نادي الهلال السعودي - شبكة الزعيم - الموقع الرسمي - مشاهدة مشاركة بصفحة مستقلة

Abo khald · #15 11/02/2009, 06:37 PM

إقتباس

الرسالة الأصلية كتبت بواسطة leo messi


	هلا والله ابو خالد ..!! ترا فيه اسباب مهمه لخسارة المنتخب ماتطرق لها الجميع ..!! خذ عندك ..!! 1_ مدرب المنتخب الكوري وجهه منتفخ تقل توه قايم من النوم 2_اللاعبين انلخموا من الجمهور الزلايب اشكالهم رايحين سينما موب ملعب 3_ جميـع ماسبق ذكرهـ >> ماراح يتعدل وضع المنتخب لين يطردون ( ابو شنب محدد من فوق << يسمع بالتلميح المهم تحملني : لأني ماراح اتكلم عن الخطط المدعوسه ولاعن ابو شنب ( محدد من فوق ) ولانيب مشرشح فيهم ...!! لكن بتكلم عن التخبط اللي حاصل في هالمنتخب وفي ادارته وفي الاصرار العجيب على الجهاز الفني بقيادة الجوهر ..!! رغم ان الرجال ووواضح انه ماعنده شيء يقدمه .. وكل اللي عنده للمنتخب قد اعطاه من ايام كاس اسيا وتصفيات 2002 وكثر الله خيره ..!! * ماقد شفت المنتخب السعودي يلعب بتكتيك دفاااعي امام فرق لاتقارن بمستوى المنتخب ولايوجد مقارنه حتى بين مستوى اللاعبين ..!! الفريق الكوري من يوم بدت المباراة وهو متراجع خوفا من اسم السعوديه ولكن مع مرور الوقت عرف ان ماعندك احد فبداء ينتشر بسرررعه وحقق مبتغاااه مع اول تهديد حقيقي للمرمى السعودي ..!! وهو مامنح الكوريين الثقه لزيادة الضغط على المنتخب وكادوا ان يزيددون الغله ..!! لولا الدلاخه اللي فيهم ..!! تشكيلة المنتخب منذ البداية سيييئة .. بسبب اصراره على تكثيف المحاور .. وركن الموهوب عطيف بجانبه ........!! فلو استغنى عن الفريدي ولعب بعطيف وابقى على الجاسم احتياط في مقابل الزج بمهاجم بجانب ياسر من البداية سواء الراهب او الشمراني ..!! مع ترك الحريه لنور للقيام بأدوار مزدوجه لصناعة اللعب مع عبده عطيف .. مع وجود احمد عطيف كمحور ارتكاز ...!! لشاهدنا مستوى للمنتخب افضل ما ظهر به .....!! * الان انقضت المرحله الاولى .. والمنتخب اكبر الخاسرين ,, والمرحله المقبله اكثر صعوبه بسبب ان لقاءاته مع المنتخبات القويه ( كوريا الجنوبيه وايران ) القادمه ستكون خارج ملعبه ... وهذا سيصعب الموقف كثيرا ويضعف امال المنتخب في التأهل اذا مااستمر الوضع على ماهو عليه ..!! اعتقد ان الحل الانسب الآن .. هو الاستعانه بمدرب اجنبي واعطائه الحريه كااامله دون التدخل في عمله ( رغم انه من الصعب ذلك ) واتمنى مايجيك ابو الخطط مطفي النور وكالعادة اقرب مدرب هلالي يفك الزنقه ... يجب ان يحضر مدرب للمنتخب عاجلا لكي يتعرف على اللاعبين ..!! ويقف على مستوياتهم من خلال الدوري ومشاهدة مباريات المنتخب الماضيه .. .. ويحاول ان يصلح ماافسدته الخطط المدعوسه * عموما المنتخب .. علته واااضحه للجميع .. فهو يملك افضل النجوم في اسيا دون مبالغه لا من حيث المهارة ولا من حيث صناعة اللعب ..!! ولامن حيث الخبرة .. وحتى معدل االاعمار ممتاز بالمقارنه مع بعض المنتخبات القويه الاخرى .. ولكن ينقصه ادارة واتحاد ( احترااافي بمعنى الكلمه ) فما يحدث الان مهزله بحق الكرة السعودية .. ونسف لتاريخ جميل ورااائع تركه الامير فيصل عليه رحمة الله تحياتي ..!!

هلا leo messi ..

أنا هذي النقطة الي اتكلم عنها الجوهر دخل من بداية المباراة بتشكيلة خاطئة وايضا بتغيرات خاطئة ..

كان من الممكن لعب الشمراني بجانب ياسر وعبدهـ عطيف بجانب نور ومحور كريري مع احمد عطيف وكريري كان لابد من مشاركته اساسي ..

لكن لاتنسى ان المنتخب الكوري فاجئنا بممستوياته المتطورهـ وهو الآن الوصيف لكن انا الي خسرنا المباراة بأيدينا

اعتقد حان وقت تغير ادارة المنتخب بكبرها

كل الشكر على تشريفك الموضوع ..