هذي هي الكورة فوز وخسارة ..! - نادي الهلال السعودي - شبكة الزعيم

Abo khald · #1 11/02/2009, 02:02 PM

السلآم عليكم ورحمة الله وبركاته ..

أول شي هاردلكم الخسارة ..

الخسارة في عالم كورة القدم وارد لكن ليس بهذا اللاوح الانهزامية ..!!

الخسارة ما يتحملها الجوهر فقط بل أدارة ولاعبين وجهاز فني وأداري وجميع الأطراف المعنين بالأمر ..,

اليوم المنتخب لايحتاج الا لقائد محنك أنا مانزل من قيمة القناص ياسر لكن المنتخب كان يحتاج على الأقل الدعيع حتى لو بالأحتياط فهو شي نفس وليد عبدالله يشوف بديلة عميد لاعبي العالم الي هو الدعيع هذا ايضا شي نفسي ومعنوي غير التوجيهات والتعليمات

المنتخب اليوم بلا هوية بلا روح تحس من اللاعبين من داخلهم انهزامية واضحة جدا هل بغياب عزيز تأثر المنتخب اقصد بالوسط وتحديدا في المحور يامدربنا القدير تلعب تيسير وعطيف جنب بعض فهذا شي صراحتا مايدخل لاالمنطق ولا العقل كلهم هجوميا لابد من اشراك محور ثابت فمثلا عندك كريري كان لابد انه يلعب اساسي

اللعب بمهاجم واحد يريد باكات وأظهرهـ هجومية نعم فية نور والفريدي وشهيل والزوري والنمري لكن ماشوف اي ايعاز لهم بالتقدم ألا الأمام الامابعد الهدف شفنا تحركات من الزوري خصوصا

اشراك نور اساسي هذا شي مايدخل العقل الاعب من سنويات لم يلعب مع المنتخب نعم شارك في مباراة ودية ولكن تختلف ودية عن دورية فمن الأفضل اشراك عطيف والفريدي كان من ال؟أفضل ان يشرك الشمراني مع ياسر كأساسي ليكون مفاجتنا بهاذا اللاعب ويكون نور والراهب ورقة رابحة جدا

الجوهر اليوم اثبت انه غير موفق في التصفيات لكن تغير مدرب يبيلها وقت سريع جدا وأن يبحثوا عن مدرب جديد من الآن ..!!

بتكلم عن اجسام لاعبين خصوصا شهيل جسمة لايقارن بلاعب خليجي فكيف اسيوي وعالمي اي لمسة او احتكاك تفتك منه الكورة بسهولة وايضا معرض للأصابات فأتمنى أن تنتبه لهاذي النقطة ..!!

المنتخب يبيلها ضخة بناء جديدة فمن مدرب واداريو رئيس عام لرعاية الشباب اتمنى نواف بن فيصل يكون هو الرئيس لنعطيه فرصة ..

أتمنى من صقور الخضر نسيان هذي المباراة وتفكير بالقادم فلايأس مع الحياة

..بقايا ..

1-بعض من الجمهور السعودي اثبت انه لايفهم بالكورة الا قليلا فعند الهزيمة يسب ويشتم وعند الفوز مدح لدرجة غير معقولة ..!!

2-سعد الحارثي اليوم كنا نحتاجلة نتمنى له الشفاء العاجل ..

3- الكروت سواءا الحمراء او الصفراء لافهم لاعبينا هل مايعلمون أن التصفيات طويلة جدا واليوم كنا نحتاج عزيز والآن شهيل وياسر على ماعتقد بيتوقفون في المباراة القادمة فأين المصيبيح وتحذير للاعبي المنتخب من هذي العاده السيئة ..!

4- الزوري اثبت انه من افضل الاظهرهـ في السعودية فمن زمن كنا نعاني من هذي الجهة بعد عبدالغني وعبدالجواد فأتمنى صقل هذي الموهبة

5- وسط المنتخب يشتكي فمن دون عزيز وكريري الجوهر لايعرف يتعامل بهذي النقطة خصوصا ..!

6- رغم ان الشلهوب ليس بمستواة لكن خصوصا في هذي المباراة والزحمة في خط الوسط والدفاع كنا نحتاج للشلهوب

7- دخول أحمد الموسى أنا صراحتا مادري وش يبي من التغير ذا بالضبط من المفترض اشراك الشمراني وعطيف من بعد الهدف واذا استمر التعادل اشراك الراهب..!!

8- هيبة المنتخب اعتقد انه زالت من بعد الثمانية الشهيرة لألمانيا فمن ياترى سيعيد الهيبة السعودية ..!!

9- اليوم شفت منتخب اسماء وقمصان لم أشاهد لاعبين يلعبون من أجل المنتخب والشعار الي هم لابسينه ..!!

10- المعسكرات الطويلة هي الي ارهقت اللاعبين من وجهة نضري كيف للاعب ان يكون مع المنتخب اكثر من يكون مع النادي فأين الاحترافية ..!

همسه للمشرفين شكرا لكل ماقدمتوهـ خصوصا بعد المباراة فبعض الاعضاء المحسوبين على شبكة للأسف فلازال تفكيرهم ليس بالمطلوب فشكرا من القلب

في الأخير هذي وجهة نضر ومن ينتقد او ماشابه ذلك فأهلا وسهلا ومرحبا به لكن ينتقد بدون تجريح لأحد ..!

وشكرا ..