دوري أبطال أسيا على الأبواب!!! ** ماذا لدى الرابطة ومجلس الجمهور ؟؟؟ - نادي الهلال السعودي - شبكة الزعيم

alzaeem_1957 · #1 10/02/2009, 06:57 AM

بسم الله الرحمن الرحيم

أهلآ بالزعماء وعشاق زعيم نصف الأرض

ندخل فى الموضوع على طول

سبق وكتب وأسهب اكثر من عضو فى الشبكة عن الرابطة ومجلس الجمهور وانا لا أود التطرق الى ذك وإنما الى ماسيحصل فى دوري أبطال اسيا وباقي الموسم وخاصة دوري الأبطال لأننا سنقابل فرق لديها جماهير كبيرة ولديها شغل فى المدرج كبير فماذا لدينا نحن؟؟

ماذا لدى رابطة المشجعين فى دوري الأبطال ؟؟

ماذا لدى مجلس الجمهور فى دوري الأبطال ؟؟

نحن نعلم بأن الحضور سيكون كبيرآ كما حصل فى السنوات الماضية ولكن نريد جمال المدرج كجمال الحضور

نتمنى التوفيق لرابطة المشجعين ومجلس الجمهور ونتمنى أن نشاهد مدرج غير

التعليق والإقتراحات لجميع الأعضاء

فى أمان الله

هـــــــلالي · #2 10/02/2009, 07:01 AM

بالفعل الموضوع مهم وأتمنى من ادارة الهلال طلب إلغاء قرار منع دخول اللافتات والشعارات

وهذا أول شيء تسويه لأن اللافتات من اهم مميزات جمهور الهلال خاصة العبارات القوية

مثل ركود ركود الزعيم موجود وغيرها

واتمنى ايضاَ اهتمام أكبر بالجمهور الهلالي

واخيراَ أتمنى من ادارة المنتدى فتح قسم خاص بالاقتراحات والأفكار الخاصة بالجمهور لكي تكون سابقة في المنتديات الهلالية

alzaeem_1957 · #3 10/02/2009, 07:05 AM

يعطيك العافية اخوي هلالي

فعلآ لازم يكون هناك عمل كبير وتدخل الإدارة والسماح بدخلول اللافتات لان البطولة خارجية

يجب الإستعداد من الأن

9.1.15 قلبي كلهم · #4 10/02/2009, 07:18 AM

مشكور
وصدقة لازم نعدها الف حساب

<هلاليه> · #5 10/02/2009, 07:14 AM

الاهم من كل شي هو تغير الطرق التقليديه اللي ملينا منها

ياناس في طرق اروع واقل تكلفه ومجهود

ياخي من الحين نقدر نضبط اكثر من طريقه اوروبيه للتشجيع

لازم ترهب الخصم بجماهيريتك

يعني سالفة قطعة بلاستيكيه تحت كل كرسي مافي اسهل منها

مجرد تدخل على صوره لمدرجات الاستاد وترتب اي عبارة او شكل عن طريق الكمبيوتر خصوصا ان الكراسي مرقمه

يعني بتسهل عليك

وتحط تحت الكراسي القطع ومجرد مايقول رئيس الرابطه كلمة متفق عليها يرفع كل شخص القطعه اللي تحت كرسيه وبكذا بتطلع لووووحه ولا احلى منها

والافكار اللي اتحفونا بها الجماهير كثير بس وين التطبيق

<<<صح بشوف المباراة من البيت بس يهمني اللي يصير داخل الملعب

سيد الملوك · #6 10/02/2009, 07:30 AM

يارجال الرابطة منفصلة تمامآ عن الجمهور

والله كثير مباريات أحضرها تحس ان الهلال بدون رابطة

وفعلا هو بدون رابطة

والله مع اني واثق ان كلامي مثل اللي قبله عن الرابطة لاكن موب مشكله نقول مره ثانية

يخوي الرابطة (تغني) لحالها

واذا سمعت الجمهور بأهزوجة تأكد أنها من إجتهاد شخصي من الجمهور

والله هذا الحاصل للآسف

والله شي لايليق بجمهور كبير .. وشذي الرابطة

يخوي بكره تشوف الاستاد في الاسيوية مليان لاكن منظر بس ..!!
مافيه اهازيج جماعية مافية أي شي منظم في الرابطة إطلاقآ وبتاتآ البتة

بإختصار

رابطة الهلال جدآ جدآ سيئة
ومجلس الجمهور ماعليه أي كلام مايقصر دايم يوفر متطلبات التشجيع وبتشوفها أكثر في الاسيوية

لاكن الرابطة كنت متأمل فيها خير لاكن خاب ضني والله

نتمنى رابطة زي الناس .. وخير مثال رابطة الأهلي ..
تنظيم .. أهازيج جماعية .. حماس .. يزيدون جو حماس المباراة والمشاهد

عكس رابطة الهلال
لايوجد تنظيم .. أهازيج (أغاني) .. حماس معدوم.. والله تأدية واجب بس..!!

بكره بتجي الاسيوية وجمهور مليان وبتسمع نفس الاهازيج وماتغنيها الا الرابطة ..
<< وحبيبكم مييين .. وماتقولوا معايا ..>>
أظف عليها أغاني محمد عبده
وييييييين يبوي

والله تجيب النووم

أهتمت إدارتنا الموقرة بالفريق
ولم تهتم بالجماهير ..!!

مع أنة هو المهم لدعم الفريق معنويآ

والله لو تجي رابطة زي الاهلي ولا الاتحاد
تشوف التشجيع الجماعي

ماقول الا الله يعينا بس
على هالرابطة ..!!

وأعذرني اخوي الزعيم على الاطالة
ووالله فيه كلام كثير بس..!!
ويعطيك العافية ع الموضوع
المهم جدآ جدآ جدآ
وتقبل مروري يالغلا..’

يأس من جور الزعامه · #7 10/02/2009, 07:40 AM

لديهم طبول جديده ولديهم مايكات جديده من ايام حقوي واحنا نسمع هالكلام ولا شفنا ..

شي يرحم امكم فكونا من شغل الطقاقات ... ونبي نتلون بلون النادي مثل المدرج ينقسم الى قسمين ابيض وازرق وهتافات وتصفيق مانبي طبول وقلة حيا ورقص عند الرابطه ...

ياخوان نتطور حبه حبه ماقلت الحين اطلعو وصلحو بروفات .. لا اقول جهزو شغلكم من مبارة الوطني .. مع اني اصايح من سنتين بس لاحياة لمن تنادي ..

turky18 · #8 10/02/2009, 07:50 AM

اكيد اكــــــيد.................

عبدالكريم العثمان · #9 10/02/2009, 08:09 AM

أتو قع كاس اسياا بيكون حظور لجمهزر الهلال بشكل كبير و لكن اتمنى من الاداره و ضع المباريات بالملز اذاا تقدر أفضل

sm20 · #10 10/02/2009, 08:12 AM

كـــــــــــــــــــلامك سلـــيم أخــــــــــــوي
الصراحه هالموسم هذا الجمهــور أبد مهوب عاجبني لا من ناحية الحضور و لا من ناحية التشجيع
و أعتقد أن مجالس الجمهور و رابطة المشجعين لها دور بهالشيء
أتمــنى الصــــــراحه بهالبطوله أن نبهــــر آســـــيــا بجمهـــورنا
و هــــــذا مهوب صـــعب عــلى جمهور كيان عظيم مثل الهــلال
و الله ملـــينا من الطرق التقلــيديه الطبول والأشياء الفاضيه هذي
ياليت نشـــوف طـــرق التشجــيع الأوربيه أو ممكن نبتكر طرق جديده
أمنيتي أسمع المدرج الهلالي يغني أغنيه طويله بصوت واحد <<< من دون طبول طبعاً .. مثل السلام الوطني
نبغى نشوف أعلام كبيره وصور لاعبين ضخمه و أفكار مبتكره من الزعماء
بس ليت إدارة استاد الملك فهد تسمح بهالأشياء .. أنواع التعقيد استغفرالله
أتمنى من إدارتنا العزيزه التفاهم معهم بهالشأن

بردقـــا · #11 10/02/2009, 08:29 AM

تنظيم الجمهور و توزيع الشالات التشجيع هي مسؤوليه مجلس الجمهور

يجب عليهم من الأن رسم خطة جديده للتشجيع بابتكار طرق جديده تزيد من جمالية الجماهير

ارجوا من الاداارة ان تثبت هالموضوع لأنه يمس مصلحة الزعيم وضروري نتناقش فيه

شكراً لك اخي الكريم على الموضوع الرائع تقبل مروري

سند الجنوبي · #12 10/02/2009, 09:04 AM

بصراحة الرابطه الحالية لك عليها شوي ارجوا عمل تغيير شامل وكامل وتوفير ماينقصها بس ما نبغا ( طبول ) نجيب شريط طقاقات احسن لأبد يكون هناك تطوير في الرابطه وحل الأمور الأخرى التى يعاني منها الجمهور للحضور للملعب .

$الفتى النحاسي$ · #13 10/02/2009, 09:17 AM

ياعالم لاااااااااااااااازم من حل
الى متــــــــــــــى يعني
انا لما حضرت مباراتنا مع الاهلي
والله ماني مع غندر
اهازيجه طوووووويلة
=====================
والله عجبووني الاهلاوية لما فازو على الاتحااد

قالوا:
شاشاشاشا شوفوا الشاشة
هههههههههههه
==========
والا
والله الصدارة زحلطن
هع

ولد النشوان الهلالي · #14 10/02/2009, 10:22 AM

لازم تطبق هذي الفكره ,

نصيحه للرابطه:
ـ ـ ـ ـ ـ ـ ـ ـ
ــــــــــــــــــــــــــــــــــــ

المشكله :

الرابطه تكون في ركن من اركان الملعب

والجمهور اللي في الواجهه مايرددون خلفهم ,,

الحل:

يجيبون مثلا 50 مشجع من الاف من المشجعين الهلايين, ويتفقون معهم ويقسمون الـ 50 من المشجعين في كل جزء من اجزاء الواجهه, ويرددون خلف الرابطه,, وكذا راح يتفاعل الجمهور كله,,

لان بعض الجمهور يبي يردد خلف الرابطه بس مافيه احد يردد معه

ـــــــــــــــــــــــــــــــــــــــــــــــــ

..الهلالي.. · #15 10/02/2009, 10:47 AM

رابطتنا 2بيض لم يقدمو بعد ابارهيم حقوي سوا اهزوجه طارق التايب والفضل يعود لكاتبها لان المجلس ماله اي خصوص فيها

اما غندر قدم عطشان ياصبايا ولالا لاتضايقونهـ

تحياتي