أسعد الله أوقاتكم بكل خير
الشعر لغة (الحب) ,,, الحب لغة (الانتماء) ,,, والانتماء هو الهلال
هذه مشاركه شعريه تصوغها لغة الحب لتتألق انتماء في حبك يازعيم
هذه أبيات شعريه (مفرقه) اقدمها هديه لهذا الكيان ولهذا الجمهور الرائع(الصعب )
وانا اعلم أنها لاتوفي زعيمنا حقه ولكن من حقه علي, أن أحاول وأجتهد لعلي اصيب
,,,,,,,,,,,,,,,,,,,,,,,,,,,,, ,,,,,,,,,,,,,,,,,,,, ,,,,,,,,,,,,,,,,,,,,,,,,,,,
قوي قوي لابارك الله فالضعيف.....قوي قوي من يوم شفتك ياالزعيم
بين( ليه) وبين( راح) وبين( كيف).....اللي يفهم مايوقف بين زاي وبين ميم
,,,,,,,,,,,,,,,,,,,,,,,, ,,,,,,,,,,,,,,,,,,,, ,,,,,,,,,,,,,,,,,,,,,,,,,,,
ياهلال انا وياك صرنا من زعامه في زعامه .. انت ذابح حاسدينك وسلطان شعري لك يحوم
ماخذن لك في المنصه رخصه ودفتر واقامه .. يازعيم الله معاك ........وكلنا في العز قوم
بك رجال يبذلون,,, كفوفها عز وشهامه .. البطوله لأنتختلك جبتها فوق .......الخشوم
من المحبه يازعيمي قمت اناديلك ...غمامه .. ثم رقينا نصافحك لا يابعد كل .......الرخوم
,,,,,,,,,,,,,,,,,,, ,,,,,,,,,,,,,, ,,,,,,,,,,,,,,,,,,,
من قال عنك ارض ؟ من قال عنك سما؟
وانت كواكب من سما حطمت أرض
وانت الجواب اللي في معاليقي نما!!!
وانت السؤال اللي علي وجه الكره فرض
,,,,,,,,,,,,,,,,,, ,,,,,,,,,,,,, ,,,,,,,,,,,,,,,,,,,,
قالوا: اش حال الكؤوس؟ قلت: في ظل الهلال .. اي وربي ماأكذب @ كلها عند الزعيم
ياحسودي لاتعجب شوفها عند الرجال .. ماكنها الا جادل!! وارقدت في ظل غيم
والجديل ليا كبر وش عليه ان قلت: مال .. بنفتح ( المتحف ) ذا جديد وذا قديم
,,,,,,,,,,,,,,,,,,,, ,,,,,,,,,,,,,,, ,,,,,,,,,,,,,,,,,,,
ياسر وبطرف شعره!! جاب الكأس لايدينا ... اجل وشلون لويخطر على باله يقويها؟
توخى الحذر باللي تجي تلعب بأراضينا ... نخاف نجيبها بنفخه؟تقوم الفيفا تلغيها!!
لأن المستحيل احنا ورابي بين رجلينا ... دوك المان يونايتد حلف مايوم يطريها
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
اعذروني على القصور اتمنى من الله ان تنال هذه المشاركه اعجابكم واستحسانكم, وبعون الله نبقى ويبقى الزعيم وتبقى هذه المحبه الفريده في حبك ياهلال.
وان شاء الله الأبيات اللي تنال اعجابكم من خلال تفاعلكم المنتظر سوف اكتب لكم القصيده كامله في مشاركه قادمه باذن الله.
شعر أخوكم
ماجد بن سلمان العقيلي
دمتم بزعامه
<< مايعرف يعبّر خخخخخخخخ 
الوضع المتطور
