رحل سامي ورحل يوسف ورحل صالح ورحل تفاريس...... - نادي الهلال السعودي - شبكة الزعيم

أبو نواف 11 · #1 07/02/2009, 04:51 PM

بسم الله الرحمن الرحيم

السلام عليكم ورحمة الله وبركاته

بصراحة أنا أتابع منتدى الجمهور الهلالي بشكل مستمر وأشوف ان الكلام كثر على رحيل طارق

صدقوني ان الادارة تعرف وش تسوي يعني ماتتعاقد مع لاعب او تتعاقد مع مدرب او تبيع لاعب الا وهم دارسين الموضوع صح

ورحيل طارق التايب ماراح يأثر على الهلال
رحل صالح النعيمة واستمر الهلال
رحل يوسف الثنيان واستمر الهلال
رحل سامي الجابر واستمر الهلال
رحل كاماتشو (وكان كل الجمهور معارض رحيله) واستمر الهلال
رحل تفاريس واستمر الهلال

وبعدين طارق التايب راح يكون موقوف الموسم الجاي يعني بالعربي الفصيح الهلا ل مايستفيد من طارق بل العكس طارق المستفيد الأكبر

طارق لو كان يهمه الهلال كان تنازل عن القضيه اللي رفعها ضد فريقة التركي ومايتوقف لان النادي التركي يساومون التايب بعقودهم المزورة

بعدين التايب عمره 33 يعني راحت عليه ونيفيز عمره 23 سنةشوفو فرق العمر

وفي اخر كلامي ابي اقول شي واحد

رحل نواف التمياط وماسويتو هالضجة والتايب سويتو كل هالضجة لااحد يقول لي نواف نزل مستواه ومدري ايش
طارق التايب حقق بطولتين فقط مع الهلال بعكس نواف التمياط

انجازات نواف مع الزعيم

إقتباس


	كأس دوري خادم الحرمين الشريفين بجدة عام 1416هـ. ( الهلال ) كأس الأندية الآسيوية أبطال الكؤوس السابعة بالرياض عام 1417هـ. ( الهلال ) كأس السوبر الآسيوي الثانية عام 1417هـ. ( الهلال ) كأس الأندية الخليجية الـ15 أبطال الدوري بمسقط عام 1418هـ. (الهلال ) كأس دوري خادم الحرمين الشريفين عام 1418هـ. (الهلال ) كأس الأمير فيصل بن فهد عام 1420هـ. ( الهلال ) كأس المؤسس عام 1420هـ. ( الهلال ) كأس الأندية الآسيوية الـ19 أبطال الدوري عام 1420هـ. ( الهلال ) كأس ولي العهد عام 1420هـ. (الهلال ) كأس دورة الصداقة الدولية الرابعة بأبها عام 1421هـ. ( الهلال ) كأس الأندية العربية الـ11 أبطال الكؤوس بالرياض عام 1421هـ. ( الهلال ) كأس السوبر الآسيوية السابعة بالرياض عام 1421هـ. ( الهلال ) كأس النخبة العربية السابعة بسوريا عام 1422هـ. ( الهلال ) كأس الكؤوس الآسيوية الـ12 بالدوحة عام 1422هـ. ( الهلال ) كأس السوبر السعودي المصري بجدة عام 1421هـ. ( الهلال ) كأس دوري خادم الحرمين الشريفين عام 1422هـ. ( الهلال ) كأس ولي العهد عام 1423هـ ( الهلال ). كأس الأمير فيصل بن فهد عام 1425 ه ( الهلال) كأس سمو ولي العهد عام 1426 هـ ( الهلال) كأدس دوري خادم الحرمين الشريفين عام 1426 هـ ( الهلال) كأس الأمير فيصل بن فهد عام 1427 هـ ( الهلال ) كأس سمو ولي العهد عام 1428 هـ ( الهلال) درع الدوري السعودي لعام 1429 هـ

ماشاء الله تبارك الله

شوفو فرق نواف عن التايب
انا مااقارن بين لاعبين في نادينا لكن ابيكم تصحون شوي نواف اعتزل ومر مرور الكرام والتايب عشان يبي يترك الهلال سويتو قضية

جمهووووووووووووووووووووووووووور عاااااااااااااااااااااااااطفي

أبو نواف 11 · #2 08/02/2009, 01:00 AM

معقولة اكثر من 40 مشاهدة ولا فيه ولا واحد يرد

DR-CREATIVE · #3 08/02/2009, 01:11 AM

والله العظيم معك حق المشكله الجماهير صارت تحب التايب اكثر من الهلال
الموسم هذا مالعب الا اربع مباريات

تحياتي

أبو نواف 11 · #4 08/02/2009, 01:17 AM

إقتباس


	والله العظيم معك حق المشكله الجماهير صارت تحب التايب اكثر من الهلال الموسم هذا مالعب الا اربع مباريات تحياتي

مشكوووووووور ع مروووووووورك اخوي

lovealove · #5 08/02/2009, 01:50 AM

كنا نضحك على النصراويين و نقول جمهور ماجد

و الا طلع هنا اطفال عاطفيين و ما همهم الا التايب عشان التسحيبتين او الثلاث تسحيبات اللي يسويها كل مباراه و ما اهمتمو لمصلحة الفريق

الزعيم ثابت و البقيه متحركون

عـجب ياعـجب=هلالي · #6 08/02/2009, 01:56 AM

هذا انت يالزعــيم جيل ورا جيل

غيام. · #7 08/02/2009, 02:00 AM

حنا في وقت قل فيه النجوم

الفريق كله لو تشخله ماتلقى الا ياسر وعزيز والمرشج وهوساوي

والبقيه مين

التايب حمل الفريق على اكتافه العام الماضي

وصنع كل الاهداف الحاسمه

وتسبب في الكم الهائل من الحضور الجماهيري

والحين جاي تلومنا في التايب

بالعربي التايب وبس

لو يروح مين ويجي مين

###(حجلاوي)### · #8 08/02/2009, 02:10 AM

يا خوي واش الموضوع ذا اللي ما اعرف كيف هو جاي

كل اللي راحوا من الهلال نجوم بس طارق غير يالطيب

التايب أفضل محترف لعب في خانة الوسط مر على تاريخ الهلال وحتى على تاريخ الكرة السعودية

اما طارق التايب يروح فهذا شي مرفوض من قبل الجماهير الهلالية

طارق عمره 33 ومستواه احسن من اللي عمره 23

طارق يخلي اللي ما يسجل يسجل حتى العنبر متى شفناه يسجل الا لمن لعب طارق خلفه

أبو نواف 11 · #9 08/02/2009, 02:11 AM

ياناس انتم تشجعووون التايب...؟؟

انتم مشجعين زمنيين بمجرد ذهاب التايب تتختفون

شاكر لكم مروركم

الزعامة نوماس · #10 08/02/2009, 02:12 AM

اتفق معك اخوي ويتفق معنا الكثير الهلال لايتوقف على لاعب معين ..والتايب واحد من اللاعبيين اللي راح يستمر الهلال بوجوده او رحيله .. ولكن المدرب المحترف ماراح يفرط بأحد مصادر قوته وخصوصا اللاعب اللي يصنع الفرق

الضجة اللي صارت بعد التعاقد مع نيفيز هي السبب والشباب صاروا يخمنون من هو بديله .. والموضوع بسيط مرة ومثل ماقلت اخوي الادارة تعرف وش قاعدة تسوي .. وانا اثق في الادارة وفي المدرب ودربهم خضر

تحياتي وتقبل مروري

أبو نواف 11 · #11 08/02/2009, 02:20 AM

إقتباس

الرسالة الأصلية كتبت بواسطة ###(حجلاوي)###


	التايب أفضل محترف لعب في خانة الوسط مر على تاريخ الهلال وحتى على تاريخ الكرة السعودية بعدين خلو سول يروح وجيبوا نيفيز هذا

اما التايب افضل من يوسف...؟
أما التايب افضل من نواف بزمانه...؟

أما التايب افضل من ريفالينو ؟؟؟

بعدين نيفيز برازيلي وسيول اسيوي فتح مخك تكفى

أبو نواف 11 · #12 08/02/2009, 02:24 AM

إقتباس

الرسالة الأصلية كتبت بواسطة الزعامة نوماس


	اتفق معك اخوي ويتفق معنا الكثير الهلال لايتوقف على لاعب معين ..والتايب واحد من اللاعبيين اللي راح يستمر الهلال بوجوده او رحيله .. ولكن المدرب المحترف ماراح يفرط بأحد مصادر قوته وخصوصا اللاعب اللي يصنع الفرق الضجة اللي صارت بعد التعاقد مع نيفيز هي السبب والشباب صاروا يخمنون من هو بديله .. والموضوع بسيط مرة ومثل ماقلت اخوي الادارة تعرف وش قاعدة تسوي .. وانا اثق في الادارة وفي المدرب ودربهم خضر تحياتي وتقبل مروري

ليت كل الناس مثلك

شاكر لك مرورك

همام الليبي · #13 08/02/2009, 02:26 AM

يا اخي..هولاء رحلوا في وقت...ادركوا فية انهم لايستطيعون الاستمرار في لعب الكرة...بينما..الوضع يختلف مع طارق التائب...فهو لايزال قادر علي العطاء...وبالرغم من ان عمرة 33...فهو يلعب افضل بكتير ممن اعمارهم في العشرينات...

عزتي في سمو ذاتي · #14 08/02/2009, 02:27 AM

يااخوي , مااحد ينكر ان الهلال مايوقف على لاعب

عارفين ان سامي رحل , وان يوسف رحل , وان النعيمه رحل , وان تفاريس رحل

لكن وضع طارق التائب يختلف كثيرر , عن وضع البقيه ,

سامي الجابر اعتزل , لو انه موجود للحين , مستحيل نفرط فيه او نرضى اننا نفرط فيه
لأي سبب كان

ونفس الحاله مع ابو يعقوب ,,

والنعيمه

تفاريس كلنا معارضين على روحته , وعارضنا موب لخوفنا على ان الهلال بيتأثر
انا عن نفسي كنت مطمأن ان اسامه هوساوي راح يبدع مع الهلال ,,
لكن انا عارضت لان تفاريس يعشق الهلال , ولاعب وفي ,
والامثله كثيره على عشق ووفاء تفاريس للهلال

,

طارق التائب , احنا الان متصدرين الدوري ولله الحمد بدون طارق
لكن وضع صناعه اللعب في الفريق يرثى لها صراحه ,

الفريدي في الوقت الراهن , صاير يهتم بالتسحيب والتفنن اكثر من صناعه اللعب
وايضا الكرووت العجيبه الغريبه اللي ياخذها على اسباب تفاهه

انا ماانكر ان طارق , يعتبر مثل الفريدي بكثره الكروت , والنرفزه
لكن طارق التائب يااخي من لمسه وحده يقدر ينهي لك المباراه
يعني يفرق عن صناع اللعب كلهم ,

يعني مثلا نيفيز اذا جاء ان شاء الله الموسم الجاي
راح يعاني كثير في حال غياب ياسر القحطاني

لاسمح الله

لان نيفيز يبي من نوعيه ياسر القحطاني معاه في الهجوم
علشان يصنع وهو مرتاح

لكن طارق , صح انه مع ياسر , يبدع
لكن لما غاب ياسر , وجاء العنبر في الهجوم ,,
ماقصّر معه طارق وصنع له هدفين قدام الشباب , وهدف قدام الحزم ,,

يعني ماقصر ولا حسسنا بغياب ياسر ,

وهذي الميزه الموجوده في طارق التائب , عن بقيه صناع اللعب

طارق التائب اذا هو اعتزل ,صح نقدر نقول , ايه والله خلاص ماباليد حيله
اعتزل

لكنه موجود , فـ ليش نفرط بلاعب بحجم وقيمه طارق التائب وهو قادر على العطاء

هذي وجهة نظري في الموضوع

###(حجلاوي)### · #15 08/02/2009, 02:29 AM

يا خوي كل شي الا طارق التايب

لولا الله ثم طارق التايب ما اخذنا العام درع الدوري

فتح مخك يا خوي وتذكر منهو التايب ؟؟؟؟؟؟؟