيماوى فى حوض الجمس
والمملكه لاهيه تصلح مكياجها الله من زين الخشه يوم صك عجاج فرام وهو
اللى يجيك قلم الروج ساحب على خشتها وطلعت كأنها من المرينز
السيرلانكى
والفيروسه الزرقاء طايحه نصب على حبى تيماوى وقاعده تقول له انها قد
راحت للربع الخالى وان اشين مافيه ان الشاطى خليطى رجال وحريم
والجنرال فيصل صاير كأنه شيخ الغفر ماسك له كم عضو ومافيه الا استعد
استرح واحسن مافيه بدلته العسكريه لابس بجامت اخوه ومعلق عليها
هالنياشين امحق نياشين اجل قد شفتو نياشين مفك بيبسى وغطى سفن اب
ونجمه الابداع تبى تكتب خاطره بس نست اوراقها فى البيت وهى اللى
تأخذ الروج حق المملكه وتسرد ذيك الخاطره على فنيله اسير واسير لاهى
يدور قمل فى راس ابو الذهب يوم انتبه لنفسه قالت له نجمه الابداع
لاتخاف فيه قملتين منحاشين من المعسكر وتمت السيطره على الوضع
وباواو ورطان جاء معنى ونسى بنات افكاره بس الحمد لله حلينا المشكله
وجبنا معنا حمام متنقل ومن مسكن الخط وهو قاعد فى الحمام وكل شوى
ياطايح يازالق فى البانيو والمشكله ماجت بنات افكار والسبب انهم
راكبين لادا وماامداهم يلحقون عجاج صافق الطبلون
واخيرا اقترح علينا ابو سليمان اننا نغنى ربوع بلادى وياريته مااقترح
من قعدنا نغنى وجاج مهوب صاحى هو مهوب صاحى خلقه وشلون الى سمع طرب
يصير زى ذاك ياسلام حلو كتير وكل شوى يصفق ويتلفت علينا ويغنى الين
جاب العيد فى بعير يتيم وطبعا مايبغالها نقاش البعير لحق اهله
وتناثر الاعضاء من حوض الجمس كأنهم كشنه منثوره على رز وانقلب الجمس
مره ومرتين لا بل ثلاث مرات
يوم راح الغبار كل الاعضاء مغمى
عليهم وباواو وسط الحمام مايدرى وش صار لدرجه انه يقول الله يهديك
ياعجاج على كبر عيونك وماتشوف المطبات
غدا البيان الثانى رقم 1009002