الادارة * التــائب - نادي الهلال السعودي - شبكة الزعيم

كتلوني نجد · #1 09/02/2009, 11:13 AM

صباح الخير يا زعماء

حاب اتكلم عن وضعنا كجمهور مع ادارة النادي بقيادة رئيس النادي ونائبه الله يحفظهم

بخصوص موضوع الاعبين الاجانب اللي نحسد عليهم ( ما عاد سول )

انا اشوف ان الادارة وهقتنا بلاعبين ولي ورادوي ...وخلتنا نتعلق فيهم كثير

و وهقتنا زياده بلاعب الرائع تيقو نيفس مع اني كنت متوقع استحاله قدومه لدوري المحترفين السعودي ..لاكن ما فيه شي صعب على شبيه الريح ..

آه يا ابو نادين

وش تنتظريا ابو نادين ..العيون كلها مشتاقه لك
تذكرون يا زعماء مباره الهلال والاهلي الوديه ... وديه وديه وديه

كان الجمهور حاضر اكثر من مباريات الدوري نفسها ...والسبب واضح ومعروف

وجود ابو نادين ..

اربع مباريات لعبها التائب بالدوري ...وهي المباريات اللي سجل فيها العنبر سبعه اهداف ... آه يا ابو نادين

عندنا الان ياسر و الفريدي و ويلي ومهاراتهم ولعبهم يحلم فيها اي فريق ..

لاكن الجمهور ربط المتعه بطارق ..

اتمنى من ادارة النادي التجديد من الان لابو نادين واسكات بعض المندسين اللي يسعون لهز الكيان الهلالي .. يبطون..

لان بالنهايه ان متاكد بأذن الله ان التائب راح يكون حاسم بوقت الحصاد وراح يطلب من المنتقدين :

واذا كان التائب موقف بدايه السنه القادمه لا سمح الله .. يجيبون تيقو نيفس ونشوف الفتره الاولى ومدى راحته مع الفريق واستفادة الهلال منه..

لاكن ابو نادين لا يروح ..

كنت اتمنى نقيم حفل اعتزال او وداع كبير لمحبوبي الزامبي ( ليتانا) ..

لاكن ان شاء الله يكون التائب اول محترف بالدوري السعودي يقام له حفل اعتزال ..

وبلأخير واسف على الاطاله لو ادارة النادي ما جددت مع التائب ..انا اشوف اننا لازم نساندها ونحضر مهمها كان لانهم ابخص وقريبين اكثر منا وعارفين الوضع وينفذون طلبات المدرب وهذي هي الادارة المحترفه ..
حنا يجب ان نطالبهم بالبطولات مو نطالبهم بلاعبين ..هذا هو فكر الهلالي المحب للكيان وليس المحب للاعب..
عندنا مواهب بالنادي تحتاج الدعم ...ودعمنا هو الحضور ..

الوعد قدام الوطني وما بعدها ...وصلنا لمراحل الحسم .. مبارياتنا يشوفها الجمهور العربي والروماني فا بيضو الوجه كما هي عادتكم ..

والحمدلله اني مسلم .. وهلالي ..

والسلام عليكم ورحمه الله وبركاته